滾得囍宮廷火鍋小炒 (已改名) 查看

北角馬寶道滾得囍經過長達多時晚市停業既洗禮，都仍然屹立不倒，可見餐廳係有班支持者！之前食過，食材用料各方面都係幾好，所以再次支持！花膠雞湯鍋，可選一隻或半隻，先飲湯底，花膠非常黏口，用料量十足，大量花膠，非常滋潤！鮮雞再輕輕煮3分鐘就食得，雞肉夠嫩滑又帶鮮雞香，啖啖肉好食。桂花蚌，處理得好乾淨，唔會有沙等東西，桂花蚌輕輕灼熟約1分鐘，爽脆帶鮮味！爽爽聲非常過癮，價錢唔貴，份量又多，正！海蝦亦係幾新鮮，蝦頭帶點膏香！蝦肉夠紮實，明顯係新鮮貨，質數相當高。手切頂級安格斯牛肉，賣相靚仔，色澤紅潤，雪花紋非常清晰！而且肉味相當濃郁，夠嫩滑唔會柴皮，好好食！蟹粉豚肉餃，手工餃，用料超多非常飽滿漲卜卜，豬肉肉汁滲餃內，餃皮唔會過厚！食出層次感。這間滾得囍無論環境，服務，食材都有質數，而且還會定時做優惠！去之前可留意佢既ig, 可以更加化算。