海景軒

营业中

休息中

31 May 2008那天，被朋友拉去參加了一個為四川籌款的慈善晚宴，地點就在海景嘉福酒店的宴會廳，大會說明是由國際名廚甄文達和酒店中菜總廚梁輝雄攜手合作，果然令人喜出望外，頭盤是鵝肝醬片皮鴨，湯是菜膽燉排翅，主菜是鴛鴦大蝦球，西湖蓮舫，蜜梅京燒骨，烤羊仔扒配魚香茄子汁，還有甜品炸波羅春卷。全部菜式都象西餐一樣每位上桌，當中擺設很特別，西式得來很有中菜味道，顯然是花過不少心機，加上甄文達和梁師傅兩人都很Nice.不時來往與客人傾談，整個晚宴都吃得很開心，是難得之作。不過，因為是被朋友帶去，所以不知價錢，聽說不便宜，但在酒店吃如此美味菜式，相信也是值得。

在曾為飲食雜誌編輯的朋友推介下,帶爸媽到此晚飯...1.紅燒豆腐炆斑翅-肉絲豆瓣作芡,斑腩肉嫩,份量十足,可謂啖啖肉.2.南乳吊燒雞半隻-每件雞件大小均勻,刀法可見一班.皮脆肉嫩,有雞味.絕對將金牛苑的比下去.3.明月柚香豆腐-蛋白星斑粒底,蟹肉豆腐餅中層,頂為圓形柚皮.不但賣相好,蛋白星斑粒嫩滑,沒有洞;鮮味足;柚皮鬆軟而具口感,難怪菜譜上寫明是得獎作品.名副其實.4.上湯浸莧菜-份量足,煮得剛好,沒油.5.金針雲耳田雞煲仔飯(二人份)-金針雲耳冬菇入味,田雞鮮,飯身乾爽.尚有配菜油浸小魚及菜圃豆腐乾,我都覺得比好多酒樓好味,味道適中,沒有過鹹.母親特別喜歡油浸小魚,有XO醬香.唯獨甜品種類一般,兼且肚皮已經超額,沒試.環境不俗,雖然每相隔頗近,但相信由於地點關係,食客多是斯文人,完全沒有嘈吵情況.招呼方面,無論侍應經理都不錯.爸媽都十分滿意豐信用咭還有八折優惠.總數$770.當然由我結帳

第一次來到海景軒, 目的又要品嚐得獎名菜<西湖蓮舫>, 這道菜的賣相十分可觀, 以超級粗大的阿拉斯加蟹腳, 外層包著一大片鮑魚, 鮑魚片雖薄但味道都很香很濃, 平日吃的阿拉斯加蟹腳多是肉質梅梅地而且很濕的, 但這個汁味能全滲入於蟹肉之中, 而且吃落啖啖肉, 十分好吃!另一個竹笙胡籚, 這個則有點兒失色, 竹笙雖然入味而且爽口, 但入面所釀的墨魚膠不夠爽口彈牙, 魚香亦不夠, 所以有點失色.招牌點心义燒酥果然是鬆化可口, 層次分明之餘亦滲出淡淡的油香, 唯獨是义燒的份量不太多, 有點不夠喉, 奶黃春卷即叫即製, 十分新鮮, 奶黃很滑而且不會感到太油, 但蛋香味不太夠, 太熱的饀灼到我的咀, 很痛…….Service只係一般, 不太smart, 要改善

之前d人的食評好多都讚呢度的點心, 但我只有機會試過呢度的晚膳. 兩個人點了一隻北京填鴨, 仲係兩食, 再加個菜....多到打包了大半碟炒鴨菘.以前覺得北京酒樓個北京填鴨好好味, 但試過呢度的, 令我更加愛不釋手. 廚師會於你面前一片一片的把鴨皮片下, 另一邊會蒸著薄包皮, 鴨一片好, 皮即上, 熱騰騰, 好幸福呀! d 鴨有少少脂肪, 但唔係油淋淋個種, 絶對係可以接受那種. 皮脆還帶少少肉, 我本身唔鍾意食得片皮的片皮鴨, 再加上完全沒有鴨的"蘇"味, 好正呀. 加上有新鮮的青瓜, 京葱, 醬料, 實在係滿意的一道菜!個炒鴨菘, 其實才係我的至愛. 鴨肉加咗d西芹, 冬菇和其他配料炒, 好香, 有少少料, 好juicy. 仲有d生菜係好新鮮, 嫰綠的, 一片片剪成碗形, 方便盛載進食. 我忍不住吃了很多. 一般我都不喜歡打包食物回家, 覺得凍了再煮可能不好吃, 又怕麻煩, 但這個鴨菘讓我折服了. 乖乖的帶了回家, sorry! 其實食過兩次, 兩次都打包了, 因為實在太多. 兩個人吃不下. 叮熱後, 一樣係好好味, 仲可以送飯添, 正!最後, 係奶油xx

第一次黎呢度,感覺上係服務態度一流,服務員好有禮貌,打招呼,上菜,介紹菜色,答問,埋單等等,一直非常有禮且耐心,仲保持笑容,十分抵讚!點心全部好精緻,其中一項吸引好多人既係一片片有咸蛋黃,咸蛋白,皮蛋既精緻美點,一碟有成十多片,片片切得薄薄,係凍既,咸蛋黃,咸蛋白,皮蛋scatter得黎好靚,而且好味,唔止得個樣.仲有個素鵝,真係大玩特色,同人地出面好好好唔同!一上桌無人知係咩!兩條好似蛋糕既東西,原來係素鵝,但係竟然唔係平而係拱起,真係第一次見!另外,羅漢齋粉粿又係唔錯喎!好清而且皮好薄,好過呢度既蝦餃.我地又叫左個清炒豆苗,的確好清喎,真係食晒成碟都唔怕肥個隻!

幾年前, 有一次睇肥谷的食評, 話佢地嚮度幫周星馳慶祝生日, 食評入面有一張蒜香雞的照片, 因為我覺得相入面的蒜香雞好正, 所以我一直都想黎試下, 今日我終於夢想成真.今朝約11點黎到, 飲茶兼食午飯. 呢度的點心水準不俗, 令人滿意. 不過小菜就有點令人失望, 我很期待的蒜香雞未見突出, 只算中等/中上. 其他小菜如干炒牛河, 竹笙豆腐, 海參同炒西蘭花亦沒有驚喜. 埋單平均超過$200 一位, 我覺得唔係幾抵食.

今日下午黎飲茶茶$11/1位-鐵官音,好香唔錯一碟仔矮瓜(免費小食)-好好味點心:燕窩魚翅灌湯餃$44-湯幾清,果餃皮做得好薄,但料就少左d蝦餃$34-好好味,大大粒,皮薄,蝦新鮮鮑魚靈茹餃$34-皮薄,味道一般啦帶子蝦腸粉$39-ok la小食:水晶豆腐$38-即係豆腐煎雞蛋,賣相麻麻,但味道唔錯,底果層蛋煎得好薄唔油好香,送飯就最好糯米釀雞翼$36/1隻-雞翼大大隻燒得好香好味,但糯米份量少佐d釀蟹蓋$48/1件-ok lalee到樓底比較矮,所以d光線都比較暗,燈與燈之間有d隔好遠,有d又好近,唔係好似一般酒樓敢光,所以我覺得有d唔係敢match,野食大至上唔錯,都食得好飽,服務都幾好,因為我地成2點去到,2:30 last order都有幾位侍應走過來問我地有無野加埋單$350。

親戚請食飯，想不到有機會一食紅樓夢中的菜式。明珠燕菜--鴿子蛋製成，入口帶點咸味，製作精味，見到都唔想整壞個款。籠蒸螃蟹--我唔食得蟹，不過見其他人都味好食，不過爸爸說蟹有點細隻。胭脂鵝脯--好耐沒有食過鵝。鵝做得入味之餘，入口又不會柴肉。鳳衣串珠--一碗雞皮蝦丸湯和春稻粳米飯。特別之處，是丸子做成白、綠兩色，一流。還有一樣不太記得了。服務同環境都不差。最緊要不是俾錢的，當然開心。好似似食了七百多元。

同學擺酒，在這裡筵開十二席，個廳四四正正無柱位，幾適合擺酒。未入席前在出面坐，雖然有飲品供應，但侍應毫不醒目，每次都要去搵佢地至有得飲。一輪擾攘後終於有得食，乳豬全体上，皮仍脆但是涷冰冰的，第一味菜應該焗熱上檯好一點；雞絲蜜豆花枝，味道OK，花枝略韌；炸蝦丸都幾彈牙，熱辣辣卻不油膩，都唔錯；紅燒翅雖然少翅，但好在茨汁不很重，湯底味濃，OK啦；北菇扒鵝掌，北菇同鵝掌都炆得林又入味，可惜不見它們的最佳拍檔~海參﹝鮑片都唔拘！﹞；蒸大青斑有點過了火，肉是不夠滑，韌了點；炸子雞不算大隻，不夠好肉亦炸得略乾身，不夠好。不過吃到此味大部份人已經吃飽，只有我仍在吃；干燒伊麵同炒飯都吃勻，都只屬一般，飯太乾而麵太濕；美點雙輝是笑口酥同蓮蓉酥，味道反而很好，忍唔住口食完又食；仲有紅豆沙及果盤，吃到這裡連我也吃不下了。總括來說菜式份量很足夠，味道是及格的。但侍應的服務就麻麻地，菜分得不勻，收碟又太積極，好多時最後果件菜一夾起，未放入口已經俾佢收左個碟，真係無跨張，仲試左三次咁多。

海景嘉福裡面几間餐廳都好有水準,平時去Mistral同Belvedere多,但其實呢度中菜亦十分唔錯.首先可以叫個石榴翅,樣靚又好食,個湯汁冇用味精,但好夠味.仲有花膠扣鵝掌,大概因為呢度上湯靚,所以呢味菜好有水準,又滑又入味.至於蒜香雞,皮脆但仲有肉汁,肉依然好嫩滑,調味又好,差不多次次都叫.不可錯過0既仲有竹茼飯,好香,D飯軟硬適中,好惹味好開胃,勁正呀~~