河內大娘越南餐廳 (已結業)

_最近女朋友又因為朋友介紹既原因...今晚就比佢拉左去尖沙咀行街食飯.....所以去左間越南餐廳食晚飯.._河內大娘_間舖幾近西鐵P3出口...一行出去行十幾步就到...好易搵..._入到去餐廳..唔係好大...但環境幾舒適..同D FD一齊係度食飯吹水係一個唔錯既選擇_蒜蓉蝦_渠一上台....非常香......會勾起你想即時起筷既意欲...而且佢唔系好多只細蝦....系一隻只既大蝦....我個人唔鐘意麻煩..所以大蝦岩我口味多D..有野塞滿口既感覺_香茅煮大蜆_呢個餸系餐牌無既....但女朋友直接ORDER左...上菜時侍應介​​紹左呢個系北寄貝..幾大只..而個香茅湯幾好飲.. 。差唔多全部都比我飲晒...後尾問我女朋友....佢先話呢個係類似季節限定_小食拼盤_有蝦餅...春卷..粉包..牛油雞翼....個拼盤好好食...春卷好脆...粉包料好足好有口感...蝦餅都好有咬感_皇牌火車頭_呢碗野真係好大....料好多...牛丸...生牛肉...金錢肚...牛筋...加左青檸同辣椒後味道更香....不過比較大食既男仔依然唔夠_蝦頭膏炒高麗菜_雖然我唔係好喜歡蝦醬.....但個菜真係幾

越菜整得好食唔係易事，要係尖沙咀咁多美食既地方要突圍而出一定要用心製作美食先留得住客人河內大娘呢間餐廳係用心製作方面同食物美味程度就做得十分到位難怪我朋友會特別推薦個日一放工，係尖沙咀行左陣街就慢慢行去尖東搵呢間餐廳餐廳門口十分顯眼，行到附近一眼就望到一入到去就已經有服務員熱情招呼我地，店內用都越南特色既飾物佈置餐廳 座位寬闊 坐得都幾舒適睇左睇menu發現好多款想食既越南菜都有，由於想食多d唔同既越南菜，就唔叫成日去越南餐廳必點既鮮牛肉湯河了湯就叫左個香茅煮大蜆，聽服務員介紹係會用每日買到既新鮮蜆去整，所以有時蜆既類別會有所不同，湯味道清甜，好香海鮮湯味，有淡淡既香茅但又唔會蓋過海鮮味蜆都做得好細心，蜆肉大粒，一粒沙都發現唔到 處理得好乾淨 哈哈再黎就係小食拼盤個碟同食物裝飾就充滿著越色風味有兩個醬可以點黎食拼盤呢四樣小心都好合我心意 有炸雞翼、炸春捲、炸蝦餅同蒸粉包越式得黎又幾迎合香港人口味好似即叫即炸 一咬好脆 熱啦啦 但又唔會油感好重重頭戲就係咖哩煮大蝦 再配個蒜蓉包一碟有六隻大蝦，係用左好多種材料煮左好耐既咖哩汁 所以味道好獨特 微辣 易入口好香咖哩味先講蒜蓉包 唔係普通西餐

今日夜晚放工決定食餐好既同男朋友係尖沙咀搵左河內大娘試下越南菜雞翼熱辣辣呢個帆立貝係每日三個廚師推介之一未放入口已經聞到好香食落去都幾鮮甜,而且好大隻要分兩啖食呢個大娘蒸粉包清清地,中和下味蕾感覺都吾錯呢個高麗菜個人覺得偏咸但食下食下都清晒呢個係我最喜歡既沙巴龍躉入面有香茅 香料味滲左入魚肉裡面店員細心幫我地將魚切開就咁空口食都好鮮甜 配埋師傅整既醬汁酸酸甜甜好開胃最後係生牛肉湯河 佢既湯比較清香感覺上冇其他館既湯底咁重味精 食完亦冇一種好口渴既感覺呢杯龍眼蓮子飲品都好有誠意龍眼肉好好味最後就帶住幸福既感覺離開,總算有一餐好味既為煩忙既工作打打氣

早排同朋友到越南的芽莊旅行，滿心歡喜的去，但卻極失望而回，沒有吃到好吃的越南菜。回到香港，只好又再尋覓，幸運地黎到呢間出色的越南小店！燒大蝦柚子沙律 好開胃ge柚子沙律，柚子肉大粒又多汁，食落一d渣都冇！ 混合左青瓜絲，椰菜絲，紅蘿蔔絲同花生，撈埋個醬汁酸酸甜甜好開胃。 仲有兩隻大蝦燒到好香口，蝦肉仲好彈牙！香茅煮大蜆用鍋仔上好得意！睇落手掌咁大ge蜆其實係北寄貝黎！上台果時嚇親我，因為真係好巨大！依款菜式餐牌上係冇㗎！係餐廳限量供應，仲要視乎當日入左咩新鮮海鮮！由於係用新鮮海鮮煮，個北寄貝除左巨大之外，仲好鮮甜！食得出同冰鮮海鮮好唔同！一碟有成8隻，只係$98，性價比好高！除左個北寄貝好鮮甜美味，個湯底都好出色！個湯加左香茅煮，有好香香茅味，仲提升左北寄貝ge鮮味！飲落好鮮甜！係完全冇加味精ge鮮甜味！好味到我成鍋飲晒！皇牌火車頭依碗火車頭好大碗，夠兩個人share食！材料有生牛肉，牛腩，牛栢業，牛根，牛丸，蘿蔔。 材料豐富之餘仲好好味！特別要讚一讚生牛肉，係用左安格斯牛肉！牛肉味勁濃郁！肉質仲好嫩滑！牛根同牛腩炆到好林，仲有蘿蔔好甜好入味，一d渣都冇！而河粉口感都好好，唔會煮得太林

最近成日去越南餐廳食飯，可能食上癮～ 今日拉埋男朋友去尖沙咀行街，順便試下朋友介紹既餐廳～.河內大娘一上西鐵P3出口見到間惠康，格離就係河內大娘啦～都幾易搵入到餐廳，唔算好大，但個人覺得環境幾舒服，配上佢啲燈光同背景音樂，我幾推薦同啲三五知己坐係度慢慢enjoy下啲越南美食. 香茅煮大蜆哩道菜係餐牌度係無既～但朋友話直接order就得上菜既時候侍應介紹話哩啲係北寄貝，每隻都好大隻好鮮甜個香茅湯又唔會好濃，少少清甜又唔會蓋過啲海鮮味.小食拼盤小食拼盤有蝦餅、春卷、粉包、牛油雞翼啲蝦餅好食春卷炸得好脆卜卜，粉包料又好多口感唔錯.皇牌火車頭大大碗既湯河一上枱就完完全全吸引住我既視線👀味道又香，加左青檸同辣椒之後，即刻試飲下佢個湯底，好飲材料又多，有牛丸、生牛肉、金錢肚、牛筋，而啲河粉又好好食～.蒜蓉蝦一上枱，香味即刻湧入我個鼻，令我不自禁地放低手上既野食，即刻剥返隻黎食，唔錯～一碟六隻好快就被我地兩個清哂🙈.蝦頭膏炒高麗菜個蝦醬好濃味幾好食，我同我男友雖然都麻麻地蝦醬味，但哩碟菜我地食過返尋味哈哈.熱蓮子龍眼水幾好飲，龍眼味幾重，甜甜地，蓮子芯都挑走哂，唔錯.最後每人三百走人，都唔錯啦，因為

意想不到，平日也稱得上常到尖沙咀的我竟然沒留意到這間越式家庭經營小店，就在尖東站附近。這次得知這間餐廳，其實都是和男朋友胡亂尋找😂😂😂味道個人覺得不及荃灣另一間小店-小越廚，但也是水準和驚喜之料理！🤤🤤🤤沙律是吃越南菜必點的，唯看似不美觀，但味道超好，酸甜度適中，柚子很多，唯一大蝦不是新鮮的，但也大隻多肉。香茅牛肉撈檬，牛肉不會只給您三，四小件，味道香濃，香茅味出！檬粉很大碗，碗上自家撈汁，夏日最合適❤我們沒有訂座，幸好早進晚餐，餐廳中有2張客人訂座慶生，所以不要少看小店經營😎

又係時間食好野！但又唔想走太遠，就去左最就腳晚尖沙咀。呢間都食過兩次，唔想搏都係食間食過好食既好！例牌又叫蝦頭膏炒高麗菜,美味！好香又有獲氣，簡單既菜式都可以好正。😛😛😛越式燒雞都唔錯，越食越肚餓! 個調味幾特別，都好想知點整。😘😘😘食飯都係有飯氣好！叫返個咖哩牛腩飯，普通野都煮得好入味，有水準！!!💗💗💗最後都係例牌叫返個皇牌火車頭,唔錯唔錯！wonderf!!!!!🎉🎉🎉

今日同班同事收工去左試下呢間越南野,呢到環境都裝修得幾有風味,氣氛好好。蝦頭膏炒高麗菜,炒得好有鑊氣,又好入味,正。再黎左半隻越式燒雞,大家都對住隻脾虎視眈眈,最終都不敵我既筷子功,隻雞外脆內嫩,而且又多汁,有水準。咖哩牛腩緊係要配白飯喇,個牛腩煮得好冧,個咖哩又多左越南特色香料,送飯真係一流。串燒拼盤,有蝦有雞有牛,對蝦控既我黎講,隻蝦真係冇得彈,其他都唔錯,值得推介。有個大食同事話唔飽,追加左碗皇牌火車頭,個牛丸咬落有汁彈出黎,個生牛肉又鮮甜好味。整體上黎講係一餐唔貴又幾好食既餐廳。

先不說食物質素。有人會覺得大娘親切。我第一次來，感覺卻不太好。可能不慣，甚至我覺得有點不禮貌。一坐下就sell，又咖哩蟹丶又青口，貴食材唔啱，就嚟龍眼冰丶「越南」椰青，以上通通唔合心水就變臉。水都冇唔緊要，問攞水時又defensive，「要order左我地至俾水！」好！迅速落完order，依舊冇水！又要再叫！我唔知係咪佢地餐廳政策，問斟水，幾個杯夠膽就只斟一杯！食完碟唔見收，「越南」椰青一飲完一秒就收，極mean!再談食物，極難食又唔係，但係中低價越南餐廳水平，平平無奇，火車頭河略鹹，樣樣沒特別。可是價錢絕非便宜，每人（無細路）除起130元。以上服務丶以上食物水平，吃了河丶咖哩牛丶香茅豬飯丶三文治、炒菜丶南乳鷄（冇南乳味）。我真的說不出好，距物超所值很遠......難道這就是尖沙咀街坊的人情味？

今晚一心去試下呢間餐廳，點知食到一肚氣！其實間舖的職員都正常，唯獨是有一位阿姐成晚黑口黑面，落單態度又差！佢推介我地食蟹同魚！我地冇要！結果我地叫左一個火車頭河粉！一個越式拼盤！一個炒通菜！一個香茅蜆！可能佢見我地唔食海鮮啦！所以全程黑面態度差！到埋單個刻態度都係甘差！好過份！總結：兩個人食左$495 除左香茅蜆幾特別味道唔錯之外，唔覺得佢其他野食有乜特別，但呢餐真係貼錢買難受！間餐廳開係呢個位置本身就係靠口卑，甘既服務態度阿姐其實係趕客！尖沙咀大把選擇，唔會再食呢間！

想不到在這麽旺的遊客區內, 也有一間平實又親切的越式小店。既然身邊那位對任何越式生牛河也不會反對的, 這晚就在會一會這位河內大娘。餐廳不算大, 大約十數張枱, 以傳統越南飾品點綴。中間水吧廚房部份好像搭建成房子般, 加上不少越南帽的吊飾, 頗有特色。到越南餐廳的指定動作, 一定點PHO 牛河, 這晚就吃了更多配料的火車頭湯河。大大碗的湯河送來時已漾起陣陣牛香, 當然要先呷一啖湯,果然是以蘿蔔和牛骨等煮的湯底, 濃而不濁, 十分清甜, 體會陣陣的牛骨湯。加入了辣椒和青檸後, 湯的味道又提升了另一個層次, 更為豐富。河粉幼滑條條分明, 加上剛熟的牛肉片嫩滑, JUICY 好味。而內裏的牛丸也相當不錯, 不會咬下去一口粉, 爽彈有質感。每間餐廳的小食拼盤也有點不同, 這個有齊最受歡迎的小食, 包括有粉包, 有春卷, 炸蝦餅和牛油雞翼。香口的春卷和炸雞翼即點即炸, 加上惹味的香料, 很難不好吃。而粉包亦蒸得剛好, 粉皮就像腸粉般柔軟, 包着肉碎等配料。而我們特別喜愛炸蝦餅, 真正有蝦的味道, 十分鮮甜, 材料十足, 吃起來軟彈適中。另外我點了個香茅大蜆鍋果然每隻蜆都頗大, 蜆肉亦飽滿肥美, 清

星期五晚上同朋友食生日飯，選定左越南菜，你去到餐廳好似好多好評，又近地鐵站，決定一試。不過星期五嘅晚上，每人有最低消費＄200一位，三個人總共要食＄600。最後大家都食到好飽好飽好飽，因為呢間餐廳嘅菜式唔算好貴。首先要讚牛油雞翼牛油雞翼係即叫即炸，一上枱嘅時候隻雞翼仲係好熱，牛油味濃郁撲鼻，咬落口真係好香脆又好味10個朋友想食蘿蔔個蘿蔔煮得幾入味，個湯底都好好味，值得一試。生牛肉湯河我個湯底係好味，但係啲牛肉質素一般，敗筆之處。軟殼蟹位置卷粉絲嘅比例太多啦，蟹炸得有少少over。呢度菜普普通通啦。最後要讚下個炒椰菜真係好好味，辣味不足。好惹味

尖沙咀越南野都少見，中日法都食到悶悶地，就食呢間河內大娘。豬頸肉木瓜沙律，一上台，個樣不太討口。豬頸肉驟眼望落去，似叉燒。懷著戰戰兢兢嘅心情一試，原來好好味。豬頸肉烤到好香口。木瓜沙律好清新爽脆，個甜酸醬好醒胃。十分推介。咖哩香茅烤豬排湯河豬排外層香脆，內裏肉質完全唔會韌，裏裏外外都充滿香茅嘅味道。不用沾咖哩已經好好味。咖哩味道一般，香料不足，所以咖哩味道單調。湯河清甜，如果可以配埋金不換會加分啲。熱龍眼蓮子茶：舒舒服服嘅一杯飲品。蓮子芯已經挑走左，俾個like佢。

雖然響尖東返工，但都唔知呢度有間越南野。同幾位同事去到，發現又唔多人喔。可能唔多人知啦。睇餐牌，哇有好多選擇。每次去到一間新既越南餐廳，我都一定要試佢既生牛肉湯河。我覺得個湯可以tell到間野有幾authentic！Lunch set 包熱飲一杯。如果凍飲加$3，汽水加$12，特飲加$18另外可以加$12選小食一款。我哋冇加小食，我就叫咗生牛肉湯金邊粉$58。味道ok。湯幾清。但係佢個粉都比較肥。係金邊粉同河粉既中間。湯清甜但未夠濃味。不過覺得都唔錯，至少知道唔多味精。牛肉方面，分量都幾慷慨。牛肉都幾嫩口。鮮茄蟹肉金邊粉 $78同事叫咗呢個，佢話都唔錯。我就見佢好多料咁。又蝦又蟹肉又札肉。好豐富！我下次都想試下！呢度其實唔算得上係好正宗越南菜，唔算超好味，勝在性價比高。湯麵都正常。lunch set 幾抵食又冇加一，算唔錯。下次lunch time 又可以再黎！

我真係好鐘意食越南野架 呢日我同一個朋友5 點半就到左呢間餐廳， 裡面一個人都未有 叫左一個拼盤， 一個軟殼蟹米紙卷 同一碗生牛肉湯河 個拼盤嘅炸春卷好好食， 我戒緊炸野都忍唔住口， 好熱辣香脆 好香炸雞翼其實都好難整得難食， 冇咩特別個蒸粉包好好食 好足料個生牛河有青檸同chilli flakes比你自己加， 不過個湯唔夠濃牛肉同香料味， 要扣分 其實成餐飯都唔錯， 不過個價錢就有啲over, 係我平時食開價錢嘅1.3-1.5 倍， 可能係tst地段貴， 所以野食都貴啲。 所以今次食完係唔飽架， 之後去左附近食手卷。