正宗水上人氣鍋專門店 (已結業)

首先我哋就揀咗個鍋底先因為過麼底可以完完全全吸收晒今日叫嘅餸嘅精華我哋就清清地叫咗個南瓜豬骨粥底之後就叫咗半隻蒸雞怪味豬肉片一隻奄仔蟹同埋一個蒸飯蒸雞因為有蟲草花嘅關係所以未到就比較清新但係每年雞蒸嘅時間十分之好所以雞肉十分之滑另外呢個怪味豚肉原來怪味就係用上孜然同埋五香粉所以嗰種濃濃嘅蒙古風味香一蒸完打開個該就撲鼻而來而且食呢個豬肉唔使點任何豉油及醬汁因為都已經十分之入味奄仔蟹一打開之後就完全爆曬糕而且仲係重皮添而且蟹肉飽滿結實最後呢個蒜蓉蒸海蝦糯米飯不得不提超級香濃的蒜蓉再加上海蝦的精華完全滲入糯米飯入面最後嗰個粥底都唔可以錯過因為吸收晒咁多種食物嘅精華哪有不好吃的理由呢

原來食蒸氣鍋係十分方便快趣的一入到去揀咗想食嘅野佢哋就會慢慢上然後就serve埋你去蒸餐廳會安排專員幫你處理首先佢哋會整咗啲難熟嘅食物先就好似蒸雞咁首先要蒸左先因為起碼要成十分鐘蟲草花雞肉經過蒸煮後因為冇好似打邊爐咁啲鮮味流失咗係啲湯度所以雞肉10分之嫩而且蟲草花依然保持爽口至於和牛方面就需要靠醬汁添加味道因為本身和牛扒係完全無添加的輕輕經過蒸煮後和牛依然可以保持七成熟呢個時候可以加入你喜歡的蔥花,芫荽或者沙茶醬甚至係我最喜愛嘅沙嗲醬濃烈的醬汁亦都依然不會cover了和牛的味道而且蒜香同埋沙嗲醬更加可以提升牛肉的肉味

蒸海鮮不油不膩我最鐘意食，友人提議九層塔蒸海鮮但被我否決了。因火喉掌握得不好，有些會不夠熟，有些又會過老，還是不要懶惰的方法比較好。行經朗豪坊附近，找到一間食蒸氣鍋，還有周宗師傅做噱頭，相信質素有番咁上下。裝潢跟一般集團蒸氣鍋店沒多大分別，草帽鍋蓋必備。先選粥底材料，南瓜筒骨粥，大多數的鍋店會用排骨，但所見的是大大件豬骨，比起排骨，骨膠原豐富得多。蒜茸蒸大元貝先打頭陣，火喉恰到好處，好鮮嫩，蒜茸增添了味覺的接觸。蒜茸蒸蟶子，大大隻比起手掌長度還要長。一丁點老感都沒有，嫩滑鮮甜，好滋味！貴妃蚌又一美食，肉質豐厚，鮮到不得了。店員溫馨提示，如每位客人能登入該店臉書讃好和分享的話，會送上每位二隻馬甲貝。品質也不錯。食過了數款貝殼類，係時候食其他了。手打墨魚丸Q彈爽滑，加了少許黑松露醬，增加美感之餘又增添了味道，不錯啊！最後來一條生生猛猛的銷魂魚，即叫即劏，入鍋時尾部還在掙扎，新鮮程度一百分。隨了新鮮之㚈，另一grimmick 就是加入了薰衣草，蒸起來時，不時傳來陣陣花香，勁誘惑。怪不得起了個奇怪名子「黯然銷魂魚」，真搞鬼。肉質滑溜，還滲入了薰衣草的花香，更顯鮮味盡出。尾聲要享用綿綿南瓜筒骨粥

近年，蒸氣火鍋都開到成行成市，這個潮流我都追上了。 因為最吸引我既係食完所有嘅海鮮，隆重出場嘅粥底，因為蒸氣火鍋嘅海鮮精華，全都都滲透於粥底。蒸氣火鍋嘅粥底鮮甜夠入味。一行三大人一小朋友，朋友一早訂咗位，餐廳安排了闊落嘅卡位俾我哋。坐卡位方便小朋友活動，環境衛生甚好，裝修非常精緻。游游下又游游下，海鮮全部新鮮從魚缸送上客人的枱面。啱啱經過見到龍蝦先生，喺度游游下。翡翠汁南非鮑魚口感鮮嫩彈牙，鮮甜和爽口，在味蕾中慢慢盪開去，蒸既時間十分準確，不老不韌。梅菜蒸菜遠因為有小朋友嘅關係所以叫咗一個，望落去才已經睇得出好翠綠，蒸唔會過老，很有清菜味。飲品：椰青在炎熱的季節，椰青具清涼消暑的功效，椰青水清甜多水，刮出椰青肉，肉厚彈牙。

同朋友慶祝生日，他說想吃海鮮中菜！我就做下research~~搵到旺角有間正宗水上人氣鍋專門店！朋友都舉腳讚成來呢間食海鮮裝潢以木色作主調，配以枝幹裝飾和華麗雲石桌，感覺豪華舒適。見到店內幾層的大魚缸，就知海鮮為主打！最後簡左個498既set美國石蠔size巨形！肉汁豐富，蠔香在口中持久不散~真的鮮味呢 南非開邊龍蝦即叫即劏，入爐前仲識震，而且厚肉有膏，蒸出來保持龍蝦原汁原味，又帶惹味蒜香還有時令特大元貝，每隻好比男生手掌大小。這次新穎一點選用黑松露炮製，難得菌香沒有蓋過元貝的原味，那種啖啖肉的口感叫人十分滿足！吃下元貝位蒸得剛剛好，軟嫩之餘還感些彈性，裙邊位置則十分清脆。黃金汁新西蘭蟶子王足8吋長，肉質爽脆鮮甜，淋上金黃色的黃椒醬，洋葱蒸4分鐘，配以蒜蓉粉絲底，格外鮮味。花蟹仔的蟹羔蟹肉吸引，所以比起奄仔蟹所餘無幾的肉，花蟹肉，羔的表演力要強得多！鮮中帶甜雪花的分佈要細而密，唯獨這一碟我有輕輕沾過醬油來吃，比起火鍋的味道還是要勝上很多，清淡肥美齒頰留香，其實蒸氣鍋最好的就是原汁原味卻勾出如此鮮味！在一開始時候放了一米，南瓜，豬骨在鍋底的粥水，終於出爐。泛起一層黃油，誘人之極，店家放進

由於今年生日病咗，並沒有慶祝，沒有吃生日飯，女朋友Book了這間蒸氣鍋跟我補祝。呢間蒸氣鍋有成四層樓高，都幾大下，係砵蘭街，係對面街完完全全見到佢個大招牌。之前去酒樓，多時嘅職員捉海鮮嘅時候係搞到成地水，但依家唔餐廳保持得好好唔會有成地積水，而且職員都捉海鮮好快手，坐喺度睇表演。到餐廳就見到大大嘅魚缸醬料係自助形式咁去拎嘅，真係好多醬料俾你揀，十幾款，蒜蓉、辣椒、豉油等等。蒸氣鍋有唔同套餐，仲有優惠本人食蒸氣鍋蜆，蜆肉爽口並清甜，沒有沙(要讚一讚)，蜆肉都唔細隻，蜆肉貼殼。聖子爽口彈牙，鮮甜味在口裹徘徊，聖子好大好多肉。綿綿粥底作為完美的句號，所有海鮮嘅精華都流晒比這個粥底，係未蒸海鮮之前食完要放咗豬骨同蝦去煮個粥，個粥真係勁甜，勁好味。

聽左好耐既蒸海鮮，終於有得試下果然非常新鮮！呢間店可以單點，亦有套餐A B C，最岩有選擇困難症既朋友😂店員指樣樣海鮮都係即叫即劏，保證新鮮，呢間店好特別，有幾款海鮮會加上特別既醬，例如蛋白醬，務求令海鮮既味道更特出聖子同扇貝都大隻，好鮮甜龍蝦蒸出黎，啖啖肉，真係回味無窮！最後最後當然仲有粥，正式生米煮成，最後吸收晒海鮮既精華，真係超甜 呢餐真係吾平，不過偶爾食一次獎勵下自己都係吾錯

有日同朋友睇完戲，落到地下佢就爆咗一句：不如今晚我哋食小鮮肉啦。我即時俾唔到反應，仲以為佢睇戲睇壞腦...但原來佢嘅意思係食海鮮，哈哈。結果大家就去咗戲院附近嘅正宗水上人氣鍋到食飯啦。餐廳內共分為兩層，7點幾去到都唔算太多人而上到去環境舒適，同埋地方都好乾淨。內裡有一個調味吧，有不同醬料可以選擇。當中亦有好多市面少見嘅醬汁，例如：重慶醬、湖南醬、秘製桂林辣醬，非常之有特式。而當晚只要Like 及分享發佈餐廳專頁，即送馬甲貝2隻。而且11:30後入座仲有7折優惠。而餐牌內都有好多唔同海鮮選擇以及會講解埋每款海鮮煮的時間。食物嚟到時會有個店員專幫我哋蒸野，幫我哋計時保證食材可以原汁原味。而開爐時店員將豬筒骨、南瓜、白米放進鍋，慢煮成粥。胭脂蚌外觀有少少粉紅色，肉質爽口仲有好多肉汁，而且最重要入面好乾淨唔會有沙。象拔蚌仔其中一個最鐘意嘅海鮮，大廚事先已將象拔蚌仔切成厚條，味道爽甜，而且食到象拔蚌仔嘅醬汁，唔駛沾任何醬汁。波士頓龍蝦龍蝦事先開邊睇得出非常新鮮，而且大大隻嘅龍蝦仲有好多膏，食果陣真係不得之了，啖啖龍蝦鮮甜爽口，好有驚喜。怪味禾豚肉豚肉上面放咗醬汁一齊蒸，醬汁類似沙茶醬，捲起一齊食

中菜永遠是我的首選，傳統的帶點新潮亦有細中菜永遠是我的首選，傳統的帶點新潮亦有細膩度。聞說此店的蒸氣火鍋略有名氣，今晚決定與朋友到前來品嚐過中的鮮味。我已經不是第一次吃蒸氣火鍋，所以略知一二。正宗水上人氣鍋專門店位置相當方便，在朗豪坊的斜對面。踏進專門店，有兩層之分裝修以竹作為主題。大大的魚缸旁掛上兩塊大黑板，明碼實價童叟無欺。親眼目睹海鮮的新鮮程度。我們被安排二樓的位置，直上期間已經被詩人王之渙對聯吸引著。【白日依山盡， 黃河入海流】【欲窮千里目， 更上一層樓】那麼詩意的字句，可見老闆對中國的詩詞有點認識。中國的傳統文化，真心愈來愈少見。我們被安排到圓桌位置，桌與桌之間比較寬闊不會過份擠迫。牆身的特色講解蒸氣火鍋的好處，不上火、不燒糊、營養好。對胃刺激少並老少皆宜。蒸氣的好處頗多，真的教我如何不喜歡它呢？餐牌上蒸氣鍋海鮮表列明所有海鮮及食物收費，不同貝殼類、蝦類、魚類款式甚多應有盡有。除了散叫食物還有套餐優惠，每位由$398-$598不等。從未試過此店的蒸氣火鍋，決定以每位$398 A餐開始。每張桌子上都擺上了一個小草帽的樣子並且旁邊送上一碟花生。桌上有計時器速度是自己控制，不會快蒸

呢排越出席得多飯局，越多機會食到蒸氣海鮮，所以對蒸氣海鮮既要求都提高左。今晚朋友約食正宗水上人，滿心期待，因為質素應該有番咁上下，要對得住個名！水上人地理位置極佳，旺角朗豪坊附近，集合同散band話咁易。砵蘭街兩邊好多食肆，而水上人既門面都幾夠氣勢。室內環境寬敞，分上下兩層，大伙兒齊齊蒸無難道。同時亦都唔少得水上人必有既魚缸，又大又多海鮮。每張枱都有一個好似好稻草帽既物體，其實係蒸鍋既蓋，再加埋自動化既計時操控，蒸氣海鮮 - so easy。餐牌海鮮應有盡有，又有其他"蒸得"既食物，蒸菜，烏冬，糕點等等。落完單，先混個醬。雖然呢度食蒸氣海鮮，但係都有個混醬區比食客自由混醬，而且配料勁多。象拔蚌仔平時食開長身大條，所以見到咁滴骰既象拔蚌都覺得幾得意。蒸熟之後略帶黃色，象拔蚌食落爽口，但味道略清。胭脂蚌比蜆既體積略大，更肥美多肉。特別既係肉身會見到有少少紅色，可能因為咁，所以叫胭脂蚌。波士頓龍蝦未蒸之前仍然十分生猛，即使已經切成數份，依然見到佢郁動，證明仲係新鮮。食既時候用叉叉起龍蝦肉，肉身有"彈"既感覺，食落爽口。珠江奄仔蟹蟹唔算大隻，但見到黃色既羔，我知道要將重點由蟹既大細，放番落羔度

行完街之後，只想搵一度坐低食個晚飯，求其入咗呢間，非常後悔！睇完餐牌就好想出返去。餐牌每樣嘢都係以两計算，我係無飯主婦，唔知道一隻蟹，一隻蝦要幾多两，老公叫我預算，每一樣就係幾百蚊。按我平時叫到成枱野同唔睇價錢嘅食嘢習慣，我真係唔敢亂叫，好勉強叫左幾樣較為平嘅！其實每樣海鮮嚟到的確係好大隻、好新鮮，全部都係郁郁下，見到仲覺得好殘忍😖，新鮮程度毋庸置疑！最後食粥可能因為真係叫得太少海鮮，個粥根本就同白粥無分別，只係白粥係白色呢個係黃色!！其實話佢貴係有啲唔公平，如果抱住食餐好嘅去食，有心理準備，心情會好好多，今次真係食得唔盡情但係又貴！😅

上網就聽得多水上人氣鍋多，今日終於有時間可以上嚟試一試！ 一到門口，已經見到幾個魚池，好多海鮮，睇下有咩鐘意！ 地方都幾大，坐落都幾舒服，唔會太迫。 有幾樣招牌，真係唔講唔得，首先就係呢味黃金汁聖子皇。 新鮮又爽口，粉絲同黃金汁好夾，聽講隻黃金汁醬仲係自制，岀面食唔到！ 之後到呢碟象拔蚌，好鮮甜，仲幾有咬口添！ 仲有呢隻黃油蟹，非常足料，睇下啲羔多到流哂岀嚟。 波士頓龍蝦，非常大隻，大家一人半隻都岩岩好！蝦膏依然好多，食落好彈牙，爽甜！ 今餐真係好正，好少可以响市中心食到咁好嘅海鮮，遲啲一定會再番嚟食過！

第一次來這家店吃蒸汽鍋，是从Open Rice 中找到的，想著試試新店，第一個驚喜是可以在手機APP內訂位，不用浪費時間打電話；我們訂了7：30，進店時要我們上1樓，我們有老人家不太方便，怎知店內竟然有電梯，這是第二個驚喜。我們4人，因為太肚餓了，便來了一個沙薑雞腳，然後點了12只中蝦，4只鮑魚，4只象拔蚌仔，4只大蟶子皇，12只鑽石蜆，介蘭，勝瓜和臘香鮑魚糯米飯，還有龍皇水仙粥底。雞腳很入味，也不太咸，可能太餓了，覺得吃不夠似的，越吃越開胃……開始蒸汽蒸了，各樣貝殼類都很鮮，很嫩，可能是蒸汽鍋的時間容易控制，所以吃來不會過老，很嫩滑多汁，勝瓜蒸起來也很好味，可能是已半熟的，所以時間只需5分鐘，但介蘭卻比較久了點，失了一點分，糯米飯是真人不露相，看似白白的，一點也不好吃，但原來味道是很好，但因為是最後了,吃不下，每人吃了一點點便打包；最後一定要說的是第三個驚喜，龍皇水仙粥。龍皇水仙粥是什麼呢？ 原本是波士頓龍蝦+馬騮搣茶，最初的時候在蒸汽鍋底放米和龍蝦是沒有意外的，但到最後，侍應意然說要加炸米及馬騮搣的時候，我們都O了咀，我們很懷疑，所以都搖頭拒絕，但經過那位侍應一輪勸告後,終於我們接

約了多年好友相聚，又係歡送其中之一移民在即，呢間餐廳我未食過，不過見食評幾好而訂枱，即日店員都會打電話提醒，去到安排我哋坐一樓大枱，店內有電梯上一樓，枱面一個尖頂竹籠好吸睛，套餐有3個，主要睇海鮮款式多少，我哋叫了6位B餐，點知剛落單，店員攞緊海鮮出來時，有一位原本唔來嘅朋友可以出席，再叫店員加單，店員就開始亂，不停同我哋坳啲海鮮數目！結果執好晒先開始落鍋，最底陶鍋放米及鮮雞，上面蓋好蒸架，每次只蒸一款海鮮，調較時間就開蓋，食完一樣再一 樣！等緊時可以傾訴多年情！另外有個大調味吧，食開火鍋有嘅調味料都有！可以根據自己口味調較每位$498東風螺：好彈牙，唔腥，不過用西式叉唔方便挑出螺肉南非龍蝦（半隻）好新鮮，蝦肉爽口彈牙！放落鍋仲郁，而且隻隻有膏！花蟹仔（半隻）肉質嫩滑，而且實卜卜，唔係水蟹！不過店員食蟹無比蟹鉗，唔夠細心！花蛤皇（3隻）雖然唔太大隻正常開晒口，而且無沙！烟脂蚌（3隻）大隻，蚌肉彈牙唔腥黑松露蒸元貝（1隻）其實唔落松露醬仲好，搶咗啲鮮味！元貝肉幾大隻，貝肉無沙唔腥！貴妃蚌（1隻）蚌肉大隻，無沙唔腥！黃金汁蟶子皇（1隻）黃金汁唔知係乜，朋友話係芝士海膽，甘甘地破壞晒隻大蟶子