河內大娘越南餐廳 (已結業)

東南亞各國美食百吃在厭今天途經余仁生大廈, 看到一家河內大娘, 晚市時間客滿了九成, 剛好有張二人枱容納我倆, 何不一試店內放滿越南擺設, 水吧頂更以草做裝飾，仿越南海邊的小店今晚來個輕食, 所以點了沙律 • 小食拼盤 • 火車頭朋友看完餐牌便立即問我要不要越南咖啡？我想了一下, 還是想飲越南風味的大娘真多冰呢底層放入大量開邊綠豆, 中層加入了真多冰的靈魂 - 綠色啫喱條條..吖不是 ~應該是綠色啫喱粒粒, 用飲筒飲一啖可以輕鬆張綠豆. 綠色粒粒. 椰奶吸入口當然要選款沙律做前菜烤大蝦柚子沙律兩隻蝦的size相約, 入口一陣烤蝦香味, 肉質爽彈柚子幾乎都撕碎, 與青瓜椰菜絲拌勻, 啖啖水份啖啖清新又開胃人少少最好食小食拼盤, 款款都試一試, 不過不能多食一件店員介紹所有小食都自家製, 不是入貨所以各有特色大娘小食拼盤蝦餅跟以往食的泰式有明顯分別, 口感軟中帶點煙靭春卷不帶油膱味, 內含粉絲木耳絲等, 香口爽脆蒸粉包與醋是絕配, 內饟已炒香的蝦米香菇豬肉碎木耳絲甘筍絲做餡, 食一件真的不夠香茅雞翼, 肉厚之餘香脆又有肉汁越菜之中最有代表性是生牛肉湯河, 但看到menu中的大娘皇牌火車頭內

尖東港鐵站P3出口，一出就會見到河內大娘招牌個轉動投射燈，地點好方便。舖面唔算大，係小舖嚟，夜晚8點去到坐滿晒人，等咗一陣位。我哋坐嘅二人枱枱面都幾細，嘢食會慢慢上，唔係會擺唔晒，同時食物亦都可以保持溫度同質素。點菜時店員推介嘅是日精選- 香茅煮大蜆$98，餐牌係冇架，仲係每日限量供應，餐廳會按當日有咩新鮮食材而推介嘅，叫左一客嚟試吓。一上枱真係好大隻，有五大隻喎。其實唔應該用大黎形容，應該用「巨」!!! 成隻手掌咁大隻，入面完全冇沙，咁大隻但又好鮮嫩，相信廚師都花咗好多心思預先處理同烹調。個香茅湯底，好香香茅味，又有清甜嘅蜆味，食得出係新鮮海鮮，唔係雪藏貨嚟。大娘小食拼盤$148，有蒸粉包X2、炸春卷X2、炸雞翼X2、炸蝦餅X1，成個拼盤啲食物都係熱辣辣。蒸粉包面頭有炸蒜片，好香口。粉皮厚薄適中而且帶點嚼勁。入面材料有紅蘿蔔、蝦肉、木耳、豬肉，仲加左蝦米，特別惹味。炸春卷外皮好多香茅絲而且非常鬆脆。炸雞翼炸得乾身，面頭都係有好多香茅絲所以食落好香口。雞肉嫩滑，因為熱辣辣所以相當美味。炸蝦餅好彈牙，入面冇落肥豬肉，啖啖蝦肉。如果大塊啲就PERFECT啦。皇牌火車頭$88 生牛肉、牛展、

平時約朋友去尖沙咀食飯總是去大型商場入面的餐廳，所以今次同朋友target去搵間小餐廳食下，可能有另一番風味。走到尖東盡頭搵到呢間不太顯眼的越南菜，入面卻係滿座好多人，嗯相信一定好食！先來個前菜柚子沙律，用的是沙田柚，甜中猜苦，加上酸甜醬汁非常開胃，令我好想叫多好多野食哈哈～呢個蝦餅真係不得了！一咬落去雙眼發光～點解可以咁軟熟得黎又帶點咬勁？從來出面既蝦餅都係外而太脆而入面蝦肉過實，但呢到唔知係咪自己打蝦肉所以特別彈牙，表面又唔知只有炸粉既脆，食到停唔到好想叫多一碟～清酒蜆大大隻～超新鮮爽甜，一人食左2隻半都仲未夠喉，最後連湯都喝光大半，可想而知有幾咁好味。食左咁多前菜，主菜叫左一碟越南咖哩豬排share食，咖哩不是稀稀的，越南咖哩都帶小小甜，不會太辣，好滋味，姐應該可以成碟食晒～

中意帶媽咪去食野的原因係，佢永遠都會踴躍和應，甚至比你的男／女朋友更快反應。由於媽咪中意食泰越菜，所以今次就帶左佢黎呢度「河內大娘」晚飯啦！呢度好近地鐵站，喺尖東食完行番去紅磡搭火車係非常方便～入到去雖然發現沒有太隆重的環境，但有茅屋同農夫帽的擺設同少少純音樂，感覺都幾似去左越南幾有情調～ 大熱天時，咩都唔使講先來兩個大椰青消消暑～其實呢度除左椰青仲有好多老闆娘親手製作的飲品款式，款款都落足成擔心機同材料，絕對唔簡單～不過椰青來貨地點都好重要，呢度就越南空運的，所以保證新鮮清甜～ 大娘皇牌火車頭牛河有生牛肉﹑牛展﹑牛丸﹑牛柏葉同牛根～河份份量雖然唔多，但湯底好清香，生牛肉好滑，牛展亦好有牛味，牛筋淋滑，做吊味的白蘿蔔吸盡湯底的精華，需要大讚的說～ 藕苗蝦沙律的藕苗有一點點老，但整體好入味，而且汁酸酸甜甜的非常開胃，係最好的小食之選～～兩隻大蝦經炸香變得好香脆香口～藕苗蝦沙律唔係間間越南鋪頭有得食，不過呢度的汁調得唔錯，唔會太酸，但每條藕苗都得到調汁的加持～ 小食拚盤無得揀大中小，但兩個人叫一個，要食的小食都已經有～蝦餅幾有蝦香味，但可惜好似唔係打得好夠所以唔夠彈牙；春卷好脆

聽friend 講尖沙咀有一間唔錯嘅越南野，仲要係尖東嗰頭夠方便，今日得閑少少終於走去見識啦！就喺尖東站地鐵口附近，入面都幾有椰林樹影嘅味道，可能因為星期一所以客人唔算太多。生熟牛河同friend子一人叫一個牛河，我要走生熟牛河，friend子就要左生牛～牛河湯底清得黎有牛味，牛肉仲好滑～生熟牛肉質感分明，加埋滑滑的河粉很不錯！小食拼盤除左主食緊係仲有小食拼盤啦～小食款式有春卷、雞翼、粉包同蝦餅⋯春卷雖說唔太食到有咩餡料，但好鬆脆味道都好夾～蝦餅自家製口感幾彈牙，而且香煎完蝦味好香～越式燒雞最後就有Friend子最中意的越式燒雞啦！老闆娘話呢樣賣得好好架，但今日都比我地食到真係好！燒雞我未送到已經聞到好香～金黃金黃的外皮，雞肉很嫩滑，皮是香脆的～很到位的燒雞是也蒜蓉菜心至於蒜蓉菜心雖然唔係啲咩特別野，但蒜蓉炒完好香，菜心都比較嫩，即使唔太鍾意食菜嘅都會主動夾🤣

餐廳位置唔太顯眼，但原來內藏美食。一開始見我地望住菜單猶豫不決時，老闆走過黎介紹左幾道菜，而且全部都唔差。燒大蝦柚子沙律。蝦好爽口，好新鮮，另外用上沙田柚（應該係），好甜，好開胃。香矛煮大蜆。老闆推薦，大蜆勁鮮甜湯底好香同埋有哂蜆既精華，正。炸蝦餅。食越南野點可以唔叫蝦餅，口感唔似平時咁表面炸到好硬，偏淋身但又好彈牙，本人推介。後來老闆話蝦膠係全人手打，所以先做到咁彈牙咖哩豬扒飯。味道有啲似日式咖哩，開頭甜甜地，但之後薑既辣味就慢慢出黎，豬扒味道醃得剛剛好，質地軟硬適中。唔想食咩河咩河既朋友可以試下。

昨天放學後，與同學去位於尖沙咀漆咸道南17-19的河內大娘越南餐廳食宵夜。已經晚上8:30pm這店仍差不多爆滿，店員很有禮貌招待我們。由於剛放學，非常肚餓，所以我們很快點了個小食拼盤，鮮蝦米紙卷，咖哩豬扒飯，蝦頭膏炒高麗菜，紅豆冰及珍多冰。小食拼盤有驚喜，當中的大娘蒸粉包，一咬粉皮相當煙靭，粉皮是河粉皮，內裡包了豬肉，蝦米等，非常好食啊蝦餅非常鮮味，應該是自家制出品，不是一般餐廳交貨來的貨色鮮蝦米紙卷，點檬粉汁，酸酸甜甜，十分開胃咖哩豬扒飯，豬扒和咖哩分開上，不會因浸在咖哩汁太耐而使豬扒變腍，而且像用上了本日咖哩，甜得來不太辣，適合吃不了太辣的朋友，這個必食啊。蝦頭膏炒高麗菜，蝦頭油好香，高麗菜好香脆 紅豆冰及珍多冰好足了，還用上越南的大粒紅豆，像紅腰豆那裡大粒，好飲又好食 總結：河內大娘是值得一試的越南菜館，吃得出他們的食品都是自家制，吃手功，與一般工廠交貨的越南菜館不同。

成日出尖沙咀食來食去都係西餐cafe真係有D悶，見到河內大娘越南餐廳的評價都唔錯，所以今日同朋友去試試。餐廳唔算大，但都坐得舒服，雖然人手D有不足，但上菜都好快。雞絲米紙卷 - 米紙卷透薄爽脆，配上雞絲同蔬菜味道清新，可惜得四件，分量偏少。燒大蝦柚子沙律 - 燒大蝦真係幾大隻同新鮮，柚子沙律味道唔錯。大娘越式三文治 - 誠意推薦，麵包烘得酥脆內軟，配料有烤豬扒及札肉，加上蔬菜同醬料真係非常好味。香芧燒豬扒飯 - 煎香左的香芧燒豬扒配上蔥花油夠惹味，不過細塊左D。熟牛肉河粉 - 餐牌寫係用安格斯牛肉，食落又真係好有牛肉味，湯底帶牛香又唔會太油膩。而越南河一般配以芽菜、九層塔、青檸及辣椒，但原來這是南越人的吃法，北越人則只會加青檸及辣椒，所以今晚就冇得加芽菜同九層塔，但河粉都好滑好好味。整體而言，要加一雖然唔算平，但味道同環境都唔錯，而且冇限時坐幾耐，有機會係可以一試的。

今晚又落尖沙咀搵我老友食晚飯.....點知佢又要加班......我要戇居居喺條街度行.....因為要等佢收工先有飯食.....本來我都慶慶地.....但冇計都係要等佢.....不過今晚佢話做東.....佢請我食飯......仲話帶我去一間乜都自家製嘅越南餐廳食飯.....無論春卷...粉皮餡料....去到汁漿.....一概都係自家製....仲話好食到不得了....呢間河內大娘....都幾近地鐵站....一出地鐵站行5分鐘就到入到去又係爆曬場.....都要等一陣先有位坐....不過冇辦法啦....想食好野要等一陣不過唔緊要有三個靚女陪下你到有位坐低咗喇....老闆娘介紹佢哋嘅招牌菜....大娘蒸粉包....特別之處....係在於呢個粉包嘅皮...並唔係用一般嘅粉皮...係佢哋自己用河粉皮精製而成....口感會特別細嫩....而且皮質特別滑溜...我心諗試過先至知既然我同老友乜都想試.....就叫左一個當中包括有大娘蒸粉包既拼盤....仲要有佢哋出名又係自家製嘅春卷同蝦餅嘩.....呢個粉包食落真係皮薄餡靚....裏面材料包括有蝦米...豬肉碎...木耳絲...羅白絲夾埋一齊嘅口感簡直好味

又同朋友約去尖沙咀搵食lu~我哋兩個都幾鍾意食越南嘢，所以今次嚟到河內大娘越南餐廳試下佢嘅位置係喺尖沙嘴近尖東嘅～尖東站P3出口向尖東果邊行一段路就見到～一入到去就見到好多越南風格嘅擺設 好地道枱上面一早放咗魚露同越南辣椒醬，方便食客食嘢要落大娘小食拼盤 ($148)一去到嘅時候完全唔知揀咩食好，侍應就介紹呢個拼盤，俾我哋咩小食都試得晒入面有蒸粉包、炸春卷、炸雞翼、炸蝦餅。炸春卷－春卷一向都係我喺越南嘢入面最鐘意既一樣，係呢到每人食得一舊真係有啲唔夠喉炸雞翼－好香嘅香茅味，令人忍唔住食埋個皮蒸粉包－入面有啲肉碎、蘿蔔絲、粉絲等等。個皮薄薄地，皮薄餡靚不過食起上嚟有少少leahea，啲料好易跌晒出嚟炸蝦餅－外層好脆，又唔會太厚。好有咬口，唔錯烤豬頸肉青木瓜沙律($78)青瓜、木瓜、紅蘿蔔絲嘅配搭，加上少少豬頸肉提高口感啲瓜好新鮮好爽，而且索曬啲汁，更加入味～馬拉盞炒通心菜 ($78)馬拉盞炒通菜係我另一樣好鍾意嘅越南菜式～呢到都無令我失望～每一條菜咬落去都好爽，而且好索汁，雖然有啲咸，但係好入味，吸晒啲精華香茅烤雞扒撈檬 ($68)頭先上面就食咗好多菜類勒，而家就食下多啲肉食撈檬最鐘意瘋

很久沒有吃越南食品了，這次和朋友到尖沙咀這間越南餐廳，感覺不錯。地方不算很大，牆上掛了越南風味的畫，感覺精緻。頭盤先來的是燒大蝦柚子沙律。較有特色的是大蝦是燒過的，比起其他以浸煮的方式處理的較為惹味。而酸酸甜甜的柚子絶對能讓人開胃，是很好的頭盤菜。之後也是讓人感覺清新的鮮蝦米紙卷。米紙卷很軟，但不會易破，裡面的菜及札肉味道清新，點了一些酸醋醬吃，不單開胃，也消暑。這味越式燒雞的皮很脆，讓人不能不吃。而肉質雖然較乾身，但一點沒有粗糙的感覺。不錯。主角是火車頭。湯底很清甜，用料也多：生牛肉、牛筋、肉丸及蘿蔔，當中最喜愛的是蘿蔔，吸收了清湯的味道，特別好味。凍飲當然也少不了，這個紅豆冰最特別的地方是用了不同種類的紅豆，有大有小。因此做成不同的口感，小的較硬，大的較軟，很特別。

Openrice 見comment 唔錯，特登去試佢招牌火車頭茶餐， $68 連飲品先飲一啖湯，牛肉清湯，不過似味精水，唔太似真材實料煲牛肉有2小薄片，霖，不過無乜特別，而且真係好細片牛根同牛柏葉完全無味，兩者都偏硬，好似街市買完就咁放入去，勁失望唯一一讚是羅白好霖好入味，唔苦都無喳河粉是幼河粉，都夠滑身牛丸，好像街市買來打邊爐既牛丸整體來說真係好失望，可能我期望過高想食碗正宗火車頭唔難食，不過好似普通街邊食碗牛丸牛雜河。

見到咁多好評，便決定和朋友3人去試試，有個疑似是老闆娘的人，見我們3人「只叫了」2個餸加一個Pho，覺得我們叫得太小，即時四川變面，服務和面口馬上變非常差！但其實我們其中一個小菜已是百幾二百蚊的 (忘了是什麼招牌蝦，性價比低，味道只是可以但成碟只有幾隻)本來不打算再去，但因為有次收工後在該附近 (又趕住睇戲) ，加上朋友又想食越南菜，諗住俾多次機會呢間餐廳 ，點知今次更過份，本身下單的是雞河，來了個豬河，向該疑似老闆娘的人說，她回去看看部電腦，跟住話是電腦的問題，不關他們事，硬要我們要！這間餐廳服務真係不敢恭維，唔會再有第三次。

提供越南菜的餐廳有很多~不過要露介紹的話呢，尖沙咀的河內大娘是也！食物抵食，坐位舒適！先來杯。。越式凍咖啡！做法十分傳統~上桌時會有一個透明咖啡杯，和一個咖啡適漏器~靜待咖啡全滴漏到杯後，把杯底的煉奶和咖啡攪拌好後，便可飲用！經過滴漏後的咖啡比普通咖啡更甘香！更濃郁！而且製法也十分有趣~之後有。。鮮茄蟹肉湯檬！湯底濃郁~除了蕃茄的味，也加了不少香草！而且有兩大隻蝦、紮肉片和蟹肉作配料，很滋味！另一道，蝦頭膏炒高麗菜！一上檯就好香！即夾一塊。。Mmm!香口到不得了~一來有穫氣~二來炒的時候，高麗菜完全吸收了蝦頭膏的香味！令每一啖都香味滿溢~可以送飯！完美的一餐~一定要再來！

上個禮拜，家姐話帶我去試一間越南餐廳，我本身都鍾意食越南菜，但就唔係成日食。最多都係食吓屋企附近嗰啲餐廳餐廳入面都好有特色有越式燈籠同埋稻草做嘅屋頂旁邊仲有唔少特色嘅醬汁，例如酸辣醬、酸汁等等...呢個係大娘王牌火車頭，入面材料好豐富，好似生牛肉、牛展、牛筋、牛丸、牛柏葉等等...仲有洋蔥同蔥，所以好香。河粉好滑溜，牛肉好嫩，牛丸好爽口，牛筋煙韌有彈性，個湯底都好鮮味呢個係牛油雞中翼，雞翼炸得好香口，好脆。但係入面肉質好嫩滑，真正既皮脆肉嫩好惹味呢個係香茅烤豬頸肉飯，豬頸肉好惹味，肉質好嫩，只有少少脂肪，味道好爽口。而飯嘅面頭有啲薑蔥，好香好吸引。旁邊仲有啲菜整體來說，呢間餐廳食物味道唔錯，環境好有越南特色。尤其係大娘王牌火車頭，真係好有特色！