永年士多港式車仔麵 (加拿分道)

营业中

休息中

貪吃的我可以跨區就是為了食一碗車仔麵！在Openrice找到這間原來在元朗已歷史悠久的車仔麵店，最近在尖沙咀開了新店。門外長長人龍嚇怕我，但貪吃的我極想食車仔麵，唯有太陽高照，烈日當空都照排，原來先排隊點餐，然後再排隊領餐，之後再自行搵位。經過大半小時，終於有得食。幸好車仔麵味道很傳統，兒時回憶即刻返晒o黎，湯底和鳳爪都有陳皮香味，豬皮爽口，豬紅林滑，蘿蔔清甜無渣，加了中辣真的非常辣，下次都揀小辣好了。

人人都談論永年搬到尖沙咀既事，我就趁虛試下，午飯時間人很多排隊排到外面，不過流動得都算快，由一開始排到坐低大概用了20-25分鐘，當中計堆落單，攞野食同搵位時間，快唔快都係見仁見智。最好味係豬紅，水餃不是現做，是冰鮮的，所以一般，雞翼都係一般，幼麵既話太硬了，我食左兩啖就放棄左。綠茶紅豆冰不可選甜度和冰量，因紅豆控制了甜度。不過我覺得整體黎講都係一般，有小小雷聲大☔️少，可因為麪個度比較失望；友人說陳皮魚蛋好特別，好有陳皮味，另外雞翼尖都係必食，可惜我唔食尖尖既

同朋友食車仔麵...6:30去到已經超多人呀！排隊買票等野食！哩度地方乾淨 新裝修! 比起平時既車仔麵擋會坐得舒服d... 哩度最正係仲有啲特飲！可以食到車仔麵之餘又可以有特別野飲！我地叫左抹茶紅豆冰同埋凍柚子蜜😍而味道方面 勁有傳統車仔麵風味！我叫左牛柏葉,魚蛋, 豆卜 小辣!份量啱啱好!豬腸最正....仲有九菜豬紅~ 味道都算濃, 幾入味!走時仲見到黃德斌排隊買野食😆 -其實我覺得佢幾型架😍

尖沙咀新開左永年車仔麵，位置10分方便，係the one 附近，依區普遍餐廳價錢都比較貴，行完街想食啲平價野，食車仔麵就最啱啦。今次叫咗油麵，配料揀咗芝士腸、韭菜餃，同埋芝士丸，而佢每一碗麵都會送兩粒陳皮魚蛋，食落口感較實身，有少少奇特嘅香味，食落感覺好懷舊。芝士腸同埋芝士丸嘅質素都唔錯，咬開流出香濃嘅芝士餡，味道好香，滿足晒今日想食芝士嘅內心。落order嘅時候仲可以選擇辣度，今次叫咗小辣，食落味道都幾香，辣得來都幾開胃。雖然冇咗好似傳統車仔麵咁望住啲餸黎揀食咩，轉換左落order叫餸，但同樣都做得幾出色而且賣相精緻，價錢仲10分相宜添。

第二次來這間港式餐廳吃晚餐了。今次, 我帶了我的姐姐來吃晚餐, 因為她也很喜歡吃港式美食, 尤其是米粉和牛筋。大概七時正進去, 那時已經佈滿了人, 我們等了一會兒才有位坐。這裏是自助形式的, 要自己點食物, 自己拿食物回座位。我們二人也點樣同一個餐, 那就是冬菇及時菜及牛筋米粉。 小食方面, 我們點了班蘭咖央多士和腐乳通菜。班蘭咖央多士的味道很特別, 不是周圍也有得吃。米粉裏面的牛筋有些很淋, 有些很彈牙。牛筋還能補充骨膠原, 很適合女士吃。

車仔麵係小時候最鍾意食既野 見尖沙咀開左間出名既車仔麵分店 就一於去懷念一下我地7點去到 唔使排隊 但入面都差唔多滿座我同朋友都叫左3餸麵油麵係食車仔麵必點😂😂由細到大都一定係食油麵我叫左魚蛋 豬腸 韮菜餃 小辣 油麵既份量正常 唔會好細碗 小辣食食下都幾辣 如果平時冇食開辣既 建議可以食微辣朋友都覺得辣汁好有特色 辣得黎又有小小甜 好惹味陳皮魚蛋係細個食既味道啊～細細粒 好入味豬腸肥瘦適中 鹵水入味 但又唔會太咸 夠淋韮菜餃入面多菜少肉 但皮略為厚了一點 薄皮啲啲會更好味之後重叫左抹茶紅豆冰 差不多半杯都係紅豆 粒粒都大粒 唔會太甜 飲落有微微抹茶味 幾創新同幾特別 唔錯朋友叫左油麵 豬皮 蘿蔔 流心蛋 小辣 豬皮幾爽口 份量都好多 吸收哂個辣汁 好入味 朋友習慣左食車仔麵一定要叫蘿蔔 呢度既蘿蔔完全冇渣 煮得好淋之餘 亦保持一定既口感 鎖住辣汁同時有蘿蔔本身既鮮甜 果然係招牌菜 實在做得出色 係必食item! 😋 好少見到車仔麵會有得食流心蛋 朋友鍾意食蛋 就貪得意叫黎試下 蛋煮得相當流心 估唔到同車仔麵又幾夾 菠蘿冰甜度剛好 唔係溝出黎既糖水 仲要半杯都係菠蘿粒 好足料 夏天飲

對車仔麵冇特別興趣，行過The One見到永年醒起前排Tbb好似播過佢個車仔麵好好味，見人龍唔算長就排隊就試下。第一次去食，排隊排到前幾個先發現要自助搵位，如果一個人去食都幾唔方便，拎住碗麵搵唔到位就麻煩。今次坐左係店出面，都有個冷氣吹住唔會熱仲幾凍下，啲麵未放入口都凍哂。叫左個牛油多士填肚，多士好厚，烘得幾脆，口唔夠大會界到嘴角，女仔食會有啲辛苦。三餸麵叫左豬腸、雞翼、冬菇粗麵小辣。唔知有冇人同我一樣熱愛梘水味，如果食雲吞麵冇梘水味會唔開心。永年梘水麵冇梘水味，都爽口嘅，但份量男仔會唔夠食。冬菇夠入味，豬腸望落雖然冇咩色水但又好香滷水味，雞翼就一般般啦唔推薦。個辣醬都係普普通通，冇咩特別。整體正正常常啦，唔覺有特別好味，普遍車仔麵質素，可能我揀唔啱餸啦，唔洗排隊可以食，要排就不了。

午餐時段到尖沙咀想搵平野食，走到諾士佛臺前，見到呢間食店有好多OL排隊。抬頭一睇，先知原來元朗永年開左係呢度。其實一早已經想試佢地既車仔麵，但由於元朗店唔係好近市區，實在無辦法食到，今次咁啱有機會一嚐永年辣汁！三十七蚊有三餸一麵，係尖沙咀地段黎計，實在係非常經濟實惠，怪不得咁多OL黎買外賣！車仔麵配三餸 ($37)一碗叫左墨魚丸、紅腸同雞翼配油麵，另一碗就叫左魚皮、雞翼同牛筋配油麵，另加微辣汁。如果叫清湯底的話，的確會無咩特別，所以唔食得辣都好，點都要加啲微辣汁，會過癮同香好多。而餸個方面，夠大份，丸類腸類都唔係細細粒碎濕濕，而且係彈牙唔會overcook。滷物雞翼同牛根都醃得好入味，牛根仲切左唔同既部位，有啲係痴住牛腩，有部分係淋，亦有部分係爽。另外，魚皮都好正，有成半碗咁多，脆口乾身而且唔會有太多味粉。韭菜豬紅 ($18)我覺得呢個豬紅係所有餸之中最好味！個汁係甜甜地的滷水，而且仲落左超香的麻油。豬紅吸哂啲汁，外爽內軟。班蘭咖央多士 ($13)多士用上厚身個隻，塗上甜甜奶香的班蘭咖央醬，食完碗麵當甜品食。凍柚子蜜 ($13) 和 紅豆奶茶冰 ($15)如果就咁齋飲杯柚子蜜係會覺得甜

以後唔使入元朗都可以食到嘅永年士多嚕，搬咗出嚟尖沙咀啦。對於我哋呢啲香港人來講去到元朗，的確有啲遠。但係有陣時為咗想食乜不惜一切，係我嘅作風，呵。好彩搬左出嚟就正好多。裝修同元朗係一模一樣， 餐牌上嘅食物亦都係一樣，連味都係一樣，所以大家唔使擔心。三送嘅車仔麵係特別吸引，特別多人叫的。今日食咗豬腸，豬紅，魚皮餃湯米粉。叫咗小辣，再提一提大家呢度啲辣係好辣下架，我平時都鍾意食辣嘅，都係小辣剛剛好啦。 豬腸都炆得好淋，呢度嘅朱紅係比較軟身嘅質感。通常食完一碗車仔麵之後我都會覺得唔夠喉，想食返個甜品。呢度最出名嘅就係斑斕多士。但係我今日反而想食鮮油，大大塊的牛油，食落滋味。肥？在那裡？出名的抹茶紅豆冰同埋菠蘿冰，我較鍾意飲抹茶紅豆冰， 綠茶嘅味道做得剛剛好，唔會有苦澀嘅味道，反而多咗一份奶香，再加埋紅豆嘅甜，配合得好好。

以後想食永年士多車仔麵，唔駛入元朗喇，尖沙咀都有呀！尖沙咀都有呀！尖沙咀都有呀！（好重要，所以要講3次）話說今日同M佬去尖沙咀shopping，點解前面咁多人排隊嘅，以為有咩嘢搶購，原來係永年呀！我哋二話不說，明明啱啱先食完lunch，都要排吓，食番碗先得！A姐之選：油麵+魷魚+豬腸+雞中翼（中辣）M佬之選：油麵+豬皮+牛柏葉+雞翼尖+魚蛋（中辣）2個人share嚟食就有7個餸喇！我哋2個食車仔麵都鍾意揀油麵，點解？因為油麵除咗出現喺車仔麵，平時好似都唔多見佢嘅縱影。中辣其實都相當辣，但又好惹味，最重要係食完唔會話超口渴！豬腸：又肥又粗，一啲都唔膻。魷魚：經過腌製嘅魷魚好入味，同出面一段白洽做法好唔同。豬皮：好乾淨，食落爽口彈牙，一啲都唔馬虎。雞中翼/雞翼尖：滷得好入味㗎。魚旦：細細粒但好有咬口，而且好香陳皮味。牛柏葉：爽口彈牙，份量十足！斑蘭咖央多烘到脆脆嘅厚多，最驚喜係班蘭咖央連包嘅邊邊位都有，食落好香班蘭味，好正。韭菜豬紅軟身又唔削，好入味嘅豬紅，絕對必點。菠蘿冰食到咁辣，好彩有杯菠蘿冰，簡單得嚟又唔會死甜，菠蘿份量一啲都唔少。抹茶紅豆冰抹茶味道香濃，配埋爛爛嘅紅豆，真係好mat

永年士多呢個大名我已經聽左好多年，但由於佢係元朗的關係，所以我遲遲都立唔定決心去食，但而家我終於等到佢係市區開分店啦! 仲要係尖沙咀唔洗過海岩晒我~~ 當我一知道佢會開分店的時候，我由衷係心入面笑左出黎，心諗: 今次仲唔食到呢碗傳說車仔麵!?假日黎到，門口排左一條小龍，呢條小人龍係排隊買野食而唔係等位，如果你有兩個人，我就建議一個排隊買野食，另一個就走入去搵位坐呢度係用連鎖快餐店的搵位方式，簡單黎講即係乜都自助形式，開頭我都俾條人龍嚇親驚好難搵位，點知入到去雖然滿座，但又無咩人等位，唔洗2分鐘我已經搵到位坐底了，可能係食車仔麵，流轉比較快吧大家可以一路排隊，一路留意住電子MENU揀野食，咁就唔洗排到去收銀先慢慢諗啦，買完飛就自助式去廚房度等拎麵食抹茶紅豆冰 (跟餐$15)、紅豆奶茶冰 (跟餐$15)我從未食過永年，當然要試下特飲，抹茶紅豆冰係餐牌寫住係新出的，相信係跟隨香港的潮流配製而成，紅豆奶茶冰的味道相對抹茶紅豆冰較為突出，紅豆煮到爛爛的，係我喜歡的狀態班蘭咖央多士 ($13)多士表面烘到脆脆地，厚切麵包令整件事更有口感，班蘭咖央不多不少均勻塗係多士上，特別喜歡連麵包的邊位都有照顧

一直有留意元朗的美食群組，對這間永年可謂傾慕已久，知道她終於殺出元朗，於尖沙咀開業，實在沒有不試的理由。趁著人潮開始減退，終於選了周日的下午來到。 時為下午二時多，人龍仍是排到出店外，大概有十個八個人吧！起碼「等able」，實行與朋友兵分兩路，一個等位，一個排隊。 入座後看看餐牌，雖然餐廳名氣大，但價錢仍然相當親民。大碗麵 ($61) 有十款餸，包括：豬腸、魚蛋、雞翼、蘿蔔、豬皮、豬紅、雞翼尖、紅腸、菜、魷魚；喜歡散叫的話，三餸一麵$37，加餸每樣$8，淨餸三款$31，加餸每款$9。 我們這種貪吃的，一定是叫大碗麵 ＋ 差不多所有打星的淨餸，哈哈哈哈哈！ 這裡的辣汁很有名，所以一定要配備凍飲。菠蘿冰清甜解喝，抹茶紅豆冰味道偏淡，奶味突出，兩杯都是不錯的選擇。 車仔麵來了，我們只點了微辣，啖一口湯底，甜中帶辣，十分惹味。我想說的是，這裡的車仔餸全部都高質又入味，必點的一定是豬紅，入味而軟滑，完全沒有腥味；雞翼夠滑；墨丸裡面粒粒墨魚肉，十分彈牙；蘿蔔清甜無根；枝竹球盡吸湯汁精華，軟腍美味；豬腸肥瘦適中，十分好吃！ 除了車仔麵，這裡還有提供小食，多士有鮮油、煉奶、班蘭咖

永年士多既車仔麵出名大家麵知但是因為佢係元朗關係住觀塘區既我覺得太遠所以無機會去試試近日 知道永年係尖沙咀開左分店所以想試好耐既我就拉埋好朋友黎試試呢個食親的人都讚好既車仔麵喇晚上7點多成場已經爆滿而呢到既形式好似快餐店所以我建議先搵位後出去ORDER會好一點 （以免無位坐）找好位後我就出去ORDER車仔麵配料同一般同類食店差不多但呢到就有特色飲品及多士供應我就ORDER了油麵配呢到出名既流心蛋，豬紅及雞翼先飲一啖湯底， 味道鮮甜， 完全唔會覺得有味精，超讚豬紅及雞翼又腍又入味而油麵質感特別，好似食拉麵般流心蛋亦相當出色將蛋咬開一半 蛋黃汁慢慢得流出來非常出色多士外脆內軟配上斑蘭醬除斑蘭味外，仲帶有陣陣椰子味不錯菠蘿冰甜度適中而成個杯入面都是滿滿的菠蘿

終於可以一嚐令人引頸以待嘅永年士多車仔麵，之前新店開張，經過親都超多人排隊，於是都未有機會一試，今日同事好好人，見我未行得住佢就去排著隊先，等我遲少少過去join佢，唔駛等咁耐。一不食、二不休！叫多幾個餸試吓，當然唔少得佢嘅招牌菜豬腸同埋蘿蔔！首先講講個湯底，係好特別嘅，有少少甜，好滋味，而且豬腸同蘿蔔都住得勁淋，將呢個咁好味嘅湯汁都吸晒入去，超好食！麵方面我就揀咗幼麵，幾掛湯，煮得夠林，幾好咬口。另外我仲叫咗重口味於韭菜餃，同埋紫菜做餸同同事一齊叫咗個小食韭菜豬紅share ,豬紅真係神奇，咬落去好軟身，小小爽，最神奇嘅位就係喎豬紅都吸收左湯汁嘅美味，咬落去好juicy，個係我食過最好味嘅豬紅。本來諗住呢排戒食辣，但係都係忍唔住叫咗小辣，想個麵惹味啲。小小呢片辣醬，真係唔好睇小，威力幾強，摻開之後，整個湯都有美味的辣醬味，雖然比想像中辣少少，但都幾開胃，而且惹味啲。而且跟餐＄15，我揀咗抺茶紅豆冰做飲品，好解辣，甜得來幾滑，幾抵飲。

永年車仔麵在元朗好出名，終於有分店在尖沙咀開，不用山長水遠入元朗呀！去到先排隊買食物付錢，然後到另一邊取食物。除了車仔麵，還有不少特色飲品，這個抹茶紅豆冰 及 菠蘿冰。前者抹茶味不算太濃郁的那種，抹茶與紅豆中間有層淡奶，整體配合下不會太甜，好合我口味，而紅豆夠腍。而菠蘿冰也是甜度適中，啖啖果肉。先來小食韮菜豬紅，有辣度選擇，點了小辣也是超辣~~~好過癮，而豬紅夠腍入味，而且帶少少甜。腐乳通菜賣相都幾靚，腐乳濃厚度剛好，少辣夠惹味。雞翼、豬腸、蘿蔔粗麵雞翼好大隻肥美豬腸夠入味蘿蔔鮮甜冬菇魚蛋豬皮米粉冬菇大大件魚蛋用上陳皮魚蛋，不過質感有點韌豬皮不算夾爽口