沙田18

营业中

休息中

Book左間房同家人食午餐，6個人最低消費$3000酒店黎講呢個價唔算貴片皮鴨起走晒肥膏係ok的，但肉片柴左少少（之前睇到好多人話好正，我個人就覺得好普通，甚至可以話係中下質素,唯一好處係無咁肥）蝦餃一般，少蝦多肥膏叉燒尚可，不過價錢唔算貴$70/碟其他點心其實同普通酒樓質素差唔多最好食係個甜品囉，花雕味幾特別嘅，同話梅幾夾總括嚟講如果想坐得舒服啲，去間靚啲裝修嘅餐廳食啲普通酒樓質素嘅菜式就可以黎試吓😂

還記得八月來襲的颱風馬鞍嗎？它令我們當晚事先約好既飯局無奈取消了，不過，美食又怎能錯過，跟朋友再夾好時間，是晚來到 沙田18，品嚐一系列時令正宗東莞菜式前菜先來 黄椒醃菜拌鮑魚，以鮑魚和大白菜，加入泰國黃椒、蘿蔔、辣椒油、鹽和蒜等醃製至少半日以上，入口酸酸甜甜的，有點韓式風味，而鮑魚則很爽彈鮮甜，很醒胃的一道前菜道滘煎釀原條鯪魚 這手工菜，先將鯪魚拆骨起肉，魚肉再加入臘味等配料，特別之處是加入原粒花生，煎香後再切件，口感非常豐富，肉質彈牙黃酒炒鮮雞，雞肉細緻嫩滑，帶點點酒香，很惹戰紅葱炒墨汁吊桶 又是另一道惹味菜式，吊桶都是脹卜卜的，用紅蒽來炒更是香口，口感彈牙爽身，令人回味餐廳與素肉供應商 「植廚 Plant SiFu」合作，推出數款新肉菜式，是晚就試了 小蘿蔔乾馬蹄蒸素肉餅，賣相幾可亂真，味道帶點菇香，優點是去了真肉餅的油膩，好此道者，值得一試鹹魚帶子薑米炒飯 , 鹹香惹味，飯粒晶瑩, 很有家的味道甜品環節, 首選 腐乳芝士泡芙，餡料以中式腐乳和西式忌廉芝士混合而成，味道香濃南瓜薑汁法式燉蛋，非常香濃的蛋香，令人陶醉椌檬蜂蜜薑汁雪葩，好夠「薑」，比利大愛, 杏汁雪耳木瓜雪糕 也是挺

每次到凱悅酒店沙田18食中菜都給我有驚喜，當然今次也不例外，來到吃個點心午餐，點選至愛的片皮鴨及堂弄玫瑰耐露叉燒，再試試新推出的小菜及點心，最後再留肚個仲會留肚食甜品，悠閒地度過一個周末，滿足。野山椒香茅生啫白鱔估唔到加入了野山椒及香茅的白鱔，大大中和了白鱔肥美的油脂，增添了陣陣的茅香，微辣的野山椒，更起了提鮮的作用，刺激了味蕾，口感豐富，令人再三回味。黑松露珍珠菌餃大大隻的黑松露珍珠菌餃，一啖咬落去滿口都是珍菌粒，連滲出陣陣的黑松露香味，好滋味。大大隻的黑松露珍珠菌餃，一啖咬落去滿口都是珍菌粒，連滲出陣陣的黑松露香味，好滋味。大大隻的黑松露珍珠菌餃，一啖咬落去滿口都是珍菌粒，連滲出陣陣的黑松露香味，好滋味。禮雲籽龍蠆班肉腸粉龍蠆班肉結合腸粉超夾超味，大大件的龍蠆班肉，在軟滑的腸粉包裹住，入口全是鮮甜的龍蠆班肉，唔駛多講都知是幾好味。每次到這裏都一定要點的北京烤鴨，師傅在我們面前即片皮。皮還皮；肉還肉，先吃個鴨片，灑上砂糖同吃，先脆後酥，入口即溶化，好好味。將鴨肉及鴨片放在薄餅上，加入青瓜、蒜泥及黃麵醬，入口簡真是享受。小蘿蔔乾馬蹄蒸素肉餅呢道素肉餅真是幾可亂真，無錯，入口時會吃到小蘿

滿心期待食沙田18的片皮鴨，食完既感想係：點解話係全香港最好食既片皮鴨？係咪我唔好彩？咁岩唔好食？因為鴨皮/鴨肉都係無味，完全無味！甜麵醬都係偏淡，包起一件片皮鴨放入口，係無味的,又唔咸又唔係甜，感覺真係好奇怪，好奇怪，因為真係無味。另外叫左兩個點心，質素都係一般。唔係酒店水平。帶子炒飯都係好淡味。因為我本身食野都唔係重味，一般出街食野太咸太甜都唔得，今次第一次係覺得無味。*我睇左上一篇食評，佢都話係片皮鴨無味，即係唔係我一個覺得係咁。唔通係廚師忘記調味？ 仲有，餐廳內冷氣不足，愈坐愈熱。

多得弟弟一早上網訂左位，我地今晚先有機會試到咁高質嘅食物同埋有個咁舒服，開心嘅晚餐體驗～呢間餐廳聽左咁耐… 第一次黎食結論係不論環境、服務定食物 都好滿意👍🏻🐥北京烤填鴨 (三食) $888呢個真係必食… 係我暫時食過最高質嘅片皮鴨 !!!分為:: 鴨胸皮、鴨胸肉、腿肉連皮師傅即場片比你睇.. 片緊個陣已經陣陣飄香, 我地流晒口水…最impressed嘅係個淨皮, 不得了!!! 入口即化🤤店家建議配砂糖食~ 口感先脆後酥, 實在係人生必試胸肉同連皮腿肉 都係配薄餅, 青瓜, 大蒜, 黃麵醬 ~特別嘅係 皮連肉 會沾少少蒜泥 ~~ 刺激到味蕾 !二食同三食分別係:: 生菜片鴨鬆, 紹菜豆腐鴨骨湯呢兩樣相比起黎 就比較普通~ 鴨香唔算太突出孜然紅蔥炒羊肉 $280少驚喜😳 初初叫都係抱住博一博心態因為怕會太重孜然味 太咸, 但佢個處理剛剛好做到惹味得黎 唔過火, 羊肉帶微微羶香, 入味又夠鑊氣 !份量仲不少 ~🍍彩椒鳳梨咕嚕肉 $255咕嚕肉份量超多, 每件都啖啖肉, 無乜骨頭/肥膏位炸粉薄 ~ 鳳梨係鮮鳳梨, 有天然酸甜味整碟都不錯 但唔算太特別 ~🥃五糧液朱古力雪糕 $48加入左五糧液

傳聞沙田18 隻片皮鴨好好食，飲茶好好，長期都book滿枱，咁梗係要9月1號，去開學啦。 結果，大家個comment係「好耐冇食過咁離譜嘅嘢」😒♦️蝦餃：一嚟到大家呆咗🤦‍♀️真係好誇張，塊皮見唔到入邊啲料，厚過張棉胎！重點係，裏面啲水處理得唔好，酸左😒♦️叉燒腸：真係世界級。。。難食！一對好厚嘅粉皮，再加冇味嘅乾柴煲湯肉 諗住叫個XO醬幫補吓。。呢個仲精彩絕倫！個XO醬居然有魚肝油丸嗰浸腥味😤♦️XO醬帶子餃：呢個正常少少，只係唔難食😂♦️香茅鮮蝦炸春卷：同好多人一樣，得面嗰浸😂上面望落去都算乾身，一夾起個底油淋淋🙄成舊嘢淨係有少少香茅味，唯有叫個辣椒油幫補吓，點知神奇嘅事又出現，繼續魚肝油丸嗰陣腥味😑♦️乾炒牛河：正常普通唔難食，只可以講一句，我炒得好食過佢😂♦️♦️♦️傳聞中的扁皮鴨😑隻鴨冇醃過，又唔係靚，乜嘢味都冇！青瓜又吾新鮮！嗰塊皮睇落好薄…點知好靭！ 又話全香港最好食嘅片皮鴨😡😡😡應該係數一數二難食既片皮鴨！♦️花雕話梅雪杷：成件事九唔搭八，乜嘢味都食唔到除咗個甜味😂甘嘅質素，大排檔絕對可唔接受！但係，佢甘既價錢，甘即質素，真係好離譜🙄

想食片皮鴨就嚟咗沙田18，叫咗個二食。要事先打電話嚟訂鴨的。佢會原隻喺你面前片，會分肉同皮。皮會推薦你點沙糖就咁食，皮嘅油香同啲沙糖好夾，既香脆但又入口即融，係一種大享受。佢嘅鴨肉就有麵皮包住食，仲有唔同配料同醬，好足料好有誠意。肉質嫩滑，而且可以試到唔同嘅配搭，惹味，好食！另一食就整咗炒飯，個人就感覺一般，無乜特別。講到特別就要提佢嘅五糧液雪糕，好有酒香但唔會苦。如果唔係食呢個雪糕，應該人生唔會飲五糧液😂，但佢哋就整得係好食的。一定要試！

朋友話呢間片皮鴨係香港數一數二, 今次一行四人就叫咗半隻片皮鴨, 再叫咗好多小菜同甜品四喜烤麮 - 雖然未係友人心目中傳統味道, 但屬正常水準傳統北京烤填鴨 - 我地淨係叫咗二食, 冇要到湯, 先嚟係將用鴨胸皮沾白砂糖, 充滿鴨油香又鬆脆; 跟住就係連同煙靭軟熟嘅薄餅皮包上juicy鴨肉、青瓜、京蔥和黃麵醬, 傳統食法; 最尾就生菜片鴨鬆, 生菜清爽解膩明爐烤蜜汁叉燒 - 食完鴨開始上主菜, 但我地仲未食叉燒喎, 一問原來係漏單, 不過有得食就好, 尚算軟糯入味肉鮮彩椒鳳梨咕嚕肉 - 用新鮮菠蘿都比較酸, 咕嚕肉皮脆肉嫩, 醬汁唔會過多過濃, 幾好孜然紅蔥炒羊肉 - 小辣香口, 羊肉唔羶, 羊肉迷可能會有少少失望窩蛋牛鬆焗菠菜 - 煲仔上熱騰騰已經好吸引, 搞開窩蛋撈埋落菠菜, 索哂牛肉味同蛋嘅香滑食過咁多道菜係時候用甜品round up, 估唔到佢地甜唔品都有咁多選擇, 今次揀咗3款花雕話梅雪葩 - 清爽話梅, 花雕味唔算好濃但夠香五糧液朱古力 - 呢到除咗片皮鴨, 另一個signuture就係佢,  估唔到五糧液加朱古力效果咁好, 加埋面頭塊焦糖脆片錦上添花焗鳳梨山楂酥 - 山楂味

之前訂過呢間，經常爆滿，今次幫媽咪慶生，提早1個多月訂座，好誇張!  預訂時會問你要唔要訂片皮鴨，一隻定半隻，當時只得4人，所以只點了半隻。正日去到多了一人，即場改訂一隻，要多等~50分鐘，照等! 途中點了以下點心/小菜︰1. 叉燒包 - 包質正常，有一個包面有倒汗水，減分。餡料正常發揮，無乜特別2. 蝦餃 - 餃皮有口感，餡料正常3. 粉果 - 餡料好新鮮，花生仍脆口4. 燒賣 - 正常5. 叉燒 - 都係正常，我個人鐘意沙田圍間叉燒大皇多啲... 唔知係咪食開重口味 6. 順德魚餅 - 最唔好食嘅一道菜，似係自家手打，未夠彈牙，煎得唔夠香口，臘腸太大粒，硬牙，唔推介主角終於出場啦，廚師片了三分唔同部位嘅鴨皮同鴨肉，第一道係最肥美嘅，廚師話沾砂糖淨拍，唔使薄餅皮。但我就認為沾砂糖夾薄餅係最佳組合，因為鴨油+澱粉質係最夾架嘛，加埋砂糖就perfect match，就好似鮮油多必定加糖食嘅定律一樣!!第二道係帶少許肉少許肥膏嘅皮，而第三道係淨肉，講真片皮鴨嘅鴨始終無燒鴨咁醃過，淨肉係無咁好食嘅，所以我會兩款夾埋一齊包薄餅皮+海鮮醬食。最後係甜品，想點果兩樣都無，結果就求奇點：1）紅棗軟蛋

我哋一行7-8個人，費事咁麻煩逐個點嘅關係，唔到佢顯示套餐價錢都幾合理，所以就試吓啦同好多擺餐廳一樣，上網會有菜單可以睇嘅黑松露珍菌餃：狗皮婉琳得來唔會林啤啤體積幾大粒，入面充滿好多珍菌粒，而且淡出嘅黑松露味，一試就知道係黑松露因為唔係我點菜，所以都係食嘅時候品嚐佢嘅味道都幾過癮香茅鮮蝦春卷：其實呢個春卷都幾大條！每人會有一大條完整嘅，而且非常之趣口，吹到博博聲，朋友都大贊香口好味我覺得呢間總裁比較特別嘅係佢會用一啲創新嘅口味去整一啲平時會出現嘅菜式，非常之有新意！而且創造出新口味非常之吸引雞絲豆腐酸菜湯：呢個初頭唔知佢落咗酸菜所以覺得點解咁算好古怪，但係最後都飲得晒！不過食到呢個餸嘅時候，唔知點解已經覺得好口渴好似餐飯好鹹咁唔知係佢問題你自己問題🤣不過絕對唔係味精嗰種口渴按三個部份分開相3D，圖中呢一疊係只有皮嘅，之後有皮+肥肉，最後就係瘦肉位其實佢鴨嘅份量非常之少，都係比你哋試吓我驚係你唔敢食咁多，不過友人都話好好味帶子菜莆煎蛋餅🥞：剪得好厚身，幾香口帶子質素都唔差嘅，不過略嫌多油普寧豆漿炒白菜仔： 白菜新鮮脹卜卜不過小遊啲好啲！其實佢唔算多油，不過我要求比較高！餐廳來講佢算OK嘅

好耐冇嚟過嗰日經過開再重逢一下叫左啲普通嘢個是日例湯唔錯合掌瓜，不會太油膩又唔會太鹹👍燒腩仔皮脆又唔會甩皮👍個魚湯浸菜呢個就麻麻哋啦魚湯OK腐皮同埋啲菜唔OK焗鱈魚唔夠熱紫蘇葉炒雞柳少許鹹紅棗蛋糕有啲甜

Book左大半個月，鐘意可以試到啦😻😻😻聽人講得多，終於可以親身試佢既片皮鴨呢度服務員唔錯，成日幫我哋斟茶👍北京填鴨設左三種食法1.片胸皮好鬆脆，再配上砂糖一齊食之後可以再包住胸肉，腿肉，青瓜，和黃麵醬，薄餅，一齊食2. 生菜包鴨鬆，好香，配埋生菜🥬一d 都唔流😻3. 紹菜豆腐鴨骨湯，好香，個湯，好清甜特色東莞炒米粉- 這個米炒做功好好，條條分明，口感爽而有咬口五糧液朱古力🍫雪糕- 雪糕質感滑溜，每啖都有香濃朱古力和五糧液

超鍾意食片皮鴨嘅我，好多年前已經食沙田18😌😌周圍試過唔同嘅餐廳，始終覺得佢嘅片皮鴨係數一數二，所以每年點都會幫襯番一，兩次片皮鴨(一食) - 鴨皮充滿油香又脆口，鴨肉嫩，餅皮煙靭軟熟又夠簿咕嚕肉 - 皮脆肉嫩，甜酸汁比例啱啱好 辣子雞 - 又香又酥，辣度適中雲腿津白 - 津白清甜配搭帶鹹香嘅雲腿幾時都係咁夾鱔煲 - 朋友覺得好好食，因為我唔食鱔，我淨係食左入面嘅冬瓜同菇，好入味又唔會太咸五糧液朱古力雪糕 每次黎都食朱古力味好濃，五糧液酒香突出，配搭特別

期待左好耐既沙田18💕因為係酒店入面 坐得比較舒服 同服務態度都唔錯👍🏻另外侍應會不斷幫你斟茶🤣有啲唔係好習慣🍴前菜 醃蘿蔔開頭睇個樣諗咗陣係咩嚟😂但一放入嘴就停唔到口😍蘿蔔好清甜爽脆 薄切仲要無渣 好開胃 如果有得就單點就好👍🏻🍴鮮肉小籠包（6隻）$168啱啱蒸好熱辣辣嘅小籠包係最好食的🤤佢個皮唔會太薄太厚 剛剛好 係好食既小籠包 但又未至於會令人驚艷🤣🍴傳統筍尖蝦餃王 $68好大隻既蝦餃😂有4-5隻蝦係入面 唔可以做到一啖食晒 但好滿足🤤🍴香茅鮮蝦炸春卷 $68推薦✨個皮炸到好酥脆 唔會油膩 入面既餡真材實料👍🏻食到好多彈牙、濃郁嘅蝦膠🍴陳皮蒸牛肉球 $60牛肉球嫩滑彈牙 多肉汁 但唔係好食到牛肉的鮮美 中規中矩🍴傳統北京烤填鴨 一食 $628（全隻）侍應會先上左青瓜同薄餅等配料比你 記得唔好咁快打開個薄餅蒸籠蓋 會凍的🙊淨係一食都有分3個部分1️⃣片胸皮第一次咁食🤤食法係蘸砂糖食 個皮燒得好靚 多油脂 入口即融💕2️⃣胸肉食法同一般食扁片鴨一樣 都係用薄餅包埋青瓜、蔥同黃麵醬食 胸肉係瘦既鴨肉 但食落唔會太乾 好香鴨味👍🏻3️⃣腿肉腿肉就係偏肥既鴨肉 會有一層薄薄的鴨皮 咬落多汁👍🏻侍應會建

幾年前食過晚餐，選擇不多。今日有機會再黎試下午餐，點心質素唔錯。黎到沙田18點可以唔叫片皮鴨，我地叫3食，$8xx性價比高，正常發揮高水平。蝦餃既蝦爽口彈牙，味道好，但略嫌皮稍厚。春卷同腐皮卷夠熱同香脆燒賣正常發揮，無大驚喜。小籠包好大湯汁但皮厚。鍋貼令我想起澳門另一間五星級中菜廳出品，但面層既脆脆略厚。燒味拼盤既燒腩仔同义燒都好味。牛河既牛肉一食就知唔係街邊普通牛肉。原本想叫甜品，但真係太飽了。總結係午餐好食過晚餐。