柞木炭家

营业中

休息中

已經是第四次食，必食韓牛肋眼上蓋及無骨雞翼。韓牛肋眼上蓋真係好好味，無醃過，但肉汁是甜的，記住不要燒太耐，上次每面燒2分鐘肉質就太「鞋」，雖然仍然食倒肉的甜味。今次問左職員，話每面燒30 秒就可以了，覺得太生的話，剪開再燒多一陣啦。無骨雞翼都好好味，其實雞肉拼盤都唔錯。另外叫了特級牛肋骨，也不錯，還配有兩隻蝦同成個好新鮮嘅洋蔥。叫白飯仲有少少紫菜同埋一碟好味蟹膏送。其他配菜如沙律、泡菜都好好味，配肉嘅蔬菜都好新鮮，仲有一兜芝士粟米好好味，真是大滿足！P.S. 韓牛同和牛不同，是食肉味不是食入口即融。另外，之前食過濟洲豬(唔記得是五花腩定梅頭)，個人覺得麻麻，不用試。

同朋友係旺角按完腳，就落返旺角地鐵站B1出口🤣原來呢個出口，一出就係個新商場（可能已經新左一陣，但我未聽過🙃)。搭扶手電梯上左5樓，入左間韓國燒肉店。星期二夜晚8點幾，唔算多人，安排左我地坐卡位，境境都唔錯，卡位夠寬敞。一坐低，就放低左呢幾碟前菜，加一壺凍茶。d泡菜好味，甜甜辣辣咁。我地點左冷麵，麵條夠QQ，不過不失。再點左牛小排，雪花分佈平均。仲點左龍蝦，塗左牛油同蒜容，爽口惹味。整體尼講係不過不失嘅，但又唔係話好突出，加上係旺角尼講，兩位要$600算貴了。但環境唔錯，經過嘅可以一試

喺香港唔難食到韓牛，不過，韓牛出口唔多，所以質素都幾參差，如果你都想食到好似A姐一樣咁靚嘅韓牛，推介你嚟旺角T.O.P.嘅柞木炭家啦！我哋上次嚟試過韓牛肋眼上蓋，一直念念不忘，所以今次encore，叫咗韓牛精選拼盤，試齊各個部位，就叫滿足？少年，你太年輕了！更滿足係韓牛即點即切，夠晒新鮮！刺身就話即叫即切，估唔到韓牛都得！師傅刀功都唔簡單，手起刀落。除咗韓牛現切，呢度嘅大白菜泡菜都係即現架！原棵大白菜好入味好爽口，啱晒我哋嘅口味。韓牛精選拼盤拼盤有5個部位：肩肉眼上蓋、肩胛牛小排、特級牛小排、肩眼芯同牛胸複。肩肉眼上蓋呢個係心心眼推介！油脂花紋分佈均勻，超嫩滑，接近入口即熔。肩胛牛小排肉質嫩滑，牛味香濃，彈性十足，油花適中，夠juicy。特級牛小排油脂豐富，肉質柔嫩細緻，筋膜唔多，夠晒滿足。肩眼芯肉味最濃！肉質厚實，有口感。牛胸複油花細緻，肉味較濃，薄切更食得出牛肉嘅鮮嫩。海鮮煎蔥餅食完牛，再試埋呢個海鮮煎蔥餅，大大塊，仲有勁多海鮮，唔會太乾，性價比好高。柞木韓牛飯韓牛肉配上蔥花同蛋，趁熱先將佢拌勻，好回味，夠晒飽肚！最後飲埋2杯特飲，呢餐夠晒滿足。

作為食肉獸既我知道柞木炭家有韓牛切割會，特登嚟呢度捧下場點咗個1++韓牛拼盤入面一共有五款韓牛，有特級牛小排，肩胛牛小排，肩肉眼上蓋，肩眼心同牛胸複感覺1++牛肉冇咁油膩，而且呢個部位既肉質較結實，口感爽滑而有嚼勁。聽說餐廳之後會不定期舉辦韓牛切割會，讓客人有機會食到不同部位的即切優質韓牛👏🏻👏🏻實在太好我最鐘意食肩肉眼上蓋，佢系肋眼牛排的精華部位，牛的油脂花紋分佈比較均勻，入口肉質口感滑嫩另外肩胛牛小排味道口感都吾錯，肉質嫩滑而且有彈性，佢適中既油花，吃下去不油不膩，最緊釀系肉質飽滿多汁🤩我好鍾意食佢嘅煎蔥餅，煎得好香脆，好濃郁既蛋味，蔥餅上面仲有好多海鮮佢呢一個餐仲會有一個炸木韓牛飯日本蔥花一半牛肉碎沾滿了成碗飯中間仲有雞蛋🥚，呢個蛋汁半飯係一個完美配搭,yummy🤤🤤 最得意嘅係我叫咗一杯魔法梳打，呢個係個餐包埋嘅。好特別啊呢個味道。magic 😋

旺角新商場TOP 有好多餐廳今日就嚟試吓柞木炭家 餐廳嘅環境非常之唔錯，好適合同朋友或者一家人過嚟，好適合同朋友或者一家人過嚟聚餐，座位寬闊，感覺乾淨舒服。一開始佢先有幾種前菜，好似芽菜，泡菜咁。不得不提佢哋嘅泡菜醃都非常之好食，有陣時出邊嘅泡菜會超級酸或者太辣，呢個我就覺得啱啱好，有陣時出邊嘅泡菜會超級酸或者太辣，幾啱香港人口味。牛肉方面我哋就揀咗1+韓牛拼盤，今日有師傅會喺出邊即場切啲牛肉，我都特登行咗過去睇，佢哋嘅牛肉非常之新鮮，我本身唔太鍾意食太肥嘅牛，今次呢個1+韓牛就啱晒我，肥瘦適中，唔會食到太油膩太辛苦。 肩肉眼上蓋，佢係肋眼牛排的精華部位，肉質口感滑嫩，另外油脂分佈相當均勻，唔會咁有負擔。肩眼芯: 油花幾靚，都幾juicy另外都叫咗兩款主食，佢哋嘅海鮮蔥餅我非常之推介，鹹鹹香香咁樣，仲特登叫咗兩支清酒，好夾。仲有佢哋嘅柞木拌飯都好鍾意食，好似係佢哋嘅招牌嚟㗎，佢係一半蔥一半牛肉粒，仲有隻溫泉蛋，所以嘅話基本上係一口牛肉飯一口蔥，like

#柞木炭家 身為食肉獸既Dra 今日嚟到旺角新商場TOP 既柞木炭家同韓牛大戰三百回合叫咗個1+韓牛拼盤 入邊一共有五款韓牛 有牛胸腹等等平時就食得多1++牛多，1+牛就冇咁多油脂，食落唔會太過油膩，今日黎到仲咁岩係即場切叫即切牛比我地呀，so fresh。海鮮煎蔥餅呢個煎蔥餅我好鍾意食，炸得好脆口，入邊仲有好多海鮮，有我最鍾意嘅魷魚柞木韓牛飯幾鍾意食蔥花芫荽嘅我一見到成碗都係蔥花即刻心心眼，一半係蔥花一半係牛肉，上面仲有隻雞蛋俾我哋撈勻，食落去蔥花唔會搶咗牛味，加埋啲蛋汁成個配搭好完美。 另外我哋都叫咗個荔枝梳打同埋菠蘿梳打，食韓燒點樣可以唔叫啲有氣嘅嘢呢。

《韓牛肋靚眼上蓋》🐮$280《極上黑毛豬肩肉》🐽$188-呢間韓國燒烤以柞木炭嚟韓燒，燒落嘅食物會充滿炭香，同其他韓國菜一樣都會提供好多前菜，泡菜亦都係自家醃製，開心係有芝士栗米🌽🤣。-必食《韓牛肋靚眼上蓋》🐮賣相好靚，油脂分佈好均勻雪花充足食落口牛味係口腔散開😽加上肉質Juicy，聽講重係全港獨賣🤫，所以係必食無誤😬！除咗韓牛我地三人行重叫左二人套餐，套餐會有個韓牛拼盤提供是日精選嘅部位但唔知係咪太薄切好似食咗陣風🌪，值得一讚係燒饅魚🐟肉身夠厚同無骨，燒起上嚟啖啖肉表皮夠脆淋上鰻魚汁好滿足☺️，之後仲散叫左《極上黑毛豬肩肉》口感厚實🐽，可以一試，但水冷麵就唔太建議🤦🏻‍♂️，感覺一般冇咩特別可以唔使浪費個胃，留返用嚟食韓牛😌比較失望嘅係上網睇話會有店員幫手燒，但我地燒左接近兩個鐘都冇人幫忙，所以有時會燒到嘢食竉咗😵，總結餐廳屬於中上價最後埋單大概千八蚊，食完未算話好飽，服務加食物上感覺呢個價錢感覺可以有更多韓燒嘅選擇🧐。

位於旺角站出口的T.O.P.商場內， 交通十分便利， 雖然桌子較為細， ４人卡位多數會安排給5人入座， 但勝在通道位闊落，空間感十足，不會太困聲；通風系統亦皆，不會吃得滿身油煙味。前菜款式多，可隨意添加，泡菜原棵放於器皿內，顧客可按需要自行剪裁，牛舌味濃肉嫩。特級牛肋骨 擺盆甚美，以－個小壺盛著，伴送兩隻大蝦，外形已先聲奪人，壺內盛滿南瓜，牛肋骨原塊上， 價錢看似較高，但份量極多，我們於爐邊圍了蔬菜，分了三次才烤完，貴買平吃。油脂分佈均勻，肉質軟嫩、味濃。極上黑毛豬肩肉 略嫌切得太薄，啖不出味來。 雖然黑毛豬可以生吃，但香港人會不太習慣，建議兩邊稍為燙一燙火便吃，否則容易過火。極尚韓牛牛胸腹肉 肥瘦交替有層次，肉味和油脂平均，是價位較平之選。韓牛肋眼上蓋 口感嫩滑多汁， 由於油脂十分豐富， 不宜太生吃， 燒至六七成把油脂逼出來，才能吃到油味的芳香。牛骨湯 原條牛骨，湯色清而不混濁，味道濃而不膩，與附送的紫菜飯一起品嚐，絕配！柞木韓牛飯 白飯上鋪滿免治牛肉， 中間加一隻窩蛋， 吃前先把牛肉和蛋拌勻， 牛肉嫩滑，滋味無窮。由於較多人光顧，建議先行電話留座， 晚上用膳時間每桌只有兩小

美食當前，亦有所思，或饞性千嬌。食為天性，靜靜咀嚼，輕輕回味，實屬非比尋常的韻致。.從小到大，媽媽總告訴我，“各處鄉村各處例”。華人有CNY ，西方人有Xmas。今年公司開年飯“韓潮”一番——九節板。作為不可或缺的韓潮年節菜式之一，寓意眾星捧月、五彩繽紛的新年氣象。.韓牛真的第一次品嚐到，已經分不出肉跟肥，不致於入口即化，應該是說after taste 比吃它本物分數更高。.美食，如愛一樣溫柔對待每一個人。因為，唯愛與美食不可辜負。

為慶祝夫君轉新工，包子特意找尋了這間大獲好評的韓式燒肉店去慶賀一番🎉！位置非常方便，地鐵站🚉B1出口，直上5/F便是！好彩一早已book定位，是晚星期五所以全場爆🈵！餐廳設有室內和室外，因為落雨關係所以我們選擇在室內用餐。內裡空間感十足，燈光帶點昏暗，充滿型格風味。泡菜可能比其他店鋪少，但勝在夠精！茄子🍆醃得入味，泡菜更是原條剪的，味道十分不錯，不會太鹹或太辣🌶，非常惹味，吃過不停！首先點了一枝大瓶Hite🍺，啤啤佢先！但價錢有點進取，需要$75/1枝。但是為了慶祝，豪一豪啦！身為食肉獸的我倆，點了2份牛🐂，一份豬再加韓牛飯，吃過痛快！月見韓牛西冷 - 薄薄的2片西冷🥩，雪花分佈平均，肉質嫩滑。配合一個賣相特別的特製醬汁，原來是雞蛋黃與蛋白🥚泡沬，拌勻後蘸上一起吃口感更細滑，把肉味提升到next level！柞木特級牛助骨 - 份量十足，居然還有2隻蝦🦐及南瓜🎃及洋蔥等配菜，物超所值！牛助骨是我們韓燒必點項目，牛味比西冷更濃，而且切得較厚，口感更佳！肉質亦夠juicy，醬料亦腌製得剛好！極上黑毛豬肩肉 - 豬肉🐷夠厚身，充滿油香，肉質夠淋，不會韌！柞木韓牛飯 - 夠熱，韓牛肉碎配上簡單

黎到旺角，發現開左個新商場TOP，就入去睇下！發現有好多精緻小店，同特色食店，有間格調唔錯既韓燒餐廳係頂層，心思思入去試下！坐埋位，店員就上前菜比我地，呢到既泡菜比較特別，係成棵放入壺到自己剪，而且味道比起我食過咁多間韓國餐廳係特別好食，所以成壺比我食晒😂😂😂之後點左幾款牛肉同朋友試食厚切韓牛肉眼一上枱好震撼，大塊到覆蓋左成個網，一向鐘意食肉眼既我無令我失望。入口軟腍，而且肉味香濃，值得推介另一款月見韓牛西冷都好好食，雖然得兩塊，但放上網輕輕香烤，點埋蛋漿口感嫩滑，香甜肉味食得更過癮！主食就叫左海膽生牛肉石鍋飯，店員仲會幫忙拌勻。第一次石鍋飯原來可以咁食，每粒飯都有海膽香味，而且配小小脆口飯焦，都幾唔錯。下次想試下坐戶外食，一定仲有氣氛！

係韓國食過一次韓牛，那時覺得味道還是和牛更勝一籌所以通常都只會去日式燒肉多，見最近朋友在instagram share牛柳三文治就襯母親節試試，可惜去到旺角果間先知原來銅鑼灣店先有牛柳三文治🥪😭😭叫了朋友介紹的韓牛牛柳 $328💯牛脂分佈均勻 如大理石一樣的紋理 稍為烤一會（切記反轉要快勁痴底）入口即溶油花四淺 韓牛牛小排 $165 鹽燒質感較實油脂亦相對小但仍然牛味濃 極上牛舌 $158無特別極上黑毛豬肩肉 $188不需要任何調味料略鹹、肉質林易入口濟州活鰻魚 $228最驚喜就是鰻魚，燒得脆脆 配合醬汁突顯肉質非常鮮味油香十足 越吃越香不過服務真的一般般，下單慢了點女員工即黑面令人不爽😫

服務：推晒喺水吧，叫一下，問一句，答一句，多謝你喎食物：三女人食二人餐，夠食，新鮮。好味，豬好味，牛肉正到痺，海膽正價錢：有點少貴地方：算乾淨想再去，但價錢同服務會令我有點卻步

韓國嘢食係香港都唔小，而且越開越多，單係韓國街都夠哂多。記得有一次係韓國街叫外賣，要咗D泡菜，但真係勁難食，因為佢又無得試食，最後真係食唔到，但又唔平。今日同朋友去食韓燒，聽聞呢間嘢係高級韓燒，都唔算平。但睇樓面的確係幾靚，而路經位見D人食D嘢都幾吸引。一開頭佢上咗D前菜，都真係質素唔錯，但不得提係佢個泡菜，我覺得仲好食過我之前旅行係韓國食個D咁，而且可以refill，覺得幾好味，唔會好辣，食唔停口。

突然想食韓燒，我朋友介紹呢間唔錯，所以就黎試下，果然冇介紹錯😋首先環境好靚，坐得好舒服，而且有我最鐘意既網燒，有呢幾種配套已經加曬分。而配菜有泡菜、芽菜、茄子、柚子味沙律菜、新鮮生菜，全部都好好味，最鐘意茄子好入味，而泡菜好辣與韓國食既味道好似呀！特選黑毛豬五花肉 (鹽燒） $118五花肉油脂和肉既分怖都好好，但可能太簿，肉既味道唔太強，包生菜食好好味。炸木牛小排 (鹽燒）$192牛肉好嫩滑，不用沾醬汁都好夠味。附上既蔬菜一拼燒，南瓜、蓮藕都好甜，好有驚喜呢。海鮮煎蔥餅 $112呢個係我食過最好味既煎蔥餅，唔會煎得好干，而且好大塊，CP 值好高。下次同多d 朋友黎食先，可以叫多d 唔同種類既食物。另外服務很好，充滿笑容既少女侍應，離開時都有招手say goodbye, 太可愛了！在香港已經很少見到咁甜美笑容既服務態度，很值得稱讚哦❤️