永年士多港式車仔麵 (加拿分道)

营业中

休息中

朋友之間都在討論這家永年士多原來元朗在總店已有五十多年歷史新店設計摩登時尚連侍應們都是青春少艾餐牌在大屏幕上一目了然點了魚蛋豬腸蘿蔔配油麵韮菜豬紅和咖央多士油麵不過不失魚蛋是我最愛的陳皮魚蛋坊間已經不多見蘿蔔清甜無渣是上品豬腸肥瘦適中但味道較淡咖央多士有陣陣椰香可惜溫度不夠有點冷掉韮菜豬紅味道香濃韮菜咬下去無渣不錯豬紅卻出奇地有強烈的甜味飲品是懷舊的菠蘿冰香甜之餘不失菠蘿的清香簡簡單單又是最有港味的一餐

好想食車仔麵，便立即去元朗永年食，有屋企搭輕鐵去好快就到，撞正星期六12點半，門口已經大排長龍，排左10分鐘終於輪到我叫嘢食原來這裏的多士，紅綠豆冰，紅豆冰賣相都好吸引，可惜我口快快，點了檸檬茶我取了食物找到位坐下，見到身旁有客人食多士及紅綠豆冰真的好像很好食，下次一定要試我點了豬紅、芝士腸、牛筋、魚蛋同油菜豬紅夾起筷子好實淨，一食就知係新鮮,冇溝其他野同行的朋友飲奶茶，食油面、牛筋、豬皮、魚蛋同菜，佢話啲豬皮去毛乾淨，食落爽口入味，魚蛋就好彈牙鮮甜第二位同行朋友,點了糖心雞蛋、炸魚皮、紫菜、魚蛋、豬紅同菜心跟米粉魚皮大大塊浸落湯底，香脆入口, 辣辣地真係過癮糖心蛋半生熟，蛋白剛剛凝固買相好吸引，入口有豐富的雞蛋味很鐘意食彈牙兼爽口的魚蛋，同豬皮，豬皮營養價值很高，好處多，如補氣活血，美容，補充維他命，提高抗免疫力，強跟壯骨還有豐富骨膠原蛋白可抗衰老抗癌。識食一定叫皮豬喇！

由元朗進擊來到尖沙咀落戶，響噹噹的名字早已是大家心中的車仔麵保證。新舖依然車水馬龍，人龍在梯間排隊排至門外。新舖新裝修，由下單、付款、取食物一律採用電子化系統，少了一份親切感卻增加效率。油麵煙韌有嚼勁，枝竹球（兩件）原來是千層腐皮，豆味濃有驚喜，豬腸（6-7件）是招牌推介，偏甜的滷水汁入味非常，豬腸夠肥又沒有壓味，推薦！魷魚（四件）厚切爽脆，兩隻韮菜餃皮薄飽滿，蘿蔔香甜。微辣咖哩汁很惹味，清湯底味道偏甜。所有食物賣相精緻企理，一洗車仔麵的嗱喳形象。豬腸非常肥美，滷水汁入味。豬紅汁偏甜更有一抹麻油香，大小均一，不易散，合我口味。意想不到竟有三款菜吃，菜心、通菜、韮菜。腐乳通菜切口齊整，腐乳味香，可惜菜已變了色，但無損味道。綠茶紅豆冰，我要求少冰，店員說是既定配方的份量不能隨意更改。惟有上碟時再自行走冰，綠茶奶味濃，紅豆夠稔，整體不錯。

小弟家住九龍，成日聽人講元朗永年的車仔麵最正最好食，不過咁遠，始終都無機會試試，好在永年終於來到九龍開分店，近近地點都要來潮聖一下。幫襯當日，由於時間尚早，無人排隊，我就叫咗幾樣招牌餸，豬紅、豬腸、蘿白，聽講呢度D辣汁最正，所以雖然小弟唔係好食得辣，但都叫咗小辣，睇下係咪咁正，另外仲叫咗咖央多士。先試試咖央多士，賣相好靚，多士非常鬆化，咖央醬好味，我認為是必食的。至於車仔麵，賣相無特別，蘿白很入味，湯底加辣汁的確唔錯，大腸和豬紅就無乜特別，整體來講是唔錯的，但又唔係D人講得咁正吧，要排長龍就唔太值得啦。不過現在心郁郁，想去一次元朗總店，睇下有無分別先。

永年士多，一個熟悉的車仔麵品牌，由元朗殺到入尖沙咀，這麽就腳，反正是日小人獨孤求飯一餐，豈會有錯過的道理。對於大食積的小人吃車仔麵來說，四餸加麵僅是超牌例牌，僅夠糊口。小人選點了豬紅、豬皮、蘿蔔以及大腸，餸料都很入味，不會餸還餸、汁還汁的，爽口得很；當中小人最愛是豬大腸，索汁之餘中間粉糯，外皮又脆，而其下有的S形公仔幼麵，極之彈口，好煙靭好味到無得彈。這碗車仔麵小人喝了不少湯，發覺沒有口渴口乾的感覺，值得一讚。

永年呢個名聽左好耐, 知道最出名食車仔麵, 不過以前響元朗, 真係十年都唔會入去一次, 一直未有機會食. 知道響尖沙咀開左分店, 等熱潮過左後, 終於今晚有機會黎食下.鋪頭唔算好大, 自助搵位, 先響門口位置買飛講齊要咩餸, 唔似舊式既車仔麵睇住黎揀, 整體可以快左, 唔怕D人諗來諗去. 響尖沙咀區30幾蚊一碗麵絕對唔貴, 不過未食過, 都係要3餸麵先, 豬紅蘿蔔韮菜餃幼麵.買完飛就響左邊再排隊, 本身一買已直接傳送, 祗要認號碼拎就OK.30幾蚊既料真係幾多, 豬紅同蘿蔔都好多粒, 先飲個湯, 真得黎唔會太淡或太咸, 我覺得帶少少胡椒香味, 同平時既車仔麵湯底係有D唔同. 豬紅好彈, 味道夠甜, 鍾意食豬紅既人非常愛.  蘿蔔入味夠腍, 蘿蔔唔苦都好甜. 呢兩樣果然經典推介.韮菜餃個皮唔算太厚, 漲卜卜既餡料, 兩隻都好夠飽, 韮菜味香而濃.至於幼麵似全蛋麵, 而唔係生麵, 但都好爽口彈牙, 唔會太腍.另外好讚既係腐乳通菜, D腐乳汁好香, 甜甜地又唔會好辣, 越食越開胃.飲品要左菠蘿冰, 好清甜清新, 好解喝, 菠蘿肉都幾多.

今日去咗永安濕平。濕平完就去搵食。唸住去食米線。但發現對面有間永年士多。係食車仔麵的。見唔算太多人，所以我地最後都轉呔去食永年士多。店舖唔算大，不過好在座位都唔太迫落單係要自己排隊去收銀處點食品及付款，再去排隊攞嘢食。粗麵，豬皮，豬腸，牛筋，流心蛋中辣（職員會問你要咩程度嘅辣）麵質我鍾意，因為煮到剛剛好。唔會太淋或太硬。豬皮又爽。豬腸好入味而且好乾淨完全冇“壓”味。牛筋夠淋。流心蛋真係好流心。正！米粉，冬菇，蘿蔔，雞翼，蟹籽丸蘿蔔好甜，雞翼非常入味，好香花椒八角味，冬菇厚肉。我地叫咗2杯飲品熱柚子蜜。抹茶紅豆冰，我第一次飲。完來味道好夾。抹茶味香濃。又唔會太甜。正呀！

懶得動的我, 逢星期六日都只會在屋企附近逛逛, 有時還可全日躲在家中, 的確是一名宅女!! 講到要過海? 可免則免, 但今日有點不同, 因參加了一個“香薰文憑課程”講座而需要走到尖沙咀, 既然出得去, 當然覓食。左想右想, 想起元朗人氣永年士多在尖沙咀開了分店, 元朗就很少去, 來到尖沙咀不得不去啦!門面以黑色為主調, 好酷呀! 沿着短短的樓級走上一層, 地方不多, 設有面向街景的高枱單人座和數張二至四人枱, 除了泊牆的座位有得靠背外, 其他也是無背板的椅子, 的確有省點空間, 但其實枱與枱之間的空間也不多, 大家都要坐得親密一點啊! 雖有點狹窄, 但裝潢富心思, 跟一般的車仔麵店不同, 設計時尚, 特別是迷你版的永年士多模型, 很細緻精美; 還有牆上那幅大型黑白線條繪圖, 用心觀看一番, 畫上多種香港特色, 很豐富, 當然不少得畫上自己“永年士多”和招牌車仔麵。多處牆身都鑲上大餐牌和簡介食品的螢幕, 客人在售票處下單後, 便走往隔離排隊領取。最基本是三餸一麵或淨餸三, 加麵底或加餸每份再加錢。粉麵類有五款, 而餸料就分三大類, 十一款經典類、六款素菜類和十三款小食類, 還有多款飲品選

來自元朗嘅老字號車仔麵殺左入嚟九龍區，當然要嚟朝聖啦😬 星期六嘅五點幾鐘去食，都唔洗排好耐，不過平時經過見到條長龍真係嚇親😱入到去係好似快餐形式咁，先買野，之後去排隊攞野食再揾位坐，但地方略嫌逼夾3餸車仔麵$37，加一款加$8叫左一個3餸，一個4餸，一個韮菜豬紅，一碟油茶，兩杯野飲，承惠$144😋蘿蔔同雞翼尖都好諗好入味，一個字正 中辣嘅辣度對我嚟講就啱啱好😋而杯紅豆奶茶($15)好特別😍韮菜豬紅($18)堅好味，夠曬入味

車仔麵是我的至愛（至愛也太多了）～每星期都想吃，但質素當然也要有點講究。這家新到尖沙咀開的元朗名店，這兩個月來每次經過都人山人海，排隊排到落條街度，想必有其受歡迎的原因吧。8月底的起心肝去會一會佢，lunch time 那裡找位子，等了1-2分鐘便有，算很幸運了。那邊是排隊落單，再順著排隊帶食物，所以如果拿了食物沒有位子也是挺難搞的，peak hours還是兩個人去會比較好，可分頭行事。點了3餸：豬紅、豬腸、翼尖，車仔麵三寶。豬紅翼尖都頗入味，不錯～豬腸最出色，肥美也爽口，正！油麵當然是車仔麵的不二選擇，配上少辣湯底，每一口也是滿足～總括性價比不算高，但質素不錯，車仔麵迷要集郵～至少有沒有如聲名般高，一試便知～

成人聽人講永年好正難得尖沙咀開左分店就等埋d frd放工一齊食去到門口見到唔算多人排隊一去到就點左雞翼 炸魚皮 韮菜餃落左單之後就排隊拎點知入到去先發現間店好細完全無位幾乎張張枱都有人等緊搞到大家都好尷尬食緊既人見到有人等緊就急急食但其實佢都只係坐底左五分鐘我地等左一陣之後有位個湯底唔錯我叫左少辣朋友話辣d會更好食我食既炸魚皮好大份 雞翼都入味 餃子都ok不過真係食得好辛苦我地一坐底開始食就已經有人企係我地隔離等我地都唔好意思 食左十分鍾就走食到咁趕真係第一次 我地呢方面真係要改善下

永年....要食永年就要去到元朗，真系想食都要經長途車種才可嚐嚐！ 尖咀岩開了，終可近近地試！ 店鋪近地鐵站，只需8分鐘路種，易找到其店！ 一入門口就見到收銀處，左右兩邊系餐桌，地方不算好大，桌位間少窄，但可接受！ 車仔面，見到餐牌，好想叫多種不同食物，與朋友商討後，各叫三菜一面！另叫一多士！ 車仔面叫小辣，其實都辣辣地，可要看看自己的食辣度程度呢！ 我們分別叫了：豬紅、豬肚、雞亦、魚蛋、貢丸及韭菜餃，全都系好好食，得別是：魚蛋，正! 多士系加左花生醬，外脆內滑，厚厚牛油夾中間，香、甜、滑，推！ 飲品： 菠蘿冰，少冰、甜度剛好，重菠蘿味，仲有一粒粒菠蘿，不錯！ 另一飲品系抹茶紅豆冰，紅豆軟軟，但味道淡，一般。

永年士多係本身位於元朗嘅老字號，每逢假日，都有好多人慕名而來。由於元朗都確實係比較遠，永年士多嘅本店，我自己都無去過。但住係其他區域嘅粉絲最近有好消息，就係尖沙咀分店已經開左喇。新店位於美麗華同諾士佛臺對面，方便就腳咗咁多，當然要去排下隊試。我地去到已經係下晝兩點，加上星期日嘅關係，仲係人頭湧湧，人龍排到門外。兩個人去就可以一個負責排隊買野食，另一個負責搵位。（兩張相攝於下午四點，門口人龍終於散去，但店內仍然人頭湧湧。）各自叫左碗三餸麵($37)，當屋企樓下嘅鐵皮屋車仔麵檔都要三十幾蚊一碗，係尖沙咀食到呢個價錢都算抵食。我個人食車仔麵例牌要幼麵，餸就揀左必食嘅豬腸、蘿蔔，再要咗流心蛋。另外一位就揀左牛柏葉、牛筋同枝竹球，再配烏冬。各自再叫左飲品同小食一齊分享。先講湯底，我點左小辣。呢度嘅小辣都已經辣得過癮，湯底濃郁。再試埋隔離嘅正常湯底，麻油味更加香，個人都幾滿意。豬腸雖然油脂什多，但黎到永年，真係再肥都要一試！首先佢清洗得好乾淨，完全無什何異味，只食到豬油香。另外呢度嘅豬腸滷得十分入味，又有咬口，真係邪惡至極！難怪咁多人食過翻尋味！其他餸都幾滿意，特別蘿蔔煮得夠冧又吸引晒啲湯汁，仲仍

買完飲品就當然要去覓食啦。行下行下去到永年士多，夜晚7點幾，買車仔麵要稍為排隊等一陣。睇資料介紹，呢度係由元朗起家，究竟味道如何呢？三餸一麵$37，價錢尚算合理。見到餐牌有流心蛋，就揀呢個做餸，再加蘿蔔同雞翼，米粉底，辣度係細。估唔到小小份量嘅辣醬都幾夠辣，啲辣味係慢慢滲出黎。蘿蔔算淋但冇乜味，流心蛋比左一隻，但一分開之後覺得有流心但同樣唔入味，雞翼就最奇怪，感覺個醃料怪怪地，唔係食開嘅鹵水味。口痕買多個斑蘭咖央多士（$13），個醬幾好味，但多士唔熱唔脆，感覺一般。總言之，呢度價錢合理，但味道就一般而已。

終於！終於！終於！不用再山長水遠去元朗才吃到一碗車仔麵😭以前每次想吃，總要坐上一個多小時的車才能吃到🤦🏻‍♀️為的就是一碗車仔麵，「車仔麵」從來都是三心兩意人的恩物♥️，而小妹正正就是一個這樣的人🙈由元朗殺出尖沙咀的過江龍，吸引力完全不減，單單看人龍便知道其吸引力！地點位於某大型尖沙咀商場旁邊，地點相當好找！遠遠看到人龍，便乖乖開始排隊了♥️排了十分鐘左右，便到小妹了！收銀處上方掛著一個大大的餐牌，價錢三餸一麵只售$37！加餸的話是$8一個，價錢依舊公道👍🏻由於位置不如元朗店多，所以點好餐後，建議先去找個位置坐下，再去排隊等候車仔麵！店員跟元朗的一樣，會幫忙找位置！十分窩心♥️三心兩意的小妹，當然選擇了四餸囉！心心念念了多時的湯底，濃濃的牛味，令小妹著魔！二話不說先嘗一口😋小妹點了墨丸、生根、牛筋跟時菜每份餸的份量並沒有因為多加了一款餸而令其他餸的份量減少👍🏻小妹男朋友同樣是個三心兩意的大胃王，所以也來一個四餸一麵🤣牛筋、牛肚、牛柏葉跟流心蛋份量同樣超足👍🏻另外點了腐乳通菜✨$25的價錢，份量足見誠意👍🏻除了湯頭，要數永年第二至愛，必然要試鮮油多😈是小妹邪惡終極之選👻一大片牛油配煉奶🤤即使放到