沙田18

营业中

休息中

Reception服務態度極差！星期二（6月3日）1:30pm去到攞位飲茶，被告知得返廚房旁位（Open Kitchen)，我話朋友未到我可以等，佢話好，我等咗半個鐘，期間我都見有其他兩位Walk-in，一心以為嗰兩個人坐咗近廚房個位，點知原來reception姐姐一心留返近廚房張枱俾我，將其他好枱俾其他Walk-in嘅人，真心玩嘢！ 點知同招呼我哋開茶個男部長講發生咩事之後，佢即刻同我哋轉咗張卡位，因為其實都接近last order人客都走又冇booking，咁容易嘅事，唔明白reception姐姐點解要咁玩嘢？Reception 姐姐仲要由頭到尾黑口黑面，好似欠咗佢咁，貼錢買難受，酒店有咁嘅服務真係嘆為觀止！P.S. 1 - 未食過咁難食嘅春卷，啲餡唔新鮮又散！2 - 可能有內部規定要幫客人斟茶，但當客人坐卡位而杯茶又擺咗喺近窗位置嘅時候，侍應不斷打斷客人對話，要求拎杯斟茶，就算我話自己斟都唔可以，好stubborn同disturbing!

作為沙田凱悅酒店的招牌中菜廳，「沙田18」將傳統中式料理提升至藝術層次。開放式廚房設計讓食客能近距離欣賞師傅們的精湛手藝，特別是片皮鴨的製作過程猶如一場美食表演——師傅以嫻熟刀工將烤鴨皮肉完美分離，金黃酥脆的鴨皮搭配砂糖的食法令人驚艷，油脂香氣與甜味在舌尖交融，難怪成為每桌必點。除了招牌片皮鴨，餐廳的客家菜系同樣出色。客家炒米粉鑊氣十足，米粉乾爽不油膩，搭配蝦乾、銀芽等配料層次豐富。雖然小籠包表現中規中矩，但其他點心如叉燒酥等卻意外地出色。裝潢融合現代簡約與中式元素，落地玻璃引入自然光，用餐環境舒適宜人。建議提前預訂窗邊座位，在品嚐美食的同時，還能欣賞沙田的開揚景致。米芝蓮推薦的實力，從食材品質到服務細節都令人滿意，是值得專程造訪的中菜殿堂。

我同先生喺沙田Hyatt成婚，特意揀沙田18慶祝我哋嘅周年紀念成餐飯我哋叫咗片皮鴨等signature菜式，但食完諗返轉頭都諗唔到邊個菜式係最令人印象深刻相反，甜品就令我一世難忘訂枱時我已向職員講低想在甜品寫Wedding Anniversay，去到order完甜品，職員遞上嚟嘅甜品冇祝福語，向職員查詢之後，職員道歉話漏咗於是再另外遞咗一碟寫咗字嘅白朱古力牌俾我哋啲字醜陋不堪，一睇就知臨急臨忙寫，仲要唔係專業我實在難以想像一家高級餐廳會有如此水準老公問我下年仲去唔去返呢間酒店慶祝周年，我真係不了

Dinner with the DuckFans. Have been meaning to try for so long. Here’s what we had. Sweet pickled turnip- very tasty. Asked for seconds.脆皮五花腩肉- so very fatty. 籠仔糯米蒸腩排- a spin on the classic yum cha nostalgia; pork ribs were nestled into fragrant, sticky glutinous rice and steamed together in a bamboo basket; effect was not quite there tho- rice fell apart when we bit onto the non-bite sized pieces.填鴨- came in 2 parts: the lacquered skin first, which we were instructed to take by itself- an abund

沙田18有名氣餐廳之選扁皮鴨必食推介就算訂左位都要預先預訂師傅會喺你面前起肉每塊皮都起得好乾淨，唔會黐肉鴨皮超香超脆😍店員仲會教你食咩位置點咩醬汁👍乳鴿都系要預留，即炸夠香夠味點少得小籠包，皮薄餡靚一家人慶祝節日夠哂適合夠得體好食😋😋

食品質素相當一般，叉燒應該係外脆內嫩，佢就得個嫩字，即係我唔係食緊慢煮梅頭呀大佬；訂位時沒有提醒某些菜色要預訂，結果到場說沒片皮鴨；隨隨便便幾個菜已經貴到近900元一位，好唔好食既野好主觀下嘛，我個人就覺得肯定唔值架喇。食品既野見仁見智，佢係貴但又未到難食，我最多話佢性價比奇低，唔會話要俾一星佢。但我六點入場，食完幾味菜凳都未坐暖，七點半佢就話要趕我走喇，係咪痴線架？個場半吉既你話有下台人要入座，呃鬼食豆腐呀？一碟爛鬼叉燒收人兩三百蚊既地方限時坐個半鐘？？除非你想食一個性價比極低的中餐之後被人一腳踢走，我建議都係唔好來呢間爛鬼餐廳為妙！

預早訂位的生日飯週末早上同家人到來換來隔夜乾身的片皮鴨服務：即時反影，冇改善，冇應對態度：餐廳位置偏遠，客人都是特登從市區到來。質素：惡劣，令我失望和難忘不在話下價錢：中上價位感受：本求和家人一起來慶祝。結果：以後你們是本人最差的經驗。餐廳經理漠視，投訴沒有回應所以這是經典香港餐飲服務業的劣質佼佼者！同樣亦不會再光顧這五星酒店。食物只是其中一樣，服務才是令人死💔。一次經驗可換來樂於再光臨，我亦是幸運，以後不再考慮你們

菜品味道連小店都不如，無論是味道及上碟都太差，連平價大排檔都不如，但價錢是五星級，完全對不起這個價錢，這是香港食肆的悲哀….作為地道的香港人真替他們擔心，不思進取，完全不是以顧客為中心，這樣下去，香港食肆便會走向死亡，將被國內的專業食肆取而代之，可悲….. 怪得誰呢😭一間食肆不只是裝修漂亮，懂得招呼客人就可以生存，其實美味的食物才是重點，客人過來是想吃美味的食物，如果食物奇差，再漂亮再好的服務都挽救不了的，希望做食肆的人將重點放回做食肆的本心，客人過來是想享受美味的食物，其它的都是次要。

以前成日同屋企人嚟，近年幾冇嚟今次返嚟完全失望。五星級環境價錢，但服務完全係茶餐廳級數。除咗勤力添茶之外，所有夥計嘅態度同語氣都完全係茶餐廳感覺，完全唔斯文同呼呼喝喝。一坐低問你飲咩茶，完全冇提過基本茶錢或點樣收費，一嚟就拎四款茶葉你揀，原來所有都係特別茶葉，嗌完先發覺原來係有普通茶揀。我哋四位，兩位烏龍茶，兩位茉莉，但茶嚟其實都只係兩壺茶大家share。其他五星級中餐廳嘅茶如果嗌得特別茶葉一定係逐位上，而唔係咁share。茶壺亦冇嘢熱住。食物係平民酒樓質素。叉燒（差唔多$300一份)係完全醃唔入味，半肥瘦係差唔多全肥，汁亦都好稀。蝦餃燒賣剩係得胡椒味，叉燒包嘅餡係完全冇調味咁。片皮鴨(半隻1食$568)鴨肉好似隻鴨完全冇醃過，肉質係乾，鴨胸皮脆得來但係成口油，鴨髀嘅皮直程唔脆。唯一好食係XO醬蘿蔔糕，夠脆同夠XO醬。 5 個點心，一份叉燒，半隻片皮鴨計埋茶錢同加一係$1720… 完全唔值得咁嘅價錢，一定唔會再返嚟。

讚-菜式穩定地好 片皮鴨晦皮脆得黎夠油香 臭豆腐海鮮煲既湯汁好飲 蝦肉夠鮮甜 辣鱔皮爽彈 肉質夠油份 整體係樣樣都出色-環境保持得企理 雖然開左十幾年 但都唔乜點殘舊彈-白木耳頭盤同皮蛋頭盤都有啲淡

沙田18位於沙田凱悦酒店內的中餐廳，坐位寬敞舒適👍大學站步行五分鐘便可到達🎉最好訂座及預留菜式，免得白行一趟🥢正宗北京烤鴨是沙田18的招牌菜🏅師傅會在飯桌旁邊即席片皮, 分切成淨皮, 皮帶肉,及淨肉三種口感🎊今次選擇了三食🤗一食：片胸皮，胸肉，腿肉連青瓜，大蒜，黃麵醬，薄餅第一個食法是薄薄及脆脆的鴨皮，灑上少許白糖，香脆可口, 入口即化第二個食法是 加入京蔥、青瓜及醬汁，包薄餅皮吃，, 香而不膩十分滋味!第三個食法是把鴨肉點上黃色的蒜泥醬， 蒜泥醬突顯了鴨肉的甜味，也是很好吃二食：生菜片鴨鬆生菜包裹着濃味濕潤的鴨鬆及大豆芽，吃起來超清爽三食：紹菜豆腐鴨骨湯鴨味十足同時帶鮮甜另外再加了一個菇絲肉絲銀芽兩面黃🍽️麵是外脆內軟，吸收了冬菇、肉絲、銀芽的茨汁脆、軟，兩種質感一起入口，口感豐富

暫時香港食過最好食嘅北京填鴨完全為左食烤鴨去，師傅即席示範片鴨，個皮烤得酥脆加埋白糖，可以分淨皮，皮帶肉，及淨肉三種食法，另外再加多一食紹菜豆腐鴨骨湯老醋紅頭海蜇脆皮燒五花腩肉明爐烤蜜汁叉燒傳統北京烤填鴨一食片胸皮，胸肉，腿肉二食紹菜豆腐鴨骨湯自製黄皮醬焗鱈魚煎梅香馬友鹹魚XO醫鮮淮山秋葵炒帶子

心血來潮想食片皮鴨，用膳當日電話訂座，竟然book到🤭訂座時，餐廳好貼心問是否需要預留北京填鴨，所以入座時好快就可以上菜了。傳統北京填鴨三食（半隻）🦆片胸皮（淨皮）、胸肉(無皮），腿肉連皮鴨胸片（淨皮） 上枱時仲熱好脆口，師傅刀工出色連少少肉都冇，要點砂糖食，要趁熱食否則凍咗有點油膩感胸肉冇皮，個人覺得有少少嚡口，胸肉係俾你用餅皮包住食，個人覺得加埋腿肉連皮好食啲腿肉連皮，餐廳員工建議加埋個蒜醬一齊包嚟食，加咗之後感覺都係冇咁漏夾餅嘅配料 青瓜 京蔥絲 醬料都好味餅皮兩個籠仔一齊上，要快快手食，第二籠好快凍🦆紹菜豆腐鴨骨湯每人一碗，冇得添🥹呢個湯真係要趁熱飲，放涼咗鴨蘇味特別強烈。湯渣有幾粒豆腐，幾片紹菜。因為係用鴨骨熬製，所以冇鴨肉食。個人認為呢個湯太蘇，下次未必再食。🦆生菜片鴨鬆二食嘅係生菜包炒鴨鬆，鴨鬆切得太犀利，感覺冇乜口感，如果下次再嚟，我諗一食算🥦三杯汁芥蘭炒牛肉我見好多枱都有點呢個餸，係一個啫啫菜式，個人覺得味道偏甜，牛肉芥蘭份量都多，整體OK👨🏻‍🍳蝦籽竹笙紅燒豆腐呢碟幾適合鍾意食清淡嘅人，除咗竹笙豆腐，仲有菜心墊底，份量都算多。由於清淡為主，調味唔係好重。🍧紅棗軟蛋糕

前幾日你睇到我寫開北區飲茶三寶，不如講下另一間我favourite嘅一定係大學站嘅沙田18。之前食晚飯食得多，飲茶真係第一次，呢個環境其實真係好適合來個周末午餐，特別係久唔久佢就會有一啲好好食嘅新Menu。每次嚟食都唔會有失望，今次飲茶更加之精彩，亞拉斯加蟹鉗灌湯餃真心好痴線，以勁大隻嘅蟹鉗、蝦、豬肉、大菜、蘑菇、鮮草菇放入去做過灌湯餃，呢個一定不能錯過。鳳尾蝦多士，好多地方都有呢度做得乾身同埋佢嘅形狀非常特別，盡顯佢哋嘅廚藝工架。金桔白玉木耳係夏天必食，第一次食白木耳，口感幾得意，朋友愛金桔，本身自己興趣不大，白玉木耳來自雲南，新鮮柑桔來自廣西，而醬汁主要以用柚子汁調製，三樣夾埋一齊絕對係一個用嚟消暑嘅前奏。燒椒醬糖心皮蛋秋葵又係非常有特色，燒椒醬以青尖椒燒香後，再加入醋、生抽等調味製成，為四川地道的做法，師傅每次整一啲新嘅醬汁都係有無比嘅創意，而且味道都無懈可擊。主菜麻椒黑豚腩肉薑油煎焗鮮鮑魚，雞夾鮑魚試得多，黑豚未試過，加上濃郁又香的麻椒感覺，配上鮑魚特別香。其實真係好難想像羊點同梅菜可以拼埋一起，師傅就成就了這美事，梅乾菜筍乾扣羊膝，羊膝大件到不行，愛羊嘅一定會愛上呢個咁特別嘅

今天和家人去了第一次到沙田18吃晚飯,  點了他們所謂的signature dish, 北京填鴨, 定枱時已下了單點半隻,  坐低便對服務說要三食, 我們是最早吃第一食片皮鴨的一枱,可是吃完一食後等等多過1小時還未吃到二和三食,  其間已催促服務員兩次, 他們都說會跟進,但一直沒有回覆我們, 眼看其他枱點了同樣二三食都吃完了,最后我決定取消,  他們竟然說最初的服務員只為我們定了一食, 更連忙叫她過來向我們道歉。我從未見過如此劣質的酒店餐飲服務,  難怪現在港人都北上揾食!!!半隻所謂北京填鴨盛惠$568, portion 極少,味道不比一般小店半價好食,  服務也極度另一失望, 建議酒店管理層若覺得三食賺不到錢便不要放在餐牌给客人選擇!  家人都說不會來光顧這酒店內的任何餐廳！