沙田18

营业中

休息中

聽講沙田18口碑唔錯，片皮鴨尤其出色。我同媽咪都好鍾意食片皮鴨，所以預早喺openrice 訂定枱媽咪生日嚟食。片皮鴨需要預訂，訂枱時喺remarks度寫明就可以。餐廳地方唔算大，但枱與枱之間距離唔會太近，唔會太嘈坐得舒服。松露菌生啫龍躉斑球一上枱就好香，龍躉斑球件件都大件又厚肉，表面滿佈松露醬。龍躉魚肉結實得嚟又滑，魚皮充滿骨膠原松露味好香但唔會搶龍躉嘅鮮味，係個好好嘅配搭龍躉底下鋪滿咗大蔥，煮熟咗嘅大蔥食落好甜，表面微燶好香口。主角片皮鴨終於上枱，一碟係鴨胸皮，一碟係一半淨鴨肉一半鴨肉連皮。配料有最基本嘅青瓜同白蔥絲，調味醬料就有甜麵醬同生蒜泥。鴨胸皮非常酥脆，油脂豐富，鬆化到近乎入口即溶。蘸白砂糖食令成件事更加邪惡🙈鴨皮烤色均勻，賣相一流有油脂得嚟皮下脂肪唔會過多。而且火喉剛剛好，鴨肉唔會烤得過乾，但未至於嫩滑。一件連皮鴨肉加一件淨鴨肉，包喺厚薄適中嘅麵皮入面，個人認為係最佳比例。加啲生蒜泥就更加惹味特色東莞炒米粉炒得夠乾色，有鑊氣得嚟唔會過份油膩除咗主食質素高，餐廳仲有多款甜品選擇，其中好多都係一般中菜餐廳唔常見嘅創意甜品，好吸引！腐乳芝士蛋糕聽落好新奇有趣，當然要試下！其實腐

一直都好想試佢個片皮鴨，今次終於就到時間食一次喇~~~一早已經預約枱及片皮鴨，原來平日都幾FULL，差唔多兩星期前BOOK，不過冇限時間交枱，會食得舒服好多。我地今次叫左1食，份量都幾多，不過真係好脆，油香肉滑，兩個人食食下都覺得膩。職員教食鴨皮時只沾白沙糖，令到鴨皮更好味，雖然我平時都只係沾黃麵醬，今次真係新體會。另外鴨肉加大蒜、青瓜、再加上黃麵醬及蒜泥，真係另外一個食法，平時我都沒加蒜泥，我地食到要再添加。不過人數太少，試唔到多款其他食物，會有少少可惜。其中有個小插曲，原來本人已經預訂好的片皮鴨，只需等15分鐘就可以上菜。因為我地都見到需時70分鐘，所以一直沒有催餐廳。就連我地叫的東莞炒米粉都要一個半小時，昨晚的晚餐是會有點小失望，雖然餐廳都坐滿，但就不明為何，連米炒都要等咁耐。最後餐廳送上甜品，五糧液朱古力雪糕，第一啖很大代為賠償，但整餐晚飯也食得太趕了，破壞了少少心情。希望餐廳日後會有改善。因為我跟朋友都很喜歡吃，希望下次會有機會再試。

之前喺沙田18食過一次晚飯覺得唔錯，見佢午市套餐出咗新menu，所以黎試吓。環境寬敞，侍應勤快，服務係唔錯嘅。可惜食物水準太低，每位$298加一再88折，即使係酒店中菜廳，都覺得唔值得。散叫或者會好啲，不過我自己就未必敢再冒險。牙籤放咗喺一個盒仔，而其中一個牙籤套有疑似食物污漬，略嫌衞生欠佳。上甜品之時有一段插曲。等咗超過15分鐘都未黎，樓面話本身order嘅芝蔴雪糕師傅要多10分鐘先整好，點知再過15分鐘都未到。再問之下話整唔到，要轉個椰子味。令我費解。

生完抖左大半年再搵到新工人工無變之餘仲得閒左，勁開心P氏夫婦又出動食片皮鴨慶祝慶祝當然去我最愛既沙田18啦暴大校友，畢左業就變成飯堂，高峰期一個月去4-5次，食到窮P氏夫婦以前經常一齊北京出差，食片皮鴨已經食到成精，由北京出晒名既大董到六環本地人先識去（其實都係當地人招呼）都食唔少，但我心中第一位仍然係沙田18一鵝三食，我地多數一食就夠，鵝皮入口即浴，沾上砂糖簡直係絕妙組合，雖然食多幾塊就會“漏”，但包皮點醬再夾黎食就可以ko全碟，另外皮連用亦係心頭好，包唔包皮都得！yummy另外一個賣飛佛就係五糧液朱古力雪糕，記得當年第一次食簡直驚為天人，酒味朱古力苦澀味融合得完美。今晚無食，叫左waiter介紹既Red date cake with ice-cream，都ok但我下次會食返酒雪糕囉

Joined gourmet staycation package at hyatt Sha Tin for a night and enjoyed 30% dining discount at Sha Tin 18. Came for Peking duck!!I’m big fan of ST18 Peking duck, which skin used to melt perfectly in mouth when served with sugar topping (used to score 100). It had been a while since my last dining there before that staycation. Not sure if the the duck was not fat enough nor roasted enough. The duck skin did not give the melting texture. 😢But overall, the dish was not bad. (No comparison no har

呢間係位於沙田凱悅酒店嘅中菜廳 佢嘅片皮鴨真係幾出色 最特別係鴨皮 點砂糖趁熱食真係入口即溶 非常鬆化💦而鴨胸肉加上醬汁同蒜泥包埋一齊食係超級夾！有興趣嘅朋友記得訂位時要預訂埋烤鴨😛✾ 北京烤鴨半隻 ($398)

☕️ 食物：👍🏻👍🏻👍🏻👍🏻 /5💰 CP值：👍🏻👍🏻👍🏻👍🏻 /5🤵🏻 服務：👍🏻👍🏻👍🏻👍🏻 /5🛋 環境：👍🏻👍🏻👍🏻👍🏻 /5每年總要找個機會到沙田Hyatt Regency Staycation，最大原因其實是因為要吃心目中全香港最好吃的填鴨；Staycation套餐除了包括住宿，免費泊車等，還包括酒店餐飲7折優惠 😚之所以成為我心目中至愛填鴨，因為它提供非常傳統的京式填鴨，先吃皮，後吃肉，配料也到位；除此之外，其他菜式和甜品也做得非常高質，環境、服務亦一流，推介～ 👍🏻💋 傳統北京烤填鴨。半隻 ($398)皮薄、皮脆、肉嫩、多汁就是我對填鴨的形容詞 😍 先吃皮，職員建議沾砂糖同吃，感覺入口即溶，油香味濃；再來當然是吃帶皮肉，麼麼皮有輕嚼口感，配上醬汁、京蔥和青瓜，至高享受莫過於此～ 🥰💋 二食。生菜包鴨鬆 ($128)鴨鬆加入大豆芽和調味料，配爽脆生菜同吃，我最喜愛加上填鴨醬汁，味道一流 👍🏻💋 雞樅菌醬蔥燒鱈魚 ($398)這道是我們每次都必點的菜式 🐟 質感滑溜的鱈魚，用上清香鮮美的雞樅菌醬及大蔥煎得外脆內滑，連帶蔥都有焦香感，真是味蕾大享受～ 💋 杞子鮮腐竹瑤柱魚湯浸皇

老公生日🎂大日子，同家人一齊去沙田18 晚飯慶祝🎉，整體來說👌🏻，第一次在這裡食填鴨，不知是否當日壞咗一個爐，影響了鴨味道，較為失色，幸好家人喜歡的焗魚腸，味道及魚腸份量，賣相，挽回不少分數，讚不絕口👍🏻👍🏻欖菜帶子炒飯也有驚喜，值得一讚員工主動，也幫我們拍照留念，由於預先訂座，所以安排了卡位，坐得舒服，食🉐️開心嘅晚餐，總算不枉此行😊

朋友生日飯，聽講呢間片皮鴨好出名，大家專登入新界食，點知好失望😞鴨同主食都好普通，反而甜品ok，怪唔之得openrice熱門食物嗰度有咁多係甜品。我哋叫咗一隻鴨（一食）、鮮紫穌蒜醋帶子牛油果、厚街臘味煎魚餅、客家娘酒煮鮮雞、焗黑芝麻湯圓酥皮批同埋腐乳芝士蛋糕。首先講吓隻片皮鴨，整體來講係冇乜鴨味、亦冇乜油香，層皮仲要烤到燶燶地😵一食就分開咗鴨胸肉、皮連肉同埋淨係皮三碟分開上。個鴨胸肉好乾、淨係皮個碟又燒到有啲燶、即使皮連肉個碟中間有層脂肪喺到，都係乜味😒只可以話得個賣相係ok 😓都會有個廚師喺你面前片肉嘅⋯⋯烤鴨一食$628佢個前菜鮮紫蘇蒜醋帶子牛油果$198，有驚喜，感覺好清爽，估唔到牛油果同醋係會夾得埋。客家娘酒煮鮮雞$268酒煮雞，有啲藥材味，雞肉有點鞋厚街臘味煎魚餅 $238口感似泰式魚餅，不過加左臘味同無咁油係少少彈牙唔會好粉，味道ok全晚最好食就係佢嘅甜品😂焗黑芝麻湯圓酥皮$65 真心好味👍🏻，佢個酥皮好鬆化，亦好香牛油味，再加一個軟糯嘅流心芝麻湯圓喺中間，脆脆地同煙煙靭靭嘅組合，令人好滿足腐乳芝士蛋糕 $65口感似New York cheesecake，食落個味都似，係食

見佢嘅片皮鴨咁多人讃，就嚟試試佢，佢個鴨皮係出色嘅，好鬆化，同出面嘅唔同；但係三食嘅鴨湯同炒鬆就好失色，湯非常之淡，一舊鴨都見唔到，雖然我只要半隻，都冇理由咁；鴨鬆只有咸味，我好鍾意食炒鬆都對佢冇興趣。其他點心都滿意嘅，只係上菜次序好奇怪，鴨係最後先上，應該係等有人要另外嗰半隻啦，但係一路都冇人講過，直至後面枱叫完餸，隻鴨就好快出現啦，若果一路都冇人叫半隻嘅話，我哋係咪唔使食呢？🤨其他菜式都幾吸引嘅，都會再去試埋嘅！

雖然佢真係貴 但係佢真係好好食 呢個價錢我覺得值得 而且咁嘅價錢咁嘅份量 好過出邊其他好多中菜啦。片皮鴨三食 嚟到呢度唔食片皮鴨 等於冇嚟過沙田18 佢個皮同埋個鴨腿真係好好食 根本係可以食片皮鴨食到飽跟住其他小菜都做得好好 尤其個黃金蝦球 同埋個魚湯浸菜苗 ，只蝦超級大隻同埋爽口彈牙 隔離仲配埋啲黃金魚皮 點忍呀！最後佢最特色嘅甜品又係唔可以錯過腐乳芝士蛋糕 一份有4-5件 的的式式 唔會太甜好過癮五糧液朱古力雪糕 酒味好濃 差啲以為自己會醉花雕話梅雪葩 酸酸甜甜仲有啲話梅肉好開胃好正

我其實對食鴨麻麻地，但又鬼咁鍾意食填鴨！第一次喺【松竹樓】食，驚為天鴨！但已經係上世紀嘅事！最有驚喜一次，喺北京【大董烤鴨】，鴨皮夠脆！女侍應又夠索！回味無窮！之後 鹿鳴春 北京樓 泰豊廔御膳 美利堅 唐人館 新榮記 便宜坊 全聚德 金滿庭 大都……通通食過今次試埋【沙田18】裝修幽雅、食物質素中上、服務亦OK、樣樣都有4分，唯一……就係冇乜大驚喜！好嘞！又到反省嘅時候，究竟係填鴨變咗，定係我要求變咗？抑或而家嘅食肆，愈嚟愈集團化？冇晒自己嘅風格？鴨大十八變，原來，都不離其中！

好耐冇嚟沙田18食飯，第一次試完佢地個🦆北京填鴨🦆係我暫時係香港食過最好食嘅，每次同朋友嚟都讚，由於疫情關係都少出去食飯，今日難得2老結婚週年紀念，一齊嚟慶祝🥰🦆北京肥鴨🦆 $848 💛💛💛💛💛1隻三食，水準依然都好好，🦆肥皮脆，食落口又唔會太油膩，2食個生菜🥬包有松子好香口，3食個湯好清味道啱啱好，連爸爸唔多食鴨都係咁食👍🐠松露菌生啫龍躉斑球🐠 $368 💛💛💛💛🤍味道比較濃但我地好鍾意佢好香松露味同大蔥味，而且仲有好多塊松露菌好爽口，龍躉好滑🐥客家娘酒煮鮮雞🐥 $268 💛💛💛💛💛本人極力推介👍👍，好香酒味，雞滑皮爽，第一次試，我地成煲連湯都飲到冇淨😅🥬杞子瑤柱魚湯皇帝苗🥬 $228 💛💛💛💛🤍好清甜嘅魚湯加杞子腐竹去煮，雖然湯煮但菜新鮮爽口，而且都好多瑤柱絲係面，夠健康啱老人家🍚楊州炒飯🍚 $228 💛💛💛💛💛爸爸鐘意食炒飯，所以叫咗個最普通嘅楊州炒飯，其實一間中菜好唔好食就睇佢點煮最普通嘅菜，個炒飯一嚟到個個都已經聞到好香蛋炒飯味，飯粒粒乾身好分明食落去口感好香好味，值得一食😋🍝特色東莞炒米粉🍝 $228 💛💛💛💛🤍原本一心唸住嚟食個伊麵，但待應話轉咗餐單所以冇咗好失望⋯⋯經佢

呢間餐廳我嚟過食幾次，最令我掛住嘅都係佢哋嘅片皮鴨，你可以預早預訂一食二食或者係三食！今次就簡單啲只係黎個一食先佢哋嘅片皮鴨真係永遠唔會令人失望，師傅會親自喺你面前完成片鴨嘅工作，會分開皮及肉各一碟上枱，包皮熱辣辣以蒸籠上枱另外每次一定會叫嚟食嘅就係呢個鮑魚穌！非常鬆脆可口！今次試啲新嘢我哋叫咗一個鮮竹芥菜 同 黑椒粉皮膏蟹 黑椒味非常濃，隻蟹就好硬殼不過非常鮮甜花咗好耐時間拆呢隻蟹😂最後無論你幾飽都一定要叫返佢哋嘅雪糕嚟食！我哋今次就叫咗個五糧液朱古力！五糧液雪到變冰片加入朱古力裏面，食起上嚟有啲脆脆嘅感覺！令唔鍾意食甜品嘅朋友都會鍾意食呢個雪糕❤️

三年沒有回來，今日剛好來這區，想起這裡的神級片皮鴨還有東莞菜，有啲期待。片皮鴨超級美味，熱、鬆、脆，360°零死角，口痕叫埋二食（生菜包鴨肉鬆），由於我哋仲叫咗遠近馳名東莞糯米豬肉，還有潮州粉果和北京豬肉餃子🥟，最後搞到完全食唔晒嘅狀態，仲要打包添。今次真係好認真食，脆皮程度更勝新榮記，性價更比高。難怪常常預約爆滿。建議再回來嘗試其他新菜式 😍