影片
港铁旺角站 E1 出口, 步行约3分钟
继续阅读
开饭介绍
主打蒸气火锅，必点美国生蚝，新鲜大只，粥底吸收海鲜精华后更鲜甜美味。
继续阅读
营业时间
星期一至日
12:00 - 03:00
以上资料只供参考，请与餐厅确认详情
相关文章
正宗上水人蒸气火锅，当然适合我依个上水人啦！冷冷清清小猫三四只，是否因为七半开饭时间尚早呢？发现老板原来系 CCTVB 无线演员，近期都有接受过访问提及此蒸蒸店呢。有缘地撞到成堆无线艺员刚埋单离开，剩系叫得出高海宁，其他认得个样但唔记得个名，全部都安排坐楼上贵宾房啊。难得日尼女神应要出席她的生日饭，当然要食得好一点啦，预先订位就安心晒，预早一点到场打点下先。呆等成粒钟终于现身，最初以为系女神，相处下原形毕露！点知内里实为疯妇港女、低智中女！幸好及早发现，否则万劫不复，惊死朕咩！是关日尼港女不吃鸡牛羊猪等四脚温血动物，所以一心拣选全海鲜盛宴。到场前决定食阿拉斯加长脚蟹套餐，但居然已经取消变为菲律宾膏蟹餐，十分失望啊。经理推介不如散叫一只做紧特价，原价 $1888，依家 $988 就有喇。谂谂下叫个套餐再加只蟹一定食唔晒，都系放弃吧。港女话四眼阿婶讲可以自己郁手，自己蒸自己食。无理由㖞，依度系职员招乎烹煮，唔洗自己蒸架，系咪听错呀？我心谂职员唔洗做当然高兴您食自己啦，想呃胶我地吗？不过依位新黎四眼阿婶每次都有帮我地蒸食物，无事发生。叔叔、经理们都有礼招乎周到，但四眼阿婶免强可以。豪华海鲜餐 2 号，售 $600 蚊位合理经济。种类繁多，赏心悦目！南非龙虾、濑尿虾皇、海中虾、美国石蚝、海芒蚬、马甲贝、黑松露蒸元贝、虫草花蒸鸡、、生姜蒸芥兰、南瓜猪筒骨粥。套餐 D 售 $698 蚊，种类都不少！菲律宾霸王奄、南非龙虾、海花蟹、翡翠蒸鲍鱼、黄金汁蛏子皇、蒜蓉贵妃蚌、海芒蚬、花蛤皇、雪花和牛、生姜蒸芥兰、南瓜猪骨粥、马拉糕、椰汁桂花糕！超级大杂锦，百鸟归巢，万马奔腾！朝日啤酒，正板清爽醒神无揾笨！收工来几支大透心凉，怨气全消。拍照检阅后立即行动！草帽血滴子开始运作，烟雾弥漫气氛大好，怀著少女的心情期待著海鲜的降临！神奇草帽血滴子，随著水开始滚，蒸气渐渐渗出，手多摸一摸，劲烫手呀！好彩无灼伤呢。雷式混酱，简单的混酱，葱花蒜蓉辣椒已使我心花怒放，最紧要有指天椒！百搭蒜辣豉油，任何海鲜肉类都适合，提味提鲜增加食味。我真心讨厌自助调味吧，食客好地地坐系度点解要行出行入呢？既不方便、麻烦、混乱！所以我不帮衬自助餐的。美国石蚝，新鲜活开蚝才能吸引到我，平时美国胶桶蚝只系代替品，顶住瘾！海黄蚬，最细的便是芒蚬，咽咽韧韧有点瘦。海芒蚬，貌似大蚬，肉厚肥美多汁。马甲贝，长长的身躯，软软带著极甜的肉汁。花蛤皇，精挑细选一份只有六只，少食多滋味。细粒但肥美，细粒但甜美，不需调味直接啜入，蚬味海洗味融和。海中虾，生猛活泼脚踢踢，趁您地灵魂还在就先行处理，祝愿一路好走免除痛苦。爽弹多汁甜美无敌，游水鲜活完美无瑕。南非龙虾，清甜爽爽，轻轻龙虾甜。濑尿虾皇，都有五六吋还可以。虽然无膏，肉地软软充满汁液，比起其他海鲜都更鲜甜，啜得高兴无得顶！美国石蚝，鲜活即开生猛，美国桶蚝那有得相提并论。厚身肥嘟嘟胀卜卜，蚝肚爆汁甘甜无比，先弹后嫩，洒上辣椒豉油更如虎添翼。翡翠蒸鲍鱼，还以为系翡翠鲍鱼，原来香草芝士，眼大睇过龙。鲜鲍一啖入口阵阵鲍味，咸香芝士加香草，弹弹而西西地的螺味。黑松露蒸元贝，巨型洗得白雪雪一丝不苟，有诚意别于一般街坊火锅店。酱似蘑菇又似面豉，厚肉松软，肉甜醇美，黑松露酱混辣椒豉油添味提鲜。裙边爽脆海鲜味出众，过足口瘾。蒜蓉粉丝蒸元贝，见好大只忍唔住叫双试试，还以为系黑松露酱，竟会系蒜蓉既？新鲜就是最大本钱，只要时间蒸得准确就成功！不幸蒸得过熟，感到少少鞋，好采鲜甜味仍在。蒜蓉多年拍档无甩拖，添几滴辣椒豉油更精彩。蒜蓉粉丝蒸贵妃蚌，厚厚蚌肉，鲜弹多汁，甜得出奇拍手。黄金汁蛏子皇，有趣梗系要试。还以为系咸蛋黄添，原来用甜椒打成，真系甜架㖞。处理得非常彻底干净，无沙无衣无内脏无异味。预设时间蒸太耐㖞，闹钟未响就要行动，早 1 分钟起菜，但已经返魂乏术，熟到干韧鞋非常失望。理应整条导入，会甜得夸张，会鲜得出奇，爽弹幼嫩才是！侍应叔叔话因为怕粉丝太硬所以蒸耐一点，这解释有点牵强，有点妹仔大过主人婆。顶角膏蟹，套餐转眼消灭，但系唔够饱呢！唯有散叫继续加𩠌！她来自菲律宾吗？蒸熟蟹香惊叹不已，鲜气强烈，闻得到的蟹香！立即处理淡黄色的蟹膏，软滑黏黏，极浓鲜蟹味，清新甘甜！蟹肉嫩滑，鲜甜美妙。菲律宾霸王奄，何以见得系霸王呢？眼测比本地奄仔蟹大只少少。肉甜膏甘，肉实膏绵，认可。海花蟹，好细只奀滋滋，小朋友黎㖞！幸好肉鲜膏甜，嫩滑的肉，特甜的膏，跟奄仔泥蟹完全不同。生姜田园芥兰，烚菜炒菜食足几十年，人生中第一次蒸菜。菜汁百份百保存，清淡爽甜，翠嫩无渣，沾上豉油更可口。怪味和豚肉，个酱有点似印度咖哩香料，还有我讨厌的茴香。鞋鞋韧韧的瘦肉，试试就算喇。激战连场都系海鲜，感觉肚空空要来点红肉给点充实感觉。雪花和牛，质地滑而薄衣衣，和牛本身淡口再加上薄切就更加试不到味道，幸好有辣椒豉油提鲜提味。虫草花滑鸡猪骨粥，我两都不爱南瓜，走掉吧！到尾声才记起，虫草花蒸鸡呢？侍应漏单后补，搞到我都无影相啊！全部落晒煲粥一镬熟，加多一点肉味。粥底清淡，海鲜味肉甜味都微弱，辣椒豉油出场！已经食到肚胀胀饱饱的，免强吞下两小碗，其他打包返屋企慢慢叹。和牛猪骨粥，我唔食南瓜所以早就要求去掉。用上桶骨真好，劲啜甘香骨髓，何解不将猪骨腌咸才肴粥呢？雪藏猪骨完全无味，搞到连个粥都清淡如水。就算加入整碟和牛一齐煲粥都于事无补，和牛本身都系淡口。还有必须备百搭辣椒豉油，落几滴生龙活虎！冰镇小菠萝，港女极想食水果，无问题。一只甜美多汁，一只坏掉怪味，饭后果无意见。
继续阅读
成日行过见到呢间野都好似唔错咁，朋友食完话OK，所以今次就一齐去试啦。6点几个阵上openrice book 19:15都有得book，去到个阵揾lift搭个阵已经有职员系度等紧我地。入面都几大，几宽落，两个人坐既卡位都可以坐到4-6人，所以坐得舒服。叫左个A餐，每人叫一个餐就可以半价加餐牌既野，所以一人叫左一个A餐。半价加左大雪花和牛、樱花叶虾丸(其实我地只系加手打虾丸但店员比左樱花叶虾丸我地所以算啦)枱面SET时间呢个炉，够钟会响，会有店员尼帮你开盖同分埋，再帮你蒸下一样野，唔洗自己动手跟餐既贝类，芒蚬、马刀贝、花甲王，全部都鲜甜唔错跟餐既海鲜，龙虾、鲍鱼、蟹、圣子、贵妃蚌龙虾都几大只，几有味鲍鱼pat绿色野麻麻地，鲍鱼好弹牙蟹都好多膏，唔错贵妃蚌就比白汁D味遮过左，不过口感都唔错虫草花蒸鸡冇影到，不过鸡肉嫩滑，冇雪味，虫草花好食樱花叶虾丸，D樱花叶味麻麻地，可能普通虾丸会好食D雪花和牛(大) 咁就叫大份，好似细碟左少少好香油味，唔错蔬菜篮，菜心好甜最后既南瓜粥甜品(jelly)水果:桃，几好食，又大又多汁马拉糕and蜂巢糕，两样都好味食到非常饱差D要打包，而且唔洗自己动手，有店员帮我地蒸埋都唔错
继续阅读
中国人煮海鲜就煮得最好啦，食海鲜一定系蒸系最好食嘅，最新鲜最原汁原味。喺呢度食到最新鲜仲游紧水嘅海鲜，价钱合理，两个人食咗7-8 款海鲜，全部都新鲜活跳， 埋单每人都只系大概$500。 首先我一定要讲下佢嘅自家制甜品，佢嘅jelly 造型竟然做到好似士巴拿咁, 我仲问 吓？ 系咩嚟㗎？ 原来系jelly 呀. 真系做得非常神似, 大小朋友见到都觉得好神奇好得意。另外姜汁糕同埋红枣千层糕都非常之好食，一定要留肚食呢两款甜品。全部海鲜都非常新鲜， 龙虾肉弹牙，蟹肉鲜甜，蚬肉juicy 肥美， 鲍鱼配左蔬菜汁令到鲍鱼嘅鲜甜更加突出。想再食海鲜嘅时候一定会再嚟呢一度。
继续阅读
我家海鲜控老板 说要吃海鲜餐，就去吃蒸海鲜啊。叫咗一个二人餐，大概$1000 ，吃海鲜，海鲜够新鲜嘅话，清蒸加小许酱料， 就已经可以带出海鲜嘅鲜味，是最好吃的方法。海鲜盘上菜的时候超级大的一盘，好震撼好开心。这家海鲜都非常新鲜，肉嫩弹牙。 圣子、鲍鱼、贵妃蚌 都配上左三款唔同嘅自家制酱汁，非常有惊喜。鲍鱼配嘅蔬菜汁好特别，贵妃蚌配白汁都系第一次食，带出咗贵妃旁嘅鲜甜。 特别推介沙白，大蛽 超级鲜甜，非常juicy! 最后的海鲜精华 鸡肉虫草花南瓜粥 绵绵的 甜甜的。
继续阅读
提早一日订左位，但去到根本无乜人，有小小惊中伏。同fd叫左一个around 500一位既set，会有婶婶帮你逐样摆落去蒸，个底系猪骨南瓜粥，最后先食。一开始系会食几种不同既贝类海产，之后系﨡子，然后系鲍鱼，龙虾，蟹仲有鸡同甜品糕点。一开始以为会唔饱，但食到后期其实真系好够饱。D海鲜都算ok新鲜。唯二觉得不足既就系sevice比较差，同埋d海鲜自己搭配既酱料好奇怪…有白汁之类西式酱料，有点儿唔match。
继续阅读