漁火海鮮刺身火鍋

营业中

休息中

約咗朋友出嚟晚飯聚舊， 想靜靜地傾吓偈但又想打邊爐， 揀咗一間比較質素較高又唔係任食嘅火鍋店。餐廳主攻 比較高级嘅火鍋配料，海鮮， 刺身魚生等等。先來調教好自己喜歡嘅醬料， 最後加上白芝麻和麻油超正！揀咗《胡椒豬肚湯》併《蕃茄薯仔粟米湯》。 胡椒豬肚湯，奶白色嘅湯底濃郁， 充滿胡椒嘅辛辣， 相當惹味。 湯裏亦有頗多豬肚，蘿蔔，雜菇， 非常足料夠誠意！油甘魚腩魚味較清， 肉質細嫩結實， 魚油唔重但係都有回甘嘅甜味， 師傅切嘅厚度啱啱好， 口感一流。美國頂級桶蠔目測有六隻大大嘅桶蠔， 肥美飽滿， 蠔味濃， 放在胡椒豬肚湯裏更能凸顯其鮮味！水庫魚頭喜歡吃魚頭的朋友通常 在吃火鍋時候都會點選， 唯獨每次都比較细件多骨。 但今晚這道水庫魚頭非常新鮮， 唔腥， 大大個魚頭肉很多， 我們都吃到相當滿足！手切本地牛頸脊份量一啲都唔精品， 色澤鮮明，且絕對係手切，因為每塊大細也不一樣，厚薄亦有少少差別。 牛味夠濃， 肉質嫩滑， 同時間嚼到少許筋腱同牛脂， 滋味無窮，牛迷絕不能錯過。嫩綠嘅油麥菜， 洗切得非常乾淨。餐廳嘅座很舒適，尤其是卡座， 椅背設計得較為高， 夠私隱，坐低後見唔到其他卡座嘅人。

漁火海鮮刺身火鍋地點好方便，港鐵銅鑼灣站C出口對面就係。湯底好吸引，有龍皇海鮮湯、花膠雞翅、花膠響螺燉豬展......等炸魚皮、椒鹽九肚魚，呢道菜好考功夫，九肚魚既肉質滑嫩，煮個時稍一用力啲，魚肉就散會哂。呢到煮得好好，keep到滑嫩之餘同時乾身酥脆，魚肉鮮香！新鮮本地龍蝦🦞， 肉身鮮嫩口，龍🦐肉味重且肉質口感嫩滑，超滿足！只需烚2-3 分中就岩岩好，食落肉質結實爽脆，夠嚼勁！手打墨魚丸🦐丸，一碟8大粒，餡料足，大大粒，完美吸收花湯底既精華。咬勁十足，又脆又多汁。

即開法國白珍珠生蠔HK $48隻，少少海水味，蠔味濃，口感清爽甜美，不錯。椒鹽九肚魚HK$98，好睇師傅功力，呢到炸得幾好，九肚魚肉新鮮，好似豆腐咁軟同嫩滑，入口即溶，啲細骨炸到脆卜卜，可以食埋，外酥內嫩，口感奇妙！湯底 我地今次就食花膠響螺燉豬展 HK$198！火鍋好唔好食，首先要睇佢湯底，只可以話湯底比住家湯仲好飲。爽彈脆鯇片HK$68，好新鮮，真係同名一樣，爽口脆彈！呢到有新鮮牛胸爽HK$98，好少肉反而有一大片白色既野，唔係脂肪，似好薄好薄既軟骨，入口出奇地爽口，口感好特別！招牌雲吞王HK$88，真係好大粒，粒粒雲吞都脹卜卜，大舊鮮甜豬肉大隻爽口蝦，好足料。自家竹蔗茅根HK$58，打邊爐一定飲，健康清熱又解渴，甜度適中，味道剛剛好。

今晚和朋友慶祝生日，朋友揀咗銅鑼灣京都廣場樓上嘅《漁火海鮮刺身火鍋》， 地鐵站出行過對面馬路，非常方便就近。餐廳裝潢簡約平實， 主攻生猛海鮮，刺身，火鍋靚料。 皇牌梗係唔少得生猛龍蝦～九宮格調味醬料， 自己調配適合嘅口味～餐廳提供多款滋補養生鍋底， 雙拼就最完美可以試兩款湯底。 《胡椒豬肚湯》拼《蕃茄薯仔粟米湯》， 蕃茄薯仔粟米非常清甜， 有天然嘅蕃茄酸，冇多餘嘅味精加重味道。 裏面勁多料，什有住家feel 的湯底 手切本地牛頸脊極品火鍋怎能缺少靚牛肉呢。 手切牛看似粗糙，食落質感柔軟， 油花和肉味兼備， 回味之極。 配上點選嘅稻庭烏冬， 更加係錦上添花！牛骨髓好耐冇食牛骨髓， 唔係咁容易買到嘅火鍋料。 牛骨髓份量足，夠租， 冇雪味腥味， 軟綿綿的又吸汤，美味！自家韮菜餃脹卜卜嘅餡料， 有韭菜香， 豬肉餡偏瘦， 唔會好肥， 健康嘅餃子。滑滑的稻庭烏冬， 放湯一流。 仲有三個，放汤后一兩分鐘就可以， 雖然飽飽但都可以一人食一個。😋美國桶蠔桶蠔肥美鮮甜， 大大隻渌完都唔會縮水， 好夠份量。火鍋店食物質素唔錯， 價錢中等用料上乘， 值得一試!

漁火海鮮刺身火鍋地點好方便，港鐵銅鑼灣站C出口對面就係。湯底好吸引，有龍皇海鮮湯、花膠雞翅、花膠響螺燉豬展......等炸魚皮、椒鹽九肚魚，呢道菜好考功夫，九肚魚既肉質滑嫩，煮個時稍一用力啲，魚肉就散會哂。呢到煮得好好，keep到滑嫩之餘同時乾身酥脆，魚肉鮮香！新鮮本地龍蝦🦞， 肉身鮮嫩口，龍🦐肉味重且肉質口感嫩滑，超滿足！只需烚2-3 分中就岩岩好，食落肉質結實爽脆，夠嚼勁！手打墨魚丸🦐丸，一碟8大粒，餡料足，大大粒，完美吸收花湯底既精華。咬勁十足，又脆又多汁。

漁火海鮮刺身火鍋係銅鑼灣駱克道既京都廣場，地點好方便。佢既湯底好吸引，我地今次就揀左花海蝦花甲湯，湯底好正好好飲。手切本地鮮牛頸脊 $248（大），呢排火鍋好鍾意點牛頸脊，聽說佢係牛活動量較多既部位，所以肉質相對結實，脂肪唔多，肉味又較香濃同時肉質爽脆，有咬口！自家打造蝦丸拼墨魚丸， 爽彈、嚼勁一流，有鮮味，一口咬落去，成口肉汁精華。尤其是蝦丸，蝦味很重很鮮甜。炸魚皮、鮮魷魚、牛柏葉，都非常新鮮，而且好大碟份量很多。還竟然有本地龍蝦 $328， 超級新鮮， 爽口。好正！

突然好想打邊爐，揀左銅鑼灣既漁火海鮮刺身火鍋，地點方便。佢主打新鮮海鮮及刺身，本身今日一心打邊爐，但都點左兩隻即開生蠔試試，法國白珍珠生蠔雖然唔算大隻，但夠哂鮮甜。有好多款招牌名貴特色湯底揀，我地就揀左花膠響螺燉豬展。上枱滚開左個刻已經聞到好香，湯底清甜，仲有豬展、雞腳一齊煮，味道更濃！為左個湯，專登點左冰凍豆腐，可以吸哂啲湯食。打邊爐必食當然有牛、牛同牛！呢到既手切本地鮮牛頸脊，份量大，肉質鮮紅色好新鮮，口感鮮嫩爽滑，好食！呢到有新鮮牛胸爽，好多人以為牛胸爽白色一大片既脂肪，其實唔係，佢係胸腔肋骨中間既軟骨位，食落非常爽口，口感完全不一樣！另外仲有白滑鮮鱔片，魚味鮮甜又脆口又滑溜，一啲腥味都冇。

我地就揀左花膠響螺燉豬展。睇湯名就知好滋陰養顏，最啱女仔，湯底鮮甜又足料，好多花膠，仲有雞腳、蟲草花、龍眼肉等，材料好豐富，嘆到足料靚湯！可以先飲湯後打邊爐，唔好浪費左老火靚湯，我飲左兩碗湯先開始打邊爐！爽彈脆鯇片好新鮮，只需烚三至五秒就岩岩好，食落肉質結實爽脆，夠嚼勁！白滑鮮鱔片同樣爽滑鮮脆，魚味鮮甜！招牌雲吞王，絕對唔係雲吞仔，雲吞中發現原隻大蝦，爽口鮮甜，皮薄餡靚！潮式手打牛筋丸，帶少許嫩筋，口感爽脆，有嚼勁。另外仲有點左生筋、豆苗、冰凍豆腐、雞脾菇等。熟食就點左椒鹽九肚魚，不錯！九肚魚好難煮，通常都出街食。夾椒鹽九肚魚時要溫柔啲，一粗魯用力就會整散，咬落會感覺到表皮卜卜脆，特別酥香，唔會腥。

放左工，咁有朋友仔叫我試下依一間咁我就去試下。入到去環境都幾好，職員服務態度都好好佢會推介你食咩，比意見你，而家上料都好快咁我地就決定左叫依個花膠響螺燉豬展，咁佢黎到都要煲滾先可以飲既個場飲落好夠味，但花膠有D彈牙，唔知係咪因為未煲得太淋，不過都好食既。我自己都飲左3碗，咁你飲哂之後個職員就幫你加湯底，咁你叫左既火鍋配料就可以放落去咁我打邊爐就一定要叫墨魚滑同蝦滑，依間既墨魚滑同蝦滑真係好好食真係落足料，口感好豐富而且好彈牙，真係好好食。咁叫左依個窩荀，佢食落都幾好，但冇特別響玲又係我打邊爐必叫既食物，佢係即場炸完再拎出黎比你，所以你放1秒落湯底就可以拎上黎，好脆好好食。依個係黑豚腩肉，佢d肉我想講又係好食，雖然切到好薄，但1d都唔影響佢既韌度依個係什錦刺身，但我覺得依個冇咁好食，食落唔新鮮，佢有落檸檬令到味道帶出多d鮮味但我覺得都係唔得，依個真係好普通

位於銅鑼灣京都廣場的漁火，主打名貴海鮮刺身，種類選擇都幾多，今次就豪食下先。我地簡左花膠響螺豬骨湯，非常足料。花膠響螺都幾大舊，味道好濃郁，我飲左幾碗先開始打邊爐。仲點了刺身拼盤，好新鮮。泰式山蝦 手切頂級prime牛肉牛味極濃，果然頂級。還有大大隻原隻龍蝦，蝦頭爆曬膏，鮮甜又彈牙，仲啖啖肉添。另外，仲點了龍躉同較少見既新鮮九肚魚，我比較喜歡九肚魚因為夠滑溜。連醬油都好多款式而環境唔錯，四人卡位夠寬敞，所以都坐得好舒服。

舊同學從美國來港公幹，難得有時間可以見下面食餐飯，當然要找間高級又好味的食店招呼他，訂了銅鑼灣京都廣場的漁火海鮮刺身火鍋，每天都有不同國家的新鮮海鮮和刺身運到，經OP訂位重有85折。花膠響螺燉豬展：滋補湯水，有蟲草花、花膠、響螺、雞腳等，湯好香甜，花膠滑蟲草花爽。泰式生蝦，刺身新鮮，用冰底墊住，保持冰凍，味道鮮美又爽口。蘇格蘭蟶子皇好新鮮，肉嫩而肥，色白味鮮，更重要的是爽口。肥水大花甲同樣新鮮，花甲肉飽滿又鮮甜，鮮味十足。雪白鮮鱔片，用上大條白鱔才可起出這麼大片的白鱔片，雪白晶瑩，爽滑鮮嫩。自家竹蔗茅根，味道清甜，有助潤燥止咳。茅根有清熱、利水、袪濕的功效，馬蹄則能清熱生津，故此乃四季皆宜的飲品。功效：潤燥止渴、利水袪濕。

行完美食展，同朋友一齊去銅鑼灣食火鍋。火鍋成日都食，所以想搵間特別d。見到銅鑼灣京都廣場漁火，提供很多坊間少見的特色高級海鮮，決定慰勞自己，食好D。而且宜家經openrice book枱，還有85折優惠。好多海鮮刺身選擇，選擇困難下就選了刺身拼盤，樣樣都試試。而泰式生蝦好大隻好新鮮，肉質好爽彈。湯底方面，很多特色選擇，最後選擇滋補的花膠響螺豬肉湯，好非常鮮甜，打邊爐前先飲湯暖胃。手切頂級Prime牛肉是必點，份量多，牛肉味濃郁，岩曬牛魔王。原隻龍蝦超大隻，蝦頭爆曬甘香的蝦膏，好正啊。新鮮九肚魚🐟非常滑，平日打邊爐比較少食呢款魚。餐廳位置超方便，座位舒服，好適合一班朋友聚會吹水。

同女兒去銅鑼灣祟光買嘢，之後去左駱克道漁火海鮮刺身火鍋食晚餐，女兒喜歡漁火的火鍋配料好新鮮，上OPENRlCE網訂位重有八五折，我之前都食過，食物的確高質又新鮮。店內多以梳化為座位，坐得比較舒適，地方也很整潔。混醬醬料齊備又整潔湯底有多款選擇，女兒選了花膠響螺燉豬展：材料有花膠、響螺、雞腳、龍眼肉、紅棗、蟲草花、乾瑤柱等，十分足料，香氣四溢，立即飲返碗，濃濃的湯夠曬火喉，鮮甜美味又滋補。美國頂級桶蠔：桶蠔用上頂級品質，大大隻好新鮮，清洗得好乾淨，蠔肉飽滿冇腥味，鮮味十足。極品黑豚腩肉：份量不少，黑豚是薄切，只需輕輕灼一灼就食得，肉質鮮嫩，肉味比普通豬肉較香濃。花枝片：用新鮮的大隻墨魚片出的花枝片，片片厚薄大小相若，不需灼太耐，口感軟彈。

跟同事們想食新鮮海鮮, 但去西貢唔近地鐵, 交通唔方便~ 於是就想起海鮮火鍋, 同事係網上搵到間似乎唔錯既火鍋店, 一望先知原來早幾個月我都幫襯過。但上次人少就冇叫海鮮, 今晚終有機會試試!經openrice book位有85折優惠, 即時感覺抵食好多!餐廳內面積不大, 但勝在企理, 醬油每位HK$15呢度有多款養身湯底, 我地就揀左【胡椒白果豬肚煲】HK$98上檯時已經聞到陣陣胡椒香, 有唔少好爽既豬肚, 湯底味道有很重胡椒味, 辣辣地~【手切本地牛邊位】HK$238肉質特點不是sell嫩滑, 而是有微爽軟根位, 唔會太韌又有些少口感 【珊湖蚌】HK$138稍為焯至卷起, 入口極爽脆, 邊位沒有變黑, 新鮮!【肥水大花甲】HK$98比起匙羹還要大的花甲, 價錢非時令價, 好抵食! 老闆娘提示落鍋後蜆一打開就要即食, 免得影響口感, 味道鮮甜無比! 最緊要冇沙!!【脆鯇片】HK$68本身想order脆鯇腩, 但當晚缺貨, 唯有轉脆鯇片, 脆鯇片賣落幾新鮮, 有少少既魚皮連住, 魚皮位好爽, 當然脆鯇片不比腩位爽, 但總算有鮮魚味唔腥~ 【雲吞王】HK$88記得上次幫襯有order雲吞王

琴晚去了銅鑼灣接朋友收工，之後大家就去漁火打邊爐；幸好一早已經訂左位，所以直接可以進入。環境方面，地方比較細小；但有很多CAR位可以座，也坐得很舒適～花膠響螺燉豬展：湯底帶有極濃郁既胡椒味，所以味道帶點辣；豬展大片，口感不會太硬；個人覺得湯底極惹味，不仿在焯配料前先飲飲！肥水大花甲：一共有六大隻，職員提醒大花甲在焯時打開便可食用；大花甲味道極為鮮甜，焯後SIZE刀吾會縮得太小，十分推介比大家食用。爽脆珊瑚蚌：焯後珊瑚蚌口感很爽口，味道同樣地帶鮮味；可配合醬油一齊食用，又是一道值得推介比大家食用。爽彈脆鯇片：脆鯇片焯後口感又是很爽口，魚骨不算太多，但比較密集；味道帶鮮味。雪白鮮鱔片：鱔片沒有帶泥味，但是魚骨會比鯇片較多，需要小心食用；鱔片色澤鮮明，可知道是新鮮即切啊！招牌雲吞王：雲吞王果然比正常好大粒，入面包有爽口鮮蝦和鮮豬肉；味道帶少少咸味；皮夠薄夠滑。