影片
更多
2017-09-19
4085 浏览
永年士多呢個大名我已經聽左好多年，但由於佢係元朗的關係，所以我遲遲都立唔定決心去食，但而家我終於等到佢係市區開分店啦! 仲要係尖沙咀唔洗過海岩晒我~~ 當我一知道佢會開分店的時候，我由衷係心入面笑左出黎，心諗: 今次仲唔食到呢碗傳說車仔麵!?假日黎到，門口排左一條小龍，呢條小人龍係排隊買野食而唔係等位，如果你有兩個人，我就建議一個排隊買野食，另一個就走入去搵位坐呢度係用連鎖快餐店的搵位方式，簡單黎講即係乜都自助形式，開頭我都俾條人龍嚇親驚好難搵位，點知入到去雖然滿座，但又無咩人等位，唔洗2分鐘我已經搵到位坐底了，可能係食車仔麵，流轉比較快吧大家可以一路排隊，一路留意住電子MENU揀野食，咁就唔洗排到去收銀先慢慢諗啦，買完飛就自助式去廚房度等拎麵食抹茶紅豆冰 (跟餐$15)、紅豆奶茶冰 (跟餐$15)我從未食過永年，當然要試下特飲，抹茶紅豆冰係餐牌寫住係新出的，相信係跟隨香港的潮流配製而成，紅豆奶茶冰的味道相對抹茶紅豆冰較為突出，紅豆煮到爛爛的，係我喜歡的狀態班蘭咖央多士 ($13)多士表面烘到脆脆地，厚切麵包令整件事更有口感，班蘭咖央不多不少均勻塗係多士上，特別喜歡連麵包的邊位都有照顧
假日黎到，門口排左一條小龍，呢條小人龍係排隊買野食而唔係等位，如果你有兩個人，我就建議一個排隊買野食，另一個就走入去搵位坐
呢度係用連鎖快餐店的搵位方式，簡單黎講即係乜都自助形式，開頭我都俾條人龍嚇親驚好難搵位，點知入到去雖然滿座，但又無咩人等位，唔洗2分鐘我已經搵到位坐底了，可能係食車仔麵，流轉比較快吧
大家可以一路排隊，一路留意住電子MENU揀野食，咁就唔洗排到去收銀先慢慢諗啦，買完飛就自助式去廚房度等拎麵食
抹茶紅豆冰 (跟餐$15)、紅豆奶茶冰 (跟餐$15)我從未食過永年，當然要試下特飲，抹茶紅豆冰係餐牌寫住係新出的，相信係跟隨香港的潮流配製而成，紅豆奶茶冰的味道相對抹茶紅豆冰較為突出，紅豆煮到爛爛的，係我喜歡的狀態
班蘭咖央多士 ($13)多士表面烘到脆脆地，厚切麵包令整件事更有口感，班蘭咖央不多不少均勻塗係多士上，特別喜歡連麵包的邊位都有照顧到
腐乳通菜 ($25)雖然呢間係車仔麵店，但食物賣相一點都唔求其，腐乳通菜整齊的排好，長短一致，表面淋上大量腐乳，保證食的時候每一條菜都會沾上
三餸一麵 ($37)一人叫左一碗三餸一麵，交換食就可以試到六款餸，我地兩個都比較鐘意食油麵，揀左微辣，類似沙嗲醬會放係麵的面頭，記得撈勻先食，湯唔似一般車仔麵的味精湯，飲落感覺不錯，第一碗叫左豬腸、蘿蔔、魷魚，豬腸特別美味，又肥又粗，蘿蔔係食車仔麵不可缺少的一環，魷魚生熟度岩好，唔會煮到得番細細舊
第二碗叫左豬皮、魚旦、牛筋，魚旦細細粒有咬口，充滿陳皮味，係好耐無食過的懷舊味道，豬皮同牛筋好入味，牛筋好淋，有點似食緊花膠永年士多果然名不虛傳，每樣餸都好用心去煮，特別係懷舊魚旦最有風味，用材明顯唔係普通貨色，淨係睇條肥豬腸都知道了，有時最簡單的食物，先係最難整得好，永年就將車仔麵變得不一樣了
张贴
