河內大娘越南餐廳 (已結業)

早排同朋友到越南的芽莊旅行，滿心歡喜的去，但卻極失望而回，沒有吃到好吃的越南菜。回到香港，只好又再尋覓，幸運地黎到呢間出色的越南小店！燒大蝦柚子沙律 好開胃ge柚子沙律，柚子肉大粒又多汁，食落一d渣都冇！ 混合左青瓜絲，椰菜絲，紅蘿蔔絲同花生，撈埋個醬汁酸酸甜甜好開胃。 仲有兩隻大蝦燒到好香口，蝦肉仲好彈牙！香茅煮大蜆用鍋仔上好得意！睇落手掌咁大ge蜆其實係北寄貝黎！上台果時嚇親我，因為真係好巨大！依款菜式餐牌上係冇㗎！係餐廳限量供應，仲要視乎當日入左咩新鮮海鮮！由於係用新鮮海鮮煮，個北寄貝除左巨大之外，仲好鮮甜！食得出同冰鮮海鮮好唔同！一碟有成8隻，只係$98，性價比好高！除左個北寄貝好鮮甜美味，個湯底都好出色！個湯加左香茅煮，有好香香茅味，仲提升左北寄貝ge鮮味！飲落好鮮甜！係完全冇加味精ge鮮甜味！好味到我成鍋飲晒！皇牌火車頭依碗火車頭好大碗，夠兩個人share食！材料有生牛肉，牛腩，牛栢業，牛根，牛丸，蘿蔔。 材料豐富之餘仲好好味！特別要讚一讚生牛肉，係用左安格斯牛肉！牛肉味勁濃郁！肉質仲好嫩滑！牛根同牛腩炆到好林，仲有蘿蔔好甜好入味，一d渣都冇！而河粉口感都好好，唔會煮得太林