沙田18

营业中

休息中

片皮鴨愛好者，論精緻水準高一定要試沙田18。想食呢間片皮鴨（第一）一定要訂位（第二）一定要預留，佢哋就算平日walk-in 都冇乜機會有位，冇預留片皮鴨真係會冇得食。小編通常要預早三四個星期訂位的先訂到。講番片皮鴨，佢有三款不同鴨肉的切法，片胸皮勁脆加砂糖超級邪惡但好味、胸肉及連皮鴨腿肉用薄薄餅皮包住再加少許砂糖、青瓜、黃麵醬會食唔停口。另外佢可以加錢兩食（生菜片鴨鬆）、或再加錢三食（再加鴨湯）。如果人少叫三食再加點心或甜品已經好夠。順帶一提可以試吓佢哋個腐乳芝士蛋糕，味道大致係new york cheese cake咁，食食吓會有淡淡腐乳味，都幾特別。