正宗水上人氣鍋專門店 (已結業)

喺朗豪坊行完街攰攰地，睇吓open rice 附近有咩好食，見到有間水上人氣鍋專門店係附近，天氣尼幾日又凍左，啱晒而家食，去到因為太多嘢食選擇，實在唔想諗所以嗌咗套餐，嘩！啲蜆勁大隻，生蠔同手掌一樣咁大，而聖子同扇貝都有啲醬汁係面配搭一齊蒸，出嚟效果非常之美味，最後食個粥，粥底勁多料，鮮味道不得了，同平時食開嘅好大分別，以後喺朗豪坊行完街都一定會再嚟食。

朋友敘舊，選了這間坐得舒舒服服的正宗上水人氣鍋。海鮮蒸氣鍋不是第一次吃，但這間的海鮮真是誇張得很，不得不like一下。我們叫了套餐A ,有幾款海鮮的選擇，最後還有那個粥底，一般晚餐來說也是足夠的。最最最誇張的是波士頓龍蝦，簡直是巨型size ,大得連那個蒸氣鍋也差不多放不下，一人有半隻，蒸熟後，根本不需要點任何的醬汁，本身只只龍蝦的鮮味已經是十足十足的鮮甜，而且非常彈牙，肉質十分爽口，而且啖啖肉，單是這隻波士頓龍蝦我已經非常非常之滿意較為有特色的是黑松露元貝，蒸熟後一打開蓋的黑松露簡直是芳香撲鼻，令人即刻口水流，元貝的份量也很大粒，兩者的配搭出奇地match ,很少蒸氣火鍋的地方可以吃到這麼高貴的食材，抵讚啊還有一款叫做怪味豚肉，起初也感到莫名其妙，什麼怪味？蒸熟後，雖然我說不出它是什麼味，但是這個味一點也不怪，而且還很嘢味，團肉切得薄薄的，半肥瘦，不是街邊求其瘦肉，廚師鋪排得很精美，看得出這店鋪很用心地為顧客安排食物。最後那個粥底，這間的粥比較特別，這個米特別大粒，所以食落去好有口感，當然整個套餐的海鮮精華也滴了落去碗粥度，不用多說當然是十分十分的鮮甜。整體對於食材十分滿意，店員會逐

適逄朋友聚會又有朋友生日，大家都贊成食餐豐富左簡右簡決定食海鮮，原本朋友提議食蒸海鮮都怕太淡味，因為自己鍾意食濃味野，但食完就發現根本無呢個問題。一行6人，一齊叫左6個最basic 的A餐，staff 好快手就放左粥底落去，怕唔夠味可以出來醬料區自己調味。醬料區多醬料到花多眼亂，最特別係有泰式蝦醬無幾耐就上左d 貝類海鮮啦，隻隻都好靚仔好新鮮咁。呢度完全唔洗自己郁手，staff 會幫你蒸，到熟就會夾比你。首先嚟鑽石蜆同花蛤王，睇以為細細隻無咩肉食，點知隻隻雖然細細隻但肉絕對唔係蚊型，每一隻都開到口而且好甜呀！！其中有一隻開唔到口，staff 都好好即刻主動換一隻比我地。有位朋友見到fb share 可以每人有多5隻海白沙，即刻share 啦大家都記住唔好錯過雖然係送的，但一樣咁新鮮，不過當然鑽石蜆好食d。之後貴妃邦，有d金菇墊底索左d晒d 精華仲有芝士係面，我食到唔停口，可惜得一隻上龍蝦個下好莊觀大家都即刻相機食先，d 龍蝦已經一早拆好晒，食得好方便。 因為龍蝦太出色啖啖肉，個蟹比下去，不過都一樣好鮮甜，只係上一味太出色。黑松露帶子又係另一道好出色，黑松露味道夠香濃，帶子又滑加埋粉絲，

朋友聚舊，四個去吃海鮮。一坐抵我早到朋友說咩咁貴，蝦要五百蚊斤。我地最後只好因住因住點，雖然係好吃但真係貴，都吾係食得好包咋。點左鯇魚，魚拔蚌,龍蝦一人半隻，雞例牌，足底。盛惠二千大元

適逢慶祝兩個壽星仔生日見呢間咁多好評位置又算中間點我地去左試傳說中既蒸氣鍋理念係好好最底係瓦煲，放米同煲粥既材料落去唔洗加水，上層放海鮮再用蒸氣蒸熟海鮮啲水就會流落下層煲粥侍應仲話你除左食乜都唔洗做但除左特別貴真係諗唔明有咩咁特別印象中佢地下連樓上共4層（去到3樓）地下個層係有魚缸揀海鮮的而我地就安排坐係1樓落order時其實已經火火地先係叫天不應叫地不聞個侍應帶左我地上1樓之後消失左我地就叫極都冇人應之後見到有人喇我地嗌左又勁耐先過黎問唔夠兩句就自己行開左唔知去邊落單呢個步驟連等候應該超過45分鐘咁我地8個人叫左兩個$498既餐再另加散叫既海鮮侍應呀姐話我地咁多人個粥唔夠食問我地洗唔洗加大我問加大幾錢佢話$20，但轉頭又話我地咁多個人要加$40咁都冇問題丫點知落完單佢又番過黎話唔加得大要叫多個細粥先得正宗海鮮價好！我都冇問題反正都係我就叫個「中」架啦咁suppose我地係有一個餐既份量再加一個中size既粥量但黎到個份量係小得可憐每個人一碗都冇豬骨又得個三舊煲埋都唔夠味啦我地當時係正價時段見like n share係有送蒜蓉蒸蟶子點知佢話因為你地叫左餐已經優惠左所以只會送蜆餐牌上明明

是夜一行三人到旺角品嚐蒸鍋，之前試過另一個名牌的蒸鍋，今晚決定改試這一間連鎖店。店鋪簡潔「企理」，雖然開設在旺區，但座位之間仍感「闊落」。預先訂好座位，甫坐下便點選食材。鍋底選了南瓜豬筒骨粥，然後點選了人氣之選的鑽石蜆和胭脂蚌，只需蒸三分鐘便能帶出箇中鮮甜味道，當然處理過程全由侍應代勞，我們只需聽到嗶嗶響聲，侍應便將蒸好的食材分發給客人，服務一流。接著蒸蟲草花蒸鮮雞，雞嫩多汁，蟲草花及葱段更吸收了精華，不容錯過。再蒸手打四寶丸，只需數分鐘，又蒸出彈牙鮮味的肉丸。再吃個清淡的老少平安及金蒜蒸勝瓜，作為間場休息的美食。跟著便蒸怪味和豚肉，所謂怪味其實是以沙爹味再混雜鹹甜味道，感覺新奇特別，豚肉嫩滑，值得一試。最後壓軸上場的是原籠糯米蒸花蟹，蟹汁完全滲進糯米飯內，飯身粘稠而不硬，帶有花蟹的鮮味，再以蟹膏摻雜米飯，簡直是一絕。當所有蒸物吃畢後，千萬別忘記還有鍋底精華海鮮粥，令我們捧著肚皮離開。

有時食完打邊爐可能湯底始終都係味精多嘅關係食完都係始終口口學同埋可能有啲敏感導致喉嚨好痕但係我又好鍾意打邊爐有時出去食打邊爐都唔知點算好不過近排就好興食蒸氣鍋就完完全全解決到我呢個煩惱了今日去到呢間蒸氣鍋首先就梗係揀咗海鮮先啦見到佢哋個如果全部擺滿曬新鮮海鮮林林總總最後係選擇困難症之下我最後選擇左花蟹，生蠔，同埋大元貝花蟹大大隻而且蒸完之後肉汁依然保持喺蟹入面同埋可能新鮮嘅關係蟹肉一疏疏層次分明證明係落order先至斬開生蠔用上美國珍寶筒蠔size每隻生蠔都起碼有半隻手掌咁大而且蠔味超級濃郁咬落又十分爽口黑松露蒸大元貝更加係最好食嘅海鮮之一因為揀咗一隻十分肥美嘅大元貝厚身的大元貝已經佔咗成個殼嘅位置啖啖都係肉嘅元貝配合埋濃味的黑松露黑松露完全將元貝味道昇華食完呢餐都真係驚以後冇得再食得咁好正當你呢餐食得十分滿足嘅時候店員先至同我地講話底下個粥底已經完成好我完全忘記咗我哋喺下邊order左一個雞粥完全吸收晒上面咁多款海鮮嘅精華食到雞粥之後完全好似係一個回顧咁食番咁多種海鮮嘅味道

初頭諗住全部好評諗住無死啦, 點知...千祈唔好幫襯, 唔好俾D蟮稿呃, 300蚊6隻中蝦 鮑魚, 蟶子整得好UN, D粥又煲得唔綿, 樣樣都唔合格, 本身諗住慶祝紀念日, 好掃慶!!!!

我期待已久的蒸海鮮，經過無數次的洗腦攻擊，終於輪到我可以大飽口福。試試是否如網上說的吸引。龍蝦如圖所見，有膏，入口甘香肥美，蝦肉彈牙，是這晚的最愛，略嫌半隻份量太少，不夠候呢。超大隻聖子也是一個不錯的選擇，爽口彈牙，上面黃色的調味醬有點似黃椒？南瓜？味道偏淡，不會搶去主角聖子的風頭，安心做綠葉。清蒸的蜆真的比平時經調味的炒蜆鮮甜太多，還保留一點鹹鹹的海水味。用上蔥蒜的蠔依然吃到少許的腥味，但味道可以接受。這餐飯的總結是，小食多滋味，價錢雖偏貴，但是鮮味值這個價。

Fb 見到水上人週年慶祝，光顧時like其fanpage每人就有一隻奄仔蟹送，於是就同朋友去食好西。今次是旺角分店，分2層，踏進店內已看到大魚缸，好多海鮮，新鮮～新鮮。一會兒後奄仔蟹就在眼前，免費的都算幾大隻。都有不少蟹膏，相當鮮甜，但當中有少許苦味，但整體質素也很好。鑽石蜆 $88店員調較的時間剛好，剛剛熟，鮮甜味濃、彈牙及有海水味十足。波士頓龍蝦 $248/1隻 龍蝦蒸得剛剛好，橙紅色外殻及一絲絲龍蝦肉看到已令人食指大動，品嚐感覺到有濃厚海水味，肉質鮮嫩，而蒜蓉份量恰當，不會將新鮮的海鮮破壞原味。蒜蓉蒸大元貝 $58蒜蓉適中，不多油，厚厚的帶子已經開邊，蒸得剛剛好，啖啖肉中是一絲絲彈牙帶子。

紐西蘭鑽石蜆，蜆肉鮮甜，充滿海水味，食過呢個鑽石蜆之後就會知道，原來唔係淨係食生蠔至有海水味㗎。美國珍寶石蠔，真係冇辜負到珍寶呢個名目，隻隻都有手板咁大架，味道鮮甜味美，口感嫩滑。金蒜蒸茄子，真係估佢唔到蒸茄子都可以咁好味，茄子蒸熟後口感軟淋淋，加少少蒜蓉同蔥花就已經好好味。珠江奄仔蟹，如果唔係嗌套餐而係散嗌嘅話，喺facebook打卡就每人送一隻奄仔蟹，唔好以為佢送嘅就係下欄野喎，食過就知係堅料，由中間剪開隻蟹之後，大量嘅蟹羔溢出，多到個程度係好唔容易先至食得曬，食哂啲羔之後再品嚐蟹肉，啖啖都鮮甜美味。手打墨魚丸，墨魚丸入口勁彈牙，好明顯食得出冇落到粉，面頭加左一小撮既黑松露，同墨魚丸嘅味道都好夾。臨尾呢個粥底，匯聚哂之前食過嘅鮮料嘅所有精華，自然係有今生無來世啦。

好食既野,好快就可以再Encore, 上次係尖沙咀食過之後,我個朋友又話好想試,見佢就黎生日,就帶佢食好野,近近地今次係旺角食,朗豪坊附近，幾方便。兩個人唔食得多,無叫套餐。。但其實套餐幾抵食我同朋友都係鐘情貝殼類南非鮑魚，蒜蓉蒸大元貝, 花甲皇，馬甲貝, 鑽石蜆,仲有奄仔蟹鮑魚輕微過火,但可接受元貝剛好,但蒜蓉粉絲可多少少花甲皇,鮮味十足呢轉蒸得唔錯,啱啱好馬甲貝大隻兼厚肉鑽石蜆細隻啲,但較為有蜆味及鮮甜我地最鐘意呢款送既無諗過咁大隻奄仔蟹爆多膏今次幫我地蒸海鮮個姐姐勁好人,等我地差唔多食完一款先幫我地蒸第二款,唔駛急急腳食,最怕凍左唔好食

國慶晚上，兩夫妻再次來到這間曾經幫襯，印象不俗的「 正宗水上人氣鍋專門店」吃一頓健康又美味的氣鍋海鮮餐。 這次不是散叫，而是吃二人套餐。不想過於破費，所以在三款價錢分別為$598、$498和$398一位（兩位起）的慶祝店子開業一周年的殿堂級套餐中，揀選了價錢最為相宜，每位$398的套餐做晚餐。 既然來這兒吃東西主要是吃原汁原味，海鮮當然是不二之選。這殿堂級套餐的海鮮包括每人半隻波士頓龍蝦，半隻珠江奄仔蟹、一隻黑松露蒸元貝、一隻貴妃蚌、三隻鑽石蜆和三隻花蛤皇，都算甚為豐富。在各款生猛海鮮中，又以鑽石蜆、花蛤皇和波士頓龍蝦肉最為鮮甜好味。 既是套餐，當然不會只得海鮮可吃，少許肉和菜還是少不得的。這套餐的肉是「怪味禾豚肉」，以秘製沙爹醬調味的豬肉片，味道其實不算怪，肉質有點嚼勁，仍能令人滿意。菜則有菜心、芥蘭和娃娃菜三款可揀，而我的選擇則是菜心。不過這兩款海鮮以外的菜和肉，份量都只得二兩，所以菜只得數條，豬肉亦只得五片，份量就的確甚少，不能讓人吃得盡興。 最後當然還有吃蒸氣鍋少不得的粥，是較為大路的「南瓜豬筒骨粥」。坦白說，單吃主角的海鮮和配角的肉與菜，其實不

好早一排都食過蒸氣火鍋一直心思思想再食多次就搵左間係旺角 開左唔算好耐既試下有餐嗌既 不過我同朋友想睇下個魚缸有咩新鮮先叫個樣 於是就單點了唔算叫左好多野 不過樣樣都好新鮮 好好味！呢餐最好食既係南非龍蝦！細細隻 兩個人 一人一半是岩岩好的蒸氣真係高溫 6分鐘就將龍蝦蒸熟 好高效率龍蝦肉好容易就可以成條起出來因為清蒸 就只得龍蝦既鮮味 特別係啲蝦膏 好香好滑 但朋友就話有啲腥 加左醬油好味好多喎😂另外我地叫左聖子 今次唔係清蒸 係加左黃金汁開頭諗住黃金汁 即係會咸咸地 好似黃金蝦個啲frd啦 但原係唔係 個汁味道淡淡的 帶少少蛋黃味 配粉絲係好夾既！而聖子真係好新鮮 每一啖啲肉都好有彈力 另外其他海鮮味道都好既 下次再來會試下叫餐！

今日同老爸老媽一齊出旺角食海鮮佢哋問：「乜食海鮮唔係去西貢、 流浮山嘅咩?」---原來老一輩覺得食新鮮嘅海鮮一定要近海邊就等我帶佢哋打破常規係市區都可以食到新鮮嘅靚海鮮啦之前喺尖沙咀食過呢間《正宗水上人氣鍋》今次為咗就腳就帶老爸老媽嚟咗呢間旺角分店旺角鋪頭位於朗豪坊附近行完街食飯就最啱一入門口老爸老媽就畀個好大既養魚缸吸引魚缸入面養咗各種嘅海鮮邊樣食材最新鮮自然一目了然店員介紹之下 原來正價時段係facebook打卡鍾可以一人送一隻奄仔蟹添真係超抵唔係好識用facebook嘅老爸老媽 嘟嚷著要打卡check in 真係笑死我粥底方面揀左南瓜豬筒骨粥阿媽話南瓜煲粥夠曬甜阿爸就話豬筒骨煲粥夠香金蒜蒸茄子 每籠$78茄子充滿蒜香 而且蒸過後非常軟滑基本上唔駛加其他調味料都已經好夠味紐西蘭鑽石蜆每份$88胭脂蚌每份$88阿媽話鑽石蜆喺街市見唔到胭脂蚌亦唔係成日有得賣蒸3分鐘就食得貝殼類剛剛開口 肉質非常鮮嫩 一啲都唔過火我覺得鑽石蜆較有海水味而胭脂蚌就較有口感 亦較為鮮甜兩者感覺截然不同連平日成日話食蜆好多沙嘅老爸都不停大讚無沙兼鮮甜美國珍寶石蠔 每隻$48珍寶蠔果然大大隻肉質爽甜配埋蔥段同