河內大娘越南餐廳 (已結業)

這天閒逛至肚子餓便和寶寶來到尖東這間外裝不錯的越南料理一嘗越式風味。一坐下老闆娘便親切的推薦我們一些推介食品。想了想後便點了3款作我們的晚餐了。大娘小食拼盤$148, 拼盤內裡有炸蝦餅，炸蒜味雞翼，越式蒸粉皮和越式炸春卷。蝦餅味道偏淡，不夠彈牙。春卷香脆。雞翼炸得香脆。蒸粉皮用料足，偏淡和粉皮過厚。有點太貴了:-(火車頭湯河$88, 我們點了金邊粉，內有生牛肉片，牛𦟌，牛筋，牛柏葉，牛丸和蘿白。一喝了口湯已經感受到真實實料4個大字，湯味濃淡適中，牛肉片很有牛味，蘿蔔也非常入味，其餘的餸則一般。不過分量非常多，足夠我們吃個夠。^_^越式香茅烤魚$168, 這碟魚的賣相蠻漂亮，而且聽老闆娘說是新鮮即叫即捉，所以便試試，果然一嘗便知條魚好新鮮，食落去係啖啖肉，也很有香茅香咸咸的鹽香味。愛吃魚的寶寶吃得非常高興。我倆還點了波羅冰和芒果冰，芒果冰非常好飲，是用新鮮芒果來做的，有啖啖的芒果肉，又夠解渴(^_^)

香港越嚟越多越式舖，連鎖嘅當然不值一提，得個咸字，試過好多間食評幾高嘅都不外如是，與其用成舊水食碗個個賣相同個名，不如去食正宗嘅越南菜好過。位於尖東嘅河內大娘，算係食過數一數二接近越南食到嘅味道，但一定要提早book枱，因為舖頭好細，坐位唔多，walk-in真係好睇運氣。呢碗生牛肉湯濛，價錢唔洗$100，湯底好濃郁，唔會太咸，肉質夠嫩，雖然唔會入口即溶，但絕對唔會係cheap cheap肥牛感覺。加埋配菜同香料，真係好好味。唯一唔好係地方太擠逼，坐近門口位會被無數無手尾嘅食客搞到要經常出去閂門，加上同隔離枱太近，變得好嘈。

值得推薦的越南菜用心經營的餐廳 近尖沙嘴P3出口，店鋪細但已座滿人！一間外面不起眼但我地唔打唔撞有驚喜！星期五夜晚，兩個人叫咗嗰小食拼盤，炭烤牛肉湯河，蓮藕沙律，蓮子龍眼水（值得試）好多都是罐裝，只是湯水一般的甜但這個蓮子龍眼冰是自家煲的，不是太甜，好飲！好多連鎖的泰國越南餐廳都好重味精，食完超口渴 ，但呢間河內大娘，食完都唔覺得口渴，證明佢冇乜落味精！全部都好好食，有水準！一定會再Encore試其他野食

上次walk in, full左，本身諗住地點唔算太方便應該唔多人，決心要搵機會試。今次book左位，餐廳唔算大，但環境都可以！兩個女仔，叫左小食拼盆。咩都有d，可以試下各款小食！無令人失望，食物黎到好新鮮熱辣辣！粉包-味道剛剛好，入面配菜好夾！粉皮唔似有d餐廳咁好油！春卷-香脆亦唔油蝦餅-正常味道，有點酸！雞翼- 香脆但就偏咸，唔稱得上好食！軟殼蟹扎肉湯河-呢個要比湯底好好味，粉都好有越南味道！不過軟殼蟹味道就一般！下次叫會選擇其他配料埋單$250，都算好合理！會再黎

咖啡出色好香夠滑、生牛河就好一般唔抵食有待改進、侍應態度一流👍🏻好好笑容好禮貌六點去完全唔使等位..............................

豌姐短評:小食拼盤: 春卷最好食，乾身唔油，係正常味道。雞翼有肉算大隻，放十分鐘外皮都依然香脆，但無調味，雞有雞味魚有魚味，你估炸雪藏雞翼係咩味丫？蝦餅有蝦味，我略嫌唔夠彈牙，但可能足料蝦膠就係咁既質地，因為之前聽過好彈牙既蝦膠係溝左墨魚膠所以一味得個彈字，所以其實都ok。粉包就正路，四樣小食呢款係最有味，而我唔明點解以紅蘿蔔絲木耳絲為主反而最有味。蕃茄蟹肉湯檬: 標榜蟹肉拆絲，令我呢個蟹痴滿心期待，點知一黎蟹肉得手指公第一節咁多(比到盡都係5蚊銀大小)，難免失望。呢碗其實算足料，有2隻連殼大蝦，店家好細心有挑蝦腸，有隻好結實但有隻筷子一挾就霉到蝦頭同蝦身脫落分離…有2粒混和蟹肉絲既手打肉丸，有三片薄切扎肉，一舊蕃茄。湯底食得出有蝦味，但成碗野都無鹹味，更遑論蟹味。檬粉碎濕濕，而家先諗下當時用匙羹食先最方便，又唔使彈落我件白色背心度，嗚呀。椰青: 好似都成四五十蚊個，正常椰青水既味，厚肉，都算係咁啦。不過有無味又唔到店家控制，好唔好飲都係睇你運氣。小總結: 好怕食味精，對於我黎講出面餐廳9成調味都過重，呢間咁清淡都算係奇葩。或者係我無食中佢啲招牌菜啫。不過又咁講，基本盤都守唔住，咁點玩

今晚（又）係尖沙咀拍拖，突然想食越南野，就上openrice search。見到河內大娘都算排得高，又見女友豌姐已經食厭左芽莊就決定由海港城山長水遠行去尖東試新野。餐廳真係係正P3出口，一黎到見到已經有四檯人等緊位，令我不其然地對間餐廳嘅期待升溫。而旁邊嘅豌姐好快已經不耐煩，開始來回踱步。等左15分鐘左右就有得坐低，我同豌姐叫左一個小食拼盤、一碗蕃茄蟹肉湯檬、一碗香茅豬扒撈檬、一杯珍多冰同一個椰青。小食拼盤有一塊蝦餅（豌姐指明要食）、一條開半春卷、兩個蒸粉包同兩隻炸雞翼。蝦餅都幾香蝦味亦算彈牙，唔錯，而粉包d外皮蒸得剛剛好，餡都幾好食，亦都唔錯。只不過其他野就真係—普普通通。春卷—普通，炸得少少過龍。雞翼完全無味，炸粉無味，雞翼都完全無雞翼味。如果唔係睇住佢一副雞翼噤嘅容貌，我真係唔會知佢係雞翼黎🤷‍♀️我默默食完之後見到對面嘅豌姐用左極多泰式辣醬去塗抹隻雞翼，我諗古人講嘅「食之無味 棄之可惜」就係講緊呢對雞翼。我嘅香茅豬扒撈檬同樣係算不過不失，豬扒無香茅味同時亦無豬扒味，但起碼係熱辣辣，d檬粉又乾乾爽爽，都唔算太差。默默食完碗野抬頭望豌姐碗野好似完全未食過，豌姐愈食愈頭dupdup又一

食物味道一般，服務幾乎沒有。經典噶火車頭，食物serving根本不正宗，牛肉湯味道都一般，牛肉質素認真嘛嘛，懷疑係米真係安格斯牛肉。一個人來食晚餐，被安排到門口冷氣風口位，勁凍，於是要求換位。隔離明明有張四人台空住，店家話冇其他位。心諗，呢間餐廳咁細，裝修都算簡陋，應該類似茶餐廳，don't expect for good service then. 冇水冇紙巾提供，甚至不如一般茶餐廳埋單時驚覺間餐廳竟然仲收10%服務費，敢問服務何在？欲以信用卡付款，被告知消費200元以下不接受信用卡，然而餐廳內外顯眼位置並冇任何標誌提醒顧客有關信用卡結帳的限制。餐廳有檔次高低消費高低之分，好正常，但是如果提供的食物品質同服務水準僅為低檔餐廳，卻學噻高級食肆大收服務費，似乎不是很妥

睇戲前要填飽個肚，用OP search到呢間都幾多好評既越南菜，就走黎試下。如果係金馬倫果邊行去都有少少難搵，因為個門口對住漆咸道，所以行到尾要入商場先見到架。我地2個女仔去到正好有位，其它枱都book晒，好彩！不過枱都好細，店鋪面積唔大，所以都要留番走廊位俾waiter行，如果放工攞住個袋食係有D唔方便既...Menu都幾多越南local食物，好似各類米紙卷、Bahn Mi（越式法包）、串燒咁，本身想試Bahn Mi，但見佢都幾貴，而且我係越南會安已經食過極級好味既Bahn Mi，所以至此之後對其它Bahn Mi都信心不大。 最後係姐姐推介下叫左份是日香茅煮大蜆，一個招牌炒飯，同蝦米紙卷。香茅煮大蜆：好大隻蜆！不過一份得5隻，又係討厭既單數...我地2個人最後你讓我讓最後果隻俾我食左！D蜆啖啖肉，好清甜彈牙，無沙；雖然用香茅煮但唔會好大浸‘青’味，我諗香茅唔係用好多，純粹係加左D莞茜，淨低既清甜都係靠隻靚蜆既造化！雖然成舊水得5隻（定再貴D，唔記得）但係係好味既。招牌炒飯：無影相，個碟都比較細，我一個人食晒都可能唔飽；味道不過不失，可形容為乾身既炒糯米飯，同加左D臘腸幾香，雖然唔肯定

晚飯時間又到，今晚唔知食甚麼，想起之前去過的越南菜，就和老公訂了位。我要咗菠蘿冰，因為上次好味，今次味道沒有變，酸酸甜甜，好開胃，飯前必選之飲品。老公叫珍多冰($38)－有咬口綠豆蓉、配合濃郁椰汁味道，和煙靭的班蘭涼粉，感覺有清熱解暑。我叫了大蝦沙律，大蝦煎得好香甜，柚子、生菜、酸汁令到我們都好開胃。上次吃過香茅煮白貝，蜆5隻，個湯香茅味濃，而且有少少酸，檸檬味帶起蜆的鮮味，質素保持得好好👍👍我們都想試下其他越南小食，就點了小食拼盤(，有粉包、春卷、雞翼及蝦餅，我喜歡鷄翼，好香脆肉嫩。越南烤乳豬，乳豬皮被烤焗至脆，脂肪唔算大厚，亦唔算肥膩，瘦肉部分都算厚，肉質嫩滑，整體都算好味。越南烤雞，用香草醃過，雞皮好香軟，而且雞肉好嫩滑。

這幾天日日也下大雨，在家裏悶得發霉。與朋友忍不住要出街抖下氣。我們在尖沙咀逛了一整天，肚子咕嚕咕嚕的發響。便在附近找到了這間 河內大娘 的食店。店舖門口的地下會有投射燈。環境上擺滿越南的擺設，很有特色。 我們先點了兩杯特飲解喝。大娘真多冰 $38料十分豐足，每口也能喝到很多的配料。而椰汁很甜很凍，馬上能解渴。懷舊紅豆冰 $38當中有不同大小的紅豆，後來從老闆娘得知，原來這是越南的紅豆，會有不同的形狀喔！然後我們便開始點熟食。小食拼盤 $148當中有蒸粉果，炸蝦餅，炸春捲和炸雞翼。 蒸粉果裡的餡料十分多，令咬感十分豐足，有滿足的感覺。而炸蝦餅吃得出是用蝦肉來製造，並不是用粉打出。咖哩蝦 $168咖哩不會十分辣，味道很惹味。而蝦有六大隻，肉質十分鮮嫩。 而最值得讚的是，蝦不會炸很油，但亦能炸得很脆， 進食時可以把殼也吃掉， 不用麻煩把殼除去。當中亦有不少薯仔， 軟硬度剛剛好。大娘皇牌火車頭 $88這個面十分大碗，比起一隻手還大。而當中有十分多的料， 有牛根、蘿蔔、牛丸、牛柏葉、牛肉、牛腩、洋蔥、蔥頭等等。 牛筋十分大條，不會煮得太冧或太生。而蘿蔔十分入味。牛腩不會太多肥膏，不會油膩。牛肉

Pretty sure all the comments are fake. The portion and the quality of the food are unacceptable for the price they charge. The food they serve are extremely overrated and "grilled" fish they recommended are for sure steamed at first before it put to grill. very disappointed. never come again.

其實都成日黎食架喇，每次黎必點：－生牛肉湯河／火車頭（鮮甜湯底，加上新鮮生牛肉，一啲都唔會un。牛丸都好彈牙）－柚子沙律（辣度適中又惹味）－米紙卷（米紙薄而煙un，仲有少少沙律醬吊下味添）平時一定會點超巨大蜆，鮮甜蜆肉加香茅湯簡直一流。不過今次無大蜆，有中size蟶子，賣相有西餐fine dining 水準😍啲肉係無蜆咁大粒但都好有嚼頭，同香茅湯都係好襯，好有驚喜，誠意之作😋希望繼續keep 住個水準👍

今晚再來河內大娘，老婆梗塞要菠蘿冰($38)－同上次一樣咁好味，有少少開胃作用，所以飯前必選之飲品。我要珍多冰($38)－綠豆蓉比較有咬口、椰汁味道濃郁，加上煙靭的班蘭涼粉，有熱解暑的感覺。由於上次吃香茅煮大蜆($98)有些意猶未盡，因此今日再叫一次，湯仲好有香茅味，而且有少少胡椒，令到蜆味更凸出😋😋😋因為想試唔同的越南小食，所以點了小食拼盤($148)，包括有粉包、春卷、雞翼及蝦餅，個人喜歡粉包，因為口感豐富。太太叫了大蝦沙律做前菜，大蝦煎過，蝦肉好香甜，加上柚子、生菜、酸汁令到食慾大增。😋😋😋上次已經看到這裡有越南乳豬、烤雞，究竟和粤式有甚麼分別？今次了一份越南乳豬、半只烤雞試試。越南乳豬的皮，沒有用針刺過，所以唔係鬆化，不過皮都好脆，另外用了體積比較大的乳豬，因此脂肪多了少許，而肉質比較肥美😋😋😋烤雞的皮唔係好脆，係香草烤焗過，所以好香軟，雞肉好香軟，而且用醃料醃過，醎味剛剛好。整體食物保持得好有水準👍👍👍

自從去越南可以辦理落地簽證後, 越黎越多人去越南旅遊, 一聽到越南所有人就諗起越南湯河, 令到我都心動唯有係香港食越南菜止止渴尖東站P3出口, 一出便看到食越南菜的河內大娘, 店鋪剛好在一個商場的入口處旁邊, 白底綠字簡單字體的招牌容易識別餐店內環境不大, 但充滿越南風味, 竹帽子串成的裝飾及禾稈草組成的屋頂, 夠特色先點一杯越南非常有名氣的越南滴漏咖啡, 透明杯子內先放了練奶, 杯子上放著一個會點滴咖啡的銀器皿, 慢慢一滴一滴的把精髓滴出來, 店員告知待它滴完後才為我準備冰杯, 把滴出來的咖啡倒進冰杯內完成後急不及待地品嚐, 味道果然是清醇中帶點微苦, 咖啡香濃, 色澤如朱古力一樣前菜是烤大蝦柚子沙律, 這裡的柚子弄得比較碎, 加上椰菜絲/青瓜絲, 多汁, 微辣, 再加上少許花生碎, 口感十足, 兩隻鮮蝦炸得又香又脆大娘小食拼盤, 剛好供兩人分享蝦餅 - 新鮮蝦肉打成蝦膠蒸粉皮 - 有蔥油/蝦乾在粉皮上, 加上內裡的肉碎/木耳絲, 夠飽肚 雞翼 - 炸得香脆帶蒜香味炸春卷 - 用腐皮作外層, 內裡是木耳絲/粉絲/肉碎火車頭湯河, 當然先嚐一啖湯頭, 牛味非常重, 味道濃郁得沒有味精