滾得囍宮廷火鍋小炒 (已改名) 查看

之前已經食過一次，好記得餐廳既裝修古色古香，屏風、枱櫈同燈都帶有古代特色，而且食物用具同擺盤亦好有心思，所以今次再同朋友黎過。今次餐廳轉左用QR code落單。🔅宮廷醬介 每位$28🔸順治特色卜卜蜆鍋 $198哩到既一大特色就係每款湯底都用左歷史人物起名，而且個煲好有宮廷feel。今次都係叫返上次叫過既卜卜蜆鍋，因為真係非常足料，有成幾十隻蜆，蜆肉鮮甜無沙，湯底係醬油味。🔸極上手切牛肉宮廷拼盤 $498極上手切牛肉宮廷拼盤有4款唔同既牛肉，包括牛味濃郁既牛頸脊、牛𦟌同牛柳粒，牛肉全部都好靚好新鮮。🔸新鮮蟶子皇•四隻 $198採用黎自蘇格蘭既蟶子皇，味道鮮甜，肉質新鮮爽彈。🔸桂花蚌/珊瑚蚌雙拼 $158哩個雙拼有鮮甜爽口既桂花蚌，又有口感彈牙既珊瑚蚌。🔸滾得囍蔬菜拼盤 $78拼盤有好多唔同既蔬菜，包括生菜、娃娃菜等，全部都好新鮮。🔸黃金雙拼（秘製鹹蛋黃醬）$88黃金雙拼係指蘸上鹹蛋黃炸既響鈴同炸魚皮，入口香脆，真係邪惡又好味。🔸足料竹蔗茅根 $68竹蔗茅根甜度適中，用黎清下熱氣最好～

有又小小涼， 梗係去打邊爐啦。 呢間火鍋店用宮廷做主題， 餐具擺設都做得非常細緻， 豉油壺飲品壺都襯好一set. 自家製無花果菊花茶 不太甜清潤幾好打邊爐有啲人好注重肥牛我就最注重湯底呢個秘製花膠雞湯真係冇得輸雞湯濃味全隻新鮮黃油雞， 勁多花膠未食都覺得骨膠原滿滿雞肉淥幾分鐘就熟，雞肉就算唔係雞髀部份都非常滑嫩呢度必定要叫黃金魚皮我一個人可以食晒全份魚皮厚身， 蛋黃醬包住全塊魚皮好食到停唔到口另外響鈴都做得相當不錯，非常鬆脆 仲有好多其他餐廳冇嘅火鍋配料例如牛筋

開返晚市，最想就是約下好朋友一齊聚下、傾下計，再打下邊爐！這間位於北角的特式火鍋店，裝潢充滿中國宮廷古色古香的風味，枱凳及屏風用了復古設計，帶你回到古時，讓食客感受到中國皇宮的氛圍。這裡火鍋湯底很特別，每款都加上清朝名人的名字，小編🐰選了順治特色卜卜蜆鍋鍋底，一上菜一濃濃的仙氣從火鍋中湧出來，火鍋爐印有傳統龍的圖案，色彩鮮艷，充滿特色又有霸氣。🦋順治特色卜卜蜆鍋 $198煱底用了海量的沙白蜆，大大隻又厚肉，配上蒜蓉及辣椒，更加提升鮮味，先吃再打邊爐，湯底鮮甜十足。🦋極上手切牛肉宮廷拼盤 $498極上手切牛肉宮廷拼盤賣相非常吸引，拼盤有不同部位的牛肉，包括牛頸脊、牛𦟌、牛柳粒等，色澤鮮紅，牛頸脊牛味最濃，牛𦟌有咬口，牛柳粒有嚼勁，作為牛魔王的小編🐰口腹稱心滿意。🦋蟶子皇 $198採用於蘇格蘭水質清澈沿岸海域的蟶子皇，味道份外清甜。蟶子肉質爽口鮮嫩，打邊爐必點之一。🦋桂花蚌/珊瑚蚌雙拼 $158選擇困難症的小編🐰，心大心細，桂花蚌鮮甜爽口，珊瑚蚌彈牙有口感，雙拼一次過食到桂花蚌同珊瑚蚌，大滿足。🦋滾得囍蔬菜拼盤 $78擺盤別具心思，將好多款菜拼成一個大花球般，打卡一流。🦋黃金雙拼（秘製鹹蛋

上次食過原味卜卜蜆，今次就嗌咗依款黑蒜味道，湯底一樣咁清甜好味！本地牛頸脊騸枯牛肉 ($318)日本和牛就食得多，原來本地牛都有咁好食架！脂肪分佈分明，唔會好似平時啲肥牛咁淡淡肥膏，牛肉味香濃，我地鐘意烚到七成熟，肉質好淋 😍大家值得一試吖！黑松露墨魚滑($118)一份大概分到六至八粒，墨魚滑新鮮彈牙，黑松露味好香濃！新鮮鵝腸 ($128)一碟有超多條，好抵食！條條都好肥美，口感彈牙好新鮮👍🏻黃金雙拼 ($88)係鹹蛋黃醬嘅炸魚皮同炸響鈴！😻每一口都充滿着鹹蛋黃醬，好滿足！尤其係炸魚皮，好脆口，仲夾雜住蛋黃粒，邪惡之極🤡日本廣島蠔 ($108)一放上枱發現佢仲係好冰😳 烚完之後縮晒水，變左大蠔豉🤣我諗桶蠔會好食啲🫠

最愛嘅火鍋店名單一定有滾得起！湯底選擇十分之多，用料上乘，例如花膠雞湯，卜卜蜆，麻辣鴨血等等，全部都好正架！黑蒜卜卜蜆湯鍋 ($268)平時食卜卜蜆都係胡椒味，今次叫左依款黑蒜，味道好特別，估唔到咁夾！湯底黑蒜好香濃，飲落又好清甜👌🏻 而且蜆肉十分多，粒粒肉都好新鮮！手打黃金流心鮮蝦丸($68)手打芝心牛肉丸 ($68)每份丸只係得四粒，一啲都唔平但真係好新鮮彈牙🤣兩粒都好流心！咬開粒牛丸仲有拉絲芝心，記得小心辣親條脷🤭大扇貝 $128一份扇貝有四隻，洗得好乾淨企理👌🏻打邊爐食扇貝反而食吾到帶子既鮮甜，都係蒸海鮮原汁原味好食啲🫠南京鴨血 ($68)厚切鴨血打邊爐真係好正！係無論咩湯底都可以點既餸🤭

終於放寬晚市堂食，要出去食餐好。朋友介紹哩間高級火鍋店，唔單止食材質素好，而且裝修靚，連個爐同餐具都好有心思，打卡一流！我地叫左康熙花膠雞湯鍋，半隻雞好足料，而且花膠份量都好多，女士見到一定心心眼，好補！叫左一份本地牛頸瘠騸牯牛肉，份量都多，好新鮮，牛味重。手打芝心牛肉丸都好唔錯，我地一般都係食芝心丸，手打牛肉好鬆軟，芝士滿瀉！打邊爐一定要食鴨血，鴨血份量多，同埋都新鮮。最後，一定唔可以浪費個靚湯底，同朋友都忍唔住飲左好多，十分鮮甜，而且飲完唔會覺得口渴。整體感覺好好，地方又乾淨，冷氣好夠，食完成身唔會好大陣味。下次會再黎幫襯

北角馬寶道滾得囍經過長達多時晚市停業既洗禮，都仍然屹立不倒，可見餐廳係有班支持者！之前食過，食材用料各方面都係幾好，所以再次支持！花膠雞湯鍋，可選一隻或半隻，先飲湯底，花膠非常黏口，用料量十足，大量花膠，非常滋潤！鮮雞再輕輕煮3分鐘就食得，雞肉夠嫩滑又帶鮮雞香，啖啖肉好食。桂花蚌，處理得好乾淨，唔會有沙等東西，桂花蚌輕輕灼熟約1分鐘，爽脆帶鮮味！爽爽聲非常過癮，價錢唔貴，份量又多，正！海蝦亦係幾新鮮，蝦頭帶點膏香！蝦肉夠紮實，明顯係新鮮貨，質數相當高。手切頂級安格斯牛肉，賣相靚仔，色澤紅潤，雪花紋非常清晰！而且肉味相當濃郁，夠嫩滑唔會柴皮，好好食！蟹粉豚肉餃，手工餃，用料超多非常飽滿漲卜卜，豬肉肉汁滲餃內，餃皮唔會過厚！食出層次感。這間滾得囍無論環境，服務，食材都有質數，而且還會定時做優惠！去之前可留意佢既ig, 可以更加化算。

上次見朋友打卡嚟咗呢間餐廳佢話幾乾淨同埋食材新鮮今次就特登過嚟試吓地點就腳好近北角地鐵站 用QR code落單 方面幾個人都一齊睇用餐前職員會幫你喺面前洗返啲餐具衛生情況更加有保障我哋揀咗花膠雞湯底 花膠勁多一啲都唔慳皮半隻新鮮黃油雞 要計啱時間唔可以放太耐食落好嫩口打邊爐最重要嘅牛肉 我哋叫咗兩款叫咗一款頂級安格斯同埋一款牛頸脊（騸牯牛肉） 兩款都食得出好新鮮 但我就比較鍾意牛頸脊 油脂比較多食落香口啲另外仲叫咗手打芝心牛肉丸 芝士味雖然濃厚但係都唔會搶過啲牛味 幾值得試吓如果多人嚟可以試吓個海鮮拼盤因為我哋兩個今日都唔係好想海鮮所以今次就冇叫但係見到其他食客叫咗份量都多同埋幾新鮮

今日朋友約我嚟一齊食飯，見佢咁有誠意，好耐無出去食飯既我都奉陪到底🤣點知真係好驚喜，呢間餐廳好好食！！！☺️••🌻湯底我好欣賞好清甜，覺得係落足心機🥰🥰🥰🥰另外要我好鍾意既係佢碟牛，我哋今日叫本地牛頸肴騸牯牛肉，真係好鮮味！！！食落好滑，又好有肉味，難得難得❤️••🌻另外想提一提佢既配料都非常之好，難忘係佢宮廷丸拼盤十粒，入面粒粒都好驚喜，有漿爆既感覺～•呢間我都會加入會翻食嘅選擇！！正！👍🏻👍🏻

今日約埋朋友仔一齊嚟食飯，我想話依間餐廳真係不得之了！！無論裝修定係食物質素都係非常之好！！！☺️☺️☺️☺️☺️☺️☺️首先我一定要講既係佢既花膠雞煲，十！分！之！清！甜，平時好少飲湯底既我，都忍唔住飲咗幾碗，仲要飲落好香雞味，真係十分推薦！！！！到依家我都係念念不忘呢🤗🤗🤗🤗🤗🤗🤗🤗🤗另外佢既材料都十分新鮮，仲鐘意就係佢既桂花蚌，十分大碟，食極仲有！！！超推薦🤗🤗🤗🤗🤗另外鐘意食香口野，都要叫下佢個黃金雙拼，有響鈴同魚皮，食到lum lum利！！！！！😊😊😊😊😊😊😊

終於開返堂食，一於約埋朋友去打邊爐先！真係好耐無見啦，今次黎到北角呢間滾得囍～坐低見到職員會先煲滾水煮一煮d碗同餐具先既！仲有d小食提供啦，花生，雲耳，酸菜同橋頭！都幾好食架～之後就選湯底先～好多唔同選擇，花多眼亂，今次我地就試下嘉慶椰子藏雞濃鍋（$298）先，黎到見到一大包腐皮包住雞同其他材料，店員好好比我地打完卡先剪開腐皮😂煲十分鐘就可以食左雞同飲湯先～湯底都好濃郁，好香椰子味，真係飲都飲左半煲😂之後就叫野打邊爐啦！先叫呢個限定既本地牛頸脊騸牯牛肉 $318見到份量都好多喎，肉質都好靚，好香牛肉味～滾得囍餃子拼盤$138有5款唔同既餃子，有黑松露餃，菜苗餃，韭菜餃⋯⋯我最鐘意黑松露餃，真係一咬開好香黑松露味架👍🏻👍🏻宮廷丸拼盤（十粒）$138有墨汁丸，芝士牛肉丸，紫色係好特別既紫甘籃豬肉丸，用紫甘籃打汁整成既豬肉丸，個顏色好靚，味道都好好啊！另外個芝士牛肉丸，一咬開個汁爆曬出黎，好正～～黃金嚮鈴（秘製咸蛋黃醬）$78呢個係咸蛋黃愛好者必叫架！豐富既咸蛋黃包滿嚮鈴，加落火鍋果到輕輕煮一煮就拎上黎，超正👍🏻另外都叫左d蔬菜類娃娃菜$42 同粟米$48 ，份量都多，食得好滿足😂😂👍🏻👍🏻

見疫情有回落的跡象，就立即出動！店員在你面前用熱水洗餐具，感覺上更乾淨，食得更安心！康熙花膠雞湯鍋（半隻）（$298）店會幫手剪花膠成細塊，半隻鷄嘅分量比預期大份，所以就分兩次落鍋，鷄肉很嫩滑，湯也鮮甜。本地牛頸脊騸牯牛肉（限定）（大）($398)好少地方可以食到的牛頸脊騸牯牛肉，當然不會放過，牛肉肥瘦適中，牛肉嫩滑，值得一試。伊比利亞橡果豬（$188）油脂分佈平均，肉質鮮嫩又爽口。御膳房秘製魚滑雙拼（$128）我們選擇了墨汁瑤柱墨魚滑和手打蟹子蝦滑，爽口彈牙，個人較喜歡蝦滑。蟶子皇（四隻）（$198）好大隻，當然最緊要就係夠新鮮！白鱔片（$138）白鮮片是老友至愛之一，她一個人已經KO”咗一碟，不須任何人幫忙！我相信味道應該不錯吧！😝😝蜂巢豆腐（$58）直到最後才食，讓豆腐吸晒湯裡的精華，非常滋味！靈芝菇（$58）日本稻庭烏冬（$38）老友今日冇食lunch, 所以需要多些食物醫肚，所以就要了靈芝菇同烏冬，清清地又可以填補一下個胃

很久沒有吃火鍋，於是今晚約了朋友來到北角的滾得喜吃晚餐。開回晚市堂食後都頗多人，建議先打電話訂座。餐廳環境裝修很古色古香，像極古代宮廷式設計。座位較多，有很多卡位，坐得舒適，很適合一班人聚會聊天等。嘉慶椰子藏雞濃湯鍋賣相很美觀，煙霧瀰漫，很有意境。以腐皮包住的袋子打開後是整隻雞隻，份量很多，雞肉嫩滑香甜，椰子味道清甜，令湯底味道很鮮美。手切頂級安格斯牛肉（細）雪花油脂分佈平均，肥瘦適中，肉質嫩滑鮮甜，牛肉味道濃郁，咬有很有口感，油脂香味散發。黑松露墨魚滑黑松露味道濃郁，滲入墨魚滑中。用上新鮮的墨魚肉手打而成，特別有膠質，彈牙鮮甜。珊瑚蚌即叫即開，爽脆鮮甜，美味可口，帶有淡淡的海水味。滾得囍餃子拼盤•十粒餃子皮薄餡靚，餃子皮很滑溜，餡料新鮮，即叫即包。味道款式多，有韭菜豬肉餃，菜苗餃，粟米餃等。黃金雙拼(秘製鹹蛋黃醬）必叫之選，以流沙蛋黃醬製成的即炸魚皮和響鈴，卜卜脆，蛋黃味道很香濃。足料竹蔗茅根清甜而清熱，可以中和一下油膩味。

午市打邊爐真係另有一番風味，又唔怕食滯左訓唔到，又多啲時間去消化，最重要係勁抵，滾得囍裝潢甚有睇頭，佈局古色古香，打卡一流。小食叫了黃金雙拼（黃金炸魚皮＋黃金響鈴） $68，對鹹蛋黃又愛又恨，魚皮響鈴沾滿金沙，但依然保持乾身香脆，浸湯食都好惹味。湯底叫了椰子雞湯，放低已聞到陣陣椰子香，仲有半隻雞件，個湯已非常滋潤，飲湯都飽。火鍋點少得肥牛，叫了手切頂級安格斯牛肉（細）$288，牛肉油脂一層層，牛味好濃郁。再叫了海鮮4人拼盤$398，多款海鮮，有大隻生蠔、扇貝、爽口竹籤蝦和青口，海鮮配上椰子清雞湯，更令海鮮味昇華。還叫了白鱔片，好爽脆。飲品叫了足料竹蔗茅根 $68，清熱。下次要帶其他朋友來食多啲材料先得，而且呢度服務員又細心，座位又舒適，聚餐好地方。

晚市堂食開始返，終於可以重出江湖啦！咁耐無出嚟，梗係一嚟就食返餐好嫁啦！我哋見到呢間餐廳有做緊優惠，加上睇相感覺啲裝修都好靚，就揀咗呢間打邊爐！由於事發當日OT遲咗到，朋友仔就一早幫我落定椰子雞湯底($298)，未行到埋位已經聞到啲香味，朋友話本身個樣唔係咁，我嚟到個陣已經變咗咁。我哋試下飲咗個湯底，實在太清甜，我哋每人都飲咗兩碗先開始食個雞，啲雞都好入到湯個味，好清甜！正！之後就開始食唔同嘅嘢食，我哋叫咗個本哋牛頸脊騸牯牛 ($318細)，啲牛好新鮮，食落去好重牛味，唔會「銀」，好好味！跟住就叫咗個餃子拼盤($138)，有五款共十粒，粒粒都好多料到黃金響鈴($78)，係有咸蛋黃醬，本身已經好鐘意響鈴同咸蛋黃醬，佢個醬味好出，食落去超級夾！丸拼盤($138)，都係五款共十粒，粒粒都真材實料手打，好正！最後就係健康嘅娃娃菜($42)同粟米($48)