永年士多港式車仔麵 (加拿分道)

营业中

休息中

Finally tried it because this is a noodle joint from Yuen Long in the New Territories so wanted to compare it with the one in Sai Kung also in the New Territories.The queues are long and it was packed with people, the floorplan is not an effective use of space but rather it causes congestion because the queue at the entrance separates the two sides of the restaurant.All I can say is portions are big and it was very spicy.They must have paid a lot to keep that huge bamboo banner up there as most

我以前曾經住在元朗一段時間，永年車仔麵可以說是冇人不知道的元朗名店。想不到事隔幾年，永年就已衝出元朗，來到尖沙咀開分店。今天，我就來了永年朝聖。尖沙咀的分店和元朗的總店佈置格局差不多，但就比較擠迫。價錢以尖沙咀的食店來說相當抵食。我們每人點了一款三餸麵，加了一碟腐乳通菜、一碟推介的韭菜豬紅、一杯凍柚子檸水和一罐可樂。我們下午二時多去到 ，排練大約15分鐘就買了飛，再等大約10分鐘就有食物。食物賣相非常對板，湯底味道偏甜。豬腸確是必食推介，清洗乾淨，沒有臭味，而且口感夠腍又入味流心蛋製作也不馬虎，雖然不能和拉麵店的流心蛋相提並論，但效果也不差！還有兩件枝竹球，外貌平凡，但味道不錯。韭菜豬紅也是一個不能錯過的小食，味道也是偏甜，但豬紅的口感很滑，而且一點腥臭味有沒有這是羊媽媽點的三餸粗麵。她對那幾件蘿蔔表示非常欣賞，蘿蔔清甜冇喳她這碗麵是微辣的，真的近乎沒有辣味好辣的朋友就不要選微辣了。另外，$25一碟的腐乳通菜份量也很多，而且通菜新鮮爽口，實在是健康之選！我覺得尖沙咀的分店能夠保持元朗總店的水準，惟座位比較少，peak hour到訪就難免要等位了

車仔麵雖然 cheap，但最貼近大眾胃口，開放地讓大家自選配料和口味，充滿香港地道風味。永年係元朗打出名堂, 而家入主埋尖沙咀, 當然要去潮聖啦! 但跟一般車仔麵檔大不同，沒有一貫黑媽媽污穢格局，感覺摩登, 將以往車仔麵的土氣洗去。車仔配料數埋都有成數十款, 如魚蛋、豬皮、豬紅、雞翼等，都是傳統的港式車仔麵餸。湯頭味道鮮甜濃郁, 麵質不錯, 又掛湯, 配料份量又夠多, 魚蛋夠Q彈, 豬皮吸收唔少湯汁, 爽脆至今要在老式茶餐廳才可點到咖央多士, 呢度都可以食到, 麵包厚切,略脆，口感輕盈而不失香甜

你信宣傳就死得,我個日去到,門口有幾個人排隊上楼梯個條樓梯嚇死人又窄又细有上有落冇员工話你知排隊做什麽上到去見到收銀處才知道要先買嘢后再排隊取食品后又要托住食品去揾位地方又细冇员工理你快餐店都不如出品平平無奇价錢又不便宜我揾唔到理由再光顧

一路聽過呢間車仔面個名, 但無機會去元朗一試, 開到黎TST 梗係要食下預左要等位但無諗過咁亂咁迫: 門口出面已經開始排, 係排Order+俾錢, 俾完錢如果兩個人食要分頭行事, 一個去周圍等位, 好似food court 咁, 店面周圍係有店員(好young 個D妹妹仔, 抹台都唔太識, 尷尷尬尬個種), 但佢地唔會幫到你任何野, 唔會安排座位唔會疏導人流, 只會負責有人食完抺一抺張台, 同時場地係好好好迫, 你等位又好, 坐低食野又好都會不停俾人撞背脊, 膊頭, 好辛苦, 店員都只可以縮係一角企講番排隊, 一個係度等位另一個去等拎面, 又唔知點解去得好慢...可能太多人或者煮得太慢, 總之俾左錢起碼再等10-15分鐘先有得食.萬一你拎左野食而又未有位, 真係唯有捧住盤面周圍俾人撞....食物方面, 其實都幾好, 個辣汁真係超辣, 豬腸夠香夠肥, 乾淨, 豬紅好味, 陳皮魚蛋夠實在唔會好浮 ,雞翼入味~面底夠彈 , 湯有少少過咸.

Street noodles is always one of my favourite as I get to choose what I want to eat and the type of noodles I want. This famous street noodles shop is originally from Yuen Long, now this newly open one is in TST which is super convenient for me. Like usual, there were lots of people lining up to order and lots of people waiting for the seat. Anyway, me and my friend looked for a seat first and then went to order.I got my favourite pig intestines with chicken wings and bean curd. I asked for tiny

尖沙咀終於有平民車仔麵！當之前路過既時候見到即將進駐既餐廳係永年士多既時候，內心已經興奮不已！畢竟永年喺元朗咁出名，連我呢個九龍人都知，終於我都等到佢黎九龍開分店，可以唔洗山長水遠都能一嚐車仔麵既工架《先買後取》永年採用既方法同南記一樣，先比錢後再取食物然後搵位，對於長期爆滿既永年黎講，一個人食既話搵位又有點困難既。不過晚上時間坐位都回得幾快，唔洗咁擔心！《3餸1麵 $37》呢個價錢，抵過食譚仔！其實譚仔而家越來越貴，又越來越無突破性發展，所以永年開喺譚仔對面簡直係尖沙咀上班族既福音！第一次，當然要點出名既豬紅，另外仲有牛肚、豬皮、豬腸！豬紅真係好好味！而家好多地方都無豬紅食，又或者係味道完全唔對路，永年既豬紅係好入味，係童年時食過懷念既味道！豬紅帶甜味，而豬腸亦都係一流！豬腸炆得夠軟腍而又不失口感，咸咸地夠入味！豬皮幾爽口又吸味，咬既時候令口中充滿湯汁！《奶茶紅豆冰》紅豆好足料，差不多佔左半個杯！先食一啖紅豆，好軟腍而香甜！成杯飲品既味道唔會太甜，平時飲開凍檸茶走甜既我表示甜度剛剛好！

永年士多係尖沙咀開左分店喇，以後唔洗去元朗都食到。尖沙咀店新開不久，人龍長長的，排隊點餐至取餐大約需時時20分鐘。食店地方不大，建議大家可跟同行朋友分工合作，一人負責點餐，一人負責找位子。好不容易便坐下了，過一會食物又到了。班蘭咖央多士（$13） 多士是厚切的，配上班蘭咖央醬甜甜地，非常香口，又夠飽肚。 韮菜豬紅（$18） 豬紅是店內招牌，當然要試試吧！果然不負眾望，豬紅非常出色，質感非常嫩滑外，味道還很好呢！加入了韮菜，再加入了小許辣汁，真的非常美味！豬腸、豬皮、牛筋米粉 大辣🌶🌶 （$37） 店內招牌餸有陳皮魚蛋、清湯蘿白、鹵水豬皮 、豬紅、鹵水豬腸等等豬腸爽滑，豬皮爽脆吸味，牛筋軟腍可口，配米粉一流啊！這裡的辣汁更是店內特色之一，辣汁能提升車仔麵本身的味道，更是整碗麵的精髓。山根、枝竹球、紅腸 烏冬（加$2）（$39） 朋友不吃辣，但她也表示湯底也真不錯！麻油香味尤為突出，配料又好吃，整碗麵不消十分鐘便吃清光了菠蘿冰（跟餐$13） 菠蘿冰是店內招牌特飲，冰涼又解渴，清新好味！熱華田（$11）  

永年三餸一麵($37)-永年都開埋出尖沙咀，以後係附近食野又多個選擇啦😍。三餸揀左豬腸、蘿蔔、雞翼，額外附送左兩粒陳皮魚蛋同菜心，另外仲可以揀辣度，司令梗係係咁咦叫大辣食下啦。豬腸有驚喜既，食落相當肥美但又唔會感覺好油，蘿蔔幾甜冇渣不過切得好細舊，雞翼都入味，加埋辣汁夠惹味。嫌唔夠食既可以叫多碗韮菜豬紅或者多士，咁就夠滿足啦。唔比較味道係咪元朗好食啲啦，但以永年既名氣加上哩個價錢，以尖沙咀黎講係相當抵食既！

之前男友一入元朗就會想去食永年車仔麵，因為鍾意食佢嘅辣，今次難得係尖沙咀開咗分店，所以我哋就特登搵一晚來試一試。可能係新開張既關係，好多人慕名而至，門口排晒長龍，我哋排咗大半個鐘先入到去落單，落完單後，仲要排隊攞車仔麵，雖然流程同元朗一樣，但總覺得太轉折了，排隊時間仲耐過食既時間。呢間店吸引我既係佢既豬腸係用豬小腸，唔會好似其他車仔麵店咁用好肥既豬大腸，感覺健康d🙈，所以今次都唔例外叫左豬腸，另外仲有豬紅、尤魚同腐竹丸，腐竹丸係第一次食，由於本身鍾意食腐竹，所以好欣賞呢個餸，幾層腐竹卷埋一齊，令到口感更實在，讚👍🏼👍🏼👍🏼，不過尤魚就略嫌失色，味道淡淡的，無車仔麵之家咁入味，只係好似街邊既尤魚咁，要加醬料先好食。由於唔食辣，所以係原味湯底，但總覺得同元朗本店相比，湯底有點唔同，尖沙咀的湯底過甜。辣度方面，男友都覺得元朗好味d。另外叫左個斑蘭咖央，無乜驚喜，而且份量小。

一直聽過永年士多,但元朗對我來說太 遠 了,所以苦無機會一試,直到尖沙咀居然開分店了!雖然店面不大,但充滿懷舊氣息而且光猛乾淨。終於可以來一嘗,當然不甘只叫車仔麵,首先有兩杯飲品,紅豆奶茶和紅豆抹茶。首先要讚的是它沒有死甜,靠的是紅豆本身的甘甜,紅豆也飽滿大粒,澀味適中。咖央多士,作為小食份量剛剛好,淺嘗淺嘗,烘得不會硬,微脆下甜甜的。韭菜豬紅 這個真的是令人驚豔,汁甜,完全是我的口味,豬紅不腥不臭又入味,最加分。朋友的車仔麵點了牛肚,魚蛋,流心蛋和蘿白,別人的東西不好意思試太多,魚蛋很香陳皮味,蘿白又軟又入味,也沒甚麼根,問朋友感想,說很好吃呢。我的則是冬菇雞翼尖和豬腸,永年的餸令人感覺都是非常新鮮,不是賣不出所以每日都在鍋裏翻煮那樣又軟又爛。豬腸清得很乾淨,雞翼尖更是大大隻還有點咬感。這裏食物的清潔度和份量,明顯和一般車仔麵店不同,但價錢卻相當得宜,要想想地點是在尖沙咀the one附近,3餸麵也不用40元,是以後的飯堂無誤。

約了尖沙咀上班的朋友午飯，她帶我去食車仔麵，是一間有人龍的車仔麵店！因為她家住元朗，知道這是元朗人龍店的新開分店，便嚷著要來吃。幸好人龍移動得很快，我們二人也很有策略：就是她揾位，我買嘢😊我們各自點了三餸麵，再交換食，就會變成每人有六種餸😋我點了魷魚、蘿蔔和豬腸米粉。豬腸勁好味！絕對不是「交貨」的食品，有咬口但又不韌，鹵水也很入味！蘿蔔也很好，份量也多。朋友點了陳皮魚蛋、雞翼和牛筋。加腐乳通菜。（本身想食腐乳生菜的，估不到1:20已售罄。）極力推薦陳皮魚蛋！估不到魚蛋真的有淡淡的陳皮味，細細粒，勁好味👍🏻👍🏻👍🏻👍🏻👍🏻👍🏻後悔冇叫到但有幸有朋友「交換」讓我食到！朋友的奶茶紅豆冰十分有心思，一次過滿足兩個願望😊我心大心細點了抹茶紅豆冰（因為他們另有菠蘿冰！）可能今次的冰重手了，抺茶味較淡，但絕對比罐裝、包裝飲品有心思！同時我們也點了咖央多士作甜品，多士是用厚身麵包，切好了，方便進食，也方便分享！因為我們懶得再排隊的關係，我們是一次過點的，強烈建議大家應該食完麵才再點，就不用凍了才食！三餸麵$37，跟餐的紅豆冰特色飲品加$15，新店乾淨企理，年青人又爽手，真的是食車仔麵的好地方！

當年元朗舊舖是我食過全港車仔麵最好食嘅一間，食材、味道、辣汁都令我好難忘，及後舖換新裝都一直有支持，食材水準可保持令我非常欣喜。最近得知尖沙咀新開舖，即時飛撲去支持，但令我有點失望😓食材有別於元朗舖，主要系因為豬腸～在我心目中系車仔麵必食嘅食材，對於一間我認為好食嘅車仔麵系非常重要！豬腸嘅部位、味道、色澤、韌度都有別於元朗舖，希望老闆注意及改善！尖沙咀舖個人評語👇豬腸～太冧，冇左滑、韌度😞牛筋～吾夠冧，吾入味😔魚蛋～尚可保持舊有韌度、果皮味🙂幼面～ok,是我喜歡面質☺️辣汁保持水準👍

住元朗區嘅朋友話我知～永年終於衝出元朗啦！我好鐘意食車仔麵，但係而家越黎越少喇！所以明知佢新開排長龍都要黎試！雖然長龍但其實唔洗點等！廚房都有好幾個廚師煮麵！叫左兩個3餸麵，6款唔同餸試下先～蘿蔔豬皮大腸米粉牛肚雞翼魚蛋粗麵加辣汁聽聞佢個辣汁好出名，唔太食得辣所以一碗加個少辣試下先，果然加左香好多！餸我就推介牛肚雞翼同蘿蔔，好淋好入味！仲有呢個粗麵係全蛋麵，而家唔多車仔麵店採用架喇！韮菜豬紅我無特別鐘意豬紅（係朋友至愛），不過呢個無腥味，食落都唔錯！腐乳通菜呢個腐乳醬真心想問下老闆加左d咩秘方，食落好似棉花糖咁有軟綿綿嘅感覺飲品左：抹茶紅豆冰，呢個有驚喜！抹茶夠濃右：菠蘿冰，就係細細個飲開果隻菠蘿冰（罐頭菠蘿），好懷念呀！又多一間車仔麵可以encore喇！好野！

永年的車仔麵一直都很出名，不同朋友有不同的評價，點都要親身去試一下。今晚同老公二人，點了兩碗車仔麵及一客韭菜豬紅，一杯抹茶紅豆冰共＄1151）韭菜餃、蘿蔔、豬腸、米粉小辣---韭菜餃極都唔好食，皮厚多粉小餡，蘿蔔甜甜地，好似浸過糖水，豬腸有小小「壓」味。2）豬腸、雞翼、豬皮、流心蛋、油麵3）韭菜豬紅---份量只有碗的一半，偏甜總括來講我覺得大部份嘅嘢都落咗好多糖，老公話連豬皮都係甜嘅，我就覺得點解豬紅都係甜嘅呢。4）抹茶紅豆冰---淡淡的，無乜抺茶味，但紅豆就夠淋夠大粒。總括來講，所有味道都偏甜給一般，應該無下次