沙田18

营业中

休息中

Booking好Full，餐廳太忙佢地已經無人會聽電話，好辛苦才能訂到位 這裡將鴨皮分得好仔細。先吃皮，后吃肉。鴨皮火喉刚刚好， 烤得脆卜卜，点砂糖食近乎入口即溶。之後一半淨鴨肉一半鴨肉連鴨皮連埋生蒜泥一齊食也非常滋味啊另外佢其他野食尤其甜品真係有用心做 🥰。每次無論如何飽都一定要叫雪糕。我叫左 五糧液朱古力雪糕、海鹽奶蓋黑芝麻雪糕同腐乳芝士蛋糕，正。

I had a very bad experience with this restaurant when I had the birthday celebration for my kid and family. We came late with the designated timeslot due to traffic but then we were being chased and reminded for so many times throughout the whole meal that we had to return table by 7:30pm. There was no flexibility at all and the staff was so rude when they talked to us. The service was so bad if they called themselves a 5 star hotel. We will never come back again and I won’t recommend you to eve

朋友極度推介呢間中菜廳, 話呢度出名 傳統北京烤填鴨🐥 講咗好幾次, 呢日終於嚟咗. 勁搞笑, 因為個中菜廳係overbooked, 所以我哋被安排到旁邊的bar度食, 見到bar裡好多枱都已經食緊中菜🤔 完全沒有食西餐嘅客人.片皮鴨(半隻$398)嘅片胸皮係好脆, 點糖食好邪惡😈 胸肉&腿肉 係都好味嘅. 但我覺得未去到傳說中嘅超級好味level😅生菜片鴨鬆(半隻$128)好特別, 好似冇喺其他地方見過🙈 但其實就係用生菜包住一堆雜糧😅 唔係好食到鴨味…燒肉 & 臘味煎魚餅 都出色嘅😚特色甜品拼盤($275)非常豐富. 紅棗貝殼蛋糕 & 紅棗腐乳芝士蛋糕 都頗特別的☺️ 泰式珍珠奶茶雪糕 都唔錯🍨 柚子桂花紅荳糕 & 蘆薈雜果杏仁豆腐 就顯得比較普通🤔全晚嘅焦點 係最後超飽都仲要加單叫嘅 五糧液朱古力雪糕🍨($45) & 花雕話梅雪芭🍨($42) 一開始聽到以為自己聽錯😮 第一次食中國酒味嘅雪糕, 估唔到味道係超級夾😋值得推介👍🏻

上個月嚟食過晚飯之後，覺得食物好有水準，對午市嘅點心都好有興趣，所以即刻喺openrice訂位weekend嚟飲茶。原隻鮑魚燒雞酥定價比較進取，但一共有三粒，都算合理。燒雞酥撻皮酥脆，內餡雞肉都幾多。原隻鮑魚有嚼勁唔會過份軟腍，鮑魚味濃郁平時飲茶必點蝦餃，但見到有龍躉水晶餃覺得好吸引。水晶餃皮晶凝剔透，上面有魚子醬，賣相好靚餃皮薄而煙韌，龍躉肉份量多好有鮮味，加咗XO醬更惹味蟹籽燒賣好大粒，顏色鮮艷賣相吸引口感爽口彈牙，食得出好多蝦肉。炸春卷落咗香茅，有一種食泰國菜嘅感覺，味道特別得嚟同蝦好夾春卷非常脆，炸得乾爽唔油膩。潮州蒸粉果層皮超煙韌，餡料味道好而且唔會太多肥豬肉，調味都剛剛好，食得出蝦米、甜菜脯、花生同芫茜嘅香味。陳皮蒸牛肉球同燒賣相比之下顯得比較細粒，食落陳皮香味明顯，牛肉味濃唔會太多肥肉，口感滑得嚟帶點彈性聽講蜜汁叉燒係招牌菜，所以蒸腸粉揀咗叉燒腸。腸粉皮厚薄適中，內餡叉燒夠腍，有少少蜜汁味，果然係好好味食完點心仲要留肚食甜品，上次嚟已經試過腐乳芝士蛋糕、酥皮湯圓、五糧液朱古力雪糕同泰奶雪糕，所以今次嗌其他試下。楊枝甘露布甸表面鋪滿芒果粒同金柚，中間仲有蘆薈同椰果，口感豐富

聽説多年來沙田18的北京烤填鴨是全港最好食的，地位超然。今次有幸來到，一定要試試。在openrice book位，之後有電話打嚟問需唔需要預留烤鴨，記得要預訂啊！🥢傳統北京烤填鴨三食（半隻）$568有分一食、二食、三食，我哋揀咗三食，有埋生菜片鴨鬆同紹菜豆腐鴨骨湯。廚師會在你附近表演片皮，店員會建議先食鴨皮沾沙糖🔜 OMG從來未試過呢種口感，鴨皮都可以入口即溶，香郁油份，帶著少少爽脆，真係難以形容😋之後上鴨肉連鴨皮，青瓜、京蔥絲、黃麵醬、蒜泥與餅皮拌吃簡直令人吃不停口，非常滋味。🥢二食。生菜片鴨鬆這個不錯，生菜好脆，包上調味到剛剛好的鴨鬆，簡直絕配。🥢三食。紹菜豆腐鴨湯就是豆腐湯加味精，湯好重味精味，個人認為可以不要三食。一、二食也可以。🥢叉燒拼燒腩肉$248燒腩仔一食落口脆到不得了，從來未食過咁脆嘅燒腩仔，我覺得也是全港最好食的。另外叉燒都好腍，唔會乾身。🥢籠仔糯米蒸腩排$245糯米飯包住腩排，賣相好吸引，腩排可以調味多一啲，因肉冇乜味道，但係好腍身。🥢厚街臘味煎魚餅$245呢個好普通，就是鯪魚肉加上臘味，自己整都整到。🥢豆漿蟲草菌金菇浸勝瓜$225食返一些清清地嘅菜，中和返腸胃。🥢

可以一試 .最好吃 的而且確是片皮鴨 ,也是唯一最值得吃 . 環境一般 裝橫似返左大陸 , 從前枱職員到經理 服務也一般 ，不要預期有酒店餐廳服務好的想法。 性價比不高 因為環境服務扣曬分，周邊什麼也沒有，限時90分鐘後，不會有特別地方可以去，除非上面有租房過夜，感覺會較值得。限時期間，好快會有last order， d食物好似快餐店上得好快，所以要叫食物的話 ，如果可以的話 分開嗌會好，否則成枱食物 ，食得更急，因此絕對冇機會俾你遲交枱。大家都冇問題的話 可以一試

🦆傳統北京烤填鴨今次晚餐重頭戲，朋友以前食過返尋味，十分期待，今次我哋雖然只係揀咗一食（原隻），但都有分3個部位嘅食法。1️⃣鴨胸皮，沾白砂糖，入口脆卜卜，但就試唔到入口即融感覺，少少可惜，懷疑係燒得唔夠時間 / 唔夠熱。2️⃣鴨胸肉，用麼麼皮包住，連埋大蒜，青瓜，黃麵醬。呢款食法冇咩特別，通常最後都會連埋連皮鴨腿肉一齊包嚟食。3️⃣連皮鴨腿肉，同樣用麼麼皮包住，連埋大蒜，青瓜，黃麵醬，多咗蒜泥。加埋蒜泥味道層次又唔同咗，但正常速度食，嘢食都好快攤凍咗，食落有油溢味。🐖明爐烤蜜汁叉燒食叉燒特別鍾意燒焦左嘅部分，特別甜🤣，叉燒啲肉好腍，不過有啲都韌韌哋，蜜汁再多啲就perfect。🐟🦐咸蛋黃魚皮蝦球原來係東莞菜🤔正常發揮，蝦球好大隻，蛋黃控無誤。🍄🥒豆漿蟲草菌金菇浸勝瓜豆漿煮開咗之後，味道有少少怪，冇得當湯飲，但清清哋，食完重口味餸菜都不錯。🐓香麻辣子農家雞起晒骨，貼心，送飯食應該一流。最後，用甜品做總結🤤🍨五糧液朱古力：冇飲過五糧液，食落好似威士忌🥃yumyum!!🍨黑芝麻海鹽奶蓋：淡淡黑芝麻味配咸咸哋嘅奶蓋，出乎意料地夾！🍡芝麻卷糖不甩：冇乜糖不甩嘅感覺😂

聽過好多朋友推介沙田18片皮鴨好出色😚今日終於有機會試下啦🤤🤤我早1個月經OpenRice book枱 如果想食片皮鴨 記得係備注寫”預訂片皮鴨”訂座成功後 30分鐘後就有職員打電話reconfirm booking 效率好高👍今日餐廳安排到窗邊梳化卡位 坐得好舒服😆一坐低職員會問想飲咩茶🍵今次我試左龍井 幾清香❤️❤️本身預訂左半隻片皮鴨 職員有介紹片皮鴨可以選擇二食同三食我見好多人都係叫二食今次我就試下三食 主要就係多左碗湯主角黎到啦❤️❤️❤️❤️師傅會拎原隻片皮鴨係你面前切會先上一碟鴨皮 建議加砂糖一齊食 個皮好脆好香口🥰 好好食呀👍👍👍之後食皮片鴨🥰嘩!!!!!!! 真係好好食😋 真係值得過嚟食👍👍👍

🍽蜜汁叉燒 老醋紅頭海蜇叉燒睇落無也油脂,但食落係夠腍身亦都ok入味如果可以再濕潤少少會更好🍽傳統北京烤鴨上菜方面有d慢,師傅即烤即片,但我地一共8張檯,兩個師傅逐張檯上,第一張同最後個張食同一味菜既差距有差唔多廿幾分鐘,要客人乾等安排得唔係甘好,應該可以係客人食前一度菜就開始片或者上下一款先...烤鴨既配料同餅皮正常,係皮可以再薄d同熱d烤鴨可以分開兩種切法一邊係淨皮,另一邊係皮連肉淨皮個邊侍應同我地講係加砂糖食,入口即溶皮連肉既就用餅皮包住食淨皮係比一般餐廳既片皮鴨脆既, 佢唔係炸出黎個種系脆而係烤到無曬水分乾身個種脆唔知係咪我地d鴨上檯已經唔太熱,完全體會唔到什麼叫入口即溶？？？另一敗筆係個皮烤到苦,係加左d砂糖都會食到d苦味,最鐘意食皮既我都唔想食如果會苦到甘,其實無必要為左脆而烤到甘至於皮連肉,可能皮既部分唔多,所以唔太覺苦味,味道正常,無特別驚喜🍽竹笙龍躉班片勝瓜魚湯🐟奶白色既湯,味道都幾濃郁,落足料一細碗湯都有兩大塊班片, 班片厚切無骨同行怕腥既朋友覺得有d腥味唔怕腥既朋友就覺得好飲🍽上湯焗波士頓龍蝦🦞正常質數,龍蝦肉有彈性既,煮既時間剛好味道可以既,純粹無欣賞上湯焗呢種

約咗朋友嚟呢間好遠嘅餐廳食飯，朋友介紹話呢間餐廳好出名食鴨，所以我哋山長水遠到大學站都嚟食。呢個餐分開左三次上，第一味係填鴨皮，但係食咗兩三塊之後就覺得好油同好飽，好漏～🤪第二味係傳統皮包填鴨加埋洋蔥，個人覺得呢樣係最好食嘅，仲有個蒜蓉醬包埋入去，非常好味道！第三味係生菜包填鴨碎肉，最後仲有一個湯跟埋，本來以為好少嘢唔夠飽要再叫，點知我哋都食唔晒，可能因為啲鴨皮太油食濟左😅總括嚟講呢間食填鴨都唔錯,只係唔可以食太多。

為左美食，我願意坐差唔多兩個鐘頭嘅車船，由離島嘅屋企去大學站。之前同事話哩個片皮鴨係佢食過最好味，果然名不虛傳！我地預早留咗半隻燒鴨…先嚟一碟燒鴨皮，😳個皮超鬆脆，鴨油好香！加上少少砂糖一齊食，我覺得中和左油膩感。之後再上鴨肉，鴨肉嫩滑，加上粉皮丶青瓜絲、甜醬、砂糖一齊食，口感超正！另外粉皮可以免費加一份，我地當然加左。生菜肉鬆：生菜新鮮脆口、夾埋鴨鬆一齊食，真係好味，但略嫌生菜太少，想食多幾轉都唔得。鴨湯：甜！有鴨味，但其實佢係咪預先煲左一大煲呢？湯裡面冇鴨肉鴨骨，可能係酒店想方便客人飲啦！但係…我叫左半隻鴨架麻，好似切番埋都冇1/4隻，感覺好少，唔夠食。本來想叫下其他餸菜，但見d價錢有d離地，所以冇叫到，轉埸再食。

冇祈望冇失望好耐冇食咁就去食.提早一個月訂位片皮鴨2食皮.油有點溢左既感覺.唔得油香肉.太細塊.而且肉較乾🤬皮肉.太細塊（離開左片皮鴨既應有size)皮唔香肉又乾仲2合1咁可想而知😠炒鴨肉碎生菜包唔講唔知係鴨肉.唉.差🤬燒肉.皮脆得好假.完全冇肥肉.肉乾淨淨😡椒鹽鮮魷.一般水準.😢臘味煎肉餅.唔香.肉係機攪到變醬來做肉餅.😠煎銀雪魚.好食.煎得香口.魚油滿口🥰白切雞.成餐飯來講叫高潮.因最好食😍嫩.滑.彈牙沙窩.牛鬆蛋菠菜.味汁唔夠濃.勝在夠熱🧐希望只係疫情影響👉🏻👈🏻

聽講沙田18口碑唔錯，片皮鴨尤其出色。我同媽咪都好鍾意食片皮鴨，所以預早喺openrice 訂定枱媽咪生日嚟食。片皮鴨需要預訂，訂枱時喺remarks度寫明就可以。餐廳地方唔算大，但枱與枱之間距離唔會太近，唔會太嘈坐得舒服。松露菌生啫龍躉斑球一上枱就好香，龍躉斑球件件都大件又厚肉，表面滿佈松露醬。龍躉魚肉結實得嚟又滑，魚皮充滿骨膠原松露味好香但唔會搶龍躉嘅鮮味，係個好好嘅配搭龍躉底下鋪滿咗大蔥，煮熟咗嘅大蔥食落好甜，表面微燶好香口。主角片皮鴨終於上枱，一碟係鴨胸皮，一碟係一半淨鴨肉一半鴨肉連皮。配料有最基本嘅青瓜同白蔥絲，調味醬料就有甜麵醬同生蒜泥。鴨胸皮非常酥脆，油脂豐富，鬆化到近乎入口即溶。蘸白砂糖食令成件事更加邪惡🙈鴨皮烤色均勻，賣相一流有油脂得嚟皮下脂肪唔會過多。而且火喉剛剛好，鴨肉唔會烤得過乾，但未至於嫩滑。一件連皮鴨肉加一件淨鴨肉，包喺厚薄適中嘅麵皮入面，個人認為係最佳比例。加啲生蒜泥就更加惹味特色東莞炒米粉炒得夠乾色，有鑊氣得嚟唔會過份油膩除咗主食質素高，餐廳仲有多款甜品選擇，其中好多都係一般中菜餐廳唔常見嘅創意甜品，好吸引！腐乳芝士蛋糕聽落好新奇有趣，當然要試下！其實腐

一直都好想試佢個片皮鴨，今次終於就到時間食一次喇~~~一早已經預約枱及片皮鴨，原來平日都幾FULL，差唔多兩星期前BOOK，不過冇限時間交枱，會食得舒服好多。我地今次叫左1食，份量都幾多，不過真係好脆，油香肉滑，兩個人食食下都覺得膩。職員教食鴨皮時只沾白沙糖，令到鴨皮更好味，雖然我平時都只係沾黃麵醬，今次真係新體會。另外鴨肉加大蒜、青瓜、再加上黃麵醬及蒜泥，真係另外一個食法，平時我都沒加蒜泥，我地食到要再添加。不過人數太少，試唔到多款其他食物，會有少少可惜。其中有個小插曲，原來本人已經預訂好的片皮鴨，只需等15分鐘就可以上菜。因為我地都見到需時70分鐘，所以一直沒有催餐廳。就連我地叫的東莞炒米粉都要一個半小時，昨晚的晚餐是會有點小失望，雖然餐廳都坐滿，但就不明為何，連米炒都要等咁耐。最後餐廳送上甜品，五糧液朱古力雪糕，第一啖很大代為賠償，但整餐晚飯也食得太趕了，破壞了少少心情。希望餐廳日後會有改善。因為我跟朋友都很喜歡吃，希望下次會有機會再試。

之前喺沙田18食過一次晚飯覺得唔錯，見佢午市套餐出咗新menu，所以黎試吓。環境寬敞，侍應勤快，服務係唔錯嘅。可惜食物水準太低，每位$298加一再88折，即使係酒店中菜廳，都覺得唔值得。散叫或者會好啲，不過我自己就未必敢再冒險。牙籤放咗喺一個盒仔，而其中一個牙籤套有疑似食物污漬，略嫌衞生欠佳。上甜品之時有一段插曲。等咗超過15分鐘都未黎，樓面話本身order嘅芝蔴雪糕師傅要多10分鐘先整好，點知再過15分鐘都未到。再問之下話整唔到，要轉個椰子味。令我費解。