海景軒

营业中

休息中

早個星期，朋友叫聚會，地點揀在尖東，但要我揀餐廳，就選了間未去過的，就選海景軒吧，网上食評都是贊好的居多，相信不會太差吧，去到後才知朋友已來過多次，并已予訂了幾個菜式，杭州富貴雞，紅燒班腩翅，椰香焗蟹蓋，狀元煎茶果，我只揀了個瑪瑙牛筋片，煙薰玉帶子，再加個魚湯浸莧菜，飽飽了。杭州富貴雞---真是好食，如果有外國人就最啱，個晚開光時就見到好多外國人望住晒。紅燒班腩翅---用青班腩做的，炆得好香好滑，但青班腩唔易做得好，廚師揀材料有一手。椰香焗蟹蓋---食過就知好，全部是蟹肉，椰香味我最喜歡。狀元煎茶果---朋友說一定要試，果然不錯，原本平凡的茶果，煎過後唔同晒，師傅真有腦。瑪瑙牛筋---服務員說好花時間做的，但我一秒就吃了兩片，好爽口，唔講唔知乜傢伙。煙薰玉帶子---煙薰味與帶子的甜味好夾，炸過的玫瑰花原來幾好食嘅Wow魚湯浸莧菜---用料不算特別，但個魚湯食得出有心機。憑朋友的口才，送給我們說是招牌的蛋白杏仁露，可能與朋友食得太開心，總覺成晚的食物好好，連這個甜品都只能再講是果然不錯。要彈的也不是沒的，好奇怪，由入座到离開，都沒有餐巾抹手的，連紙巾也欠奉，好彩我們有帶，否則都幾尷尬，不

21-03-2010這夜在此設宴以賀父親大人壽辰，多得惡男兄、梁師傅同梁經理的幫忙和打點，在此再一次多謝。兩圍枱十八人獲安排於偏廳，有大有細好不高興的閒聊家常亦不會擾人。先說說桌面轉盆上的辣醬、Xo銀魚醬及烤夫都好吸引，不消一會已煙消雲散般清碟了要再來一回。黑菌燉螺頭湯一位一位上，一個一個開盅，香氣飄散令眾人皆食指大動，將熱騰騰的靚湯一匙一匙往嘴內送。玻璃蝦球放在轉盆上的大碟簡直就像一束香檳色玫瑰置身於雪地上，食後感是蝦的鮮、爽，味都十足。欖菜玉珠大串大串葡萄擺放於碟中，賣相已叫人不忍舉筷，最後就由我先摘下幾粒給壽星品嚐，其他人相繼出筷，得出結論是睇得又食得，真係好FRESH！萬壽果牛肋肉好一個實而不華的賣相入口卻又腍滑無比，加上豐腴肉汁簡直無敵。告誡註：﹝獻汁如果用來下飯可能連下三城﹞小心、小心肚皮！清蒸大海斑大約兩斤重的海斑沒抱太大期望，驚喜再次偷襲成功。蒸魚的時間掌握得很準和那用來帶味的醬油配合得天衣無縫令這條普通的海斑“升呢”地犧牲。錦繡一品豆腐其實只是家常的‘老少平安’，表面被紅紅蟹黃粉飾和翠綠的菜花伴邊之下頓時漂亮起來就像化了妝女性令人傾心！金菇炆長壽伊麵金菇加伊麵配上少許

已有多年沒有情人節了,今年終於不用吃齋團,但是撞正大年初一,莫非最後還是又吃齋?幾十年一閏大年初一與情人節撞個正著,市面的餐廳當然把握商機,本來年三十收爐,也要延遲.務求在這個有異性,無人性的節日,刮一大筆才過肥年.這是人之常情,比著你係餐廳老闆,也會一起來搶錢.有錢的話就無須左度右度,半島兩日一夜套餐絕對lum死女,用錢買到浪漫這個道理,人人皆知.但好像窮鬼如我,當然要計算過,用得精明一點.誓不屈服於出面幾百銀一個頭,不是牛扒就是魚柳,再配平價紅酒的情人節西餐,毫無新意,既然今次與大年初一撞個正著,不如以吃一頓精致的中菜慶祝,結果來到海景嘉福酒店內的中菜廳 - 海景軒,以中菜賀情人節.女友想到此很久,小弟在年多前曾在此參與過飯局,其後已演變成為身邊眾人的飯堂,而我就要等到今年的情人節再次光臨.新年的海景軒,食客大多以家庭客,和酒店的住客為主,好像我這些拿著香檳來的情侶,絕無僅有.菜單一早與海景軒行政總廚 - 梁師傅傾妥,他為我倆安排了一頓別開生面的晚餐,先說說內容:鴛養大蝦球萬壽牛肋肉幸福團圓金包玉葉香煎茶果紅豆糕單看內容,大家可能會覺得:{咁少?夠唔夠架?}第一

跟三位老友提早食團年飯,地點從新同樂和海景軒取其一, 由於前者在美麗華商場重新開業尚未有食評, 而海景軒一直好評如潮, 主廚梁師傅更被傳媒評為廚神級,故此選取此間.週末晚上7 時到達, 可能尚早, 人客不算多, 亦有一兩枱已經食完, 環境不錯,但有缺點是射燈太多, 尤其被射燈射到正的, 更是痛苦到極, 要求轉枱又話fully booked, 最後都把射燈校暗, 服務值得一讚說回當晚菜色, 共order 6 個菜, 其中玻璃蝦球是招牌名菜, 共8 隻賣$260.-, 蝦大隻, 入口爽口但無味, 枱上放上蝦醬調味,是否已經說明?兩款雞, 金華玉樹雞, 很久無食, 感覺唔錯, 另一隻黑松菌汁燒雞, 我們見識少, 不知道黑松菌是指那些黑色點點還是似磨姑碎的東西, 但又是淡淡的沒特別幫助不大(點菜時話成晚只做兩隻, 我們好彩得到最後之1/2隻, 但我們奇怪$188.-半隻,為何不做多些?但我們估到答案)豉油皇牛柳粒算是唔錯, 另叫了兩個菜類, 上湯豆苗,good! 鮑魚姑小棠菜一碟各六片,打個獻但並非鮑汁本來想叫糖水, $32.-不算貴, 但最後決定打的去佐敦, 大把choices埋單$1,05

酒店中菜廳，裝潢不算豪華，但座位舒適。服務懇勤有禮，價錢合理。西洋菜豬煲鴨腎湯：是晚老火湯，味道OK。西洋菜煲得很腍，good。炒桂花翅：即魚翅炒蛋，伴以芽菜以增口感。味道清淡。魚翅口感被芽菜蓋過了，末見突出。蜜梅京燒骨：蜜糖酸梅互相配合，酸甜味道能增進食慾；伴碟的哈蜜瓜和濃烈的京燒骨產生强烈的對比，視覺上增添清新的感覺，減少了肥膩感。京燒骨肉厚得來肉質鬆軟，味道不俗。鐵板銀鱈魚：出品熱辣辣，遠處已能聽到醬汁滾騰的聲音。破開錫紙，香味撲鼻。銀鱈魚肉質肥厚，唔錯。黑松露菌燒雞：本想一試招牌富貴雞，但原來需要兩日前預先訂購？！最後試了黑松露菌燒雞，味道確係幾特別，燒雞夾雜着淡淡的菌香。錦鏽一品豆腐：做法似老少平安，用魚肉和豆腐切碎製成。面上淋上蟹皇醬汁，以添味道及可觀感。豆腐香味仍在，不過蟹皇醬汁味道未見突出。魚湯浸豆苗：豆苗都幾靚幾嫩口，OK。帶子百子炒飯：炒飯不俗，色水平均夠乾身。帶子新鮮。百子除添觀感外，亦旨在增加口感，可惜效果還差了一點點。生磨杏仁露/合桃露：香味OK，不算太甜，可以一試。雷沙湯丸：整體令人滿意。只是其中一粒湯丸的餡料竟流了出來，要扣分。

新的一年,新的開始,海景軒今月又推出了一系列新的菜色,全部都是一些賀年美食,有鮑魚,三文魚,帶子,花膠,大蝦,桂花魚,每一款都好精彩,希望大家食完之後,都好似那些菜名一樣

父母生日, 專登同兩老搵間好既中菜食番餐. 睇到呢度食評, 講到曉飛咁, 真係抱住好大期望. 點知.......係十分失望. 自問好吃但唔係嘴刁既人, 幾個招牌菜式, 味道真係好一般.玫瑰煙燻帶子: 只有煙燻味, 帶子唔算大隻, 第一道菜, 一食, 大家都唔出聲....葱爆東星班球煲: 或者東星班貴, 份量好少, $300得幾舊. 魚幾新鮮, 但味道好一般.....萬壽果牛肋肉: 味道偏淡, 食到呢個餸, 母親大人終於忍唔住話: 呢D咪炆到好腍既牛展囉. 係, 同佢平時在家整既, 真係分別不大, 一樣都係咁腍滑. 唯一既分別係, 阿媽整得惹味好多. 煎茶果: 無乜特別.龍皇炒麵: 蛋白堆中有點蝦肉/帶子肉啩? 味淡, 麵好油膩, 阿媽食左兩啖冇食, 頂唔順.對於呢一餐, 阿媽十分有禮貌咁話: "出黎食飯都係增廣見聞既一種...." 係囉, 見識過就算, 下次都係去番利苑穩陣.

因為經常被朋友K和太座嘲笑長篇大論,想看下去也堅持不了,現聽從民意,稍為簡化食評以便有閱讀障礙的他們,今晚試的菜如下,是日例湯$158例窩: 金銀花陳腎豬肺湯,味道很家庭沒有添加味精那種,湯渣亦排列很整齊,湯水隔得很清,沒有一點油浮面,賣相完全值十分, 分量也可分足6杯碗紹興酒蛋白蒸蟹拑$98/客: 酒味雖然不多但剛剛好,蛋白當然是很滑,鮮蟹拑夠大隻,口感肉味都一流,只是價錢也成正比呢富貴雞$460: 雖說是招牌菜但雞肉那種化的口感實在真的是很適合老人家吃,不過口感欠奉,豐富的雞汁亦很美味只是如果再送白飯則其他的都吃不下了,如果可以留番一些肉的口感的話,整度菜理應更好,万壽果牛肋肉: 另一款近期的招牌菜, 牛肋肉的前處理(炆)得比一般的淋身,肉味夠濃但口感就差一點,生果也炒得很好沒有完全破壞纖維, 獻汁杰度處理也恰到好處,但如果顏色配搭上加一點點綠色的話,亦無須放半個木瓜因為客人多半不會連伴碟都食埋,變得有點浪費,三蔥星斑煲$268: 星斑肉厚切有口感味道好,瑤柱炒荳苗$148: 炒得清淡但菜的色同口感亦好好,完全是少油,甜品是:蛋白杏汁 & 桂花糕蛋白杏汁: 杏汁味濃雖然做法簡單桂花

今次係兩個壽星一齊慶祝的生日飯, 去咗大家都好like 的海景軒. 無錯, 都係為咗呢度的北京填鴨. 砂鍋斑球, 斑球都幾鮮味, 但冇個好重手的汁, 爭咗少少咁囉!什菌上素, 呢度的素食第一次食, 其實都幾唔錯喎. 食料新鮮, 用嚟煮的湯底幾夠味, 素食吸收湯的精華, good!蒜片牛柳, 香噴噴惹味的一個菜, 好鍾意炸香的蒜片, 好香, 香惹味, 加上嫩嫩的牛柳味, 味邊都幾唔錯. 蜜梅京燒骨, 呢個之前都食過, 排骨先炸過, 脆脆地, 再加個酸酸甜甜的蜜梅醬煮, 好味. 伴碟的哈蜜瓜也鮮甜, nice!北京填鴨, 今次係出奇的脆皮, yummy! 肉好嫩, 又唔油膩. 用嚟包鴨的皮都幾夠熱, 可能我們有成十個人, 好快清咗碟卦, 正!炒鴨菘, 唔好講笑, 呢個簡直係我的至愛愛愛.... 次次嚟呢度, 我都一定要食, 兩個人, 都會打包走, 第二日叮番都係超正! 鴨菘點好味法?? 好jucyyyyy架! 同埋裡面有西芹, 香芹之類的配料切幼粒同炒, 超香, 超惹味. 同場仲有脆卜卜的生菜包著同食, 超好味! 雖然有source 可加入去, 但我唔會落架, 因為個鴨菘本身已夠晒味, 無

龍蝦可說是海鮮中的極品,更加是香港人至愛,今次可食到咁多用龍蝦做的菜色,真是滿足,雖然唔係用新鮮澳州龍蝦,但肉質都做得很爽口彈牙,味道鮮甜,而價錢都可是大眾化,平均每款都是$230,如果用澳龍的話,無$1000都食唔到一款呀!!!

When it comes to pushing the envelope of Chinese cuisines, Hong Kong would undoubtedly be on the top of the list. With the arrival of Michelin ratings, many restaurants try to create contemporary Chinese food that go beyond just the traditional flavor-centric approach. Chefs often utilize exotic or uncommon ingredients to produce new flavor combination; presentation becomes more sophisticated and refined resembling Western fine dining. However, the results are mixed in my opinion. Often time

每一年呢個時候又係食蟹的季節,今期呢間餐廳推出了好多用蟹做嘅菜色,仲有由美國來的新鮮大生蠔,蠔身肥美,鮮味十足.不仿一試.

現在一些傳统的菜式喺香港已經很難揾到,因烹調時間長,又不太多人欣賞,而家香港人大多都講健康,因以前的菜式都比較肥膩,但間唔中食一次都別有一番風味,又可懷念一番,今次在這餐廳食到的,樣樣都好好味,好有特色,其中竹絲雞和牛肋肉最為出色,雞內竟可釀入咁多材料,而牛肋肉好淋,好有肉味,不坊一試.

今日放假,早咗起身,於是同屋企人去飲茶,不過去到海景軒,又有很多新菜式,都係忍唔住叫咗幾個小菜,攪到好似食晚飯一樣,不過這一餐好豐富,好滿足.

星期天，父親節，天空放晴，可惜空氣像鉛般沈重，限制了戶外活動。慶祝父親節，好彩唔駛响外邊出出入入，如果唔係响呢種翳熱嘅天氣都幾係嘢。預先安排好嘅節目，捨晚飯而改為午膳，主題係中式點心，地點係比較就腳嘅尖東區。正如部分網友提及，關於酒店中菜部嘅食評不少，不過有關點心嘅論述則寥寥可數，於是筆者嘗試為此一範疇作一點分享。食肆以「海景軒」為名，當然係呼應所屬嘅酒店名稱。筆者比較奄尖一點，既然名為「海景」，點解位處地庫，一點海景也沒有？有點貨不對辦。以上當然純屬講笑，論環境，地方寬敞，座位之間保持充足距離，沒有一絲迫狹嘅感覺。是日父親節，小朋友比較多，走嚟走去喧嘩也難避免。餐桌、椅、食具都擺得井然有序，十分整齊企理，所以環境衛生方面是值得俾高分的。一行四人，點了五款點心、一道燒味、一碟菜及炒飯。首先出場嘅係蜜汁叉燒，光睇外表，似乎已經有點兒不對勁。第一，豉油汁太多，形成一個小水池般，太濕了。入口感覺也有問題，蜜糖下得十分重手，味道太甜。而且豬肉肥瘦比例失去平衡，無可否認適量嘅肥肉可令叉燒更甘香可口，但此叉燒中嘅肥肉實在太多，太油膩，唯一可取之處只是瘦肉入口嫩滑而已。不消說銅鑼灣嘅「西苑」，「鳳城