沙田18

营业中

休息中

同屋企人黎酒店staycation, 一早已經book定呢個全港最好食片皮鴨， 早幾個星期book 已經好full, 淨係book 到2-3 呢段時間， 但為左個片皮鴨都值得晏少少食lunch。片皮鴨真係好高水準， 皮好脆又好夠鴨味，我地三個人叫左半隻再加其他食物包括鴨湯， 炒米粉同點心。 呢度點心全部都好高質， daddy mammy 食得好開心， 而且staycation 有個package係沙田18 會有七折， 計落去抵食左好多。

環境寬躺舒適、座位距離足夠、服務親切到位、食品令人回味。點解仲要我寫八十字？中午兩個人，食半隻烤鴨、三吃，加兩個點心，來一個甜品，份量剛好。點心有蝦餃，皮靚蝦甜嘅。

丈夫牛一 想食片皮鴨 ！ 上網研究咗好幾間，最後決定都係揀沙田18！應該酒店嘅質量都唔會太差因為知道好難book位同埋會好full ！早響一個月前online 已經訂位，好快趣就有同事打嚟confirm, 仲即時可以訂埋片皮鴨同埋甜品慶祝生日!準時12:30去到 都差不多滿座! 被編排去靠窗卡位！ 非常闊落！ 服務員嘅態度亦都非常之好、好殷勤友善！除咗點左一隻片皮鴨一食之外，叫咗點心、出名嘅叉燒、一個焗蓮蓉西米布甸同一份腐乳芝士蛋糕！兩個人來講都相當之豐富叉燒比我想像中爭少少 之前睇過好多食評話係比較軟淋，而我呢份就比較Un, 遜色咗少少！ 而個鮮蝦龍躉肉水晶餃就非常唔錯，出邊比較少有，真係啖啖魚肉，又唔腥，值得一試！重頭戲片皮鴨出場，師傅會喺面前原隻片皮！超級香，呢度建議鴨皮係點白砂糖食，冇吹水，真係入口即溶！超好味！ 而鴨肉就真係相對地乾少少，要去到鴨脾位嗰度先至好食啲！ 但整體都非常好食，暫時係我嘅no.1最後上埋個甜品，焗蓮蓉西米布甸真係大推！唔會太甜熱辣辣非常好食！ 腐乳芝士蛋糕反而腐乳香不夠，但特色食品，都不妨一試！整體來講有90分！ 服務好，夠衛生，而且價錢不算相當之貴，

試完32，點都要試下18🤤前菜:帶子牛油果同小籠包(太肚餓漏咗影😅)好多人覺得小籠包皮要越薄越好，但我認為皮同肉要合比例，咬落去要有麵皮嘅味道先夾到小籠包嘅肉同汁，如果要皮薄不如食蒸肉餅😑呢個比例做得唔錯，但略嫌肉汁唔夠鮮味一鴨三食鴨身切咗3碟每人2籠麼麼皮，皮薄得嚟又夠熱，讚👍🏻皮：香脆，點白沙糖一流胸：略嫌乾咗少少，不過加埋醬汁同青瓜可以平衡返，好香鴨酥味腿：嫩滑多汁香口，佢仲有個自家製蒜泥，同腿肉好夾，減輕油膩感之餘有少少辛辣鴨架湯:好一般，鴨味唔特出，好似一般豆腐湯鴨鬆生菜包: 冇特別，so far我暫時都未食到好食嘅🥲始終鴨鬆同鴿鬆冇得比砂鍋黑松露班腩片:火候控制得好好，砂鍋餘溫唔會令到班腩over cook，魚肉嫩滑得嚟仲有滿滿嘅黑松露片，香氣十足甜品:焗西米布甸**必食必食必食**佢有好多自家製甜品，例如辣椒雪糕，腐乳芝士蛋糕，弱弱的我真係唔敢試😅，唯有試返啲傳統嘢，佢個布甸做到同太子X城名菜一樣，係一樣味！！焗到個面微焦帶脆，蓮蓉又香又滑唔會死甜，最重要佢個份量真係啱啱好，一個人一碗仔，唔洗食一盆😂個人認為中菜應該傳統嘅好，32唔係唔好，但有點名大於實，菜式比較上fus

今次一行12人食生日飯，成日都聽到佢d片皮鴨好得，所以今次就黎試一試門口個姐姐很好禮貌，侍應都係片皮鴨今次叫左3食（片皮鴨，鴨殼湯，肉碎生菜包）鴨食落肥而不漏，鴨湯夠味不過肉碎生菜包就差少少了不過最欣賞係辣子雞，辣椒走油後，逼左辣同香出黎，再加冇骨雞肉，啖啖肉勁好食其他菜都可以叫了4個甜品，比較鍾意腐乳芝士蛋糕同五糧液雪糕，超正埋單都係講緊4百幾至6百左右1個，好抵呀！今次生日飯仲唔駛錢，正野，下次再返轉頭食

片皮鴨愛好者，論精緻水準高一定要試沙田18。想食呢間片皮鴨（第一）一定要訂位（第二）一定要預留，佢哋就算平日walk-in 都冇乜機會有位，冇預留片皮鴨真係會冇得食。小編通常要預早三四個星期訂位的先訂到。講番片皮鴨，佢有三款不同鴨肉的切法，片胸皮勁脆加砂糖超級邪惡但好味、胸肉及連皮鴨腿肉用薄薄餅皮包住再加少許砂糖、青瓜、黃麵醬會食唔停口。另外佢可以加錢兩食（生菜片鴨鬆）、或再加錢三食（再加鴨湯）。如果人少叫三食再加點心或甜品已經好夠。順帶一提可以試吓佢哋個腐乳芝士蛋糕，味道大致係new york cheese cake咁，食食吓會有淡淡腐乳味，都幾特別。

今日係happy Saturday，約咗屋企人去大學酒店嘅沙田18食午飯，我上到去都要等一陣因為都幾多人，雖然我哋訂咗枱但係都要等10分鐘左右，入到去坐低我地就點左個普洱茶，呢度叫嘅普洱茶好香醇好易入口。我哋叫咗個叉燒，小籠包，餃子，潮州蒸粉果，烏魚子鮮蝦龍躉班肉水晶餃，仲有個馬拉糕都好好味本來我哋想叫個片皮鴨嘅，但係呢度要預訂㗎，所以今日食唔到啊下次先食到先講講個叉燒，咩叫入口即溶，就係講呢啲，同埋佢個龍躉班肉水晶餃，呢個都好特別好少有，同埋食到入面啲龍躉魚蝦粒，呢個都好好味下次都會嗌呢兩樣野

鍾意食北京填鴨，一定唔可以錯過沙田Hyatt大名鼎鼎既沙田18- - - (՞•Ꙫ•՞) - - -▫️傳統北京烤填鴨 (半隻 / 全隻) 二食 鴨鬆生菜包、三食 紹菜豆腐鴨骨湯 ▫️明爐烤蜜汁叉燒▫️萵筍鮮菌腐皮卷▫️杞子瑤柱魚湯皇帝苗▫️豉香蒸鮮膏蟹砵沙田18除咗出名北京填鴨之外，一位難求都非常出名😆 記得大概五六年前，要定位可能只需要幾日前reserve就可以；宜家多咗人慕名，再加上staycation潮，要訂位就難上加難勒！同埋啵，訂到位亦未必訂到片皮鴨，訂到鴨都未必訂到叉燒😆 所以決定嚟既朋友，記得打電話時一次過reserve曬，免得到時嚟到先知無得食！沙田18係出名正宗片皮鴨，即係先食皮沾糖，再食鴨皮連肉沾醬，再食淨肉配包皮同配菜。上菜既時候，師傅都會親自喺你枱邊片肉，而上枱既時候店員都會好細心講解次序。二食就係炒到充滿油香既鴨鬆配生菜包，鴨鬆既油膩同爽脆生菜非常平衡，好好味。最後就係香噴噴，熬至乳白色既鴨骨湯，諗起都流口水！講完片皮鴨，長氣啲介紹埋另一個招牌菜，就係叉燒！個人覺得呢，唔需要訂既呢個明爐烤蜜汁叉燒係唔需要試，不過不失，正常叉燒，偏韌；一定一定要試既係玫瑰露叉燒，呢個係

阿媽70歲大壽喎，梗係搞大佢啦。細佬就碌咗佢嘅人情牌搵人幫佢book呢度嘅VIP房, 其實嚟幫襯嘅人都唔算多細佬話之前嚟食過好好味, (其實我都有嚟過飲宴）所以點菜方面就交咗比佢，重頭戲梗係片皮鴨同埋叉燒飯啦，有師傅專登出嚟表演仲玩埋點火添。未食都已經贏咗個勢啦。片皮鴨佢好有層次咁分咗唔同部份，淨皮呢就建議我哋點砂糖食，皮連肉就建議我哋點甜醬食，淨肉嘅部份就建議用皮捲住加埋青瓜一齊食。其中發生咗一件小插曲話說我哋諗住包起一兩件留返比弟婦因為佢嚟唔到，點知個經理可能冇為意又以為係垃圾我哋唔要順手幫我哋揼咗，結果佢額外送番幾片肉俾我哋😅另外不得不提佢個叉燒飯，原來係要6位以上先至可以叫，以為有乜嘢咁巴閉啦，原來佢搵師傅出嚟響我地面前表演，叉燒加咗啲玫瑰露再點火，令到佢有燶邊嘅效果。撥仔飯再加埋佢特製嘅豬油同豉油一齊食本身個飯已經超級好食😋飯粒分明，反而叉燒給比下去，我哋懷疑係因為叉燒嘅份量都幾多，同埋本身佢唔係蜜汁叉燒，正所謂貴精不貴多，分量多咗你就會覺得佢好似冇咁好食😅除咗兩個重頭戲我哋仲叫咗其他小菜：有蠟味魚餅、椒鹽鮮魷、上湯芥菜、涼拌木耳、清湯棱角番薯，仲有蕃茄雞蛋刀削麵（長壽麵）仲

📍Shatin 18 Travelled all the way to Shatin 18 just for their Peking duck as a friend kept praising about it. It lives up to the praise! The duck skin is crispy and not oily. The best is their pancakes which is with a chewy texture. The minced duck with lettuce is also well seasoned! It is only that the duck soup is a little bit underwhelming, otherwise, it’s quite a perfect Peiking duck. The cha siu is also a delight, with great pork flavor. Not the fatty type but still tender. The 三杯汁芥蘭炒牛肉 was

I enjoyed this Bordeaux wine pairing with award-winning Sha Tin 18 serves authentic Dongguan and northern Chinese cuisine🌟Signature 🌟Traditional Peking duck🍷Chateau Pey La Tour 2015, Bordeaux, FrancePeking duck is skillfully sliced in front of the guests and divided into 3 dishes: crispy duck skin, duck breast meat and duck leg meat. 🧆Marinated abalone, eggplant, chilli paste🥂Sauvignon Blanc 2018, Michel Lynch, Bordeaux, FranceWith the chilli paste added on top, the spiciness and sourness do wel

說起北區，似乎欠缺一間有質素的酒店，最近的，大概要跑到大學站的沙田凱悅酒店。尤其是中菜廳「沙田18」，早幾年經常跟囝囝契爺契媽PJ飯聚，而名物烤鴨當然是首選。近年來餐廳多了不少新菜色，堂弄叉燒更是令人食指大動，趁著午間有空，一於跟幾位朋友來個午間小敍。前菜燒青椒醬拌鮑魚茄子茄子切成小段，煮得又夠稔，鮑魚開半又有嚼口，沾上青椒醬帶來辛香的口感，令人食慾大開。麻醬拌菠菜菠菜新鮮翠綠，配上香甜的麻醬，看似簡單，卻很滋味。湯品沙田18除了中式甜品獨特外，湯品都同樣充滿特色，這個「小蘿蔔乾珍珠貝燉肉汁湯」，燉足3個半鐘，火喉十足，望落好似一個蓮蓬，內裡是小蘿蔔及珍珠貝，湯色清澈可人，呷一口，卻又陣陣醇香。主菜自製黃皮醬焗鱈魚黃皮是母親最愛吃的水果，所以小時候的確吃了不少，但用來作醬汁卻是少之又少，而油份偏高的鱈魚，多數是西京燒，想不到用上黃皮醬卻有意想不到的效果，魚肉本身已滑溜，此刻更多了一份甜美的感覺，最可惜醬料是由大廚私製，想賣一樽返屋企都無可能。辣椒餅四角豆炒龍躉扣又有新意菜色出現，用料有驚喜，先是選擇20公斤重的龍躉扣，就算是15公斤，都大概只得14兩，非常難得，龍躉扣肥大肉厚，不知道還

好多地方都出名食片皮鴨，但唔係度度都做得出色。今次同屋企人黎左沙田凱悅酒店入面既中菜廳，試下呢度既片皮鴨係咪佢地講既咁出色。片皮鴨分左三食，片左淨皮同肉夾皮既部分，淨皮就點砂糖食冇咁漏，脆卜卜既口感加上鴨油香🤤剩番其他肉既部分就炒黑鬆包生菜食～另外鴨殼會拎去煲湯，加入左豆腐等既配料，湯既有鴨味又有香濃豆味。鹹蛋黃魚皮蝦球，呢樣同想像既一樣，非常惹味，基本上呢個配搭都冇乜得輸。禮雲子鮑粒煮滑豆腐，禮雲子係一種中國南面特別既食材，質感係幼滑既，味道都幾鮮，可惜禮雲子既份量實在太少。生炒豬油渣菜心，豬油渣係父母個輩年代既野食，特登叫俾兩老懷舊一下。主糧叫左個脆米鮑魚花菇燜飯，用鮑魚汁燜既飯，唔駛問一定好食🤤甜品叫左五糧液朱古力雪糕同花鵰話梅雪芭，兩種用中式酒整既甜品都幾有特式，只係雪芭略嫌淡口，花雕味唔係太夠。

我應該有三四年冇去過嘅沙田18，知道呢排有總廚何振雄師傅推出嘅大師級套餐，點會唔去。當然係食呢個餐嘅同時，都會好貪心想食埋呢個堂弄玫瑰露叉燒豬油撈飯。 加上蔥油撈過嘅飯，用上永利威玫瑰露係你面前即場燒俾你睇，成個房都香氣撲鼻，然後你想點切就點切，厚切又得薄切又得。 識食一定係厚切，再要燶邊，加埋啖飯，叔叔不行了。 回味嘅同時，都係講返正題，大師級套餐都好出色，一齊睇吓有咩食。 前菜有燒青椒醬拌鮑魚茄子，青椒醬嘅味道非常突出，鮑魚茄子兩個完全唔同嘅配搭，原來又幾夾，酸酸地好開胃。 麻醬拌菠菜，個樣你會覺得麻麻，因為太過多麻醬，不過食落去又幾正，有少少芥茉油令成件事，好食好多。 小蘿蔔乾珍珠貝燉肉汁湯，應該冇乜人會試過呢個咁特別嘅湯，上邊好似有一層膜咁，入邊有珍珠貝同小蘿蔔，勁鮮甜，底有勁多肉醉，師傅用肉來起筋剁碎，連珍珠貝及小蘿蔔乾燉足三個半小時，鮮味濃香，一定食到勁飽。 主菜先上自製黄皮醬焗鱈魚，當造勁短的黃皮果肉，我未試過，原來個味咁特別，何師傅用黃皮果肉天然蜂蜜煮過後，搭配了鱈魚，強烈的魚油同黃豆香叫人又係想食多幾件。   辣椒餅四

因為慶祝妹妹的生日，所以選擇咗去沙田18食lunch，預早了一星期前訂枱。我覺得地點很好又方便，在沙田大學站下車後行4分鐘就到，我們早了10分鐘到達。在餐廳點選了他們出名的北京烤鴨，特色點心及精緻甜品，食物質素和味道，有一定嘅水準，我自己覺得最好食係北京烤鴨😋和鮮蝦龍躉班肉水晶餃，所有點心即是蒸👍🏻，而廚房在外面，大家可以睇到制作嘅過程，非常放心，至於環境，真係景觀好好，坐位有一定距離，坐得好舒服🙂