梨滿園韓國料理 (已結業)

想咗食韓國嘢好耐，今日同一班朋友嚟咗旺角食韓國嘢。第一次嚟，覺得幾寬敞。叫咗好多嘢食😛 分咗燒嘢同埋部隊鍋。個海鮮部隊鍋嘅湯好好味，辣得嚟又唔會好難入口，入面嗥蜆同青口都好新鮮，加埋個公仔麵就一流哈哈！燒嘢果度最印象深刻係帶子， 好甜好好味。我見啲牛好大件好嫩咁，可惜我唔食牛啦！不過啲朋友都話唔會好un, 幾軟淑😆 啲蝦超大隻好鮮甜～～另外仲有叫咗粉絲呀，醬油蝦呀同其他小小嘢，不過都唔夠個部隊鍋同燒嘢咁出色😛不得不提啲侍應姐姐勁nice~~幫牯哋剪開啲大大舊嘅海鮮同牛，thanks so much! 最後食飽埋單果陣仲有生果送哈哈 但我已經飽到食唔到，交晒俾朋友處理😂😂 overall 呢間韓國餐廳算係抵食得嚟又幾好味。記得一定要叫海鮮，因為真係幾新鮮！

考試季節搞到我成日都困係屋企温書，十年都冇出去食過。屋企人見我咁辛苦，就係爸爸生日嘅時候食餐好嘅，順便幫我減減壓。難得平時食開中菜嘅父母話想食下其他野，家姐就提議食下韓燒。雖然冇去過韓國食最正宗嘅燒肉，但都知道食韓燒嘅重點就梗係牛肉！可惜我媽咪唔食牛肉，所以就只係叫左一份牛肋骨同一份牛舌黎食。本身我想叫醃左嘅牛肋骨，覺得會"野味"一D，但家姐又話要食原汁原味，佢負責埋單所以我唔同佢爭上枱之後發現傳說中嘅牛肋骨冇骨已經幫我地切塊，唔駛我地自己慢慢剪同切咁分，都算係一個好嘅服務黎嘅～牛肉嘅色澤好靚，係鮮紅色，證明D肉夠新鮮，加分配埋D白色嘅脂肪，真係令人流晒口水～食入口唔會un。個人鐘意就咁食多個包生菜食，覺得D菜同埋醬等等會稍稍蓋過左D牛肉本身嘅味，所以試左一次包生菜之後都係決定就咁食～不過比起牛肋骨，我更加愛牛舌。牛舌口感一流，真係一食即刻上癮。我、爸爸同家姐都大愛，好彩佢一碟都有好多塊，夠我地分，如果唔係應該要爭崩頭為左唔食牛肉嘅媽咪，我地決定叫一份帶子同埋五花腩（其實只為美其名，我地自己都想食）。帶子色澤都唔錯，可惜我同家姐略為失手，唔小心overcook左D帶子，所以有少少un

奶油包係一個好鍾意食韓國野既人係香港真係有唔少食韓國野既店但係旺角既話...奶油包真係好鍾意嚟食梨滿園無他既...平得嚟又好食今日奶油包又約左朋友去旺角咁又開始涼涼地食韓國野就最岩點解？因為我鍾意囉....一到就有8款小碟真係唔錯因為奶油包同朋友都係食肉獸叫左好多肉烤牛脷，鮮帶子(7粒)，生醃醬油蝦，紅燜牛肋骨，蛋拌生牛肉絲烤牛脷好好食唔會好SO而且燒完唔會好鞋點鹽食十分正鮮帶子係必點既超級大隻既帶子又夠鮮味生醃醬油蝦好韓國既味道蝦肉勁爽口仲有好多膏奶油包真係可以一人掃幾碟紅燜牛肋骨肉夠味又唔鞋蘿白超好食D汁可以用嚟送飯仲有生牛肉絲蛋+梨+牛肉正到呢....奶油包既朋友唔食呢個生牛肉所以奶油包一個食晒(岩晒...我都係想獨食)食完之後...仲有好好食既甜橙又多汁又唔會酸連平日唔多食橙既奶油包都食左好多....

食肉獸朋友指明今晚要全肉宴，於是今晚決定吃韓燒。平時吃燒烤，每次吃完頭髮和衣服都會吸收了很大量油煙味。朋友之前吃過這間，特別推介零油煙，果然是真的呀。以前吃的韓燒，多數都是全部有調味醃過的，但這店的食材可選一些完全沒醃過，以為會淡味，郤能燒出肉的原汁原味， 證明食材質素高。吃沒醃製的食物要點這個醬油， 是麻油加鹽，能調出食材原有鮮味，第一次試，很好的搭配！特選牛肋骨(無醃) $168/350g濟洲島黑毛豬五花腩(無醃) $138/150g推介！ 雖然無醃、雖然看似好肥，但燒完之後，入口即溶，口感不油膩，實在正！烤牛脷 $88/150g無醃牛脷燒完無乾爭爭，反而一邊細火慢燒將平均分佈的脂肪迫出來，再點麻油鹽，正！我們另點了生菜， 生菜包的食法， 將燒烤過的肉，用生菜及混醬一起包著吃，很惹味。蛋拌生牛肉絲 $128這個是廚師精選之一，我從未吃過這生牛肉的食法，還以為是血淋淋的，但原來一點血水都沒有的，撈生蛋一起吃，生牛肉更滑，將所有配菜撈起，更變得口感有層次。喜愛吃生牛的友人，更讚口不絕， 几乎大半碟都給友人吃光了。吃飽飽，餐廳還會送上鮮果盤，是日的鮮橙又甜又多汁。

同一班朋友食飯聚會，韓燒的確是不錯的選擇。食物較惹味，味道濃郁香味撲鼻。韓國料理當然有前菜，可以開胃。前菜我地仲叫左韓式醬油蝦。$128有七隻，算抵食。醬汁剛好，不會太死咸，食到蝦的鮮甜。韓式牛仔骨，超入味肉質淋，味道帶甜甜的，送飯一流。燒帶子已輕輕調味，質感厚身鮮甜十足。燒大蝦勁香，肉質彈牙。紅椒醬豬腩肉，味道惹味但不算辣。店員會不時主動換烤板，方便燒不同食物。西冷，肉味濃，不錯。必叫的牛肋骨，肥瘦分佈得平均，如雪花般質感較嫩滑。

今次一行六人來到旺角的梨滿園韓國料理。位於在威達商業中心的樓上鋪。店鋪很大，抽風系統也不錯，食完都晤會有好大陣油煙味。價錢屬於中低價，餐牌有相片中英對照，方便不同客人點餐。發現意道既韓式醬油蟹只是$158一隻，所以叫左兩隻，味道不會太咸我最愛蛋伴生牛肉抵食價錢$128，必叫。味道剛好，生牛肉加上少許麻油芝麻及生蛋，質地嫩滑，配上雪梨一齊食，多左一份清甜。多人我會叫一些平時2-3人叫不到的食物。例如意隻豬手，份量極大，味道一流。非常入味，質地淋身，已經切好，方便進食。人參雞湯，店員還會幫手執肉，值得加分。味道較清淡，適合較多肉類的一餐。韓燒方面今次點了無醃的特選肉眼、特選牛肋骨、烤牛脷 。有醃的烤牛肉、紅椒醬醃五花腩片。食材算幾新鮮，價錢大眾化，不錯。^_^

系我食過最難食嘅.... 真心 平野無好野 首爾好嘅都要250 呢間158 啲人話好食就番左 點知... 食左1淡唔想再食 好大陣生味 之前食過系無咩生味嘅 ... 服務生好差...明明得果2-3張台 但都好似好忙咁

刁蠻任性係一位朋友形容我的詞語，我好記得佢講過我係佢見過最靈頑不明的人。哈哈！我都有啲嘢好固執，對食物，韓燒這回事，我在香港好似真係只係中意食呢間。今次同幾位牛魔王泥，食嘅嘢最主要都係牛。牛肋骨絕對係必吃，食咗咁多年水準依然，將製嘅有得就咁嘅都得，兩樣都咁好食，肉質嫩。份量又多如果唔係因為同班牛魔王泥呢，我都唔會食呢個。原。塊肉眼扒價錢抵到呢。超大又夠厚，真係好大片了。燒完juicy 到爆。牛脷都係必點美食，推薦大家燒一邊熟曬之後微燒另外一邊，口感爽有韌度。正！生牛肉刺身都係牛魔王必叫，除咗喺呢度我已經冇響香港食過咁好食嘅生牛肉剌身。配梨子同荀絲，好好味呀！！！最重要係呢度的價錢咁大盤先$128 . 個d 韓乜家無二百五都食不到。堅持食係我的樂趣，係香港朋友問我邊間韓燒正，我都堅持答佢就喺度！

現在來說，去旅行買機票訂酒店並不難，機票可能幾百蚊就有找，分分鐘平過食一餐飯，寧願飛過去食可能仲抵。呢個係我朋友嘅諗法。。。當然甘係正確嘅，某方面。。對我嚟講，可以即諗到即食喎。味道正宗，岩口味，想食乜有乜。我食完，你都未上到機掛，哈哈。今日唔食燒嘅，食熟食。呢到嘅熟食一樣出色。好似呢個豬手甘，大大碟，肥瘦得宜，有埋晒醬汁，蒜頭，生菜。一啖一件，無與倫比。呢個炆牛肋骨我又超中意食，唔知點解可以炆得甘入口，甘軟身，入口即溶。但上碟嘅時候唔會散晒。仲有就係覺得拒好食之餘仲覺得好補，入面加左紅棗，滋潤，仲有甜美的感覺。拌生牛肉，千其唔好覺得好怪，好似好恐怖，又怕疴。甘樣只會令你食小左一樣好嘢。拒口感似三文魚刺身，但仲有口感小小，配上韓國梨一起食，還多了份甜同爽，還有多汁。整個味其實就以麻油香為主，總之就一定要試下喇。兩個人嚟講，其實三至四個送就夠晒。特別係點左豬手嘅，其實叫多樣就夠。但無奈我嘅為食。。又造就了我的腩肉。。

今日心血來潮好想食醬油蟹 於是上openrice搵到呢間梨滿園 因為我絕對唔係個打手 亦唔係專業食評家 所以我無影到相前菜有六款 但都係好一般醬油蟹 : 食落全部都係冰 碎左既冰 好難食好唔新鮮好梅 食左兩隻腳頂唔順唔食啦泡菜煎餅 : 有驚喜 煎得好脆口 雖然得勁小泡菜 但我覺得好食 但男朋友就唔太鐘意 覺得無乜味泡菜炒五花腩 : 都係有驚喜既 肉夠肥唔乾 我同男朋友都因為呢碟餸食左兩碗飯紫菜煎蛋 : 不過不失啦 麻麻地 但又唔係難食 但唔會再嗌咁啦

嚟到呢度就覺得可以一次過將一個韓國一次過食晒咁樣。每一次食完嗰種感覺真係非常之滿足，適逢今個月係減肥月，我又唔敢食好多野，但係又不能不出席姊妹嘅活動，唯有食小小喇。雖然燒烤嘅嘢食感覺可能會比較肥啲，所以我揀咗冇咁肥嘅海鮮，大大隻嘅鮮蝦，肥嘟嘟嘅帶子，咬落去又多肉又鮮甜，比起食肉類覺得更加清新。人蔘雞湯係我食韓國嘢必點嘅一個食品，因為我好鍾意飲湯，好鍾意暖嗰種感覺，而且雞湯係好補嘅。最緊要仲係唔使自己煮，一叫就有，個湯又濃又好味，仲要真材實料，有人參架。仲有梗係唔少得嘅韓國醬油蟹啦，一個蟹蓋，爆多膏，咸醬油味剛好，入面加韓國好煙韌，好有咬口嘅白飯，再加埋紫菜撈埋一齊食，超正。如果唔係減肥月的話，其實我係會以食肉食為主嘅，次次都食牛牛。但係原來一路減肥都可以食到唔同類型嘅野，其實都幾好喎，哈哈。

話說呢幾日好想食Korean food， 上OpenRice 見到呢間好似幾好，就約朋友上去。叫左2個特價晚餐，石頭飯朋友話太濕，我個辣雞粉絲啲湯似似辛辣麵啲粉 so disappointed. 特價晚飯送前菜，我一向好喜歡韓國菜嘅前菜，但佢嗰啲...... 好求祈下。.... 另外叫左炸雞，繼續失望。to conclude, I will not go there anymore.

近排多食韓燒，但今次這間有啲特別好味嘅美食，所以在此分享一下，燒就一定會叫，但另外值得推介係佢嘅韓式生醃醬油蟹$158，超級好味，而且隻蟹重超級多膏肥美！一坐下就睇中佢！轉個頭就上枱，完整一隻蟹，分件浸在醬油上，蟹蓋上嘅蟹膏同醬油一起，認不住要先加個白飯$8，將佢地混埋一齊入口，凍同熱嘅感覺，味道濃郁嘅醬油同蟹膏嘅鮮味絕對配合，加上少少脆口紫菜絲，完全將整個醬油蟹嘅味道帶出！另一個係個雪濃湯 $88，如果喜歡吃牛，呢個湯內嘅牛肉炆得超級軟熟嫩滑，入口時有即刻容化嘅感覺！而個湯嘅味嘅好鮮味，不得不提配菜蘿蔔，每件都好入味軟熟！而平時吃開刺生都係魚，今次就加多個蛋拌生牛肉絲 $128，牛肉鮮甜肉質嫩滑，加埋配菜入口感層次增加，爽口清新！今晚另一重點韓燒，特選肉眼扒$138，肉質軟熟嫩滑，入口充滿肉汁，配埋韓式傳統食法，用生菜包住，蔥絲，辣醬汁，同埋嚿肉入口，味道更加好味！除了牛外，個紅椒醬醃五花腩片$98都好好味，紅椒醬醃後肉質味道更濃味，加上脂肪部份燒得香脆，入口時口中一時間就感覺得香脆軟熟，有好滿足嘅感覺！最後加埋個辣汁拌冷麵 $68，凍凍地配埋啲泡菜，都好開胃醒神！喜歡刺激嘅朋友就要

時不時出來食飯嘅我，都會想食自己鐘意嘅食物，所以有時都會做下工課，睇吓附近有冇啱自己口味嘅食店，是日又去咗旺角同朋友聚會，係大家冇意見之下，我就話不如去食韓式料理，咁就去咗呢間位於通菜街一幢食肆裏面嘅其中一層食韓國料理店品嚐一下來得食韓國料理當然要食D配菜先，都有幾款口味，而且味道各有不同，不過我最喜愛都係泡菜，食完前菜就開始品嚐料理時候，先點咗個紅紋牛肋骨，熱辣辣牛肋骨表面紋得非常鬆軟，入口牛肋肉係骨架已慢慢鬆脫，香濃牛肋肉肉質軟滑再加上脂肪甘香，再配埋鮮甜湯底非常入味正所謂嚟得食韓國料理當然燒一燒咁先有氣氛，要咗特選牛肋骨（無醃），鮮紅牛肋骨係火爐上慢慢燒至深色就可以食用，不用燒得太耐會乾身冇咁好食，再用蔬菜包住牛肋肉點埋醬汁食，食落肉質鮮嫩香甜，簡簡單單煮法已食到肉嘅香味而另一樣係燒大蝦，話明大蝦當然有番咁上下size ，係燒嘅時候要耐小小因蝦本身夠大隻，要反轉再反轉燒熟先可以食，至於蝦肉厚厚爽嫩彈牙,點埋醬汁食更鮮最後點埋蛋拌生牛肉絲，先將生蛋黃撈埋生牛肉絲攪混再加埋其他配菜一齊食，生牛肉絲食落滑嘟嘟肉質滑溜又鮮甜，雖然係簡單製作但已食到原有味道是日品嚐韓國傳統料理之餘，又可以

朋友生日飯但係生日嘅朋友唔食，其他朋友想食韓燒，諗來諗去都唔知揀乜好，問過開飯達人朋友，介紹我來食呢間梨滿園。佢話就算唔食牛都大把選擇，推薦嘅係佢哋嘅海鮮，又真係喎！除咗韓燒嘅食物之外，仲有海鮮煎餅，水冷麵，豬手，牛肉湯等等，將成個韓國搬咗過嚟。叫咗個豬手最啱大圍人食五六個人食啱啱好，豬手好淋夠膠質。分量好似多過一隻豬手，配上韓式醬汁，其實唔點都幾入味。幾欣賞呢度嘅抽風系統食完之後都唔會成陣味。油煙味重係其中一個唔想食韓燒嘅原因，呢度係冇呢個問題。冷氣夠都係重點。開飯達人介紹我要食呢度嘅蝦同埋帶子，真係好大隻嘅虎蝦，仲要隻隻一樣大細，到底有咩方法可以全部一樣大？彈牙又厚肉，燒熟啲個蝦頭裏面仲有膏呀！鍾意海鮮嘅壽星公十分滿意。虎蝦之後就到左帶子，我估帶子係呢度必食，好爽口鮮甜，直情有日本刺身及水準，建議唔需要煮到熟曬。燒極都咁大粒架。好彩老闆娘教路睇火，先食到裏邊啱啱好嘅帶子。仲叫咗個人蔘雞湯，不過因為太補所以我冇食到唔知好唔好味呢？