梨滿園韓國料理 (已結業)

之前在旺角食過幾間韓國菜，都好多人讚好味，但我地就覺得麻麻地，今次同老公在openrice 搵下睇下有冇推介，見咁多人讚，就即管試下，我地就點我地平日最愛既燜牛肋骨，超入味同牛好淋😋，炒粉絲又係好入味，不過就小小油啦，人參雞湯，我老公話好有韓國味😅，點知全部都真係好好味，我同老公都鎖定呢間，以後來旺角想食韓國野都來呢間食，價錢又唔太貴！服務態度又好，伴菜食完又可再叫，服務員都唔會黑面，真心值得推介！

Storming! What better way to keep warm than having soup? So decided on ginseng chicken as well as hotplate bulgogi.Ginseng chicken portion is generous but is bland, chicken is tough.Bulgogi was good though, generous and flavoursome for the price!

食過番尋味之我又黎啦！份人比較唔敢試新野，除非係朋友介紹同帶我去。今次做東道主帶朋友去食，就唯有safe D 揀間食過嘅，起碼為黎香港嘅親戚留個美好回憶。雖然食返同一間店，但都有試D唔同嘅野親戚唔想食蟹，就叫個醬油蝦食下！果然唔令人失望，超入味！上次覺得醬油蟹好好食，但試完蝦之後覺得蝦嘅口感比蟹好，爽口D，雖然仍然懷念蟹蓋撈飯嘅味道另外再叫左D肉黎燒，其中推介醃好嘅牛助骨！！！比冇醃嘅更正！同親戚爭住食，食到最後一舊先可以停低落黎影張相對於我呢個窮人黎講呢餐都算比較豪嫁啦，不過間唔中一餐好嘅，就當係獎勵下自己啦

一行四條女系旺角捐完血去食韓燒🔥食牛補血😽😽 呢到前菜都好豐富有五碟 左上 醃蘿蔔 好好食👍， 右上 豆芽菜左下 唔記得冇咩特別，中 南瓜，右下 醃泡菜ok 侍應姐姐教包生菜 先放塊肉再加沙律菜 再加個醬for冇醃過既肉 有另一隻汁for醃肉既（好似冇影到 好似喼汁咁既） 牛肋骨-好長吖 又唔肥 花紋靚 食落好juice。你影完相 可以叫侍應姐姐幫你剪 牛肉片 大致都唔錯 更係冇牛肋骨咁正。勝在份量多醃五花腩-肉質好係鹹左d 但包生菜食就得啦 仲減輕罪惡感㖭醬油蝦-驚喜之作 多膏又鮮 個豉油汁好夾個味。系韓國都冇整到咁好味 鮮帶子-大大隻 食咁多野 飲唔少得。酒精度唔高 岩哂女仔飲。唔飲酒可以飲凍檸茶 呢度整得有茶記水準 另 服務好好 好主動幫我地剪野 上菜又會教點食個醬/汁點咩肉。

第二次黎依度再食野,因為環境坐得舒服，唔會趕人走，同地點都幾方便。因為收工夜左，實在太肚餓，我地一黎到就order左一碟海鮮煎餅，食落去不油膩，而且係熱騰騰，十分香脆可口。果日都因為天氣冷，我地order 左一鍋高麗人參雞湯，但我覺得普普通通，沒什麼特別。我地幾個女仔仲order左D牛肉，好入味，　而且好有口感。值得一讚係d 服務員好好service，教我地點燒先好味，冇茶既時候又會自動加茶^^

韓食香港近年盛行，油尖旺區韓食餐廳多不勝數，又上OpenRice 搵搵資料，剛剛最就腳又多好評的便是這家 「梨滿園」。哈！都是差不多的店名啦。點了最喜歡亦多人推介的醬油蟹，正！加多個醬油蝦，個人覺得蝦比蟹更好味得4個人只點了牛肋骨、五花腩和黑毛豬枊。五花楠ok la、牛肋骨 好味、黑毛豬枊冇得頂，超中意。總的來說，今次印象分攞足，餐牌還有很多各樣菜色，下次可以試下唔燒食個鍋都唔錯

上次食不到醬油類食物，心心不憤今次一定要食到其中一樣...當入到店內，店員已遞上好味既前菜，雖然是送,但也很好味。你看有6碟給你...實在多款又好味食得燒物一定要有酒..我地決定要了這酒..很容易入口，即使第一次飲既朋友也覺很好味。主角終於黎啦鮮醬油鮑魚....本身未食過生鮑魚..但一試很有鮮味, 醬油也無令鮮未有影響更用醬油撈飯實在太好味.....好值得一去再去

encore梨滿園，貪佢係旺角夠方便同坐得舒服，平日唔係好多人唔洗等位！之前都係食韓燒，今次試下火鍋。叫左個海鮮鍋麵$288。見住個侍應落左一大隻八爪魚落去個鍋度，好足料！三個人好夠飽架啦。湯底胡椒味重，個面又好彈牙。聽講個面係由韓國運過黎的呢！我地仲叫左醬油鮑魚醬油蟹同醬油蝦就試得多，醬油鮑魚都係第一次試。不過可能鮑魚太厚，所以未入味。不過都算可接受，但我都係覺得醬油蝦個味夾的。仲可以撈飯, 下次要再食

之前都係去d勁平扮韓店度食，d野食同普通店差無幾，但今次朋友帶路，終於有d唔知咩黎既野啦!(姐係韓國野)朋友話唔食過呢個，就唔算食過韓食。生蟹！一開始心諗：點頂呀。但黎到又唔試新野，又好白撞，所以頂硬上。朋友讓個蟹蓋俾我，侍應教路要加d飯同紫菜，d飯吸晒d味，超好食！而生肉我就食唔慣，比晒朋友食，可惜我唔識欣賞。肉呀肉，我最愛食肉，有分未醃同醃左，推介食醃左既，調味調得好好，口味唔太重。佢有提供醬（鹽？），原味可自己調，我就懶得自己搞一向係煎餅類愛好者，印度薄餅蔥油餅都係我至愛。餐牌見到有餅當然要試下，煎得香，少少焦岩岩好，而且好足料，推介！帶子絕對係海鮮中既霸王！因為無骨無殼，人懶係一定要叫！又大粒，煎完都仲好多汁，正正！大大大海鮮煲，海鮮係其次，最正係個面底，唔識形容，唔係平時食果D，未食過呢種面，配新鮮海鮮湯底，絕配，可惜已飽飽地，咁大個好晒。

同朋友慶祝生日，去左試「梨滿園」這間韓國菜。一行四人吃韓燒，這間韓國菜性價比高所提供的肉類質素比想像中高😍打開menu有濟洲黑毛豬 牛肩肉等選擇～剛剛箍牙有好多野都食唔到⋯只能食軟的食物（哭）點了2款牛肉--特選牛肋骨(醃了)和無骨背肩肉快燒幾下己經可以放入口！入口即融的口感！連我鋼牙妹都食到，太正了！還有點左五花腩，呢間鋪嘅肉大部分都係薄切有D係超薄！我諗只有0.5mm 厚（？）真考刀工！闆娘很細心的介紹沾醬的食法：有以下3款1. 韓國麵豉醬（된장)：己醃肉用生菜包，再加醃菜2. 麻油和韓國粗鹽：沒醃的肉沾上去完全感受到肉質的鮮味3. 醬油 + 芝麻:　沒醃的肉的第2種汁~ 芝麻很香口這家較特別是用麵豉醬，在韓國吃時很多店家都會用쌈짱（像紅色豆瓣醬），這家吃法別有一番風味（yummy)肉也太軟Q好吃～很多時都忘了生菜的存在，直接沾醬就放進口裡去（感動）為了令朋友過韓式的生日，特別點了「海帶湯」一起飲材料超豐富的唷！想不到這裡連「醬油蟹」也有（心心眼）很好地分成4份的蟹腳，然後是蟹蓋～拌飯吃齒甲流香醬油飽魚也是彈牙鮮味的闆娘服務很好，不單只把肉剪好，海鮮也分好給我們總評：想再吃燒肉了

星期五收工旺角特別多人，想找個地方食好西特別難。好彩友人帶我去梨滿園，因為要上樓，所以岩岩好位~~自己唔算係特別的肉食愛好者，同行友人叫ｄ肉黎時我都忍唔住講：哇～ｄ肉真心靚！唔知係未靚肉送埋燒肉技術，燒得幾好呀之前一直都對泡菜餅麻麻地，覺得好油又好咸，但！呢個泡菜餅就打破左我對佢地的印象！好食到不得了，有少少辣，好香脆之餘，仲要唔油膩，食到停唔到蛋包蝦～好大隻！！！咸咸地幾好味～我個人最最最中意就係呢個人參雞湯！味道鮮甜，雖然有好足料既雞但中係好清甜，令人回味無窮！平時ｄ雞湯入面ｄ雞我唔會食，但呢個雞肉去點ｄ鹽又會吊到ｄ鮮味出黎～～而家打字都流口水～～

Happy Friday 最好就係同BFF一齊飲飲食食同吹下水啦～ 大家大學畢業之後都返曬工，未約到一齊去韓國食韓燒就係香港食左先啦梗係係openrice睇到宜間韓燒多好評，又係旺角咁方便，所以一早就book好左星期五放工黎食韓燒一去到就有得入座仲好快手咁上左餐前小菜同菜比我地大家一到齊就開始瘋狂點野食好似餓左好耐咁～當然唔少得要飲酒啦happy Friday 點可以少左酒呢！一叫完野食，侍應姐姐就上左啲夾燒肉嘅菜比我地，仲好細仔咁介紹比我地聽食燒肉嘅時候用菜食着肉同其他配料會仲好食。再同我地講會上左啲涼嘅菜先蝦同鮑魚話咁快就送到我因為敏感冇食到蝦，不過朋友話好正同係韓國食嘅一樣咁好食喎之後我最期待嘅燒肉終於岀現啦超級長，係我手嘅兩倍呀！之後侍應仲幫我地剪成一片片，方便我地燒黎食因為我地叫嘅係冇調味嘅燒肉，侍應就suggest 我地點前面嘅sauce；如果有調味嘅肉就點後面淺啡色嘅sauce燒好嘅肉點sauce再夾係蔬菜裹面一齊食諗到都流口水，好想再去食過除左牛肉吸引之外，佢地嘅帶子都好正我地四個女仔食左2盆啲帶子好滑，啱曬鍾意食海鮮嘅人食完第一round，我地仲係食唔停口，又叫多左啲

上星期跟友人到位於旺角的韓國餐廳梨滿園晚膳，餐廳的裝飾非常雅緻，座位亦挺寬敞的。這是家燒肉與韓式熟食也做得平均水準以上的店家。由於我不是個燒肉愛好者，所以開始還蠻擔心自己會「冇啖好食」。結果剛好相反，整餐下來吃的超撐XD首先要推薦的是水冷麵，我喜歡加入了白醋後的酸味，十分開胃。幼身的麵條冰得恰到好處，口感一流。三個人叫一碗，每人吃一點分量剛好。海鮮餅是我第二推薦的熟食，配上特制醬汁，提升鮮味值得一試。想說吃韓國餐廳當然不能忽略人參雞湯，於是叫了一客分著喝。雞湯鮮甜，不是那種下了一堆味精的湯。雞肉可以沾一點鹽吃，效果更佳!最後不得不推薦的是醬油鮑魚，爽口的鮑魚醃得恰到好處，啖啖鮮味與咸香，是配飯吃的好伴侶! 

四個人gathering 見到有set餐韓燒就上咗黎，冇咩人食好多位，叫咗好多牛，雪花牛真心正，一睇就知高質牛，仲有帶子都好正，d waiter 好好services ,會幫你剪開一塊塊牛，又會提你點邊隻醬，見到燒到燶哂主動話換爐，味道正常，個人覺得好食過炑八，炑八d燒肉偏咸同濃味，呢到就有得簡原汁原味冇醃製既，可以自己點醬料，另外，醬油鮑魚都好抵食，98蚊3隻好鮮味👍🏻👍🏻呢間野抵食吹水一流食幾耐都得，地方大加上人流唔多，值得再試👍🏻有意外驚喜估唔到比想像中會好食咁多

放工約左幾個朋友仔談心，旺角黎講呢度地都幾好又方便，唔算嘈，方便傾計店員都好有禮貌同快手。上菜時都有解釋係咩黎六款開胃前菜最鐘意豆士絲刺身鮑魚，朋友說不錯。(只係我不好生食)推介呢個無骨背肩肉，生鮮既牛肉，好滑！熟左都好軟叫左兩碟，比我食左一整碟帶子都夾生菜食加上沙拉同祕制醬汁韓國啤酒飲左兩支呢個蝦。。。蝦係大隻，但勁咸，但朋友說不錯，可以啲鹽去曬我度。。。食完食類，呢個海帶湯鮮味又解濟呢餐都係水準以上，店員姐姐的親和力加分