永年士多港式車仔麵 (加拿分道)

营业中

休息中

車仔麵可以話係香港其中必食既街頭小食!! 以前讀書果陣同朋友最中意食, 夠平又大碗, 今次係元朗出哂名既永年士多殺到黎尖沙咀, 咁就腳無理由唔去啦係咪先!!!!! 放工即刻狗衝去, 雖然七點都算早, 但人龍已經排哂出黎門口!!! (原來而家香港打工仔咁早放工XDDD) 好彩車仔麵係快食類, 所以等左十分鐘就有位了! 三餸配米粉車仔麵要揀餸絕對係為難在選擇困難症既我, 不過都有分必食既, 就係蘿蔔豬紅!!! 簡簡單單兩種食材但已經可以成為主角, 豬紅入味之餘切得細粒易入口, 滑溜溜的好正, 蘿蔔先係成碗麵最俘虜到我個心!!!!直接了當既清甜就係揀佢既原因, 炆得近乎入口即溶, 一啲渣都無, 必點!!!!另外再揀左魷魚, 爽口都係基本吧~~~ 至於揀左唔辣所以湯相對好清淡, 但米粉份量好多!!!! 煮得唔會過淋，普通啦。 另外朋友選既三餸配幼麵, 分別係牛丸、流心蛋同埋冬菇, 相對健康既選擇, 冬菇份量都幾多, 切半唔會成隻咁食所以幾方便, 而且炆得頗入味同香軟稔身, 牛丸就得兩粒, 流心蛋留意返唔係溏心蛋/滷水蛋, 所以其實無咩調味, 為半熟既水煮蛋啊, 可以叫返其他特式野仲好, 幼麵份

平時同朋友都會成日食車仔麵，當中比較出名的一定唔小得永年士多，以前大多去到元朗先食到，但估唔到佢哋開到去尖沙咀，之後真係可以成日去食啦。永年士多可能性價比真係好高，所以下午去到都勁多人食。而尖沙咀店就以快餐店模式購物車仔麵，係收銀位置揀選心儀食物，之後再去拎購買嘅食物。除咗叫車仔麵之外，佢個班蘭多士同紅豆冰都可以一試。特別佢個紅豆冰唔會好甜，而且佢啲紅豆非常飽滿。接著當然就到主角出場，牛柏葉、枝竹球、牛根烏冬。車仔麵上枱時真係香噴噴，有好香嘅麻油味，而且湯底都幾清甜。而整體味道真係唔錯，特別佢個牛根非常淋身，而枝竹球吸哂湯準精華亦係唔錯選擇。個人亦覺得佢返食指數都非常高。

我是第二次幫襯, 第一次幫襯時收銀問要微辣、小辣、中辣、大辣，我選擇了微辣. 取餐後試吃時非常辣，我本身平時吃粉麵時都喜歡加一些辣汁, 一般辣醬辣度都可接受, 但發覺那碗麵非常辣, 因微辣汁是直接加在湯麵上，令致整碗麵都非常辣，喝一口湯都不知其味, 只有辣味.在約兩星期後我第二次幫襯, 在收銀問要微辣、小辣、中辣、大辣時我話可否分開上, 她說, 唔得！公司規定, 我選擇了唔辣，在取麵時我問侍應可否加小許辣汁在匙羹上，她說「唔得！要加就加在碗麵上,」我話「你的辣汁非常辣，上次加在湯上令至整碗麵都非常辣，湯都飲唔到,」她態度非常不滿及大聲話「公司規定, 唔得！」我沒有與她爭論，取餐後進食。我喜歡吃車仔麵, 凡有知名車仔麵舖我都會去一試，但真心覺得這碗麵由麵、湯底至食物都無乜特別，完全有乜野藉得用咁既態度對顧客我覺得永年可能唔憂做，永年是一間專門賣麵之商舖，需知湯麵之湯底是一碗湯麵之精髓, 喜歡吃麵的第一口必是喝湯，如將辣汁直接加在湯上便破壞整碗湯麵,這最基本之知識相信貴公司不可能不知.

曾經入過元朗，食過永年之後，對佢既車仔麵念念不忘，當時永年都仲係士多既模樣，未新裝修，而家想食永年，終於可以係尖沙咀食到啦我地下晝兩點黎到食到late lunch，估唔到仲有咁多人排隊，新分店營運方式同元朗總店一樣，都係要自己搵位，排隊落單，自己拎餐，但尖沙咀鋪店係斜路上，排隊條路窄好多，鋪位細d，其實地理環境唔同，做法唔一定要同總店一樣同老公分頭行事，一個排隊買，一個搵位，三餸麵都算抵食，$35，另加麵或加餸每份$8，一碗叫左豬皮，蘿蔔，牛筋，豬皮滷得好入味，蘿蔔清甜無渣又夠腍，牛筋都好入味又腍另一碗係魷魚，韮菜餃，雞翼，魷魚爽口，韮菜餃餡多，雞翼滷得好深色好入味車仔麵餸真係要滷到入味，先留到食客個胃呢除左餸之外，個辣汁亦係精粹所在，分5級辣，細辣已令我地想飲凍飲解辣奶茶紅豆冰，傳統紅豆冰係落花奶，但呢杯紅豆冰係加奶茶，味道獨特，紅豆起沙另一杯要左熱柚子蜜，柚子渣比較碎，但整體味道幾均勻夠味原本想食咖央多士，見多人推介，但睇到人地食緊個鮮油多士有好厚牛油，落即刻轉軚叫老公買鮮油多士多士烘得好脆，牛油香滑，暖暖地既多士將牛油溶化，牛油半溶狀態真係好好味另外叫多碟腐乳通菜，腐乳俾得豪爽，

食家對車仔面十分鐘愛 話說佢後生係元朗返工年代 最歡喜就係lunch去食永年 舊永年只開中午到六點前到嫁時間 專做學生哥生意 當時所有車仔面送show 晒出黎 想食咩自己篤 辣度亦都以羹計 聽到人食大辣就會拍爛手掌 食家無係個到做之後就好少返元朗 今日知道尖沙咀開分店 當然要去朝聖一下 去到個到已經排到出門口 我叫左碗三送 $37 豬腸 雞尖 流心蛋 微辣 所有野都係4舊微辣真係得個2滴辣 有落等於無落 食家話永年嫁辣係精髓 唯有下次試試 一飲湯頭 係甜甜嫁腩汁味 我歡喜 同榮記有得fight豬腸夠入味 夠林身 無異味 有少量肥膏 但肥膏已經煮化 好味 雞尖正常 唔會太林 唔會一咬就成隻散晒咁唯一比較失望係流心蛋 一上台係白烚蛋 唔係滷水 已經好後悔叫左佢 係流心既 但真係無咩特別 虧佢仲係叫推介 我就真係唔推介啦 食家叫左大碗面 $61 咩都有 少辣食家話辣汁味道同以前都係一模一樣 十分可取豬紅 要大叫 超好味超好味超好味重要嫁事情要講3次好好好入味 我一個人食左佢3舊蘿蔔清甜 入味魚蛋 應該係鯪魚肉打的 有魚味 食家歡喜 其他野食 如魷魚 紅腸就正正常常啦總結 本小姐認為佢可以取代

永年在朋友口中講是最好食的車仔麵，可能是總店吧！因未去過，無法提供資訊。在尖沙咀店，今天沒有人排隊，可以試！但份量非常少，味道沒有驚喜，價錢貴！不食也算了吧！服務好一般！

講到車仔面出名一定諗到永年這個生招牌，可惜佢間舖頭係元朗，對一些九龍人來說有少少遠。近日我知道佢新店開左係尖沙咀近美麗華附近，我同朋友立刻去朝聖。三個餸車仔麵為三十七元，非常合理，我叫了流心蛋、豬大腸和牛根。原來每碗麵都附送一些菜。我仲叫多個腐乳通菜以防不夠菜食。豬大腸值得一讚，非常淋及入味，相信必食之選。流心蛋無令我失望，非常流。另外牛根炆到好淋身。朋友知道豬紅出色，又是必叫，完全無渣，我相信我食過最好食豬紅，一啖一口。蘿白好甜又大粒。雞翼相對下去就普通。另一小食我叫了咖咉多士，雖然得二件但香脆少甜，女士之愛。野飲我們跟餐加13元飲特飲菠蘿冰及奶茶紅豆冰。二杯飲料好出色尤其奶茶紅豆冰。奶茶沖到同茶餐廳一樣滑，紅豆是煮到起沙又不太甜正呀！

早前在尖沙咀回家途中發現一間車仔麵滿多人排隊，原來是元朗的永年士多開到來了市區，現在好吃的車仔麵已經賣少見少，所以一直想找機會去吃吃看。車仔麵三餸是必須的。選了幼麵(少辣)，餸菜選了雞翼、豬腸、豬皮，少辣比我心目中辣得多，但吃落滿惹味，麵質不會煮得太過火，帶一點爽身的口感。3款菜式都滷得相當入味，豬皮爽彈，豬腸滿肥美，也滿乾淨。韭菜豬紅豬紅味道甚濃，粒粒分明挺身，煮得口味非常。奶茶紅豆冰奶茶香濃順，茶味夠濃，如紅豆更淋身點更佳

近期極具人氣的元朗永年士多終於開分店到尖沙咀！趁著車爸爸的假期便走到新店一嚐傳說中好好味的車仔麵！ 那天出到尖沙咀都已經接近三點鐘，避過了午餐的人龍一去到已經找到了座位，但其實場门亦都已經高朋滿座了！餐牌一目了然選好餸料麻煩車爸爸排隊購買。 車爸爸由付款到取食放都不消五分鐘便完成了！我選擇了油麵餸料點上韭菜餃、枝竹球及豬大腸＄37，另外跟餐凍檸茶加＄11。 車爸爸則選了幼麵配豬紅、豬皮及牛筋＄37，熱奶茶同樣是加＄11！ 兩碗麵中餸款最特別莫過於這個枝竹球，枝竹球裹成球狀索盡湯底味道，而且豆香不俗我個人挺喜歡。 牛筋質感未夠淋滑較為一般！如果喜歡有咬口的朋友應該會合意多些！ 豬皮炆得夠入味質感亦都幾爽口也算不俗啦！ 豬紅入口無疑滑溜！但係味道就唔算濃郁了！ 而當中最為吸引我絕對是這個豬大腸，炆至入味非常而且極具咬口還腸味香濃，確實甘香可口。 韭菜餃外皮比較厚重而且咬開更是未熟透的！店員服務做得十分好知道後即跟我換上第二樣餸料，最後我決定揀多一份我大愛的豬大腸！ 中辣的車仔麵吃下辣度都幾足夠不過略嫌辣汁未夠香口，湯底喝後沒有太口乾的感覺！但要一讚這兒的油麵，咬下麵質很不俗不會過淋質素很對

終於等到永年在九龍區開分店，當然要去朝聖一下啦！依舊人頭湧湧大排長龍，但有得食豬腸，排一陣都抵啦。我和老公都叫了豬腸，仍然係咁入味，乾淨又唔肥。陳皮魚蛋必吃，口感一流，依家唔係度度都有得食架啦。魚皮餃唔係cheap貨，皮夠煙韌！永年辣汁必吃，但我只敢挑戰微辣，鐘意佢辣得黎夠香夠惹味，唔係一味得個辣字！老公叫左蘿蔔，又甜又腍。枝竹球反而第一次試，層層枝竹，豆香味又濃。老公揀中辣，一邊食一邊流汗，夠曬刺激！難得來朝聖，梗係要食班蘭咖央多士。多士夠厚又脆，熱辣辣，牛油呈半溶狀態，正！班蘭醬夠香甜，yummy!再加個腐乳通菜，爽脆鮮甜，腐乳醬好香滑，真是大滿足！諗起以後唔洗入元朗先食到永年 就好興奮！

永年士多成日都聽人講，但因為開喺元朗實在係有d遠所以一直都無去食😩最近佢終於喺尖沙咀開左分店啦🎉🎉地點都唔難搵就喺The one隔離，一於就去試一試星期六下晝同朋友一行兩人去到永年士多，見門口已經有條人龍排緊隊買野食，本來以為要等好耐啦，點知好快就到我地👍🏻我地叫左兩個麵，兩個都係粗麵，咬口十足。餸方面麵係基本既車仔麵餸，但常言道愈簡單既菜式就愈難整得好味，永年士多就正正做得到。首先係個湯底，食得出係用心機煲出黎，非常鮮甜，飲晒都唔會覺得好渴。蘿蔔清甜無渣，牛肚入味😋😋😋小食類，腐乳通菜，腐乳量多基本上每一條菜都會有腐乳。班蘭咖央多士，多士烘到脆bobbob,班蘭同咖央既味道配合得天衣無縫，甜道適中。叫左兩杯特色野飲，抹茶紅豆冰：抹茶味濃，又唔會太甜，同紅豆配搭得剛剛好👍🏻另一杯紅頭奶茶冰，奶茶順滑易入口，加上紅豆感覺都幾新鮮。整體而言，用心製作，味道一流而且價錢平民👍🏻👍🏻👍🏻

聽問過佢有幾出名，但係元朗太遠了，所以遲遲未到訪。一聽到新店係尖沙咀，即刻結伴去試吓啦！真係好多人排隊呀！不過都唔算等得來。外貌來看，每碗都相似。我們分別試了以下幾個出名嘅餸菜，值得推薦一下。豬紅：我本身唔食，但朋友們都話呢間鋪嘅朱紅係甜的。蘿蔔：本身好甜吸收左湯嘅味道，好入味牛筋：用料正！夠軟身。流心蛋：出面未必有，配車仔麵食別有一番風味。健康主義的我梗係叫多兩個菜,幾大碟，可以開心share吓。每人要整多件班蘭咖央多士當甜品，外脆內軟，醬又吾甜，必食。馳名嘅菠蘿冰、紅豆奶茶、抺茶紅豆也點了試試。三杯名有特色，各有朋友讚好。本人最愛奶茶紅豆，個奶茶底做得很出色。

近幾年不論是什麼行業，為了走得更遠，大家都說要「升級轉型」，發展自己的品牌，抵抗現代化。就連迄立不倒數十年的食肆亦然，華嫂冰室應該無人不知吧，它就是成功「升級轉型」的好例子。永年士多是近期最火紅的平民食肆，從元朗發展到尖沙咀的確厲害，每每經過都大排長龍，雖然想試，但它的人山人海的確令人卻步。這天跟朋友R狂尖沙咀出上了空中瑜珈的課，經過永年士多，看排隊的人不算多，就決定試試看。*門外有電子螢幕的餐牌，設計清晰簡潔。*永年探用「先買後取」的自助方式，門外長長的人龍只是排隊點餐，之後還要自己取位餐和等位，如果跟朋友一齊來最好「分頭合作」。*裡面的裝潢都是簡潔利落的，如果坐滿人會有一點點擠，大動作一點有可能會碰到後面食客的背部。*三餸一麵 $37我跟朋友都點了三餸一麵，我選了豬腸、牛柏葉和流心蛋。大家都推薦的豬腸的確不錯，肥而不膩，而且滷得入味，牛柏葉就普普通通。*最令人期待的流心蛋最令人失望，沒有任何調味，就只是流心的普通蛋。*粗麵還算好吃，吃到最後一口都不會糊，仍能保持一點點爽勁。*朋友的三餸點了時菜、蘿蔔和韭菜餃，最特別的是蘿蔔，煮得入味帶有甘甜。*班蘭咖央多士 $13我跟朋友都覺得最好

一個人中午自己食飯，一於去試下呢間係元朗開到來尖沙咀嘅車仔麵-永年士多😋。兩點幾鐘，人龍排到出門口，真係好多人食wo～門口就有個電子餐牌，可以睇定食咩好，呢個對於我呢D選擇困難症來講實在太好啦～～揀好就好快有得食lu😋,我就揀咗烏冬，蘿蔔，雞翼，雞翼尖中辣。先講下必食嘅蘿蔔，蘿蔔吸收咗本身湯嘅味道，加上本身的鮮甜，諗無渣，真係好好食，呢個鍾意食蘿蔔一定要試下～😋😋😋😋跟著係雞翼，一碗麵得兩隻雞翼，真心多多一隻就好啦😔，雞翼因為係滷水關係，好諗，滷水時間剛剛好😋，滷水味十足😋😋，雞翼尖一碗就超多啦😋，一碗大概有六七隻（因為我無數過，但應該係有六七隻），好好味吖，可能係我本身都鍾意食雞翼尖嘅關係，真係想連骨都想食埋🙈🙈😋。仲有係中辣，食落去就唔係好辣，但你食完之後口入面仲有濃濃味道，個嘴仲感覺到一絲絲的辣，正😋😋紅豆冰，紅豆好綿同起沙，整體唔算甜，題外話：紅豆冰係唔得少甜少冰嘅，不過本身都唔係好甜，所以都好飲😋整體呢講：車仔麵餸算係好多選擇，麵底都有五款，實有你鍾意嘅～，價錢係尖沙嘴算係OK嘅，味道方面好食😋😋。

冰溶化尖沙咀呢條街好得意，對面有霸嗎拉麵排隊人龍，呢面就排永年車仔麵。永年車仔麵喺元朗好出名，同華嫂一樣，衝出元朗出左巿區，一樣大受歡迎。我唔係第一次食，覺得水準keep得住，所以間中想食麵都會考慮佢。估唔到菜類咁快賣晒，好彩我食到腐乳通菜尾水啫。有時食嘢，方唔方便快唔快都係考慮因素，香港人步伐急速嘛，好似我咁食完嘢要去做facial，車仔麵就快靚正啦。腐乳通菜：腐乳食得出係靚料，味道新鮮，唔太鹹，好軟滑creamy，通菜cut到好齊整，份量頗多，同腐乳一齊食幾惹味。如果可以將腐乳放喺旁邊自己控制食嘅份量就更好啦。三餸車仔麵：揀左幼麵同豬腸、蘿蔔同牛筋；湯底唔辣，有甘甜味；幼麵唔太淋，爽口：蘿蔔清甜無渣，係最中心最靚位置；豬腸非常肥美邪惡，入口油脂豐腴，無異味；牛筋口感爽，膠質重，但本身難入味。抹茶紅豆冰：抹茶味不重，但紅豆夠多同夠香甜，冰溶化之後淡左，因為碎冰量幾多。