河內大娘越南餐廳 (已結業)

聽朋友說有間越菜很正宗。 夏天天氣炎熱，容易口乾和怕食過多肉類。 最適合食酸酸甜甜又醒胃的越菜。 不想再食連鎖倒模式的越x 來點特別的，帶媽媽來食河內大娘～ 地點超便利，在地鐵站口一出便到。下雨都不用打傘XD 找到了河內大娘嚕。希望不是商場越x那種普通的越菜啦。 店雖不算好大，（無計啦黃金地段） 但店內的裝潢頗有心思，有個越式草蘆、草帽、紙燈籠和越式畫像，充滿越式感覺～ 再點了個特別菜式～ 梅子醬瀨尿蝦！ 這款是靚太推介必食的。 每隻瀨尿蝦都沾滿秘製的梅子醬。 夏天經常感覺飽飽滯滯，食它超開胃的～ 食瀨尿蝦最怕剝殼！ 其實我最討厭食它， 次次都整損手指。 點這碟菜滿足了我的食瀨尿蝦的慾望。 梅子醬微微的酸酸甜甜的， 提升了瀨尿蝦的鮮甜味。 瀨尿蝦好足料， 隻隻都好大隻，肉也夠厚， 咬下去好鮮甜！ 食就要食嘴刁d!!! 大娘介紹我們點【越式香茅烤魚】。 老闆娘說，是選用新鮮原條時令鮮魚～ 今天是靚魚龍躉～ 即燒即食，肉嫩至極

係尖沙咀買完野，約左老公食飯。朋友介紹我去依間越南餐廳同老公撐枱腳，去到都幾爆。好彩等左唔係好耐就有位😁打開menu, 見到依度有蓮藕bb食，梗係要叫返個大蝦藕苗沙律😁D 蓮藕bb 酸酸辣辣，嫩口爽脆,加上同樣爽嫩既芹菜，真係好爽👍🏻旁邊既大蝦，香烤味濃，一d都唔霉，好惹味😘我依d眼寬肚窄既最鐘意食拼盤，貪佢樣樣都有，咩都可以試d😎所以叫左個大娘小食拼盤：香茅扎肉- 香茅味濃，外面又脆又香～春卷 - 脆而不膩又料多，肥o都o都，好滿足。墨魚餅 - 未放入口已經有濃濃墨魚香，放入口度，嘴嚼到喉嚨都仲留有墨魚味，而且彈牙～蒸粉包 - 粉皮好滑，而且加左雲耳碎，好爽口～老公鐘意食牛，所以叫左個烤牛肉撈檬。牛肉烤過後帶出香烤香味道，肉質唔硬，仲保持到軟林度，好重牛肉味！而且帶點千層塔味，有自己既特色👍🏻我地仲點左個西貢咖哩牛坑腩配蒜蓉包牛肉炆得林，仲要有又滑又香既牛根！炆得咁夠火喉既牛坑腩，當然要配又脆又香既蒜蓉包，先至可以連汁都 lam 埋😋依道有越南單，鐘意 啤一啤既老公梗係有飲啦～我就點椰青，食度既椰青真係好靚，d椰青水，滿到差不多瀉，超級甜😘😘朋友真係無介紹錯😁😁

下午過來吃了個生牛肉河，牛骨清湯味道唔錯，只是稍鹹，生牛肉片用的安格斯牛，好食，但份量少左的，配菜亦不多，如果放的千金不換就好了，我記得正宗的好似是要放金不換的，會香好多

走咗去河內大良食大餐，首先叫咗個椰青，勁新鮮加甜，飲完即刻勁開胃。跟住就叫咗個燒牛肉沙律，啲牛肉整得好好味，又燒到啱啱，呢個堅推介！再叫多個軟殼蟹米紙卷，呢個真係攞奬，勁好食炸揸到啱啱好，包埋啲米紙卷勁有口感。跟住又叫咗個佢哋介紹呢燒乳豬，真係估唔到整得咁好食，又爽脆又香，食到差d想叫多碟。最後再叫多個我最愛嘅生牛肉河粉，湯味濃郁，牛肉浸完落啲湯度食勁林勁好食。呢度個老闆都好熱情，好比心機介紹佢哋嘅重點好食菜式，一d都無介紹錯，正！

有朋自遠方來，自當盡地主之誼，到入住的酒店會面並邀往晚膳，得知友人嚮往東南亞菜式，遂領她至附近一間小店吃正完越南菜。來到這店門前，地上有旋轉射燈的投影，像告之你已抵達美味之旅的起點。好友感到奇怪，為何小店地方不怎麼闊落，座位又不多，卻吸引食客垂青？其實原因很簡單，因大廚是越南人，選用新鮮食材，運用特製香料，以傳統方法炮製正宗越南菜式，連啤酒也來自河內，這店宣傳不多，客人大多從口碑得知，雖然座位有點擠，但無失捧場之雅興。問好友有無興趣一嚐越南啤酒？她本想一試，惟恐影響翌日早上會議表現，還是來一杯椰香味濃的珍多冰穩妥，我也點了清涼的薄荷葉青檸梳打來消消暑。越南菜有多種小食值得一試，大娘小食拼盤有四款小食，二人分享分量剛剛好。越南粉卷粉皮軟滑，包裹著肉碎，木耳，甘筍，香葉等，滋味十足；而越南炸春卷有別於廣東春卷，因春卷皮是以米漿造，鬆脆度不及廣東春卷，蘸點魚露是別有一番風味；炸蝦餅以蝦膠打成，蝦味濃郁，口感有彈性，配以甜辣醬汁精采惹味；牛油雞中翼，平凡之物卻百吃不厭。若是意大利黑醋、橄欖油和羅馬生菜把你吃膩了，這個以清甜之柚子肉拌以椰菜絲，甘筍絲及秘製醬汁的烤大蝦柚子沙律定能令你耳目一新，沙

今次係尖沙咀食呢間越南菜，位置都幾隱閉，入到去個裝修都好有越南風格。半開放式廚房可以見到店員整野飲，牆身掛左好多唔同嘅畫，好有style。大娘蒸粉包入面有豬肉碎、紅蘿蔔同雲耳。面層鋪有小量炸蒜同蔥，外面就用粉皮包，好簿！有d似粉菓，食落既感覺都幾特別，肉碎都好夠味，口感好豐富。自家製海鮮網春卷炸到卜卜脆，外脆內軟。入邊有魷魚、蝦、紅蘿蔔同豬肉等等。食落去好香口，好似炸魚柳咁。點埋沙律醬，味道好搭！脆皮蝦卷撈檬蝦卷面用腐皮包住，炸到脆身，入邊有攪碎左既蝦蓉，食落脆身好似薯片咁。檬粉食落唔會太稔身，仲有椰菜絲、青瓜絲同紅蘿蔔絲，配埋酸汁撈嚟食一流。酸酸甜甜好開胃！牛油雞翼表皮係用油炸，一上有好香既蒜同牛油味。味道有d似蒜蓉包，即炸即上台。炸到熱辣辣，食落去辣口，都幾入味。雞肉又唔會太老，可以一試😋越南椰青 原個椰子上，飲落好涷好清甜。椰子味好重，飲完都仲有陣椰子味係口到，飲完仲可以食埋d肉 。下次經過想食越南野都可以再嚟食！

河內大娘。平時好小食越南野嘅我今日就去左試位於尖東嘅河內大娘，餐廳裝修好越南古舊feel，周圍掛左好多紙帽吊飾、馬仔吊飾同畫。有個窗位可以見到餐廳員工整野飲，上面有一排稻草好似以前嘅街邊檔仔咁。大娘蒸粉包。上面有炒蒜同香蔥鋪面，粉包皮簿饀靚，入面包住肉碎、紅蘿蔔絲、木耳絲。食落似餃子嘅感覺，好滿足😍軟殼蟹米紙卷。原隻軟殼蟹炸左之後切四件上卷，仲包左米粉、青瓜絲、紅蘿蔔同香葉。軟殼蟹多肉，米粉增加左口感，青瓜凹蘿蔔就中和左蟹嘅油膩。😋😋菠蘿冰。熱辣辣嘅天氣點少得一杯冰飲，菠蘿冰入口清新，有小小橙味，下面仲有小小菠蘿肉。牛油雞翼。上檯係蒜蓉包嘅香味😍好香蒜蓉味，雞翼咬蓉有小小香茅味。雞翼炸得好脆好香口，肉質唔會太老，都幾好食。係有小小油，如果少啲油會更好，但真係好香！生牛肉河粉。據說e間嘅生牛肉係選用安格斯牛肉，紅卜卜嘅牛肉係到呼喚緊我！湯底有好濃嘅牛肉味，唔係味精湯。牛肉好嫩，食落好重肉味，好嫩好香。可以揀落辣椒或者青檸汁。河粉滑嘟嘟，索一聲就食到一啖，好好味。建議一啖河粉一啖湯，正😍😍

今次係公司附近意間越南餐廳食晚飯。係一間北越餐廳，特色是味道較清新淡味。環境裝修較地道簡約。小食拼盤，價錢$148，有五款種類。越南最出名牛油雞翼，外層真係好香口脆身。燒乳豬，必食推介外層非常香脆，沒有多餘脂肪。裡面肉質嫩滑，還能保持肉汁。香茅燒魚秘製香料釀入魚肉內，再燒烤。香料從魚肉裡滲出，香味撲鼻，齒頰留香。順化粉者是越南豬手麵，湯底香濃惹味，豬手入味。芒果黑糯米飯，椰汁不算太甜，黑糯米較香有咬牙，作為晚餐句號的確不錯。芒果冰推介，坊間少有芒果粒冰。清甜可口。

其實一直都好少食越南野食，因為我本身麻麻地鐘意，但朋友想食，結果夜晚收工之後就去左尖沙咀既河內大娘越南餐廳食dinner。餐廳掛左好多畫，因為我本身好中意圖，所以有影低留念 由於我12點食lunch 之後就無咩點食野，所以同朋友叫左好多野食。朋友同我分別點左椰青同大娘真多冰。真多冰d 料好足 - 綠色粉條同d 綠豆蓉(應該係) 好多，好正 因為我個陣分左d 比朋友飲 所以個陣真係想點多杯飲 金黄炸軟殼蟹軟殼蟹紙卷牛油雞中翼大娘小食拼盤開頭同朋友點左d 小食，軟殼蟹紙卷，金黄炸軟殼蟹，大娘小食拼盤同大娘秘製牛油雞中翼。我食炸野最驚炸粉多，但呢間餐廳d 炸野一d 都5多炸粉。牛油雞中翼真係好香牛油味，我忍不住一次過食左3隻。 (必叫)主菜就叫左香茅烤豬頸肉湯河粉配雞扒，豬頸肉同雞扒好好食 而已湯完全係我favourite 唔會太重口味，但又有味。(推介！) 另外朋友點左雞絲撈檬，佢話好食 菜就叫左蝦頭膏炒高麗菜，我本身5太鐘意食菜。但蝦醬係我至愛，結果就叫左 好香蝦醬味，本身我朋友驚好辣，但一d 都唔辣，仲好好食，成碟差唔多係我食晒

早前到鹿鳴春吃飯，途經這裡，也便把它記下以作無飯家庭不時之需。由尖東P3 出口乘電梯直上地面出𨋢口直行不久，便已看到食店，真是非常方便。嫵媚的越南姑娘很喜歡這個仿茅屋的水吧，令人感覺到一點田野氣息。天花板吊著的一串串斗笠，平添了不少越南風情。很愛越南、泰國等東南亞地區的小吃，外型小巧精緻，也有各自的特色。大娘蒸粉包（$68）標榜是自家手造，從來對「自家製」這字眼沒什麼免疫力；好味固然開心啦，強差人意的也是一次便算，叫做試過某某的自家製出品，也是個經驗，畢竟未試過差的，又怎識辨好？好在這個大娘沒有令我們失望，熱騰騰的粉包皮薄透亮，內裡的紅蘿蔔、木耳、豬肉碎、蝦粒和沙葛隱若透現，入口滑而柔韌，還帶點米香；再加上餡料是每日新鮮手製；除非調味不均，否則怎能不好吃？再沾點魚露，連着面頭的炸蒜片和葱油同吃，精彩！由於粉皮留過夜便會變酸，所以不會大量制作，售完即止！藕苗大蝦沙律（$68）牙車快，青芒果沙律，烤大蝦柚子沙律⋯唔叫住啦，要試就試難得一試的，藕苗的質感爽脆得來又帶小小韌性，原來它是蓮花和蓮藕的連接位 ，是屬於蓮花的莖部，管狀裏的小孔索滿了用魚露、辣椒、蒜糖等調製的汁料，入口後汁液便從小孔裏

天氣開始熱，令胃口真的不太好。所以突然食越南野，感覺較開胃。店鋪不算太大，撲素裝修有越南味道。睇到餐牌有滴漏咖啡，二話不說就叫左味道非常香濃幼滑，感覺每啖都係精華。真的好好味，讚！順化粉越南豬手麵，湯底濃郁吸引，豬手彈牙。小食拼盤有五款食物，選擇多，二人食每人一件剛好，當中牛油雞翼十分出色香口。招牌烤乳豬，個人推介外脆肉滑，但絕無一點肥膩感。好好味！烤魚就有一點乾，但點上一點酸甜汁又有另一番味道。芒果糯米飯，用上黑糯米加上椰汁，味道不會太甜，味道清新。

好少食越南嘢，今次試呢間，冇失望！😊💪小食併盤 ： 有蒸粉包。四個字：包薄餡靚炸春卷。仲有……唔少得既當然係“香茅雞翼“啦！大大陣香茅味，炸得又脆又香，必點！😝越南菜館，當然要食香茅嘢🤗呢個 香茅雞扒併香茅豬扒湯河粉，就必點啦！炸得剛剛好，外脆內軟，有效鎖住juicy 既肉汁😍Btw, 記得要吱d青檸汁，酸酸甜甜，好開胃，為道菜生色不少😊呢個炸軟殼蟹粉卷，好fresh炸得好脆，配上d生菜，中和返油份，唔膩，又有口感牛柳粒沙拉~只是想食下菜😂貪得意叫，但出奇地好食😱牛柳粒一d都唔靭，d汁係酸酸甜甜，好開胃，當配菜一流其他必食既有：炸軟殼蟹牛油雞翼原隻椰青，好清新架埋單，人均幫我地計埋（好窩心），300蚊唔洗，晚市，算係甘la

河內大娘係乜東東？為食妹俾射燈吸引了。入去探個究竟。草屋嘅裝修。好有農村家庭feel 椰青蟹。膏蟹。咖哩蟹要早一日預訂架。想食嘅朋友記得打電話黎order 。椰青大大個。盛惠$48元。清甜多汁。香茅煮大蜆～是日推介。menu無架。有六粒大蜆。蜆完全無沙。一d都唔un。好鮮甜。炸軟殻蟹～份量徧少。爆膏惹味。滿足。大娘皇牌烤乳豬個皮脆卜卜。肉質嫩滑。真❤️好好味。為食妹👧🏻必點之選越式香茅烤🐠～🐠大大條。啖啖香茅清香。唔洗（點）醬汁已經夠曬味道。火車頭～由牛肉。牛丸。羅白。芽菜。蔥組成。個湯底好鮮甜。牛肉半生熟。嫩滑無比。蘿白爽甜無渣。牛丸彈牙。食完呢餐。❤️思思想食蟹。下次黎試試先。👅

朋友帶我捐窿捐那，估唔到呢度都有幾好食嘅越南野，平時都會經過下，但冇乜為意，今次朋友帶我來果然冇黎錯叫咗個烤牛肉沙律，酸酸味味好開胃，牛肉整得非常之軟身，好有牛味，一啲都吾硬，唔使咬甘濟都可以吞落去，再叫多個軟殼蟹米紙卷，呢個係即叫即炸架，軟殼蟹夠足料，唔係食到一層麵粉係外圍，加埋旁邊啲酸蘿蔔食，真係夠晒開胃再叫多一份香茅串燒拼盤，入邊有雞，牛，大蝦各樣三串，雞肉燒到火候啱啱好，入邊有肉汁添，牛肉一咬即開，好軟身，好好食，大蝦蝦身亦都好大隻，食得出幾新鮮，唔使點醬汁都好好食呢杯熱檸茶用咗青檸來整，感覺口味同出邊唔一樣，我仲飲咗兩杯添

Yesterday,me and my friend went to this restaurant,and the food in this restaurant is absolutely good and delicious!We tried 豬頸肉河粉,and it is really really good and delicious,i love this so much!also,i tried烤牛肉米卷,it is delicious too!如果有機會一定再黎！！好正