梨滿園韓國料理 (已結業)

價錢平（$40幾蚊食到飽………………凍野飲靜係加$2/送熱野飲🙀），有小食（可以用黎開胃一流，例如有泡菜，芽菜，南瓜，白菜仔），可無限添……正啊（對男仔黎講）🙀🙀，下午茶時間仲吾會多人添……

1次過滿足晒三個願望: 泡菜&泡菜&泡菜首先是必備的小碟泡菜，之後有辣泡菜餅，再來泡菜炒五花腩肉 😂辣泡菜餅的中間粉漿稍為多了點，不夠脆泡菜炒五花腩肉顏色是有點嚇人，因整盤都是深紅色的，不過味道很好紫菜蛋餅不過不失，蛋皮較厚P.S. 泡菜的確可以清腸胃，最好一次過不要吃太多 😜

從未試過，亦從未諗過要寫下文字去講一間食店嘅評語，蓋因火燒心！！我亦唔介意開名批評，亦願意承担其責任，實在係太激氣了！！話說2018年8月15日晚上8點幾，我同兩位好友諗住食餐韓國燒烤，咁就訂左枱去旺角通菜街威達商業大廈1/F, A座的梨滿園韓國料理食飯～我唔會無中生有，食物普通，唔太好唔太差，價錢尚算合理，但果位侍應(X姐) 就一絕，我個鐵板架已經差不多黏滿了食物餘下的黑炭，換一塊都好正常啫，果位(X姐) 同我地講，d邊位都未黑，叫我用埋邊邊位燒，條邊位連放肉落去都唔夠，點燒？咁我再三要求佢換，同佢講剩低d炭屎再黏住食物來燒，食左會致癌架，(X姐)居然話：怕致癌就唔好嚟食韓燒喇，聽完我已經滾滾地，跟住佢死死地氣去換一塊，攞塊新嘅鐵板架過嚟，(X姐)居然再同我地講：怕致癌就唔好嚟呢度食韓燒喇～絕對摧毀左我接受嘅底線，我唔係話消費者大哂，我要求都合理啫，服務性行業對客人態度可以如此惡劣？我即刻去cashier 度問有冇當值經理，佢地答經理放假，無辦法搵到，雖然餐廳埋單時有突然比返個9折我地，我地投訢並吾係想要折扣！我滿腔怒火，唯有在此宣洩，向天立誓，永不再來！！！

坐落旺角通菜街一幢商廈裏面，有很多唔同食肆，我地今晚就黎左一間叫梨滿園既韓國餐廳。地方頗大分開兩邊，晚市套餐有很多款選擇，如果不選擇燒肉的話，它的種類仍然足夠妳來幾次也不重覆。由於我地人多，點了人蔘雞湯，炆牛肋骨，石頭鍋飯，泡菜煎餅，炒粉絲和炸雞。點餐後即來前菜及湯，泡菜不俗，餐湯也不錯不過要留肚，最重要係前菜可以refill，食多多都得。人蔘雞湯先來人蔘雞湯，雞湯味道濃厚帶淡淡人蔘味。雞肉很嫰滑而且很足料，同行友人都讚不絕口雞肉石頭鍋飯石頭鍋飯，也是水準之作，鍋夠熱，食材夠足料，配合辣醬撈起來誰也都抗拒不了。燜牛肋骨哩個餸就真係要啲功夫，烹調既時間要拿捏得好，煮得太耐會過稔又會散，太少時間就會硬。而此店做出來是剛剛好，牛肉非常入味，蘿蔔很鮮甜，個醬汁加白飯食一流泡菜海鮮煎餅值得一讚，放在中間的醬汁鮮味特出，配合泡菜煎餅食是美妙的配撘。煎餅本身亦不會太乾或者係一團粉，係有少少脆口的感覺。韓式炒粉絲又係一個令人回味的作品，粉絲炒得條條分明而且乾身。醬汁只是輕輕的沾在粉線上，不會太多或者太少，恰度好處。炸雞 這個炸雞亦也很有驚喜，與專門吃韓國炸雞的餐廳有得相比。皮炸得香脆，不會食到滿口油膩

去咗旺角嘅梨滿園食韓國嘢，食完感覺餐飯都幾抵食，因為價錢都幾平，但係千祈唔好期望好好食，不過普普通通都過得去啦。\(//∇//)\佢有兩碟前菜係送俾你食嘅，因為有兩個人所以我哋有四碟，食咗個芽菜份量都OK嘅。但係西蘭花或者泡菜嗰啲就比較少份量。叫咗個鐵板烤雞飯，啲烤雞真係好熱，淨係睇佢渣渣渣渣聲都已經幾正，哈哈(>^ω^<)不過食落口啲雞肉有啲硬，應該係雪藏雞，而且感覺唔係好新鮮，調味料好重，掩蓋左啲冰鮮味，不過一諗到佢哋價錢咁平，就覺得所有野都成正比，冇咩所謂啦，普普通通都過得去啦。⁄(⁄ ⁄ ⁄ω⁄ ⁄ ⁄)⁄雞肉配埋洋蔥本身味道都幾好食 ，所以拎黎餸飯都幾好嘅。唔記得講，佢仲有一個雜菜湯係送嘅。 最後仲可以叫埋一杯送嘅熱飲 。我就叫咗熱檸水。但係唔知點解熱檸水嘅水面上面會有啲油油地？ ？(｡ ́︿ ̀｡)我自己就心諗：係咪個杯洗唔乾淨(˶‾᷄ ⁻̫ ‾᷅˵)

有時出去旺角人多車多，餐廳又逼逼夾夾，想搵個地方同friend, 吹下水舒舒服服咁Hea 坐，都有啲難。呢個時候我會諗起女人街上面的梨滿園，朋友話唔想咁熱氣唔食燒烤。唔緊要喎佢個Menu好多選擇，基本上所有韓國特色菜都有齊。兩條友我哋叫咗一個海鮮鍋，份量大得驚人。但係睇得出啲材料應該係急凍嘅，有少少失望。湯底就淡淡地，但係可以加胡椒或者其他調味一齊食就好味D。除此之外我哋仲叫咗一份煎蛋餅，都係韓國傳統小食，唔係周圍有架！啱啱煎起熱辣辣就好味啲，之後嗰啲攤凍左就麻麻哋啦⋯⋯但係環境真係唔錯囉，坐成兩個幾鐘都完全冇俾人趕走，可以慢慢食慢慢傾，旺角區來講好難得㗎！

某d老屎忽服務牙姐態度超錯一入去未坐低就吹落單話師傅要趕食飯睇多陣菜單就黑口黑面依家都準備晚餐時間又唔見佢對其他客咁差一見我一位黎食就係咁吹吹吹好啦前菜黎佐就一句選咩食我都未聼到佢講咩就自己求其放佐2件前菜不知所謂未試過咁嬲我平時都好少差評的

終於俾我係香港食到正宗韓式豬手, 之前去韓國食過之後極度懷念,但周圍搵又搵唔到。呢間旺角梨滿園韓國料理<豬手二人套餐>好抵食呀！$248有前菜有白飯有汽水有一鍋湯，仲可以+$30自選人蔘雞湯添😋

之前是常客已經去過不下5次了。剛好在旺角覺得中午去食飯。服務員態度惡劣。明明有午餐set，給我們的正價餐牌，點完發現有午餐的套餐。說換的時候服務員極其不願意。明明午餐還配飲品一共48，正價78差很多。服務員自己沒給菜單的情況下還覺得麻煩。太不理解。之前喜歡這裡就是覺得態度好。這次烤肉不如之前新鮮。剪刀等配件也是一直叫服務員才遲遲給到。到最後要買單的時候杯子裡都沒有給到茶水。不會再去，差評，態度太差。

今日成班人去左呢間食野，朋友食過話好食，唔係任食果隻。叫左平時係任食韓燒食嘅野，嘩! 完全兩會事呀，好食到呀，係真係肉味，有口感，果個紅燘牛肋骨簡直無得輸，佢用紅，白蘿蔔去燘，有蘿蔔嘅小小甜味及牛味，正呀，又燘得夠入味又林，果啲汁用黎配飯一流。烤牛肋骨肉，正，有牛味醬汁好又唔會太濃。特選肉眼扒，無醃過，自己燒又可控制幾多成 熟，之後點特別比的醬，另有一番風味，掂呀。重有泡菜湯，辣得好，味道正，順戴一提，喜歡食泡菜嘅絕對要黎試。燒牛舌，彈牙，唔韌，肯定新鮮，無雪味。最後果個醬油蟹，完完全全食到係韓國食嘅味道，鮮甜，醃得夠味，肉身有口感唔梅，個經理話真係，係韓國訂反黎，醃夠日數先會比客人食，味道勁似，我相信真係韓國反黎。重有個海鮮燒餅，火喉控制得好好，唔會燶，但係又夠脆，好食。絕對會回頭再去食呀真係太好味掛住食，食物相不是太完整。吸油煙設備幾好，無嘜油煙味。

我地四個人叫了中價的四人餐，原本想如果個餐唔夠食再其他食物的，因為我地四個人都是大食怪，但最後是飽到差少少食唔完ð食物。前菜〜芽菜，芥菜，南瓜，泡菜，酸蘿卜同魚仔，食完仲可以添加的。烤肉什錦拼盤〜牛，豬，雞，份量是一人2至3片，自己慢慢烤，慢慢食。生菜籃配面豉醬〜新鮮生菜配蒜片，辣椒片，包住烤好的雞肉，牛肉及豬一齊食，非常之“正”。

上月尾喺旺角行完街，到左晚飯時間天氣又轉涼，老公話想食韓燒，剛巧我地行到通菜街附近就找到一間叫梨滿園的韓國料理，我地一行三人冇Book位就咁walk in上去，雖然當日是星期六接近0600時，但好彩不用等位，店員就立即安排入坐，現場環境唔錯同坐位闊落，好快店員就送上好多種類的前菜，其中泡菜係非常美味，講返食物先，我地點左無骨背肩肉、烤牛肋骨肉、烤牛脷、黑毛豬柳肉、紅燜牛肋骨(大)、原本想叫醬油蝦，但當日已賣哂，所以叫左醬油蟹了，店員好快就送上食物同幫我們開爐，食物賣相唔錯令到我們食慾大增，店員亦會附上一份生菜用來夾住啲烤肉食，感覺冇咁漏，而我地以前去韓國都食過醬油蟹，但竟然今次可以在這裏再次食返有韓國水準的醬油蟹👍🏻好食，到最後我一定要推介個紅燜牛肋骨，牛肋骨同羅白燜到好軟熟好有口感再配埋個汁真係好好食😋😋餸白飯一流👍🏻👍🏻👍🏻，這間梨滿園韓國料理，無論食物、環境同店員服務都好好，真係好值得向大家推介😊😊同絕對有下次👍🏻👍🏻

跟朋友聚舊, 都會選些中間點, 而且可安安靜靜聊聊天的地方,這天就重遊梨滿園這個老地方，跟以往一樣, 平日來的話幾乎都不用排隊 , 十分方便這次叫了泡菜餅 , 原本以為會很辣, 點菜時還不停被阻止,原來不是很辣, 吃的時候泡菜味不太濃, 但咬下去卻能吃到泡菜在裹面, 挺特別的但吃韓國菜又怎能沒有辣味呢, 搵食小隊今次決定不吃辣 不收手,於是我們叫了海鮮炒年糕, 又真的挺辣的, 真的有韓國風味, 而且海鮮也夠多, 今次搵食小隊的目標完成了另外我們還點了烤五花腩, 帶子, 最後還有果盤送, 認真有心思!

天寒地凍，突然一瞬間的衝動，一定要喝熱湯。。。結果想也不想就走進這兒，二話不說點了人蔘雞湯作午餐。沒有驚喜、也沒有失望。侍應小姐上了一鍋熱騰騰的人蔘雞湯，溫度非常滿意鍋內有一枝新鮮人蔘、半隻雞、紅棗、蒜頭、糯米，用料十足，加上是「煲滾」上桌的，所以喝下去很暖胃。由於湯料充足，所以附送的前菜我只要了南瓜，免得浪費食物。南瓜煮得剛剛好，沒有太爛。滿意！整體來說，是日午餐合乎水準，合格！不過要說一下侍應生的服務水準，雖然非繁忙時間整個場只有2人，但是侍應小姐仍然保持笑容，有禮貌，敬業樂業，值得一讚

最近去完韓國旅行ge我，好掛住當地ge石頭鍋飯同人參雞湯~番工番到悶悶地，放工決定食好D，上網睇下open rice介紹下就一丁友黎左位於旺角的梨滿園韓式料理~🙄基於一個人食得唔多，簡簡單單地叫左個雞肉石頭鍋飯同人參雞湯。咦?唔錯!! 石頭鍋飯夠大夠熱，D雞肉片唔算少，亦薄身夠入味。配菜亦豐富，食落口感十足，不輸比我係首爾吃的~ 🤗另外人參雞湯真的落重本，入面有成半隻雞，湯底好清甜，美中不足的是人參味不多夠，但整體上不錯亦算美味~😜不得不讚的是當你食到尾聲果陣店員都會送上生果(唔收費的)， 食完飯食埋食後果，感覺非常滿足~🤗