正宗水上人氣鍋專門店 (已結業)

蒸氣鍋既熱潮持續到依家，今日終於去嘗試下。7點鐘去到已經有好多人食緊，我都急不及待睇menu點菜由於星期日父親節，普通2人起套餐暫時停左，所以就要散嗌。聽身邊d朋友講食蒸鍋一定要整個粥底鍋，上面蒸緊海鮮時下面鍋就煲粥霸王西施粥，其實就係雞粥。加哂材料再落水慢慢滾，值到你蒸哂你點既食物。過左9個字後，雞粥都煲成了店員最後會灑上d炸米，搞兩搞就可以食喇D粥好棉同時有炸米令到成個感覺好特別。有d脆脆係一啖又棉又滑既粥到D雞滾左9個字都仲好嫩滑因為2個女仔食得唔多只係叫多份花蛤蒸來食。隻隻都浸得夠耐好乾淨，點解咁講？因為每一隻除左食到陣鮮甜帶點兒海水味既花蛤，一粒沙都食無咬到可以好放心食。粒粒肉都大粒又厚下次要約多d人來食

呢間鋪有幾層 地方夠大夠多位 座得比一般餐廳更舒服 佢本身都好多野食簡 真係樣樣都想食 象拔蚌刺身拼盤 呢個係like佢facebook 就有 我一開始以為得象拔蚌 點知仲有三文魚 希靈魚 8爪魚呢d 好新鮮 送既都有咁多份量好低黑松露蒸大元貝 粉絲低佢個元貝好大隻 蒸得岩岩好 好彈牙 佢黑松露汁入面仲有菇菇 增加左口感食既過程有專人幫我地計晒時 超方便 唔洗驚熟過頭 海中蝦仲係識得郁 超新鮮 又大隻好爽甜 入面仲要有好多膏白汁貴妃蚌呢個蚌好好食 好厚肉 個汁都唔會好膩花蛤皇紐西蘭鑽石蜆其實我唔識分邊隻係花蛤或者鑽石蜆😂好鮮甜 最緊要冇沙 就咁食唔點䜴油都夠晒清甜同埋夠晒大隻 有口應

蒸海鮮吃過數間，不是每一間都好吃，今次經朋友推薦來吃這間蒸氣鍋，說海鮮很新鮮，一試果然不錯，有水準。鑽石蜆份量多，有13隻，好大隻而且隻隻都很肥美。原本有d怕太大隻會冇咁好食，不過食落口先知肉質彈牙，鮮甜多汁，只需點小許豉油來提升鮮味已經很好吃。蒜蓉蒸扇貝扇貝頗為大隻，加上絕配蒜蓉同粉絲，和時間控制得剛剛好，咬落彈牙，味道鮮甜，非常好味。黃金汁蟶子蒸蟶子比炒蟶子多左份鮮甜味，肉質爽口，加上粉絲同黃金汁一齊蒸，味道唔錯。翡翠汁南非鮑魚鮑魚都幾大隻, 鮮甜彈牙, 蒸完一d都唔韌。香草汁手打墨魚丸墨魚丸打到起膠好彈牙足料，加埋黑松露落去就更加香口。海花竹蝦竹蝦好大隻，即撈即蒸，非常新鮮，蝦肉爽口彈牙，不用點醬油都好食。雪花和牛脂肪比例小，但不會因而變韌，夠腍身。雖然並非入口即溶，不過反而牛味濃，煮法又比打邊爐健康，不錯。

材料好新鮮女朋友想試蒸鍋，便上Open Rice check 下有咩好介紹，俾我撞彩搵到間咁好味嘅貴妃蚌，花蛤，象拔蚌仔都好新鮮，清甜服務員好好，招呼週到得很，蒸的時間又掌握得很好，換碟換得很密已經很耐沒有遇過這種服務了聖子超大隻，再加上秘製醬料，美味無比龍蝦肉爽，膏香，材料新鮮外，還要蒸得剛好奄仔蟹肉嫩有膏，冰菜，很嫩，爽甜到最尾，精華所在，當然就是這個粥，所有海鮮的鮮味都落在粥內再加上脆米，真是很滿足

潮流興海鮮蒸汽鍋，今日首次和朋友來到水上人試下，一嘗佢既魅力由於佢地供應嘅食物種類超多，我地選擇左叫套餐，唔洗諗好方便!!我地分別叫左唔同既set餐，所以平時街市見到嘅海鮮都幾乎上曬枱!!一開波工作人員先整好個蒸氣鍋靈魂---雞粥底wich我地係超期待嘅然後就逐一將啲海鮮放上粥上層蒸熟上碟!花蛤大大隻，冇沙，食落好鮮美!! 珍珠蚌、象拔蚌一啲都唔腥，蒸既時間亦控制得恰當!爽口彈牙，賣相感覺好乾淨新鮮，大啖食完全冇顧慮!!生蠔 、扇貝手掌咁大隻! 口感豐盈，超juice食左頭幾樣已經好有滿足感，值回票價!睇埋跟住上嘅 波士頓龍蝦~大過我塊面肉質鮮嫩剔透，放落個鍋度仲郁左幾野有啲殘忍、但證明佢係新鮮到冇朋友!!啖啖肉，唔洗點醬油，原汁原味!不得了! !接住仲有兩款蟹!我食左花蟹，呢個時候有啲飽!但見隻花蟹飽滿又結實既蟹鉗彷彿向我招手，唔食對唔住佢食埋幾個菜同肉， 期待已久集合各款海鮮精華嘅雞粥底終於上場，可以想像得到佢既味道嗎？!!冇需落調味，充滿海洋氣息，鮮甜美味，好飽都難以抗拒砌左兩大碗唔緊要!!呢餐海鮮鍋好食得來營養十足又唔熱氣!!唔試過真係唔知有幾潮流興

以前食過蒸鍋，係好多層，食完一層又一層，有點趕傾計又吾方便這裏只是一層，好好多慢慢食，慢慢歎海鮮很多，很新鮮服務員好細心，先放米和雞在鍋中然後逐一替我們蒸，計時，每食一樣都換碟很體貼呢我們㨂了套餐，已經好夠聖子超大隻，鋪上特製醬料，鮮甜無比象拔蚌仔鮮甜爽口，不需醮醬料都已經好好味貴妃蚌，嫩，爽，清甜，蒸的時間剛好龍蝦，肉爽，有膏，啲膏香甜無比，真是大快朵兒奄仔蟹，細細隻，但剪開。。。啲膏滿到瀉真係好耐無食過咁多咁新鮮嘅海鮮呢

今日特登4條友黎呢間食 呢間裝修得好靚 見佢有晒魚缸d野好新鮮咁 簡左好耐 最後我地都係散叫 d野都黎得好快 賣相好是正 D野黎到有個哥哥專幫我地蒸野 幫我地計晒時 同埋一夠鐘就幫我地夾起 真係懶人餐咁美國桶蠔佢既蠔都好大隻 好鮮甜 冇雪味 好低食 有成6隻黃金汁紐西蘭蟶子皇 蒜容粉絲低佢既蟶子好爽口 個汁我覺得似蛋黃醬 幾好味 再加埋蒜容好香南非龍蝦佢湯開左一半仲識郁 呢隻肉多 仲要有膏 d肉都好爽口 夠大隻 好好味雪花和牛佢好厚身 不過都好林 啖啖肉 仲好香牛肉味 水上神仙粥佢用左椰青水 排骨去煲 再加埋我地既海鮮 超清甜 食完好飽 不過都要食多兩碗 有晒咁多樣野既精華 真係不得了

近年大行其道嘅蒸氣鍋，小弟唔算食得多，皆因食蒸氣鍋以品嚐食物嘅鮮味為主，所以，一間店食材嘅優劣就成為成敗關鍵。早前同食友飯聚，就聽佢猛讚依一間「水上人」，仲標以正宗，今晚就嚟到一探究竟喺咪好似食友所講咁正 。門口仲架起名廚「周中推介」，不過，好搞笑，佢推介唔喺有咩正嘢食，而喺唔同嘅優惠時段，果然鬼馬！踏進餐廳，一室裝修以竹作為主題，雅致不庸俗，加上樓底高，枱櫈安排唔太逼，所以，感覺闊落舒服。尤其4人卡位，絕對無逼逼夾夾嘅感覺，枱嘅長闊都比一般大 。正如上文所講，食材嘅質素好重要，當睇到偌大嘅魚缸，放滿唔同種類、生生猛猛嘅海鮮，會唔會令你信心大增呢？此外，魚缸旁掛上兩塊大黑板，正正就喺是日時令揀手海鮮，明碼實價，童叟無欺。食海鮮，比起散點，叫套餐就易圍數。嚟之前都睇過人家嘅食評做參考，所以，心裡有數。餐牌一面喺散點食材，另一面就喺唔同級別嘅套餐（全部兩位起），我哋就揀個中價位（$398 / 位）嘅B餐 。影埋個酒水牌，俾大家有個參考。不過，一如好多中菜館，既收花生（每碟$10），又收茶介醬油（每位$28），仲有加一服務費依等傳統巧取嘅收費。老實講，花生都算喇，但茶介醬油就自覺有啲多

琴晚帶媽咪同姨媽去覓食，帶住長輩，就想揀間坐得舒服又好食既地方行到嚟正宗水上人氣鍋，見到舖𥚃面大大張枱，我地又四個人，入面水缸啲海鮮又幾吸晴，就入去試試佢坐低既時候，有位好好笑容既女侍應提我地記得like, share同check in佢地Facebook page，每人就可以揀一份特選海鮮睇左一陣menu，最後決定散叫，試下自己想食既野侍應推介胭脂蚌，第一時間梗係點左佢先啦，其後點既食物都好快到枱，場內既侍應都好細心，一聽到鍋既倒時計響，就會過嚟幫我地開竹蓋同分食物，再放其他食物，㩒埋時計，我地淨係等食得架啦講返胭脂蚌先，$68一份有6隻食落好有水份，好鮮甜，又有咬口係今餐最好食既海鮮之後係facebook優惠送既黑松露元貝同蟶子個人覺得揀蟶子好似抵食啲，彈牙又大隻再嚟係波士頓龍蝦，$228一隻我地4個人，其實點一隻都足夠龍蝦肉好爽，蝦膏又無腥襯熱食特別甜鑽石峴，$68一份，花蛤皇，$78一份要比較既話鑽石峴係大隻啲，但我最中意既都係胭脂蚌可能係我擺凍左先食，無咁甜但幾個人點佢又幾抵食既每人都分到幾粒架雪花肥牛粒，$198一份呢個真係唔錯先講份量，我地四個人食，每人分到5至6粒粒粒都

經過砵蘭街就比依間店舖吸引住，見到張張枱都有頂越南草帽，好打意喎，睇真啲原來係蒸氣鍋。蒸氣鍋 - 響香港真係第一次見依種草帽蒸氣鍋，通常見都係鏽鋼蒸鍋，比人有種冷冰冰既感覺，依度就真係溫暖好多。黃金汁蟶子皇 - 叫得蟶子皇，當然size 都有返咁上下啦，不過上面個醬就食唔出有啲咩，但食落新鮮爽口就一定無得輸啦。黑松露醬蒸大元貝 - 黑松露味濃原來配清清地無咩味既海鮮原來都唔錯喎。而佢地黑松露既份量都控制得幾好，如果太多就會蓋過帶子原有既鮮味。手打四寶丸 - 四寶丸有牛丸、墨魚丸、蝦丸同豬肉丸，佢地既蒸肉丸比較濕，唔似得有時食山竹牛肉咁，會感得太乾，可能會係即蒸即食既原固，入口彈牙好食，唯一要彈既係份量，每款得3粒，如果有4粒，我會覺比較滿足。金蒜糯米蒸花蟹 - 當然依個係重點所在啦，就小第所見真係枱枱都有叫，相信大家都預期好好食，當然無錯啦，軟綿綿又煙韌既糯米飯吸晒蟹入面的精華，又點會唔好食喎。不過呢如果上面果隻唔係花蟹，而係水蟹我一定會再加分。

今晚同朋友去旺角食海鮮,尼間店嘅環境好靚，好有特色嘅裝修，好多睇得到嘅新鮮海鮮，好新鮮。。服務態度好好，有專人幫我地按食物所需要蒸嘅時間，到時間有專人幫你，全程我只需要動口就ok喇，皇帝式享受吖我地點左南非龍蝦，好新鮮，我地系蒜蓉開遍蒸，蒸6分鐘.好甜好彈牙，食得到嘅新鮮。蝦頭仲頭蝦膏。好正。呢個水上神仙粥，用椰青水配西施骨加珍珠米一齊煮，之前鮮甜海鮮嘅精華留下落去，好甜，西施骨D肉好煙韌，好有肉味，粥加左幾種配料一齊食，增加甜味，又豐富口感，超級正美國桶蠔都系清蒸，蒸4分鐘，蠔好大隻，好肥美，咬落去啖啖肉，仲好清甜。花跲皇，蒸4分鐘，距嘅清甜留曬在唄殼裏面，可以食得到甜甜嘅汁，精華所在啊，好正，肉質彈牙，新鮮黑松露蒸大元貝。好多黑松露鋪在厚大嘅元貝上，蒸4分鐘。元貝嘅清甜配上黑松露嘅惹味，成個口感豐富左，不再單調。而且好彈牙。海花竹蝦，我見到蝦仲好新鮮，蒸4分鐘，去左蝦殼，蝦肉好彈牙，無法分開幾次食，想一啖食曬，實在太甜太鮮啦，

今日我同啲朋友一齊去食蒸氣火鍋，去咗旺角依間，因為我地見到小小店內有好多新鮮生猛嘅海鮮，我地等咗一陣就有位啦，一坐下店員就向我地介紹，飲品同海鮮，我地一行四人，點咗兩隻龍蝦，神仙粥底火鍋，桶蠔，聖子，海中蝦， 馬甲貝，黑松露扇貝，先講下龍蝦，龍蝦新鮮到切成一半落鍋蒸嘅時候仲跳緊，証明非常新鮮，肉質彈牙爽口，鮮甜到不得了，神仙粥底火鍋 係用椰子水加珍珠米加排骨，啲海鮮汁入到粥到非常好味，桶蠔好大隻好有肉汁，蟶子用上蛋黃醬，蟶子新鮮彈牙， 海中蝦用竹籤串上既時候啲蝦仲跳緊，蝦味十足新鮮可口， 馬甲貝蒸四分鐘，海水味道重仍然留存喺裏面，非常好味， 黑松露扇貝，黑松露醬非常夠味 配上新鮮嘅扇貝，無想過西式嘅黑松露醬配上中式嘅扇貝係非常之配合

當看到人氣博客和媽媽母親節來吃飯的時候，記得上次曾經和我的媽媽吃過潮福佢非常讚不絕口後，一直想找個機會和她吃多次蒸氣火鍋。特別是我幾個月前已經留意到水上人氣鍋，看到食評或Instagram 的相片都非常吸引，我經常想來到這裡，然後我想，我都可以跟風學食家搵食。但我媽媽不是省油的燈，要約她食飯並不是咁容易，在約她之時，有人近水樓台先得月，朋友叫到去呢度食，我又貪食，當然當去試菜睇下係唔係真係咁得，等下次同阿媽食選擇不會錯，有信心推薦始終是要自己吃過的。於是，今晚就來到這裡吃期待了很久的晚飯。如果你看到沒緣份為標題而到現在為止你也不明白為什麼，一點也不出奇。話說其實媽媽本身約我今日又係食火鍋然後直落睇鬼戲，然後媽媽因有事放飛機，最後佢個邊又有事改時間，最終她沒有食晚飯，落得我非常急忙地吃完這個火鍋趕去和她看戲。有時，和愛情一樣，吃東西絕對是一種緣份。完全不難找的位置，就在朗豪坊附近，地點非常一流。餐廳都幾多人，記得如果你同媽媽來吃飯一定要訂位。先來冷盤，加拿大象拔蚌，三百多就有一定大隻的象拔蚌，毎片切得厚度適中，加上豉油山葵，沒有不好，最重要是試得出刺身海鮮的質素有番咁上下。紐西蘭鑽石蜆，

我其實幫襯過旺角水上人好多次，每個月都最少有一次嚟同朋友晚飯，講真，價錢就真係唔算平，但過住服務都叫可以，海鮮又叫新鮮，所以keep 住會幫襯，可惜，惡夢來了。。。。。自從尖沙咀店開咗之後，以前旺角店熟口熟面嘅伙計陸續唔見哂，其實唔緊要，我嚟食嘢啫，點知今日大件事。。。。。第一，落單上菜嚴重錯漏。四個人叫四隻蟶子，嚟得一隻，我睇到都呆咗，唔緊要，補返咪得囉。點知，等多成半個鐘，叫嚟錯咗個芝士漿蟶子，錯完又錯，又等多半個鐘先有，前後蟶子都等咗一個鐘。最後，有個山水豆腐未上，咁又催呀催呀催，催咗又一個鐘，我話我唔要喇，埋單，佢即刻跑入廚房拎出嚟開返個爐要你食埋佢第二，伙計新手好唔專業。因為真係等得太耐，啲粥都煲到干水，叫伙計過嚟搞搞佢，點知。。。。佢成壼滾水倒落煲粥到，你知唔知煲粥變咗乜呀？咪好似打邊爐咁囉我都已經咪計分食物多次跌落張枱果啲。最後，我想話我係CD rom ，從來都冇寫食評，但真係唔好意思，今次真係太過份，而且，我真係全晚一句sorry 或者唔好意思都冇聽過

家有家規，配上規字在現代好像過於陳腐，不過有時一個規字會引致一些良好的結果。如母親從少規定全家每個月都一定要外出吃頓飯一樣。不過他們的要求永遠都非常高，爸要大魚大肉，媽要價錢相宜合理，每次找餐廳都讓我相當煩惱。幾乎很少有他們會滿意的一頓飯，就像母親煮的飯很少會讓兒子滿意一樣。很久之前乘熱潮吃過的潮福蒸氣鍋，總覺得有些昂貴，半條東星斑要價上八百元，令人咋舌。從此就很少再去光顧這一類蒸氣鍋店，後來各式各樣的蒸氣鍋店如雨後春筍般百花齊放，良性競爭令價格回落，才不至奇貨可居，成為很多人都樂於接受的一頓飯。父親從少是水上人，海邊長大水性極佳，每每聽他講述捉海膽和找龜蛋的故事，津津樂道，也要求極高，母親廚藝比父親高明很多，但說到蒸魚，父親的手藝就始終略勝半籌，亦令父親的嘴極饞，不鮮不吃，經友人介紹，這夜就訂下了這張枱，來讓父母嘗嘗這氣鍋的鮮味。蒸氣鍋的熱度基本上高達四百度，源自雲南，以草紮裹瓦蓋的方式，所以蒸的時間基本不會超過五分鐘，一個鍋下面連上一大瓶蒸餾水，單單氣鍋已經值上二千多元，引用母親的一句話：「外出吃就吃一些家裡弄不了的東西。」比起普通鐵鍋，瓦鍋的保温能力最好，草鞋般的外貌基本上只是防