漁獲浜燒 (已結業)

2000元的晚餐不知道自己吃了什麼。如圖可見，分量還有種類完全感受不到這個價格。味道算正常吧，想體驗可以去。 算是一次失敗的消費，不會再來。 第一次吃到一頓如此驚呆的晚餐

蜜友找到新工，明顯升職加薪，所以邀我慶祝，自己食餐好的賀賀～因此挑了她極愛的店(*^_^*)因為人不少，所以坐了吧台。氣氛還是好好又可近距觀摩下師傅工作哈～來到當然要喝一杯，店裡會給我們挑杯，更帶感。沖繩風沙律$138刺身極多，而且款式也不少，配上沖繩苦瓜與海葡萄風味十足，清爽來又鮮。金目鯛活貝濱燒盛盒$1226來這店怎可以不食濱燒～金目鯛說明有兩食，期待。刺身既軟實，口感又爽，配上酸汁一點都不膩。只覺鮮甜～之後就是北寄貝，超爽口，用海藻配來濱燒更突出鮮甜味。湯水要喝不然浪費精華！再來是文甲蜆，一樣，肉質很鮮很彈牙。也是鮮甜湯汁吃完翻尋味。再來是飽魚濱燒$196很大份，肉質很爽彈不會硬身，口感很好。而且不用怎加調味，光海鮮本身鮮味已夠惹味了。之後是扇貝，有清酒及牛油味。清酒味是清香的，牛油味則是香濃惹味。扇貝肉也是相當鮮甜，燒得很入味又不會令肉質失嫩，正！炸金目鯛魚頭，很香脆用來配酒下菜一流～最後是甜品，朱古力窩夫$72 & 日式千層蛋捲$48日式風味的甜品不會過甜膩，又有點香口，飯後吃超開心～真的很喜歡這間，有什麼特別日子一定會再來！

約了朋友晚膳，到了銅鑼灣的漁獲浜燒，一到店內就感覺像置身於日本的居酒屋，真的很懷念日本呢！晚餐的食物有朋友發板，而這裡的職員介紹了一些食第，最後朋友點了兩個套餐，一個是刺身盛合五款，令一款是波士頓龍蝦活貝浜燒盛合，兩款都是我的至愛呢！職員先拿了波士頓龍蝦活貝浜燒成盒的材料來給我們拍照，果然現在大部份的人都是相機先吃呢！龍蝦比想像中大，而貝殼類的料料還活生生的！拍好照後職員便為我們準備燒那些食材。然後另一邊可以看到師傅的刀功為我們準備刺身盛合，刀法快而準般就已經將五款的刺身送上。吃完刺身剛好浜燒就上到，第一款吃的是北寄貝，有些少湯在貝殼內，北寄貝味道很鮮！活文蛤的海水味很重，到現在也很回味帆立貝煮成兩款口味，一款是清酒煮，另一款是牛油煮，喜歡味道清一點的話就可以選清酒；喜歡濃一點就選擇牛油。波士頓龍蝦浜燒比我以往吃燒烤的真的好吃很多，龍蝦肉不會燒到太乾，而且亦很彈牙爽口。這一餐晚飯真的回味無窮！

同老婆結婚周年，咁大件事梗係要搵間好嘅餐廳好好慶祝一下啦！老婆同我都減緊肥，所以食燒海鮮就最好不過啦！銅鑼灣食燒海鮮都有唔少嘅選擇，最後揀咗呢間因為地點方便、睇OpenRice都幾多好評，一於book位啦！啲海鮮好新鮮，切完拼盤之後啲鮑魚都仲係生勾勾郁吓郁吓係你面前另外店員都好識做，佢會砌靚靚個拼盤然後問你使唔使影相，啱晒相機食先嘅朋友們另外我鍾意佢嘅地方係，啲店員好落力！嗰一晚負責幫我哋燒海鮮嘅店員一個人同時間要負責燒兩枱客（連埋我哋都有成七至八個客人架），但係佢做嘢又好快手，又唔會燒燶海鮮，認真專業！

又約朋友到漁獲浜燒，因為每次來都有日本居酒屋的感覺。今次坐吧枱，望住師傅處理食材都舒適。我們叫了黑松露平目魚邊沙律，沙律菜很新鮮，加上隻燒過的平目魚邊，十分肥美，魚油甘香逼人，再加上黑松露獨有香氣，整個沙律也很豐富清新。店員推介是日精選有赤鯥魚，便升級叫了赤鯥魚活貝浜燒盛合。店員先展示赤鯥魚和其他貝類食材，再進行處理。原條赤鯥魚切出來挺多，賣相很吸引，而且很新鮮。赤鯥魚有微微炙燒過，魚皮位置更有風味，而魚肉軟身得來有嚼口，點了薑蓉酸汁很惹味，很好食！我們點了枝細清酒，店員介紹月之玉響，甜甜的易入口，有點像蜜瓜香甜味，跟刺身很配搭。貝類方面有扇貝、文蛤和北寄貝。文蛤和北寄貝較類似，浜燒後鮮味更突出，連湯汁也鮮甜得很。而扇貝分別以牛油和清酒煮。牛油煮的更有風味，充滿牛油香，十分惹味，而且啖啖肉。而清酒煮就更可以突顯扇貝本身的鮮味，加重食材本身的鮮甜味。接著，原來剛才的赤鯥魚魚頭和魚骨都會拿去炸成小食。簡單擠上檸檬，已經很香口鬆脆，炸得金黃，連骨頭也可輕易咬碎，是很好的佐酒小食！最後叫了兩款雪葩，芒果雪葩偏向sorbet貿感，較輕型，酸酸甜甜；而椰子雪葩則較creamy, 椰香味重，各有千秋

呢間餐廳講咗差不多大半年，終於都可以嚟試吓！今次專登揀坐喺Bat枱位置，可以睇住師傅一邊切各種嘅刺身一邊食，真係食得開胃D！今次就回咗兩樣嘢食，包括波士頓龍蝦活貝浜燒盛合同埋刺身盛合五款。另外再點咗兩杯嘢飲包括乳酸梳打同西柚梳打。點完個波士頓龍蝦活貝浜燒盛合後，我就問問職員可唔可以拎咗未燒嘅海鮮嚟影張相，淨係影相睇到都已經令到食慾大增！然後喺等緊浜燒嘅海鮮時，就睇住師傅喺到整緊我哋嘅刺身盛合五款，師傅真係好犀利，幾下刀就已經好快嘅整好！呢五款刺身包括有牡丹蝦、吞拿魚、油甘魚、三文魚同埋馬糞海膽，每樣刺身都好鮮味，而我最愛就係馬糞海膽。而浜燒海鮮就包括有波士頓龍蝦、活帆立貝、活文蛤、活北寄貝。之前未煮影緊相嘅時候，貝類真係見到個口仲開開合合，真係夠晒新鮮。最先上到嘅北寄貝，用咗清酒+海帶嚟煮，淨係飲個湯已經覺得好鮮味，而北寄貝煮到極之爽口彈牙，真係超好味！而帆立貝兩味，一隻清酒煮；另一隻牛油燒，各有特色，如果鍾意食濃味嘢嘅人，可能會鍾意牛油燒。其實每樣海鮮都好好味，真係食到唔捨得走！

今日同朋友慶祝生日，特意約了間日本餐廳，可以幻想下大家去了日本旅行。一入餐廳便聞到好香的炭燒味。赤鯥魚活貝浜燒盛盒 | $1628活北寄貝加入了清酒煮，北寄貝剪成條狀，湯鮮甜帶些少酒味，湯內有昆布。活文蛤蜆肉大隻飽滿，鮮甜不帶海水味。一人有兩隻，好滿足。活帆立貝餐廳整成兩款口味，清酒及牛油，帆立貝一開四可與朋友品賞到不同的口味。清酒🍶顯出帆立貝的鮮甜，牛油燒味道較香濃，各有特色。赤鯥魚刺身加了$588 把龍蝦升級成北海道赤鯥魚，魚皮燒過，魚肉質地軟綿，有點似吞拿魚，有些魚油香味。配搭的酸汁可以自行加入蔥及蘿蔔蓉，不過酸汁太濃，把魚肉味覆蓋掉，還是加芥末好。味噌蟹甲羅燒(配多士)| 原隻$88加了鵪鶉蛋，味道調配得好香。多士比較韌，再脆點會更加正。白鱔 浜燒 | $148一客六塊的關西風燒白鱔，白鱔十分厚身，超級肥美。白鱔的皮燒得香脆，未食過這麼脆的。巨峰梳打 | $38椰子雪葩 | $68比較像雪糕，口感綿綿，椰子味濃。餐廳的燒烤爐在餐廳中間，冷氣開得很大去平衡溫度，環境比較凍。

疫情關係無得出遊，好掛住日本嘅海鮮，朋友介紹話呢間魚獲浜燒新鮮好好食，咁真係要去試下。收工約埋朋友銅鑼灣等，一上到去已經聞到好香燒海鮮味，即刻食指大動。我地點左赤鯥魚活貝浜燒盛盒，盛盒包括：赤活魚係產自北海道深海魚，肉質鮮甜，魚骨魚頭可炸作2食，炸得非常脆，連骨都食埋燒活帆立貝，可用牛油燒及清酒燒，大大粒肉厚肥美，2種燒法都好好味，活文蛤好新鮮，帶有淡淡海水味，最後活北寄貝同樣肥美鮮甜，大廚將佢切粒再加海帶烹調，湯帶有海帶及鮮味，可多飲。味噌蟹甲羅燒配多士：蟹甲羅燒混有蟹肉，點多士食，好juicy 同creamy, 大啖大啖食，蟹膏蟹肉滿口，非常有滿足感。白鱔浜燒：肉厚肥美燒到脆卜卜，真係食到停唔到口。最後食埋個甜品椰子雪芭，朋友叫蘋果雪芭，充滿椰子香味，估唔到甜品同樣出色。總括：食物一流，員工服務出色，一定會再幫襯。

銅鑼灣sogo旁嘅漁獲浜燒永遠都唔會令我失望，每次食水準都非常高。去個時720ml清酒買一送一優惠，怕飲唔哂餐廳可以幫手儲存。經理幫我地揀左呢款鈴鹿川純米大吟釀，建議我哋係室溫放一段時間先好飲，因為個味會出好多，聞落有淡淡哈密瓜香氣，入口醇滑有少少甜味，好岩女仔飲。螢光魷魚鹽辛味道鹹鹹地，肉質有彈性，雖然咬落未至於有爆膏嘅口感，但係好鮮美。唐揚一口芝士熱辣辣，咬開後係滿滿嘅芝士，外表炸漿香脆可口，食落唔油膩。特製黑松露炙燒平目魚邊沙律沙律非常清新開胃，炙燒過嘅平目魚邊滿滿嘅魚油香，混合黑松露嘅香氣令人食指大動，配上洋蔥絲中和番個味蕾，牛油果增加飽肚感。金目錭活貝浜燒組合原本個set係波士頓龍蝦，我地加錢將龍蝦升級左做金目錭，所有海鮮都係肉眼可見嘅新鮮，睇過冇問題之後，魚就拎左入廚房切做刺身，貝類就係我哋面前燒。金目錭刺身厚切後魚肉好肥美，肉質細膩，網絡非常有光澤，魚嘅味道較淡，可以配芥末豉油，或者配加上薑蓉、辣蘿蔔蓉、葱粒嘅酸汁，更加有風味。文蛤、北寄貝北寄貝非常厚肉彈牙，味道鮮甜，我先試左北寄貝，以至於影響左文蛤嘅味道，文蛤肉質都肥美清甜。帆立貝可以選擇清酒/牛油燒，反正有兩隻就每款

今天去了一間不起眼的樓上鋪，地方不算寬敞，佈置簡單。先點了兩杯酒：柚子梅酒，梅子味香濃而梅子檸檬，甜甜酸酸。再來碟細芝麻鹽醬椰菜，香滑的芝麻醬汁灑在椰菜上很惹味又爽脆。然後決定食兩款套餐： 刺身盛合六款及波士頓龍蝦活具濱燒盛合。刺身：1）帆立貝大粒有黏著舌頭的鮮甜嫩滑感覺；2）三文魚肉質細嫩，油份豐富，香味濃郁，鮮甜美味；3）赤貝肉質爽脆，味道鮮甜 濃郁，有著獨特的海洋鮮味；4）吞拿魚腩佈滿魚油花紋，入口即化，油香四溢鮮甜無比，全不油膩；5）油甘魚，味道甘甜，有著魚油香氣，爽滑有咬感；6）赤鯥魚，肉質鮮甜無比，爽脆彈牙。波士頓龍蝦活貝浜燒盛合：燒波士頓龍蝦，肉質鲜甜嫩滑，保留水份，好彈牙有嚼感；有三款燒貝類：燒得光熟沒有流失其鮮味，汁亦多。活北寄貝肉質肥厚味鲜甜，有嚼感；活文蛤鮮甜彈牙，有嚼勁；燒平貝用牛油烹調而不失其鲜味，確實嫩滑惹味。甜品兩味：朱古力窩夫，內有雪糕， 口感豐富；日式千層蛋捲，用蛋捲包著忌廉及雪糕，冰凍凍很香滑，就這樣結朿了這頓悠閒的晚膳。

老朋友知我好海鮮特意安排了這場魚獲濱燒，一間佈置簡約的樓上鋪入座後先點了飲品，京姬柚子梅酒及京姬柚子檸檬酒，一杯梅香濃，一杯檸檬氣清，味道各有千秋细芝麻鹽醬椰菜作餐前開胃小食，酸香爽脆四感 一一俱全第二道刺身盛合六款有鮮甜帆立貝(後左）， 軟滑三文魚（後中），爽口赤貝（後右），甘香油份重吞拿腩（前右），清爽鮮嫩油甘魚（前中）及有咬口赤鯥魚（前左）令不太好刺身的我亦得不起筷主菜波士頓龍蝦活貝濱燒盛合文蛤，北寄貝，原來北寄貝轉巨大平貝，隻隻活海鮮即時在枱邊爐燒，即熟即上，熱氣騰騰，好有風味，原全不用調味已經十分可口，貝蚌類的嚼感，彈牙的龍蝦肉，值得回味甜品朱古力窩夫，日式千層蛋捲， 兩款都甜得恰當，窩夫鬆輭有朱古力香，千層蛋捲冷凍後更有口感真是一頓另類的海鮮食宴

嚟到冇理由唔叫嘅漁獲浜燒盛合水準依舊，雖然餐廳滿座，店員都跟得好足，定時返嚟睇住啲海鮮，燒得啱啱好。平時升級比較多，第一次食盛合內嘅虎蝦，原來都唔差喎。 好多時去中高價位嘅餐廳食大蝦都未必食到新鮮，估唔到呢隻有成半個手掌咁大嘅虎蝦，成隻都咁彈牙鮮甜。帆立貝同鮑魚一樣大隻又爽口，日本蠔夠creamy飽滿，樣樣都好滿意。唐揚炸雞雖然唔算好有驚喜，但係居然食到喺日本壽司舖嘅炸雞味道，配埋蔥粒、京蔥絲同沙律醬，幾有誠意。未夠飽叫多個生燒鰻魚飯，居然成為全晚數一數二最愛嘅菜式。 鰻魚熱辣辣新鮮燒起，絕對唔係求其整熱來貨就當係，真係同日本食到嘅生燒鰻魚飯有過之而無不及。 平時食到嘅飯多數求其加塊醃蘿蔔，呢度用嘅係蓮藕漬，足見師傅嘅心思。食過咁多款雪葩甜品，始終都係對番薯雪糕情有獨鍾。 雪糕有勁濃嘅天然番薯味，每一啖都好似食緊冰凍棉密嘅番薯咁，唔挖埋最後一啖都唔會收手。

疫情下，冇得去旅行，我與閨蜜間中都一起清年假，周圍發掘美食代替旅行。佢訂咗呢間「漁獲浜燒」，店內裝飾頗有心思，置身其中頗有日本的居酒屋氣氛感🏮，而且間格亦增加私穩度。一坐低，每人一杯 巨峰梳打🍇 （$38 x 2），大大杯，香甜清新，十分冰凍解喝。🦞波士頓龍蝦活貝浜燒盛合$1038店員介紹這個很豐盛的浜燒盛合，內有活波士頓龍蝦🦞、帆立貝2隻、北寄貝2隻，文蛤2隻。點了浜燒後，店員會為客人在旁邊即場將食物燒烤，可以第一時間吃到即燒海鮮，十分美味。▫️重頭戲出場，龍蝦膏很甘香，食到我哋舔舔脷😆，肉質十分彈牙，很鮮甜的原味道。▫️ 帆立貝：選了清酒及牛油兩種做法，清酒煮帆立貝把本身的鮮甜帶出，十分原汁原味；牛油煮帆立貝味道較香濃，各有風味。▫️北寄貝及文蛤：肉質十分爽口，還帶有海水的鮮味。🦐刺身盛合五款 $428擺盆十分精緻美麗，裡面有海膽、拖羅、牡丹蝦、三文魚、油甘魚；刺身好新鮮，甜度亦足。我最鍾意就係那巨大的牡丹蝦，蝦肉十分鮮甜爽口，令人回味。🦀蟹肉黃金海膽炒飯$198金黃色嘅海膽炒飯，貴氣十足，用上日本北海道海膽，入口即溶，鮮中帶甜；炒飯炒得很甘香。🥥椰子雪葩$68，日式千層蛋卷🍰 $48

掛住日本居酒屋，銅鑼灣有間食日式燒燒都好好食的。 好有居酒屋 feel. 蒜片燒牛舌用最中心最嫩滑嘅部位燒。算厚切， 好淋！ 火焰日本和牛手卷非常juicy, 油香四溢， 好香好香。灸燒比目魚邊手卷漁獲浜燒盛合新鮮即開帆立貝> 2 款味》 清酒味、牛油味已去除橙色肚肚內臟， 清酒～ 清甜我鍾意牛油味非常香口。鮑魚 原味或加柚子鹽 (多一份柚子清新感覺） 蠔 🦪 very juicy 脹卜卜的 最後加個和牛窩飯有飯焦，非常香口，和牛入口即溶果味汽水巨峰味、西柚味$38

同朋友一齊喺銅鑼灣，佢話想去居酒屋🏮食好嘢，要我帶佢去一間有質素嘅，咁我腦袋急轉一下，就決定帶佢嚟呢間喺樓上嘅海鮮🐟🐠🦐🦞居酒屋🏮- $258嘅「一酌一景300ML」: 嚟自京都嘅 大吟醸 口感柔和清純，有 subtle 嘅米香同蘋果香味，清新雅潔，配海鮮好夾😋；呢度仲可以自己揀清酒杯🍶- $78嘅「水菜沙律」：簡單美味，開胃清新😋- $428嘅「刺身盛合5款」：有海膽、拖羅、三文魚、油甘魚、牡丹蝦，全部都超新鮮，充滿 umami 😋；其中來自北海道根室嘅 雲丹 好 creamy 又有淡淡嘅海水味，超級正😋（根室 係日本🇯🇵其中一個出海膽 最出名嘅地方）；拖羅 亦都非常出色，充滿油脂甘香😋；牡丹蝦 極鮮甜😋- $1038嘅「波士頓龍蝦活貝浜燒盛合」：未燒之前，店員將龍蝦🦞同海鮮攞上枱俾我哋睇吓同打卡😆；嗰隻波士頓🇺🇸龍蝦🦞眼仔碌碌仲郁緊，超新鮮，要食咗佢當時心裏邊閃過一絲內疚感，好彩呢度唔係響我面前燒🤗。燒龍蝦🦞肉質結實，令 umami 更集中，超好食😋；帆立貝有兩隻，一隻牛油燒一隻清酒燒，都好味：牛油燒有甜香，清酒燒比較食到原味😋，不可不提帆立貝嘅裙邊，爽口有少少彈牙又惹味，送 sa