漁火海鮮刺身火鍋

营业中

休息中

今日同朋友去打邊爐見到呢一間嘅燉湯好出名所以我都放棄左我最愛嘅麻辣叫咗一個菜乾白肺豬骨湯呢一個湯非常之清甜而且入面真係有好多豬肺食得出啲味精都冇好清潤 我哋起碼飲咗半煲先開始打邊爐 除咗湯底啲配料都好高質呢度嘅手切牛肉脂肪嘅分布好靚入口即溶極品牛舌心 口感一流厚薄亦都適中桂花蚌唔係到到都有得食呢個係食得出好新鮮豬仔午餐肉 呢一個牌子嘅午餐肉最適合打邊爐漁火特色四色丸有櫻花蝦蝦丸 手打墨魚丸 手打牛丸同埋手打豬肉丸我最鍾意就係櫻花蝦蝦丸 煲咗好耐啲櫻花蝦都仲有好多喺面 而且因為有櫻花蝦個口感好特別仲有一個鮮鵝腸 而家好少地方有真正嘅鵝腸而且油脂好充足自家製韭菜餃入面有好多料 韭菜亦都好香最後食埋個稻庭烏冬結束今晚嘅晚餐真係非常之滿足

今日為大家介紹嘅餐廳就係位於銅鑼灣，相信大家喺銅鑼灣食飯食過嘅餐廳已經7788，好多時候選擇食邊一間餐廳係最困難嘅，但當你諗到最困難嘅時候，打邊爐會係你一個最好嘅選擇，今次同女朋友去呢間餐廳就叫做漁火，呢間餐廳有好朋友介紹我，餐廳嘅主打就係佢哋嘅湯底湯底用咗自家製嘅燉湯，同埋食材非常之新鮮湯底我哋選擇咗菜乾豬肺燉豬骨，菜乾係用咗白菜仔，湯底就用咗非常多嘅豬骨同埋其他配料整成，豬肺非常之好食點上醬油食落非常之滑手切prime牛肉，聽落就知道係最頂級啦，色澤肉汁亦都非常之豐富，肉質非常之有咬口極品牛舌芯，牛舌非常之彈牙，聽講呢個部位同平時我哋食開嘅牛舌係不一樣比較特別豬仔午餐肉，我相信唔需要多講打邊爐必食推介特色四色丸，四種丸全部都係自家製成，全部都係手打的，特別係牛丸識落非常之爽口彈牙，仲有一個櫻花蝦丸我亦都係第一次食呢種丸桂花蚌非常之爽彈牙，煮大概10秒就已經食得

今晚朋友帶我去食漁火，佢食過話好好食所以我都好期待。去到唔多人, 我地坐得好舒服, 哩點就已經抵讚，因為通常其他餐廳都安排到啲座位要坐到好迫，食野同傾計都唔舒服首先要讚下個湯底, 花膠螺片雞湯, 個湯勁鮮味，我同朋友都飲左3,4碗｡ 真係好足料花膠同螺片都好大塊, 淨係聞到都已經好食。跟住喺嗰雜錦刺身, 有三文魚,北寄貝本帶子同埋一種白色魚，全部都好新鮮, 尤其喺北寄貝同帶子，好鮮甜。我地叫左手切牛肉，果然同預期一樣好嫩滑，肥瘦均勻, 份量都唔少｡ 再來係個四色丸，有牛，豬，蝦同墨魚丸。個豬肉丸有蛋黃 好似食緊一口咸蛋蒸肉餅咁😂幾得意。牛，蝦，黑魚都係勁新鮮同彈牙。我地仲有嗌到一個帶子餃，係豬肉加帶子，食落有啲似魚皮餃 但帶子既貼係好出 好好食最後因為我本人係一個響鈴愛好者，當然有叫到，都係超級好食，浸1秒就已經可以攞起食朋友推薦果然冇令我失望🙌🏻

上次食過一直念念不忘既漁火又再次吸引我同朋友去食喇。上次白肺湯咁正，今次再食豪啲，花膠響螺湯底！花膠響螺固然多，仲有清甜既龍眼吊味，真心正，啲湯仲冇味精可以飲得，飲晒就加邊爐湯打邊爐 ☺️帶子餃超正，入面一絲絲帶子逼滿晒，好飽滿，皮質似魚皮餃。漁火特色四色丸，蝦丸我最愛，外面鋪滿蝦米仔，入面蝦肉又爽口彈牙，好有層次；咸蛋豬肉丸入面有咸蛋，好特別；手打墨魚丸都係好彈牙，feel到一粒粒墨魚仔咁；牛筋丸好鮮味，肉質又實淨，四色丸必食！手切Prime牛肉靚牛一大盤！見紅照食都冇問題，牛味好香，手切果然唔同，切得好薄但又keep到口感。什錦刺身正！三文魚好肥美，北寄貝勁鮮甜。

今晚約左E和J食火煱，我地好耐無見，食火煱可以一邊淥一邊慢慢傾，我好鍾意ga最後我地揀左"漁火", 星期一至五用openrice訂位可享有八五折，超開心！漁火除了有 火鍋配料外 ，還有刺身可以選擇，所以我們選了3款刺身作為冷盤即開法國白珍珠生蠔(3隻)$144~ 蠔身爽滑彈牙， 有濃郁的海水鹹鮮味， 回味甘甜！ 北海道帶子刺身$138~帶子又嫩滑又鮮甜，好美味！北寄貝$58~爽口彈牙，頗鮮甜！花膠響螺燉豬展$198~材料好豐富，有雞肉，花膠，雞腳， 豬手，還有蟲草花和龍眼肉。 老闆娘特別提醒我們要先喝湯 ，後打邊爐，因為這一鍋 是淆了數小時的老火湯，這個湯湯味非常鮮甜濃郁，絕無味精，感覺非常滋潤，我們至少每人喝了2碗湯，再食埋 充滿骨膠原的豬手和雞腳才開始打邊爐！肥水大花甲$98~未見過咁大隻花甲，真是非常肥美，爽口又彈牙，好鮮甜呀！本地手切 鮮牛頸脊$248~份量極大！牛味香濃， 脂肪分佈均勻 ，肉質鬆化甘香，口感嫩滑，好美味！極品黑豚腩肉$88~黑豚味非常濃郁，口感軟滑，帶少許肥肉，極美味！蒙古肥羊片$98~羊的肉質嫩滑而帶羊臊味，喜歡吃羊的一定不可錯過，勁正！水庫大魚頭$78~魚

之前，聽朋友講呢間火鍋牛盛會好好食。今日咁岩去到CWB，就同朋友一齊上去食。餐廳D枱比較長，會有足夠空間放野食，算係比較少見。首先，我地叫左花膠豬展湯底，係食野之前，飲幾啖豬展湯，湯底足料，見到好多豬展，味道濃郁得來，好有豬味。餐廳得一個就來牛盛會，漁火最出名的牛盛會果然名不虛傳，賣相吸引之外，仲可以一次過食唔同牛既部位，好食又抵食。平常打邊爐會叫的魚皮餃、粟米都好唔錯，而最特別係佢地既響玲。響玲係即刻新鮮炸，價錢平之餘，份量仲好多，絕對夠4個人食。因為朋友好鍾意食蝦滑，所以我地叫左鮮打靚蝦滑，味道不錯，最正係入面竟然有原隻鮮蝦係入面，我係第一次見！最好要講下佢地既野飲，我地叫左竹蔗茅根，一渣有好多，兩個人都飲唔晒，而味道比平常飲到的淡，但比較健康，岩晒食熱氣邊爐下火。下次我到CWB諗起要打邊爐，我都會簡漁火。

同男朋友黎銅鑼灣食火鍋，之前有朋友介紹過呢間既牛盛拼盆好正，所以一於試試佢！呢度d檯登好好坐，好闊，放到好多餸菜。我地點左個花膠響螺燉豬展湯，足料香濃👍🏻一開頭飲都飲左兩碗湯‼️必點‼️漁火特選牛盛薈🐂一盆滿足哂所有牛願望魚皮餃係我男朋友既至愛‼️必點‼️鮮打靚蝦滑係我食過最彈牙既蝦滑，因為佢加左原隻蝦肉！好鮮即炸鬆脆響鈴🔔大大卷，食到好過癮超甜粟米粟米係消濟之選！滑豆腐，煮到最後食，吸收哂d湯，好入味自家竹蔗茅根

又打邊爐喇，最近去左唔同嘅地方打邊爐，依度都好值得一去再去。湯底選擇多，而且特別，好多款都想試，我地決定今次叫個鮮魚清湯鍋先，侍應建議我地飲左個湯先，個湯係足料煲架，再加少少京蔥，奶白奶白，飲落鮮味，可以一飲再飲，不過點都要留返d黎打邊爐嘅。飲完湯，先食個帶子刺身先，個帶子刺身好新鮮，仲要係厚切添，一啖放入口，超有滿足感呀！我特別欣賞個招牌雲吞王，一睇佢漲卜卜，就知入面d料好飽滿，仲有一整隻爽口嘅蝦，真係一d都唔馬虎架，食三隻都唔夠喉呀！手切鮮牛頸脊好有牛味，帶住少少脂肪，令到片牛肉唔會又乾又韌。黑豚腩肉都幾出色架，大大片，又新鮮嫩滑，煮得耐都唔會變柴。除左肉類之外，仲叫埋海鮮添，有大花甲同花枝片，個大花甲真係有手掌心咁大架！花枝片又爽脆，真係唔錯。依度d海鮮都係新鮮嘅，可惜唔多人一齊食，唔係可以試多幾樣。

今日同朋友收工經過銅鑼灣﹐就梗係去附近搵下有咩好食。 於是就去左京都廣場搵食, 之後我地就求其去左一間食。最後我地傾左一陣, 決定去8樓漁牧打邊爐。一上到去, 就知道呢間野係主打海鮮, 因為係門口已經見到好多大大隻既螺啊 大花甲之類。服務員態度都好好, 我地一上到去, 已經立刻安排位置俾我地坐。一坐底就即刻睇份餐單, 即刻叫我自己最鍾意食既手切牛同埋花甲啦。係醬油方面真係冇得輸, 有成9種既材料俾你落。湯底方面, 真係五花八門, 到最後揀左個花膠煲豬展湯底。 罪惡感方面好似冇咁大,哈哈。蟶子同埋花甲都係好大大大隻, 好肥美, 食起上黎真係好爽口。份手切牛肉既牛味都係一絕, 食起上黎唔會好似肥牛咁漏, 口感一流。仲有不得不提佢既四色丸, 係我食過咁多間餐廳, 數一數二咁好食。至於其他既, 都係不過不失啦。呢間打邊爐真係值得再去多次, 因為真係比起其他餐廳算好好食。

係香港火鍋店越開越多，但質素越來越參差，係銅鑼灣都食過幾間非常唔錯既火鍋店，呢間係其中之一。真係一分錢一分貨，要食到靚料真係要比多少少，通常火鍋店做埋魚生，都唔會用啲太靚既料，但呢間啲魚生非常新鮮，三文魚好滑，入口啲魚味好出，一啲都唔綿。油甘魚既甘香好出，同埋魚肉結實。但最鍾意既都係帶子同埋北極貝，兩個都非常鮮甜，特別係北極貝，啲彈牙既感覺好正，忍唔住一粒一粒咁食。朋友鍾意食椒鹽，所以我地叫左個椒鹽海中蝦，同埋都想係火鍋煮好之前，有啲小食墊住個肚先。個蝦都係好新鮮，同埋啲鮮甜因為椒鹽既對比而更為特出。👍個火鍋我地叫左個自家鮮魚清湯鍋，拼漁火松茸養生鍋。個松茸鍋真係食得出既養生，有少少藥膳鍋既感覺，同埋蘑菇味好出，幾唔錯。呢個極品黑豚腩肉都幾厚身，味道幾好。而手切頂級PRIME牛肉我地叫左個大，都真係好多，同埋唔知係咪新鮮，個牛入口好滑，唔使點咀嚼就化開，啲脂肪味好香，忍唔住係咁食。我地發現個魚湯湯底原來都有豆腐，仲有好多添，自己又點左，最後食極都係豆腐🤪。唔可以唔提佢個咸蛋豬肉丸，因為有咸蛋都係第一次見，食完驚為天人，好match，同埋手打既肉丸好彈牙，豬肉味好香濃，入面包住啲咸蛋黃，

今日同朋友收工經過銅鑼灣﹐去左京都廣場8樓火打邊爐。呢間野係主打海鮮, 因為係門口已經見到好多大大隻既螺啊，大花甲等等。。。 服務員態度都好好, 我地一上到去, 已經立刻安排位置俾我地坐。 一坐底就即刻睇份餐單, 即刻叫我自己最鍾意食既手切牛同埋花甲啦。係調味料方面，就有成9種既調味料！湯底方面, 真係五花八門, 到最後揀左個花膠煲豬展湯底。 蟶子同埋花甲都係好大隻, 好肥美, 食起上黎真係勁爽口。份手切牛肉既牛味都係一絕, 食起上黎唔會好似肥牛咁漏, 口感一流。仲有不得不提佢既四色丸, 係我食過咁多間餐廳, 最好食嘅！呢間打邊爐真係值得再去，雖然唔算好平，但食材，海鮮都好新鮮！

有一段時間沒有去吃真正高質素的火鍋，現今的火鍋大多是放題，火鍋放題多數沒散叫的那麼好吃，因為放題大多是二百至三百多元，而散叫的至少也要五百多元。重視質素的我，這次發現一間在銅鑼灣的散叫火鍋店，位置挺方便的，就在SOGO附近的京都廣場，之前也去過那座大廈，整座大廈也有很多食店。去到的時候還沒有多少客人，環境稱不上是十分大，但空間感卻十足，椅背的質感很舒適，軟綿綿的，我和男朋友只有兩個人去吃，給我們的位置卻是很寬敞的，很是滿意。這裡的分類很簡易清晰，不會讓人模糊不清，除了常見的牛肉類、海鮮類和自家製類之外，還有刺身類，品種還要是高級的。先選擇湯底，這個是自家鮮魚清湯鍋，眾所週知，正宗的魚湯是白色的，沒有什麼油份，喝進口是很鮮的味道魚味濃郁並帶點清甜，舀一碗湯來喝也沒有問題。鮮墨魚滑是男朋友每次到火鍋店必點的食物，這裡的墨魚滑份量也挺多的，比起一般的火鍋店多，弄熟後每一件都有滿滿的蟹籽，墨魚滑也爽口彈牙。漁火特色四色丸，顧名思義有四種顏色，最左邊應該是魚丸？表面有滿滿的魚仔，所以我猜想是魚丸吧。另外三種是牛丸、墨丸和豬肉丸，不去逐款逐款評論了，反正就是每一款都很好吃，口感非常豐富，大大粒的店

傳統任飲任食火鍋已經逐漸被淘汰，取而代之嘅係高質打邊爐，湯底講究，食材要新鮮，用料上乘，始終健康飲食概念底下，火鍋都重質不重量。上次有朋友食過漁火話幾好，今日我同朋友都去試吓。我哋叫咗個鮮魚清湯鍋，未開始打邊爐之前，我哋先飲咗湯先。同一般奶白色魚湯唔同，呢個鮮魚清湯清清哋，有豆腐、大蔥等配料，職員話我知湯底係佢哋每日用多款鮮魚淆製而成，唔怪得之咁有鮮味，咁清甜啦！呢間火鍋店特色之處在於佢哋刺身、同海鮮選擇多，而且價錢親民，唔會話貴得好誇張。雖然主要係想打邊爐，但我哋少少哋都叫咗碟刺身帶子。帶子好厚肉，即使開咗邊都有一個5蚊銀嘅厚度。啖啖帶子鮮甜美味，好正呀！食完刺身，當然就入正題打邊爐啦！我哋都叫咗好多嘢，有招牌雲呑王、菜籃、花甲、極品黑豚肉、同埋本地手切鮮牛頸脊。菜籃呢d普通嘢就唔多作介紹，反而雲呑就值得講幾句。首先，個雲呑成個網球咁大，係我無諗過嘅！食落更加發現呢碟雲呑王係無叫錯嘅。食落去唔會一口肥豬肉，係食到豬肉味，而且每粒雲呑內可以發現原隻蝦仁，非常推介！大花甲，真係大得很！而且每隻花甲都好肥仔！大愧為肥水大花甲！大隻肉厚而且鮮味，好滿足！而且我覺得我揀咗鮮魚青湯係好啱好夾，因

早幾日聽朋友講話呢間位於銅鑼灣嘅打邊爐餐廳好好味，咁樣小編就同女朋友去試一試，一入到去首先揀湯底，小編就揀咗個生魚清湯底，一嚟到就梗係飲一碗湯先，湯底十分清甜，魚味十足，跟住落嚟就order左響鈴、牛肉、四寶丸同墨魚滑，打邊爐嘅材料每一款都好新鮮，睇得出有好多材料都係自家製的，絕對唔係order貨返嚟，尤其是響鈴即叫即炸，上枱嘅時候仲係熱辣辣嘅，四寶丸每款有唔同嘅口感，而每一款都好新鮮，好彈牙，另外小編仲order左一渣竹庶水，飲左一啖就已經知道係自家製的，總括嚟講呢一間火鍋餐廳絕對值得推薦。另外順帶一提，經OpenRice訂位有八五折，大家不妨約齊三五知己打邊爐嘅時候就經OpenRice訂位啦。

同朋友仔敘舊諗住搵個地方可以慢慢坐，大家決定去打邊爐，於是揀咗呢間漁火海鮮刺身火鍋，用OpenRice訂位可以有八五折，慳返啲錢可以叫多啲野！打邊爐來講湯底當然好緊要，呢度竟然有成十幾款湯底可揀，最後揀咗花膠響螺燉豬展（ $198 ），呢個根本就係一個湯，好足料好濃味，除咗花膠豬展，仲有蟲草、紅棗、龍眼肉、雞腳等，未打邊爐之前我哋各自飲咗一碗，跟住老闆娘好好咁提醒我地，可以帶走個湯，然之後先落豬骨湯黎打邊爐，呢個建議實在太好！第二個特色就係除咗火鍋之外，呢度仲有得食刺身，我哋揀咗北海道帶子刺身（$138 ）、北寄貝（ $58 ），仲有即開法國白珍珠生蠔（ $48/隻）。帶子好大隻又鮮甜，北寄貝同樣咁新鮮，色澤好靚，生蠔好肥美，海水嘅鹹味當中又帶啲生蠔嘅鮮甜美味。食完生嘢，就開展打邊爐，我哋都叫咗好多嘢包括蒙古肥羊片（$98）、極品黑豚腩肉（$88）、鮮味海中蝦（$128 ）、肥水大花甲（ $98 ）、水庫大魚頭（ $78 ）、漁火特色四色丸（ $128 ）、爽滑豬肚（ $58 ）、時令雜菜籃（ $78 ）、萵筍（ $38 ）等。羊同豬都好好味，羊肉帶少少羶味，但好OK，豬亦好有豬味。海