漁火海鮮刺身火鍋

营业中

休息中

我地就揀左花膠響螺燉豬展。睇湯名就知好滋陰養顏，最啱女仔，湯底鮮甜又足料，好多花膠，仲有雞腳、蟲草花、龍眼肉等，材料好豐富，嘆到足料靚湯！可以先飲湯後打邊爐，唔好浪費左老火靚湯，我飲左兩碗湯先開始打邊爐！爽彈脆鯇片好新鮮，只需烚三至五秒就岩岩好，食落肉質結實爽脆，夠嚼勁！白滑鮮鱔片同樣爽滑鮮脆，魚味鮮甜！招牌雲吞王，絕對唔係雲吞仔，雲吞中發現原隻大蝦，爽口鮮甜，皮薄餡靚！潮式手打牛筋丸，帶少許嫩筋，口感爽脆，有嚼勁。另外仲有點左生筋、豆苗、冰凍豆腐、雞脾菇等。熟食就點左椒鹽九肚魚，不錯！九肚魚好難煮，通常都出街食。夾椒鹽九肚魚時要溫柔啲，一粗魯用力就會整散，咬落會感覺到表皮卜卜脆，特別酥香，唔會腥。