永年士多港式車仔麵 (加拿分道)

营业中

休息中

尖沙咀開左永年喇！！！對一個唔係元朗住既人食永年真係好艱難！但而家唔洗喇，市區都開左，唔潮聖都唔得喇！打風前非常熱，但lunch time 永年依然人頭擁擁！我都做左排隊黨，排左15分鐘終於到我了，個人建議可簡非繁忙時間去，入面位置頗細，lunch time 真係好迫。叫左3餸麵-招牌蘿蔔，真係好入味，一共有5,6舊，唔會食2舊唔夠喉，蘿蔔索哂腩汁，真係好滋味，仲有叫左溫泉蛋，車仔麵都有溫泉蛋應該得永年有，梗係要試試佢，連湯底食真係超級好食，個流心剛剛好。仲有雞翼，滷得非常入味而且大大隻，咬落去啖啖肉咁，好食到平時唔食皮既我今日都破戒食埋佢。除左車仔麵，我仲order 左個小食-咖映多士。係2舊多士，多士烘底夾住咖映醬，烘完仲有d 微溫食落去好滿足，咖映好好味，食完咸野再番小小甜食真係好完美！最後叫左杯紅豆奶茶，紅豆份量十足！有4分1杯，奶茶香滑，大熱天時加上食完碗熱辣辣晚麵，飲落去真係絕配呀！

聽過永年士多呢個大名好耐架啦因為喺元朗實在太遠知道佢終於係尖沙咀開咗分店梗係要去試啦！佢嘅環境係超級狹窄入面超級迫，同埋搵位係自己去搵佢唔會幫你去搵位所以你要自己真係逐張枱逐張枱去等我覺得呢度有少少做得唔係咁好😞佢嘅車仔麵三送一面 Hkd 37💰糖心蛋一隻係 Hkd 8蚊我要左豬腸雞翼蘿蔔尖同埋加左個隻糖心蛋～我覺得其實好普通..豬腸係入味嘅但未至於有驚喜。蘿蔔入面有渣..糖心蛋簡直係👎🏿👎🏿大家唔好以為係拉麵嗰啲蛋都唔係平時我哋諗嘅糖心蛋，佢就蛋等於白桌蛋入面只係個蛋黃流心...一啲味都冇😞好失望呀仲叫咗個煉奶多士 hkd13 💰其實就等於係普通多士不過係厚板囉又唔係好夠脆...真心麻麻紅豆煉奶冰 hkd15 💰同平時茶餐廳飲開嗰啲冇分別🤔唔知係因為新開多人所以味道先有啲參差定係點啊但係我覺得真係好普通😣

每次特登入到元朗其實都係搵個幾間好野食而家估唔到尖沙咀都開新分店真係恭喜恭喜作為長期FANS點都要黎食一次 未入門口已經見到有長長既人龍係度排緊!! 先講環境, 明顯同元朗同一個格調既裝修而且大過元朗既總店, 坐得更舒服 今次叫左既係大腸蘿白雞翼粗麵微辣個湯底同係元朗店食既口感同味道都係一樣!!係永年獨有既辣味!! 蘿白好新鮮, 一d都冇起渣雞翼就好嫩滑, 鹵水味道冇一家能夠相比!! , 係我既必食推薦 野飲我會飲呢度既紅豆冰, 一黎係呢度既皇牌, 而且佢紅豆既份量同比例VERY夾!!! 無得頂 勁好飲

之前食過一次喺元朗，但係好多人排隊買飛。今次經過尖沙咀見到有分店，唔算好多人，所以再去試下。三餸麵 : 蘿蔔、雞翼、鮮竹球配烏冬加中辣。 蘿蔔入味清甜，雞翼大大隻 ; 最鍾意食嘅鮮竹球，黃豆味濃郁。 平時都係食粗麵，貪佢吸收咗啲湯。今次想食烏冬，雖然要加兩蚊，但原來都一樣咁好食。 烏冬吸收咗啲湯味，但嘅唔會太淋。如果食得辣一定要試下佢嘅辣味，非常好食。平時出街食飯好少菜食，今次特別要多一份菜心全走，冇油冇蠔油，但係食到菜嘅甜美， 而且仲好大碟，啱曬我。 心想出到尖沙咀開分店，貨品會縮水 ; 所以仲叫埋班蘭咖央多士同抹茶紅豆冰。雖然車仔麵普通啲，但係盛載冇縮水，種種食品都有質素，所以食到好飽。 今次自己一個，下次要約埋朋友一齊嚟食。

聽講元朗間永年出左尖沙咀開分店，今日就特登去試下，唔洗去到元朗咁遠。位置好好，係正the one& mira mall 中間。門面唔算大，不過堂食都唔洗得位，因為大部分人都係買外賣。一碗3餸麵都係$37，叫左蘿蔔，魚旦同埋豬皮，幼麵小辣。佢小辣都幾辣下，之後先知原來有微、小、中、大辣揀。蘿蔔真係好好食，冇渣，吸晒湯底味，好入味👍🏻 魚旦細細粒不過幾彈牙同有咬口。 另外叫多左個韭菜豬紅，超好食👍🏻平時小食豬血鴨血都覺得呢個好食。佢個質地唔會好老，係好滑身，唔洗用力就咬開左，有入口即溶嘅效果。另外叫左個抹茶紅豆冰，好飲👍🏻呢個組合真係好夾，用抹茶配紅豆冇一般紅豆冰咁甜,價錢又唔貴。

由元朗紅到出尖沙咀永年士多在加拿分道(THE ONE附近)開了分店，在尖沙咀上班的我趕在7時晚飯人潮前入坐，因為地方不大，建議大家一個點餐，一人找位比較好，否則捧著食物找位有點不方便，因為走廊位都偏窄，人又多。 3餸麵 $37，跟餐選特飲就$15，可另加小食。 我點了雞翼魚皮餃豆卜粗麵配抹茶紅豆冰，黑色的盤仔意外地帶點型格，比一般車仔麵型格一點。 雞翼魚皮餃豆卜粗麵 魚皮餃跟雞翼都只有兩隻，雞翼大隻所以2隻我都理解，但魚皮餃2粒就太少了。豆卜吸收湯的味道都不錯。 魚蛋牛柏菜時菜油麵 6個餸當中我最愛就是陳皮魚蛋，魚蛋細細粒又彈牙，而且充滿陳皮的香氣，非常特別。早知道原來不點時菜都有兩條我就點其他餸吧，但其實這點我非常欣賞的，變相就是4餸。 韮菜豬紅本人不太愛吃豬紅，但我竟然覺得這兒的豬紅好吃。口感夠滑，而且味道甜甜地，沒有內臟的怪味，一定要吃。 班蘭咖央多士 $13多士夠厚身，班蘭甜甜的。 抹茶紅豆冰比較近代的飲品，味道都不錯，只是紅豆有點硬。 菠蘿冰冰涼又解渴，兒時的飲品。 不知道是否元朗的模樣呢? 尖沙咀來說這個價錢有如此質數，非常抵食，絕對是我的糧尾飯堂。

永年士多終於在九龍區開設了分店! 我和朋友大概七時正進去, 那時已經有很多人, 我們也等了大概五分鐘才找到位置坐。這裏的座位不多, 不過慶幸很多人吃完便會走, 不會坐得太耐。我點了一碗三餸一麵, 麵類方面, 我選擇了幼麵, 配料則要了冬菇、牛筋、時菜。另外，我再額外點了一碟蠔油菜心和一杯抹茶紅豆冰。食物送上的速度很快，而且望下去, 麵的份量也很多。抹茶加紅豆對我黎講簡直係the best combination! 不過這杯抹茶紅豆冰的抹茶味不太突出, 好多碎冰, 所以較稀, 最後它的重點變了是吃紅豆。紅豆份量有很多, 其甜度適中。

平日黎到永年，無諗過咁多人。呢度係自助形式，因為得一個落單所以條龍都幾長，不過等位就唔使好耐。班蘭咖央多士份量唔多，得兩件，不過勝在夠脆，咖央味出。腐乳通菜腐乳好多，對於超鐘意腐乳既我黎講超級滿足。菜煮得岩岩好，一d都唔老，滿意！豬紅豬腸蘿蔔幼麵小辣一上台已經覺得好多餸，每款餸都有5舊以上。蘿蔔大小不一，冇渣。豬紅同豬腸食落都好爽口，冇乜屎係入面。但三款餸都甜甜地，應該係yip既時候放得太多糖。陳皮魚旦紅腸韮菜餃油麵小辣辣度分五種，揀左小辣但都覺得好辣。魚旦六粒好彈牙，好有咬口。紅腸普通無咩特別。韮菜餃皮厚但韮菜味好鮮好出。野飲叫左抹茶紅豆冰同紅豆奶茶冰，份量滿瀉，唔會太甜，紅豆都好多，一路食辣一路飲好快就飲晒。

三餸車仔麵.元朗的永年士多在尖沙咀開了分店 終於有機會可以一嚐! 未試過元朗店 所以未知水準是否一樣😌 二個人試了雞翼/牛筋/蘿蔔/流心蛋 牛筋軟淋有膠質 雞翼入味 蘿蔔清甜無渣 但可更淋 這三樣都不錯😋唯獨是流心蛋不特別推薦 蛋本身沒有調味 流心效果亦一般! 特別一提 辣汁辣度比一般的高 但夠惹味 喜愛吃辣的話會喜歡斑蘭咖央多士.除了車仔麵 還有多士 有鮮油/煉奶/斑蘭咖央味 點了一份斑蘭的 多士厚厚一片 微微烘過 但略嫌烘的未夠香脆 內裏有斑蘭咖央醬 斑蘭味不較出 椰子味較出港式紅豆奶茶冰.紅豆冰與奶茶的混合體 兩者都頗夾 紅豆份量不少 不錯!

元朗最紅車仔麵店「永年士多」殺出九龍，在尖沙咀開業，正好讓我這個少去元朗的人可以在這九龍分店食返碗永年出品的車仔麵。 這天來的時候，正是下午茶和晚飯中間的時段，所以不用等候，只消在正對著店舖門口樓梯前面的點餐櫃枱點選想吃的車仔麵和餸，稍等一會，便可捧著一碗熱騰騰的三餸車仔麵坐下用餐。 吃的是微辣的粗麵，粗麵雖然普通，但微辣的湯汁，就像魔術師一樣，把普通不過的粗麵變得特別好味。 不過更好的還是餸，三款店舖推介的車仔餸都甚有水準，沒有令人失望。豬腸軟滑而帶脂膏，而且毫無臊味；豬紅爽中帶腍，口感甚佳；蘿蔔亦軟腍無渣，味道十分清甜。 三餸一麵，再加多罐冰凍可樂，埋單計數，才不過四十多塊錢，已可令人吃得甚為滿足，車仔麵，確是平民美食。

媽啊～係永年啊！一諗唔到食咩就最愛食車仔麵 咩都執d好滿足🙈所以一路都想拜訪呢間老字號但元朗對於我黎講真係有點遠～一路都未搵到時間去.所以知佢係尖沙咀開左分店 我就即刻拉埋個車仔麵控同我一齊去🤤痴線嘅長龍 同埋原來等買野食同等位係分開😳好多人都係賣外賣就走 所以唔好排錯記得同朋友黎就分開排隊同等位😂.呢度感覺好乾淨 同一般車仔麵店唔同 仲要幾chill有一行望馬路景嘅吧枱😂.期待已久嘅一碗車仔麵終於等到喇～三餸一麵($37)- 雞翼、陳皮魚蛋、蘿蔔其實材料只係普通 但如何係普通都可以令到呢間永年開到出尖沙咀個辣汁真係精髓😍辣得黎真係好惹味 但又唔會濃味到好大味精好口渴個種而且個辣係慢慢滲出黎～🤤好正而且個蘿蔔真係必嗌 吸哂個辣湯底嘅精華仲要完～全～無渣！！超清 辣味中仲帶點甜💓雞翼反而無滷得好入味 味道較淡 不過煮得岩岩好 肉嫩但無血水陳皮魚蛋就唔洗講 無得輪呀～～.朋友嗌個碗有豬紅朋友大讚滑得黎口感帶爽 而且無腥味 仲入哂味正🤤.斑蘭咖央多 ($13)本身真係大愛呢個來自新加坡嘅斑蘭味🙈真係好少見香港有斑蘭咖央多所以即刻毫不猶豫嗌左斑蘭醬香香甜甜 仲帶一陣椰味 好正💚而且仲搽左厚厚一

平時想食出色嘅車仔麵，一定要入到元朗。 元朗好鬼遠， 好彩佢而家喺尖沙咀開咗， 不過最擔心嘅都係質素，今日同朋友經過 果斷一試。第一碗，豬腸牛筋雞翼粗麵中辣。 豬腸洗得夠乾淨，牛筋有得夠味， 雞翼夠入味，粗面無鹼水味。第二碗豬腸支竹卷雞翼粗麵大辣。 兩碗嘅嘢雖然差唔多，但係呢嗰支竹卷其實有啲失落，嗰條嘢似係街鋪貨識普通嘢。唯一好彩嘅係中辣大辣真係有分別，唔會好似其他車仔麵咁亂咁嚟。小食韭菜豬紅， 都幾大碗， 唯獨有樣失色嘅， 係個味道偏甜。叫多咗個蠔油 菜心， 冇乜特別，不過比較油膩呀，加咗啲麻油上去，食落口感一般。抹茶紅豆沙冰，紅豆奶茶冰， 飲品同樣出色，勝在唔算太甜， 嘢飲又夠凍，不過唔會話成杯都係冰。下次會再黎，不過只食車仔麵。

要說車仔麵，相信很多人都會認識元朗老字號永年士多得知在尖沙咀開了分店，這天下午特意過來試試 下午一點左右，門口已排著長人龍先排隊比錢後再取食物然後再搵位但這裡通道實在不太闊落如果能先安排座位，相信疏導一下人流會更好3餸1麵 $37跟餐加麵加餸每份$8點了牛筋，雞中翼，豬腸配油麵(少辣)奶茶紅豆冰(跟餐加$15)茶味夠，而且不會太甜，很不錯！牛筋不覺不失不得不說這裡的辣汁是店內特色之一，愛辣的朋友不要錯過 豬腸清得很乾淨炆得夠軟腍，難怪是推介之一雞翼醃得入味又夠大隻 下次要試試另一推介豬紅班蘭咖央多士 $13很喜歡多士夠厚身但如果烘耐一點會更好 尖沙咀加拿分道46號地下7-8號舖

久聞永年在元朗是人龍店,尖沙咀8月1號開分店,本身怕排隊怕同人迫,8月8號搵到個平日特登來一試.THE ONE行到尾尾再上條小斜路,門口有條人龍排緊的就係永年,佢隔離有間賣喼店,再過少少係七仔.當日中午12點到,排左十幾人,唔算多,排到去賣喼店前,但都排左半小時才落到ORDER,慶幸是放假來搵食唔急走人,所以還可接受.排到入門口上幾級樓梯的位置會有個不停跳動的電子餐牌大碗麵集十寶賣61蚊,愛多餸的必點呢排到才知只收現金,於是又要搵現金,新開張有FB優惠可以有飲品送,排到自己時,我終於明白點解排的人數唔太多,但我地要排咁耐呢.我有寫左意見俾永年.其實收銀的好爽收.排緊的人其實排時都無所事事,如果有個職員提定我地只收現金或俾餐牌我地睇定或落住飛先,我諗可以快好多呢.好不容易落左ORDER拿住張飛,因唔知可以搵位坐住再等叫號碼才去取食物都可以不知情下,又排左條取食物隊食永年,確是要付出一點點的耐心.朋友响元朗食過,推介我要食隻蛋.接過份餐,真係好豐富,排左半小時,排一次都可以的,再排就短期內都唔想喇.一支公的關係,排在門口時,已行開一陣去搵定位先,觀乎當日情況一個去食的話應買左票再搵位都應可

經過The One不久，向前望已經見到長長的人龍。在香港，無論吃甚麼菜都要排隊。Robuchon下午茶，Lady M吃蛋糕，度小月吃碗麵。這情況當然不只限於尖沙咀。只要有食物的地方，都有願意排隊的人。沒想到永年士多如此受歡迎。只知道本店在元朗的車仔麵在尖沙咀開分店，近近地去試下。幸好，人流流轉極快，不消一會有位，排隊落單亦快，再去排隊取餐。三餸一麵＄37，飲品加＄11-＄15，連有多士、菜和豬紅供選擇。四餸車仔麵男友選的是油麵配四餸，叫的都是傳統車仔麵小吃：魚旦、蘿蔔、豬腸、牛筋。豬腸清理得乾淨，切得夠大，每件既入味又夠腍身，難怪是招牌必食；蘿蔔最好吃，又甜又入味，又夠腍；魚蛋細細粒夠彈牙；牛筋反而較失色，略嫌不夠腍。腐乳通菜份量夠多，尚算爽口，可以再灼短少少。吃慣了一粒粒的腐乳，這個粉橙色的醬，賣相不甚討好，味道亦差一截。菠蘿冰夏日炎炎，從港鐵站走到永年短短的路程，已足以使我們汗流浹背。來杯冰凍的菠蘿冰，馬上降温，夏日消暑之選。米粉配三個餸。冬菇炆得入味，可以更腍。韮菜餃的皮完全失敗，厚、腍、粉，從沒吃過如此奇怪的餃子皮。餡則不過不失，韮菜味不重，不怕吃完在口裡遺下久久不散的味。除了