梨滿園韓國料理 (已結業)

一直都好少行通菜街呢條內街，皆因女人街實在太多人，但如果去旺角搵食，咁又例外因為我知道有間隱世韓國菜館，服務同食物都不錯。門口已經見到有超值晚市套餐，確實係抵食！當然出咗糧我就比較喜歡散叫食豪d啦！wahahaha 最鍾意韓國菜的傳統，一坐低就奉上幾碟前菜，呢度啲Kimchi真係好有水準韓國人好鍾意飲米酒，因為公司 vendor 係韓國人, 就知道佢哋不醉無歸，咁先至覺得你對佢哋有熱誠，所以我久不久都會淺嘗一下，用小湯碗飲更加有霸氣，農酒索價都只不過係 $100，價錢公道有酒就當然有韓式生醃豉油蝦啦$138已經有六大隻，店長似係韓國人，好講究衛生，奉上濕紙巾之餘仲不斷提我地要先抹手，蝦肉口感柔軟順滑，一點雪味都沒有，解凍工夫做得好好生醃調味一流，什麼醬汁都不用了，已經回味無窮。跟住就到牛魔王出場，特選肉眼扒 都只不過係 $138 就有 200g咁抵食夾大件，一個人食一塊扒都好合理啫！一邊燒，雪花充滿牛嘅油脂香味，撲鼻而來牛肉本身口感軟滑，牛味香濃，食嘅時候記得配上特製醬油、韓國麵豉醬同埋生菜。包好一下送入口裏面，口感層次特別豐富趁住今晚有三個男人食肉獸，我仲揸主意點了一客廚師精選的秘制

朕都好耐無微服出巡喇，今日朕既隨從就同朕講，有一間高麗菜應讓幾啱朕既口胃，於是朕今日就去到旺角既梨滿園韓國料理試下，睇下係咪真係咁有高麗風味！朕一坐低連餐牌都未睇，阿豬媽店小二就過黎斟水同埋奉上韓式六小碟，比朕一路食一路聽佢介紹有咩野係必試既，而朕每次食高麗菜都係必點既紅燜牛肋骨，呢度既紅燜牛肋骨燜到非常之腍身，但係又唔會一夾就散哂，食落又有好香濃既牛味，而啲蘿蔔仲吸收哂啲牛肉既香味同埋超腍身，真係低讚！呢個韓式醬油蟹就係阿豬媽力推既，朕喺高麗都試過，不過朕就覺得過鹹，店小二就話呢度既唔會，朕就信下佢，醬蟹大小適中，又有蟹膏，醬蟹朕只係會食個蟹蓋既啫，超好味，啲飯有蟹膏既香同鮮味，加埋啲紫菜拌飯超好味，啲蟹腳就留俾隨從們吧！食高麗菜又點少得烤肉呢，朕就叫左個～特選牛肋骨（無醃），特選牛肋骨肥瘦適中，雪花分佈均勻，一睇就知係好野，阿豬媽話（無醃）既肉燒完之後就點少少鹽，就可以吊出佢既肉味，而醃過既就點少少醬油可以更好味。特選牛肋骨（無醃），肉味香濃，肉質嫩滑，用生菜包住，加埋蒜片同埋沙律菜食落可以清新啲，真係食幾多都唔會（漏）呀！紅椒醬醃五花腩片，肥瘦適中，烤五花腩張啲油迫哂出黎，食落香

又到番工飯堂ge時間 呢間韓國菜係我番工最鐘意去食的餐廳之一 午餐晚餐都好多選擇 我見好多人去都係食韓燒 但因為放飯時間有限 我地都係嗌set多 午餐會比晚餐平 $10-20, 仲有飲品送 款式亦多d今日同同事一行五人嗌左5個餐再share食 每個人可以揀2個前菜 有kimchi, 薯仔絲❤️，芽菜，南瓜，白菜etc 仲有個湯👍左: 泡菜豬腩肉炒年糕 右: 韓式炒粉絲牛肋骨煲 呢個以午餐來講算幾貴 $78 但真係好好味 送飯一流鐵板泡菜炒豬腩肉 有點油 仲有個石頭鍋飯唔記得影相 埋單每人都係$53

見評分高，同朋友試下韓燒同其他菜，點知......濟州島五花肉唔新鮮而硬，明白入口都是雪藏，但肉質唔新鮮得太明顯。麵豉醬也不好。其他就泡菜煎餅味道OK但比較油。鹽燒鯖魚很大條，但比較腥。海帶湯不過不失。唯一比較好是紫菜蛋捲。來吃之前要三思！

見d食評唔錯，星期五既晚訂左枱同朋友2位來試下，8點去到，都滿座。環境幾好，幾寬闊，2人都有卡位坐，好舒服！佢地人手都幾不足，好似得2個人，不過都好有禮貌，可以接受的。前菜唔錯，再添加好似要比錢泡菜餅係到睇左話唔錯，叫左真係幾好，好香脆!牛肉炒粉絲中規中矩，因為鐘意食粉絲都覺得OK部隊鍋淡左D，後尾叫佢再加返d湯有好D，不過一般，可以不試埋單$4xx，個部隊鍋$2xx，部隊鍋就唔係好抵，so far 都OK，可再來！

友人突然話想食韓燒...當然坊間有好多任飲任食的韓燒鋪頭..但真心中伏次數太多...唔敢再亂黎..睇到呢間韓國食店好似幾好咁...一打電話去仲訂到位...所以決定試一次上到去等左冇3分鐘就帶我地坐低..今次黎主力係想食韓燒既，但明顯友人見到個餐牌有咁多野就咩都想食喇..所以最後叫左一個雞肉同雜錦牛肉的燒肉再加埋一個牛肋骨湯三樣野!係主菜出場之前，食韓國野大家都一定好期待佢的泡菜..呢間食店的泡菜中規中矩，唯一突出的就係佢的普通辣泡菜，因為佢做的係咸味泡菜..而唔係香港好多鋪頭用的酸味泡菜!食完泡菜主角就出場喇....無可否認，呢間食店烤肉的肉質係相當唔錯，特別係牛肉。雖然唔係咩和牛之類的，但有肉味。再加上佢醃得幾入味，所以係幾好食的。到呢個牛肋骨湯，料係好多,但味道略為淡左小小..如果再濃味返小小就非常好。總體黎講呢間食店可以再去的，但未到驚為天人的地步!

同朋友行完街搵地方食晚飯，上網見到呢間評價唔錯咪上去試下囉，我地無叫烤肉，而係order咗晚餐餐單上既幾個餸, 每個餸都係$100以內，唔算貴，但留意返唔係每個餸都跟白飯，叫之前要問清楚！Anyway, 最好食係個泡菜餅(必點), 燜牛肉其實都唔錯, 石頭鍋飯都夠大碗但就比較普通。但服務態度好差, 啲服務員唔理人, 之後有個著西裝既女人serve 我地, 但全程黑面又唔係好應人, 就算應態度都唔好。另外，當晚我地叫左燜牛肉，係有跟飯既。之後再外賣一份燜牛肉（外賣+$2），但原來外賣係唔跟白飯，要既話要加錢！咁點解唔係俾錢時同我地講呢？總之食到成肚氣，就算味道ok, 都唔會再去。

係旺角返工，特登做左資料搜集，見好評都唔少，就試下。可以午餐時間韓燒，但因為午飯時間唔多，就叫套餐。揀左炒粉絲，牛肉伴飯，人參雞湯同炒年糕。*粉絲: 味道不錯，價錢好像是套餐中最便宜*牛肉伴飯:韓式牛肉的份量充足，都好食，個人覺得石鍋牛肉伴飯應該會更好味，因為會有少少飯焦以及更"熱辣辣"*炒年糕:有d辣，年糕煙韌,推介(因為最遲上菜，趕住食完返工無影到)*人參雞湯: $68，套餐中較貴的，雞沒有人參味，但同事話$68唔好要求咁多，以熱湯有1/3隻雞跟左碗飯，我比較推介其他餐餐有包熱飲，好似無收加一添整體:食物好食,服務還好，會再來(黑衫經理會提供幾款前菜，前菜都幾有水準，選擇包括泡菜，南瓜，大豆芽等)

食過兩次，食物不錯，服務尚可。醬油蝦-好味！不會過咸，非常好味。濟州島五花腩- 味道很一般，而且薄。辣章魚- 非常大碟，味道ok。辣雞- 好味，微辣。石鍋飯-不錯，有飯焦。配菜-很好吃馬加利酒-很一般，淡。泡菜煎餅-夠味但不夠脆，要自行放在爐翻煎。

多久沒有吃韓國菜也已經忘了，這晚來到旺角「女人街」的「梨滿園韓國料理」，是沒有計劃的，都只是隨遇而行。可能是星期一晚吧，客人不是太多，但讓我們坐得更輕鬆。先嚐一客「紅燜牛肋骨」（$98），窩內配以很多紅蘿蔔 及白蘿蔔，燜得入味且嫩口多汁，不過，主角牛肋骨就稍遜，雖然同樣入味，但燜得未夠軟腍，又夾雜很多筋膜，影響口感，還好是由店員代勞為客人剪成小件，方便進食，服務上要加分。由於汁底很香，撈飯是指定動作吧！下一道菜是「蛋包蝦」（$128），賣相頗別緻，大蝦已去殼，沾蛋漿香煎至金黃。蝦肉入口爽彈，蛋皮香綿，真的不錯。再來是一道蔬菜菜式「炒鮮菌雜菜」（$68），材料很豐富，以金菇及雞脾菇為主，再加上青瓜、洋蔥,翠玉瓜、紅蘿蔔、黃芽白，份量十足，清新健康，是抵食之選。最後以「炒粉絲海鮮」（$68）作為墊肚之選，以韓國甜豉油製作，故色深味香，粉絲較粗身，吃來爽滑有韌勁，吸滿醬汁很惹味，海鮮有大蝦、蜆隻、魷魚，不欺場啊！雖然沒有吃韓燒，但偶爾吃點其他的韓國菜，倒也不錯呢！

父親節爸爸發板話要食韓燒😂搵左呢間係旺角既試一試早左好多book 去到等左5分鐘到就入座😊嗌左個 超值4人晚市套餐 ($468)首先上左d 前菜 姐姐話唔係任添 但可以加一兩碟😂我自己最愛個南瓜同埋泡菜😋😋 生菜跟麵豉醬 用黎包住d肉食減低油膩既感覺😬😬d生菜都幾新鮮 唔錯 辣味香蔥 呢碟唔係好知咩黎😅😅 又唔熱又唔凍唔知包住一齊食定當前菜😂 麻麻地 烤肉什錦拼盤 就咁望以為都未必夠食 點知都幾多😂😂入面有齊牛肉豬肉雞肉肉醃得好夠味 而且唔會太油👍🏿👍🏿我自己非常like佢既雞肉 肉質嫩滑味又夠濃😊 鹽燒鯖魚 無啦啦有個日式既鯖魚 仲有wasabi😅😅不過個魚又幾好味 皮好香脆 肉質又嫩 嫲嫲都食到😆 泡菜煎餅 大愛呢個泡菜煎餅😍😍😍非常熱辣辣 而且煎得好香脆 唔會燶又有好重泡菜味 正呀😙 韓式薯仔雞鍋 原來最後食哂個燒肉拎起塊鐵板先上呢個鍋😎因為個餐其實跟飯 已經食到9成飽😂😂佢一上菜真係嚇左跳 因為真係成個雞煲黎入面材料其實已經煮左 上電磁爐都係整番熱佢都好足料 雖然d雞斬頭斬尾😂 但又有年糕又有粉絲 同埋都好入味 正！👍🏿💕服務唔錯 d店員好忙都會記得你要d咩 只係時間耐少

今年阿Sir生日又要求食韓國菜，因為佢太想食醬油蟹，本來打算去醬缸，但果邊星期日休息，唯有再响 Openrice 努力搵料，見到呢間食評都唔錯，而且服務都幾好，一於試試佢啦。韓式醬油蟹 $158之前打電話同店員了解蟹膏情況，佢哋都好老實講8,9月蟹先靚，而家膏唔太多，但基於阿Sir好恨食，所以都叫店員幫我預留一隻。所以當日上枱都唔會覺得太失望，阿Sir仲話雖然無蟹膏，但蟹肉都好鮮甜，加醬油同紫菜拌飯食超正！韓式醬油蝦 $138蝦比蟹多少少膏，阿Sir食到lam lam脷，第一次食生蝦感覺非常良好，蝦肉彈身鮮甜，如果蝦大隻少少就好lu！黑毛豬五花腩 $138呢條五花腩唔夠油脂，燒完之後略嫌太乾，但食落都好香口既，加醬包生菜食一流 !精選牛肉併盤 $160有牛肉／牛肋骨／牛肋骨肉，三款都醃得好好味，尤其牛肋骨，如果份量多少少就滿足喇！二人共消費：$667後記：服務態度超好，不停改booking呀 加茶啦 調教冷氣啦 追加前菜啦 執碟啦… 完全快夾妥，食物水準都ok，下次都會再嚟再襯。

是日約左朋友係旺角行街，到食晚飯我唯一要求係坐得舒服同唔好限時趕人走。朋友就帶左我上黎呢度，呢間唔係任食韓燒，價錢可能無咁相宜，但其實任食既又真係食得幾多。又迫人又限時，而且品質又實有一個成本控制。我地叫左個牛肋骨餐同一個二人餐首先二人餐送上前菜，這是正宗韓國餐廳最基本要奉上，味道不錯，尤其個泡菜，唔會勁酸辣這個牛肋骨必需推介，煮得好入味同冧，骨肉輕易分離，紅／白蘿蔔好入味，個汁唔太咸，送飯一流石鍋飯，極熱，而且菜同餸都好多，後邊韓國粉絲炒牛肉，味甜甜地，口感幼滑不易爛。這個多春魚就失色了，比較凍，所以味道麻麻，可幸是肉實不會一夾就爛晒。但味道偏咸

好耐無食韓國菜，以為收集各食家意見，走去試吓呢間，點知前菜做得唔地道，醬蝦唔鮮甜，牛肋骨一般，泡菜煎餅還算合格，還有環境算是一般，抽氣不太好，服務人員不够，連倒茶都忙不過來，價錢不算平宜啊！朋友雖然食唔飽，佢覺得味道麻麻，所以都無胃口繼續食，肯定無下次！

講開韓燒，其實而家離不開嗰幾間，舊派既有韓燒任食，但最近估唔到有間值得推介，環境夠地道，實而不華，食物亦然。假期更有平價既晚餐，都係$58就有個餐，燒肉既質素同味道都不錯，當日試唔到必點既大蝦，下次必定再來，性價比甚高既一間韓烤店