正宗水上人氣鍋專門店 (已結業)

太座愛上跑步，經常邀我陪跑，跑了一段日子，鞋底變薄了，是時候添置另一對，來到波鞋街，大家揀一對後，又是晚飯時間。早前試過尖沙嘴的水上人，對食物質素感到滿意，而旺角也有分店，也來試一試。地方和裝修不及尖沙嘴「高檔」，樓下已坐滿，我們被領上二樓，有二人卡座，也頗舒適。上次試過鑽石蚌，味道非常鮮甜，也不需考慮，再來一碟，今次同樣沒有失望，帶淺黃色的肉，很飽滿，沒有沙，確是值得每次都點。我倆愛吃貝殼類海產，試試黃金醬蟶子皇，是用黃椒加洋蔥打成醬加粉絲，味道帶點辣，蟶子肉厚，味道不錯，但傳統人還是喜歡蒜蓉蒸較對口胃。喜歡薰衣草，喜歡薰衣草的一切，嚐過薰衣草雪糕，嚐過薰衣草奶茶，聞說有用薰衣草來蒸魚，來趨之若騖，銷魂魚是用了一整沙巴魚，切件，薰衣草的氣味沾在魚肉上，其實不錯，不過像吃榴槤，不是每個人都喜歡，魚肉幾滑，喜歡吮頭腩，味道較濃，但感受不到銷魂。南瓜豬骨粥，差不多吃石鍋必吃，加芫茜，蔥，粥夠稠，很實在，剛剛好。個人較喜歡尖沙嘴店。

今日朋友生日話想食海鮮，係旺角又廢事去到鯉魚門，西貢咁遠。就諗住搵下邊到有靚海鮮食，諗起近來海鮮鍋都好受歡迎，咁就諗到呢間水上人蒸氣鍋。閒日來都好多人，不過都好多入到去，店鋪裝潢幾靚，座位都好寬敞，仲可以睇到個大水缸，隻隻海鮮都好生猛，同朋友睇完個餐牌實在太多選擇，最後決定揀兩個套餐，勝在乜都有，唔駛自己諗。在開始蒸氣鍋時，店員將米，南瓜，豬骨等放在鍋底，應該係等最後既南瓜粥。套餐首先來胭脂蚌及貴妃蚌都很鮮味，好大粒，好好食，大家明白海鮮唔需要整得複雜，只要食材新鮮，加少少調味已經可以好美味。聖子皇上面有層金黃色汁，細問下原來叫黃金汁，主要係黃椒。味道比較香甜，聖子爽口彈牙，又大條，好滿足，隻汁好味亦無搶去海鮮鮮味。仲有生蠔，花蟹仔，元貝等等，其中龍蝦值得一提，龍蝦肉質彈牙，好鮮甜，而且都幾大隻，時間整得岩岩好，一下就起到肉，啖啖肉，好少地方可以食到咁好嘅食材。最後係南瓜粥，全晚精華所在，吸收左海鮮鮮味，令人一試難忘。

其實正宗水上人氣鍋已經唔係我第一次食，一間餐廳能夠令我食完再食，確實有佢獨特的吸引力。正宗水上人氣鍋位於朗豪坊附近，地理環境極盡優勢，今次來到才知道原來店內共有兩層，上次還以為得很少座位，今次我們上了上層，地方更加寬躺舒適，油煙味不會過濃。店內有個海鮮區，放有當日新鮮的海鮮供客人選擇。還有自助調味區，款式很多，可以隨意添加。望着餐牌真的不知如何選擇，因為海鮮種類奇多，平貴都有，不知如何是好的我們最後決定點套餐。揀了$398的套餐，原來十分豐富。另外，如果係Facebook讚好及打卡，就可每位送馬甲背兩隻，咁抵嘅事梗係即刻like。套餐係以南瓜豬筒骨粥為底，首先將材料放在鍋底，然後就開始蒸海鮮。豬筒骨都幾大舊，定必好入味。我最喜愛食蒸海鮮的原因，就是因為有專人服務，不用自己蒸，坐低慢慢傾計就有食物送上前面，正是皇帝的享受。馬甲貝 & 花蛤皇估唔到送嘅都咁大隻而且好新鮮，蒸左一陣就打開個殼，馬甲貝及花蛤皇肉很大粒，入口帶少許鹹水味，咬落亦很爽口。胭脂蚌胭脂蚌人如其名，有點小胭脂的紅色在旁邊，一咬落滲出的鮮味得以保持在口腔內。象拔蚌仔象拔蚌已預先切成一條條，蒸煮時間剛好，令象拔蚌不會變韌，而

第一次食蒸氣火鍋，聽就聽得多，酒樓都已經有得食，但本小姐咁耐都未食過，朋友帶我嚟呢間，從此愛上了，水上人，蒸氣火鍋！呢間係專門食蒸氣火鍋嘅，食嘅都係海鮮，都預夠何包去豪食一次，不過都吾會貴嫁!食左花蟹仔，原隻拎去蒸，即蒸即食，爽丫，好新鮮，肉質實，膏都係有嘅，但吾會話係爆膏，都已經好滿足了，蒸出嚟時間岩岩好嘅，好鮮味！再嚟黑松露蒸元貝，呢個仲正個蟹丫，講真，因為蒸到元貝岩岩好，真係岩岩好，仲係軟軟地咁反而好正，好滑，好大粉，好鮮味，上面嘅黑松露都好多，但又吾會over左元貝嘅味道，講起都流口水。仲有聖子，大大隻，先要讚下洗得好乾淨，一點小沙都冇，上面嘅橙色醬係燈籠椒加其他香料嘅，所以少少辣，反而增加了不少惹味丫。食左咁多海鮮，食肉獸嘅我見到和牛點會吾嗌，正到流，仲問我地要幾成熟，咁靚嘅和牛，五成我覺得最正，店員幫我地真係整到五成熟，仲有少少血水，正，入口即溶，太美味啦。最後下面仲有粥，其實仲嗌左菜，蚌等，太多太正，大家真係要去食過至知幾正，我都諗緊約第二班朋友再去食，好回味丫!

要數近年最hit 的火鍋一定是蒸氣鍋。繼韓式九層蒸海鮮塔後，逐款逐款海鮮蒸的蒸氣鍋大受歡迎。個人認為蒸氣鍋比九層火鍋更為優勝，九層火鍋把不同的海鮮置於不同層同時蒸煮，難以完全掌握每層食物的生熟度。食物同時烹調完成，容易放涼降低食感，人們亦不自覺吃得較急，未能好好享受食物。蒸是最健康的烹調方法，蒸氣火鍋減底了傳統煲煮式火鍋的熱氣感。蒸煮食物比煲煮式更能減低食物精華的流失，保持食物的原汁原味。早前吃過海鮮蒸氣火鍋，食物鮮味無比。特別是鍋式的那窩粥，經由蒸氣逼出的海鮮汁落入鍋底的粥中，粥品滿載海鮮精華，令人垂涎欲滴。食過返尋味，今天終於按捺不住再戰海鮮蒸氣火鍋。正宗水上人氣鍋專門店就近朗豪坊，店舖為靚裝中菜館的格局，餐桌採用雲石面，顯得格外高檔雅致。話明是「水上人」，海鮮當然是主打。五層高的海鮮缸陳列著各款生猛海鮮，齋睇都令人充滿期待。海鮮有逾五十款選擇，名碼實價，價格合理。蒸氣鍋採用蒸餾水來蒸煮食物，特別安全衛生。食物被蓋上藤製的三角錐形的蓋子，有助阻隔熱力的流失。餐牌上每款食物均列明所需的蒸煮時間，由最短的45 秒至最長的15 分鐘不等。基本上食客不需理會食物的蒸煮時間，服務員會協助於計

我同事最近食完呢間水上人蒸氣火鍋大力推介，講到仲好食過西貢海鮮咁，決定今晚我又去食下。menu都有好多海鮮選擇，仲有好多高級食材，例如象拔蚌刺身，南非龍蝦等等。刺身就冇食啦，不過南非龍蝦都有去試，真係勁勁勁好食丫，好新鮮，肉質彈牙，好多膏，好鮮甜，而且都幾大隻，好少地方可以食到咁好嘅食材，乜醬料都冇落，食其鮮味，超好食丫！之後食左胭脂蚌同花甲皇，未蒸就咁睇都已經好新鮮咁嘅樣，蒸完好大隻，不過有少少蒸老左少少，可能因為我地傾計冇留意已經蒸完，又遲左嗌到店員幫我地拎返上嚟，所以老左少少，不過店員之後都成日主動走嚟幫我地拎野食整，又幫我地換碟，又問岩吾岩食，服務好好丫：）之後仲記得有美國石蠔，好大隻，蒸完都有成隻手咁大咁濟，好肥美，蠔味濃，又係就咁食都已經好鮮味好正，其實吾洗點醬汁都夠晒正丫。食左咁多海鮮都有食到菜，娃娃草蒸上嚟好好食，好軟，上面加左冬菜？咸咸地，食下菜好舒服。食埋下面嘅粥，真係食吾晒好飽，好滿足嘅一餐丫。

和朋友來到這間水上人食海鮮，件件食物都新鮮，實在要推薦給大家。我們選了B套餐，有生猛的花蟹，當職員放它入蒸鍋上時，蟹的腳還生猛地動呢!食上去肉質鮮嫩且啖啖肉，使人非常滿足。套餐的胭脂蚌及貴妃蚌都很鮮味，而且大大粒，雪花和牛也有很多肉汁，十分好食!

今日黎旺角揾個朋友，跟住為左揾個地方好好坐低傾下偈，就費事周圍搵野食，一上openrice就見到呢邊開左呢間食蒸海鮮嘅舖頭，於是就簡去左果度開飯喇。黑松露大扇貝黑松露大扇貝好香黑松露味，而且蒸出來一食到佢果陣松露味，唔需要其他任何嘅調味都已經好令人滿足。蒜蓉蒸黃金甲出黎之後入口有濃濃嘅蒜蓉味，而且好夠鮮味，不過入口有小小沙。臘味鮑魚糯米飯鮑魚入口夠彈牙，而且有口感，糯米飯又夠晒結實，唔會軟淋淋。銷魂魚魚肉入口鮮美，肉質細嫩，魚味十足，我都係第一次食蒸魚係加左薰衣草，不過食落真係比傳統嘅煮法更細嫩，而且仲有種獨特嘅香味。南瓜排骨粥(細)南瓜完全溶入左粥裡面，入口嘅時候就食得出南瓜味道都唔算太淡，而且又有雞嘅鮮味，感覺有點令人驚喜。。。

留意左水上人氣窩好耐 次次去親朗豪坊做野一定會見到佢個大招牌 但次次都冇機會食朋友爭我餐生日飯好耐 話請我食水上人氣窩補數咁就試下呢間野啦離遠都望到個招牌 都幾搶眼入餐廳會經過魚池 可以睇定食咩海鮮 餐牌都幾多野揀 諗食乜都諗左幾個字餐廳有個promotion做緊 like佢地個facebook fan pages再打卡 就會送大元貝/蟶子王/石蠔/甜蝦剌身同朋友諗左陣就揀左要剌身 店員一拎過泥以為比錯左 立即捉個人泥問下啦 原來打卡送既甜蝦剌身系會跟埋其他剌身你無聽錯真系咁抵！海鮮我地分別叫左黃油蟹、瀨尿蝦、石蠔、帆立貝同蟶子王帆立貝上面有d黑松露汁 肉質幾爽口同新鮮 d汁仲要好甜好好味..蟶子王就配黃金汁 食落去係辣辣地既 店員話呢個汁係用黃椒提練出泥 外面未食過 幾特別！蒸黃油蟹又香又多羔 同埋size都唔細 食左半隻都有d膩呢個石蠔我覺得幾有驚喜 咬落去啖啖肉又爽口 仲有好香既蠔味 出乎意料地好食 蒜蓉蒸勝瓜勝瓜蒸到淋曬 索埋d蒜蓉汁勁正 惹味又可口 同朋友搶住食 我最鐘意食雞 所以個粥就揀左霸王西施粥店員走過泥加小小水再煲一陣就食得聞落夠曬香 雞既份量都幾多 起碼有四至五碗

呢間蒸海鮮最近好出名！係Facebook 見到朋友share出黎打卡，即刻打去訂檯！當晚既海鮮價錢，唔怕好似西貢咁比人呃！ 明碼實價！very good ！估唔到旺角都可以揀海鮮啊！ 好似去左鯉魚門咁！好多生猛海鮮！！哥哥仔介紹今日龍蝦又大隻又新鮮！ 果然無介紹錯！ 大過隻碟啊！！！頭的蝦膏亦好多！ 哥哥仔會幫你set好晒時間，唔怕蒸過火，呢隻龍蝦仔蒸得剛剛好！ 用叉一吉就可以整隻拉出黎食！蒸得多果然有經驗！蝦肉十分彈牙！ 蝦十分鮮美！老闆應該係識人先可以拎到咁平咁靚既海鮮！每次亦十分期待蒸鍋裡既海鮮！一開始既粥底，本身已經有雞調味！加上一路蒸既海鮮，大家都好期待！最後加上炒米哥哥仔經驗之談，話要加少少水上煲！基本上全餐飯都好放心交比佢！最後十分十分綿既粥！十分滿足！

海鮮-顧名思義嚐其鮮味。除了煎炒燜燉炸外，清蒸大概是最能保持原汁原味的方法，不需調味，已經鮮味無比。父親節前夕，帶家人一同前來品嘗，要慰勞爸爸的辛苦。四個人點了最豐富的C餐，每位盛惠$598。龍蝦，貝類，象拔蚌仔，鮑魚，蠔，聖子皇，元貝，和牛，菜，粥。想吃的，都齊全了。落單後，即見店員落手挑選海鮮，真令人期待。每樣食材的蒸煮時間都不一樣，值得一讚的是店員會調好時間，時間一到就可馬上開餐，方便不少。先來貝類，花甲最為彈牙，肉質實在。沙白較為爽口而且清甜。一開始見到還以為面層黃色的是海膽汁，原來不是，是黃椒。味道比較香甜，聖子爽口彈牙，本人還是覺得這個原汁原味比較好，黃金汁的味道搶去聖子的風頭了。龍蝦呀！！剛是份量就令人食指大動  啖啖肉的口感，膏的甘香令人欲罷不能！真想再encore。輕輕一蒸的象拔蚌仔，比想象中的鮮甜，咬落去有刺身的咬口，但更為嫩滑清香。本人對蠔的興趣不大，加薑蔥後的蠔對於我來說還是太腥了。黑松露元貝，黑松露太喧嘩奪主了，清蒸後的黑松露比平常吃到的好像變了味，濃郁的味道蓋過了元貝的鮮。鮑魚咬下去比較結實，味道比平時燜的更清。在開始蒸汽火鍋之前，店員早已把米，雞肉放在鍋

水上人氣窩在砵蘭街已打滾了一段時間，記得每次經過總會被它的招牌吸引住。很多吃過的朋友也異口同聲認同水上人氣窩用料新鮮且正宗，但可惜一直未有機會嘗試。今天老友生日，就順李成將帶他來吃個海鮮大餐水上人氣窩位於旺角砵蘭街，正正是朗豪坊的斜對面，大大個招牌十分好找。星期日的晚上，門口站滿等位的人潮，幸好有預先訂位。店舖面積大，單看外表完全不能想像有3層樓，而且還有專用lift甫進店內，立即被大魚江吸引住，目不暇給，牆上寫滿精選海鮮類。另外還有醬料區給客人混醬。臨臨種種的海鮮都有，總有一款岩心意。Manu價錢一目了然，不怕吃到一頸血提提大家: 每位客人只要在facebook打卡和讚好，便有免費的海鮮或剌身吃蒸氣窩最誘人的一定是最後那碗吸滿精華的粥水，店員先在蒸氣窩下層放進生米，然後把它慢煮，到最後便成為美味的海鮮粥底朋友無雞不歡，我們選了霸王西施粥(細) $88作粥底打卡送的剌身拼盆完全不失禮，牡丹蝦還是從魚缸即場撈起，上枱時蝦頭還在郁！非常生猛，立即相機食先📸📸📸吃完剌身後，事不宜遲馬上開始蒸海鮮！揮一揮手，店員便主動前來詢問要先蒸什麼，就先蒸大元貝作頭炮吧黑松露蒸大元貝 $96黑松露配上大元

現在的海鮮蒸氣石鍋開到成行成市，連普通茶餐廳都有得食！不過最元祖的非九重鮮莫屬吧，再來就是一連開了很多間分店，近來轉埋做半任點任食的潮福！小妹只有食過潮福，再來就係今次這間水試人了。睇報導話係無線電視一位藝人開設的，旺角分店外，近來在尖沙咀也開了分店。旺角店的位置頗方便的，雅蘭中心出口後，步行約兩分鐘就到達。.店內因都座滿人就不多影了，不過也影這放活海鮮的位置。.餐廳佔地兩層，更有升降機載客；上到去環境頗舒服的，又不會太吵，有卡位座也有大圓檯。.茶芥醬油每位$28，花生一圍一碟收$10，另加一服務費，另外揀了一個霸王西施粥（小）做粥底。如果店內有供應埋蔗汁和酸梅湯等就好了，因為今次去只有茶、酒和汽水選擇。.醬料區，選擇比一般火鍋店來得多！.加拿大象拔蚌 $388食蒸海鮮前，友人提議先叫一份象拔蚌過過口癮。象拔蚌切得厚度適中，每片食落仍帶有爽脆彈牙的口感。.波士頓龍蝦 $228/隻波士頓龍蝦叫一隻每人一半就夠晒滿足喇，用叉子挖出大舊龍蝦肉，光是簡單清蒸已食到龍蝦肉的爽彈和鮮甜，滿足！剩下鉗的位置，餐廳也細人的有提供用具讓客人使用啊。.紐西蘭鑽石蜆 $68/份要說到這裡最鍾意的海鮮，非鑽石

事隔數月, 再一嚐蒸氣鍋既鮮味今次黎到呢間氣鍋專門店, 入內座位坐得舒服, 而且樓上仲有一層, 完全唔會覺得迫!Menu有3個set可以揀, 適合唔想諗野既人! 比較完之後都係決定散嗌, 可以試多幾款野食!叫完野食就可以出去自選醬汁配料, 仲有XO醬揀!*一拎起餐牌, 女侍應即刻提醒like, share & check in 佢地個FB PAGE就有其中一款野食送!我地揀左黃金汁聖子皇, 新鮮爽口, 加上自制醬汁, 正!!!個人比較鍾意貝類海鮮, 所以嗌左花甲同鑽石蜆, 同樣鮮甜多汁!主角波士頓龍蝦, 勁多膏, 而且肉質蒸到岩岩好, 非常爽口! *必食推介*雪花和牛粒, 份量都唔少, 而且好有牛味, 蒸完唔會過韌，值得一試!半份蟲草花蒸鮮雞, 份量都夠4個人食, 鮮雞配上蟲草花, 非常惹味, 肉質亦好嫩滑!淨係食海鮮唔夠飽?臘香鮑魚糯米飯絕對係飽肚之選!鮑魚粒配上膶腸同臘腸, 再加上自調既XO醬豉油,糯米飯入味又惹味!少見既冰菜本身比較爽口, 再配上欖菜肉崧, 確實生色不少!黎食蒸氣鍋例牌必嗌既粥, 吸收晒海鮮既精華, 充滿鮮味!埋單後, 服侍周到既女侍應再捧上一碟西瓜作結。