沙田18

营业中

休息中

到訪 沙田18 很多次，但卻是首次就坐室外位。現在正值秋季，天氣不冷不熱，夜晚涼風送爽，正是戶外用餐的最好時機。這晚還有香檳及紅白美酒，為這美好的一晚更添美滿！ 先是涼菜環節，最先上檯是 川椒家鄉口水雞 Marinated chicken, peanuts, spring onion, Sichuan pepper，嫩滑的雞件配上辣辣的醬汁，十分惹味又醒胃，吃完胃口大開！ 接著是味甜豐腴、水準極高的 明爐烤蜜汁叉燒 Barbecued pork，雖然更加掛念 火焰堂弄版本；還有清爽好吃的 麻辣醬拌拍黃瓜 Marinated cucumber, spicy soya sauce，平日不愛青瓜的我也忍不住吃了多件。 還有北方風味的 紅油麻辣土豆絲 Marinted shredded potato, dried chlli, Siuchuan pepper oil，口感清爽又是討人喜愛，以及忘了拍照的清甜 麻醬拌番茄 Chilled tomoato, spicy sesame sauce，之後就到主菜。 令人期待的 傳統北京烤填鴨 Traditional Peking duck 率先登場！

沙田18以前是沙田數一數二的優質食店，可惜美名不保了。一對年長夫婦從英國回來，心想帶他們去吃一頓好的晚飯，於是選擇沙田18。訂位時已說晚市分兩輪，5:30pm-7:30pm 及7:45-9:45pm。酒店的中菜竟然要分兩輪，而且5:30pm這麽早，完全是以賺錢作第一位，感覺不良好！我們於5時40分到達，被安排坐在梳化位置，空間尚算寬敞。第一道菜是北京填鴨，是香脆美味的。可惜用來包鴨的薄皮一塊塊黏著，很難取出，如果用牛油纸把皮一張一張的分隔，皮不會因黏著而被撕破。配菜青瓜切成粗條如手指般大，一種很粗燥的感覺，令人覺得廚師不細心。梅菜扣肉是這晚最好的一碟菜。肉切得很薄，肥肉和瘦肉比例均勻，沒有肥膩的感覺，入口即溶。 腐竹帶子粒，味道偏咸。腐竹浸時菜，清清淡淡，很健康的感覺。煎臘味魚餅較油膩，吃完有點滯。小籠包和鍋貼差不多七時半，跟甜品一起到達，未開始吃已叫我們埋單。我們一面吃，－面收拾桌子，連筷子未用完也收拾，太過份了！太過份了！食物遲到，還要趕客，這是甚麽服務態度？總的而言，沙田18以錢為本，不是以客為本。

生日 當然要食得好 去酒店食 是首選大學站旁的酒店的中菜很出名 不可不試的是烤鴨 大廚在你面前 捧著熱騰騰的鴨 你一邊欣賞鴨的色香味 一邊讚嘆師傅的刀法 半隻鴨一食 只有皮 只有肉 有皮有肉 淨皮宜點糖吃 入口即溶 有皮有肉宜包著來吃 除了甜醬 青瓜 還有薑蓉 原來伴薑蓉也很好吃 另一個推薦的是义燒 半肥瘦 甜度適中 食完一舊又一舊 點心之中小籠包 羊肚菌蒸素餃是較出色的 甜品 未去之前已好想食芝士腐乳蛋糕 朋友叫了龍眼花生朱古力蛋糕 兩個都好好食 但竟然大家都覺得朱古力比芝士好食 三個人 埋單約$1300 我個人就覺得生日飯黎講就好抵食

今年選擇咗沙田18，作為我媽媽生日飯。網上有好多好好既評語，令到我地充滿期望。但往往期望愈大，失望愈大.....總括來說係一餐名過其實既中餐菜。先講片皮鴨，一鴨三食，啲皮un到食唔到，片皮鴨個皮都食唔到，你叫我食乜嘢，啲鴨肉又有啲鞋，無鴨味，真係難食到一個點。一個字“差” ，二食炒鴨鬆同三食個湯都無黎味道，不值一提，還要收8佰幾蚊，真係請我都未必再食。接着個燒味拼盤，個叉燒同燒肉一般般，上碟個時唔係太熱，皮唔脆，性價比唔高，牛粒無乜肉味，牛油果又無味，失敗!蝦球同鱈魚球係唯一可取。最後叫咗個甜品拼盤，OMG, 都唔知自己食緊啲乜嘢，嚇死人mei, 腐乳芝士蛋糕真係好特別，唔係個個都接受到，啲生果又酸，尤其啲菠蘿，酸到無朋友都還要放出黎，唔駛俾錢mei...驚喜就無驚嚇就有。最敝連啲服務都未達及數，成日都揾唔到人倒茶，自已都要客串做吓服務生去幫手沖水，有啲服務生對菜式唔係太熟悉，十問九唔知，今時今日咁既服務態度已經唔得，還要發生係一間五星酒店中餐廳，令到我地食得唔係太開心，都幾失望tim

喜歡吃「沙田18」，起初純粹因為覺得好食，後來更發現她更多優點，例如餐廳會響應環保，有指引要使用「可持續海鮮」；又特別欣賞大廚們的創意，中西合璧的甜品永遠叫人驚艷；還有喜歡餐廳自製好多獨門醬料，連微小處都做到最好，製作認真可見一斑。 帶子番茄雞蛋餃 ($68/4粒) 今天來午膳，一切先由點心開始。這個很有趣，先是一塊鮮甜的環保海鮮 -- 帶子，上面有幾粒新鮮番茄，下面竟是雞蛋和蝦仁，好有小時候媽媽愛心菜的感覺。 吃的時候別忘記蘸一些酒店師傅自家炒製的辣醬，有豆豉辣醬、XO醬和潮州辣醬，個人覺得最正是潮州的一款，最香又最辣，十分惹味。 炸鮮蝦蓮藕春卷 ($68/4條) 春卷炸得脆卜卜，想切開拍照，春卷皮即碎得七零八落，裡面的鮮蝦也很鮮甜，整體不錯，只稍油稍多了一點。 紫蘇沙薑龍躉扣 ($348) 龍躉扣，即是龍躉胃，第一次吃，完全沒有魚腥味，厚身，質感有點像牛肚，煙煙靭靭的，紫蘇等配料炒過，香氣四溢。 野山椒汁秋葵炒牛肉 ($318) 野山椒汁帶少許辣味，吊起了牛肉的鮮香，令軟滑的牛肉更加惹味，與相對淡口的秋葵成為絕配。 焗九層塔蠔仔雞蛋缽 ($318) 缽仔禾

沙田18 @ 大學呢間餐廳出名片皮鴨…所以更係要點黎食啦…同其他餐廳一樣, 呢度都會提供青瓜, 大蔥絲俾大家包鴨用。 師傅亦都會即場片開隻鴨…唯一唔通既係會片開唔同部份分開上(好似分左3碟, 宜家好多餐廳都會咁做)…服務員都會介紹唔同部位味道分別同點樣食係最理想…我最鍾意就係唔知邊度既片點沙糖食…真係放入口有朕鴨酥香同鬆化😍😍…個薄餅就好一般…覺得以前嗰種拎上手有d麵粉嗰種先正宗。因為片皮鴨兩吃…所以有個炒鴨鬆…味道可以…不過唔特出…再點左例如叉燒, 湯菜, 炒飯等等…食物都唔錯整體食物質素, 服務都ok…不過價錢偏貴…隻鴨係幾好味不過聽講成$6××😅😅

我都好想做富貴人家，我會向呢個目標努力，因為我要將呢到變成我成日check-in ge飯堂！講到咁，相信大家都feel到我有幾滿意呢餐！沙田十八其實聽好多friends講過，今次終於約埋幾個朋友一行四人嚟晚飯北京片皮鴨我哋揀咗2食，首先見住師傅係我哋面前將隻啱啱燒好，熱辣辣的鴨逐片逐片𠝹皮，已經口水直流！一隻鴨片完都幾多下，但點都食得哂，因為鴨皮鬆脆，充滿鴨的油香！食肉者再order燒味，叉燒拼腩仔，蜜汁叉燒啖啖肉又惹味，腩仔皮脆肉嫩我哋有帶燒酌，但也有order呢度的cocktail,佢哋係用pomelo ＂沙田柚＂做調配的主軸，都幾有心思片皮鴨嘅第2食，爽口生菜包鴨鬆再嚟有大大隻膏蟹蒸糯米飯，講真，但隻蟹真係多膏到呢，不得了的好味咁為咗健康著想，都叫咗個蔬菜，馬拉盞ge惹味加帶子ge鮮味，呢碟秋葵食到我哋䑛䑛脷而今晚ge同頭戲嚟了！就係呢個甜品拼盤！尤其係果個五粮液朱古力雪糕，我之所以約呢餐，最主要係想試吸但雪糕，我哋4個酒鬼都一致咁呢個雪糕，佢朱古力味濃，但唔甜，可能就係歸功五粮液，呢款酒應該好濃，但佢哋調校分量調得好，食到酒香，可能酒的甘平衡咗朱古力的甜，所以各方面都好出色！呢

今日Team lunch，老細話帶我地來沙田18食！我哋成條Team即刻雙眼發光！係人都知沙田18嘅片皮鴨係最出名！真係聞名不如見面！師傅特登半隻鴨出嚟係我地面前片皮不單只仲要分開幾個唔同部位去食！首先淨係食個皮都已經好講究！首先要點糖，就可以品嚐到雅皮嘅香脆，而不油膩！

夏日炎炎正好眠，唔知是不是睡得多，胃口總是有點悶納，極需要一點酸來刺激一下。最近，沙田18就推出了一系列的夏日菜式，以清新的調味來增進食慾。 前菜以酸溜溜為主，以酸香來激活味蕾，話梅冬瓜的瓜肉早已吸收了話梅的酸香，吃起來格外清新開胃；紫蘇醋黑豆拌櫻桃蘿蔔就非常惹味，櫻桃蘿蔔固之然非常爽脆，配合紫蘇及醋黑豆的味道，有種意想不到的濃郁口感。 是晚的主角非八寶生拆魚蓉羹莫屬，材料都切得幼如髮絲，大廚並以鮮甜的魚湯來烹調，喝起來濃郁惹味，鮮甜不絕，為了增加質感，更加入了少量白米來煮，帶點點口感。 嘆過美味的魚蓉羹後，輪到香噴噴的茅台鮑魚砂鍋燜大騸雞引誘下，胃口大開。雞件燜得軟腍入味，連極難入味的鮑魚也被酒香所包圍，在熱辣辣的砂鍋陪襯下，更覺鑊氣十足。 醋黑豆子薑炒蝦球酸香迷人，有著香口的外層，表面掛滿了惹味的醋香醬汁，蝦球吃起來特別爽口彈牙，絕對有糖醋蝦球的影子，可是來得更為清爽。 再來一個未上枱已聞到昏氣的雞樅菌醬燒鱈魚球，味道真的不得了，鱈魚鮮嫩無比不在話下，醬汁的惹味程度亦爆燈，真想要一碗白飯同吃。 就在單尾之前，要點清新一些的上湯瑤柱蟹肉浸蕃薯苗，好好地清一清味蕾。 再者，越簡單

隻片皮鴨， 鴨皮唔脆，鴨本身無味道。我哋係叫鴨3味， 湯是清菜豆腐湯，無鴨香味。最過份是鴨鬆，難食到只剩下芽菜和豉油味。後來叫了椒鹽鮮鱿， 炸到冧哂，鮮魷唔新鮮，冇味，好恐怖。唯一叫ok 就是魚湯皇帝菜，叫做正常可接受。這些價錢俾啲咁難食嘅，可以關門吧! 很失望。大排檔都比它好很多!!! 幸好經理服務態度良好，退了部分菜式，否則真是非常激氣。其他還未上的菜我哋都取消了，費事再中伏。希望大家都唔好中伏，去食其他更好的吧。

沙田18錦繡拼盤 - 脆皮五花腩肉, 蜜汁叉燒, 麻辣雲耳牛油果, 涼拌青瓜雲耳🐖腩仔皮燒得好香脆 肉肥瘦均勻叉燒比較瘦 唔夠軟稔麻辣雲耳無乜辣味 牛油果更加無味是日老火湯🍲無諗過一位份量係一小碗仲要無湯渣 無乜特別上湯肉碎菜芯🥦菜芯清甜無渣 但個上湯就無乜味豉香蒸鮮膏蟹缽🦀蟹無乜鮮味但多膏 肉碎太多 豆鼓味好輕蜜糖九製檸檬雪糕🍦幾特別幾清爽嘅感覺 又唔會偏甜偏酸咁成餐飯最滿意就係個甜品服務環境都係普通 水準下降的感覺

沙田18的片皮鴨出名，人人皆知。個人更喜歡其火焰叉燒，配埋邪惡的豬油撈飯，教人念念不忘。 當然仲有佢既甜品，如五糧液雪糕、紅棗貝殼蛋糕等，次次新款，每每有驚喜。 得知餐廳推出了全新既夏日菜色，馬上約齊良朋益友，投奔初夏。 夏日炎炎，以爽脆又醒胃的紫蘇醋黑豆拌櫻桃蘿蔔打開胃口，實在恰當。 每次來到，均會喝個湯羹，今次師傅推介的是，八寶生拆魚蓉羹，一款經典的順德湯羹。 木耳絲、甘筍絲、絲瓜絲、腐皮、魚蓉乜乜乜，看得出的足料非常，奶白的湯色是必然，最緊要是湯頭夠熱，始終飲湯或羹，熱度是十分重要的一環。 店員端上來的鮑魚燜雞，散發陣陣茅台香。大家均知道，鮑魚只是矜貴的點綴，墊底的雞件及青紅椒等配料，索晒茅台既精華，才是極品。 再來，又見醋黑豆的蹤影，不過這味是配子薑來炒蝦球。蝦球大隻又爽口，水準無庸置疑，據知子薑亦是師傅自家醃製，爽脆無渣，雖不是什麼高難度動作，卻明白到師傅的堅持。 總不可能少了菜蔬，這裡的蕃薯苗超級幼嫩，加埋像小山丘般澎湃的蟹肉和瑤柱，滿足矣。 單尾的大澳蝦羔帶子炒飯，足料不在話下，炒得乾身又爽口，那股蝦羔的香，教人輕鬆吞下整碗炒飯。 點都要留肚呢度既甜品，今次又有新嘢，包括

這幾天的雨水是我有生以來最期待的，皆因早前熱到淥熟人的氣溫真令我抖不過氣來，須然下雨是較不方便但人心給雨水洗滌後也滅了不少燥火呢！ 所以在一號風球風雨飄搖下的星期二也能帶著靚靚的心情到沙田18午餐，品嚐何師傅炮製的春夏新菜式！ 見到師傅自家醃製的子薑、蕎頭真係口水流流，皆因我最喜歡吃這些鹹濕食品！！ 先來一杯清香菊花茶很合這天氣，清清早前積存的熱氣一流也！！ 第一道前菜很奪目名叫紫蘇醋黑豆拌櫻桃蘿蔔＄118，吃下酸香醒胃的醋黑豆有養腎、補腎功效，還有治療白頭髮、耳鳴聽力下降、眼花、記憶力下降功能力，配搭脆口不辣的櫻桃蘿蔔好開胃呢！ 胃口打開後侍應即送來八寶生拆魚蓉羹＄128/位，奶白的魚湯內充斥桂花魚肉，還有木耳、蘿蔔、絲瓜、腐竹、竹笙、雲腿及欖仁等豐富食材！ 湯羹喝下鮮香甜美更帶幽幽點到即止的果皮香氣，一碗喝盡光還意猶未盡味道真的很讚！ 再來是香濃惹味的茅台鮑魚砂鍋燜大騸雞＄498，大大隻鮑魚巳夠矜貴，另加上味騸雞來炮製可知騸雞肉質會更嫩口呢！師傅還押上私伙茅台來炮製此菜令香氣更引人入勝，識食的大家更爭相吃鍋中料頭呢！ 接力的是醋黑豆子薑炒蝦球＄348，勁大隻的虎蝦球爽口彈牙

酷熱了好一段日子，水塘、魚塘都開始見底，終於迎來有風雨的天氣，雖然依然又濕又熱，而且掛上了風球，總算有改善。 窗外是橫風橫雨，置身於餐廳，卻是另一個天地，很喜歡中午時段的沙田18，室外自然光從落地玻璃透入，份外寧靜舒適。 近日餐廳又有新菜色推出，最開心同一班朋友品嚐美食。 前菜 紫蘇醋黑豆拌櫻桃蘿蔔 賣相亮麗，紫蘇醋起初入口比較強勁，但之後反而有淡淡香氣，很有趣的感覺，櫻桃蘿蔔色彩艷麗，質感爽甜，好味。 湯羹 八寶生拆魚蓉羹 湯底呈奶白色，桂花魚、欖仁、竹笙、絲瓜、木耳及腐竹，所有材料切得夠幼細，口感極佳，一揭開盅蓋，只傳來魚湯的香氣，入口絲毫不帶腥味，鮮甜得離地。 主菜 茅台鮑魚砂鍋燜大騸雞 選用本地名牌嘉美雞，未食已經瀰漫著茅台的香味，鮑魚有半隻手掌大，其實伴菜的洋蔥、甜椒及蓮藕，蘸滿了醬汁，就更惹味，用來佐酒一流。 醋黑豆子薑炒蝦球 子薑一年前由師傅自己醃，清爽鮮酸，非常醒胃，蝦球早已褪殼，啖啖最啱在下此等懶人，整道菜帶醋香而不嗆喉，拿捏得相平均，味道緊扣著蝦肉，實在出

已經是第二次來了！沙田18已經成為逢有慶祝或重要飯局會來的地方，因為環境服務都很好，而試過的每個菜式都有驚喜！最出名的片皮鴨，侍應介紹不同部位要佐以不同的配料去吃，即烤即食，入口即融，每次來都必吃。點了二食，用鴨肉再炒鴨鬆，都很好吃。吃了個冷盤芝麻波菜，芝麻醬有點芥辣味，非常開胃，還有蟲草花波菜，蟲草花燉的湯超好味，看似簡單但回味無窮。還有必須大大力推介的焗紅棗糕，是這裡獨有的甜品，甜度適中，剛焗好上檯一口吃下時簡直驚為天人，軟熟又有濃濃的紅棗味，亦想不到紅棗味的蛋糕味道一點都不中藥，超好吃。