杜老誌大飯店 (已結業)

年初七人日，同屋企人去食餐飯。估唔到有驚喜！先上個花甲蒸水蛋，個賣相認真一流！食落鮮甜滑流！正！呢味野花甲新鮮好重要，而家咁既時勢冇乜人出街食飯，呢度都仲可以keep住用新鮮花甲，唔錯喎。個心即刻加分！再黎左個聖子生菜包，嘩，用聖子黎做生菜包又幾特別喎！好味😋跟住個蒸倉魚又係特別喎！未食過斬件蒸既，估唔到又幾滑，重點係好肥美！魚要肥先好食。途中見到隔離枱個鹽焗馬友勁吸引！下次真係要試！其它尖椒炒牛肉，咕嚕肉同西蘭花鮮魷，都係的基本功菜，有水準。反而個例湯竟然好夠味，有住家湯feel值得一讚！食到好飽，但個待應熱情推介波蘿包西米露，又見佢細細個就叫左2個分黎食，點知，食到搶住食唔夠喉！個面真係好似波蘿包咁脆，然後的西米露唔係好甜，食落暖笠笠，超正！老公仲話佢之前食過呢度的炸鮮奶，一樣咁正！可惜我已飽到食唔落！下次一定要黎食番個炸鮮奶！而家要搵的好食既小菜鋪頭真係唔易，杜老誌大飯店！我會記住你

大排檔香港買少見少，灣仔最近就開左間好有香港特色既室內大排擋🤣 杜老誌大飯店😚一入去唔係睇食咩，係周圍影相😍 不同既霓虹燈光招牌，好靚🥰椒鹽九肚魚熱辣辣香噴噴😋 表皮十分酥脆，內裡既魚肉就滑嫩到不得了！重點係一啲都無油膩既感覺😍鐵板煎珍珠蠔仔賣相有啲似泰式既煎蠔仔蛋，蔥味超濃郁😙蠔仔多到😂 好足料👍🏻避風塘炒蟹以前去大排擋一定會叫炒蟹，所以今次我地都嗌返碟😆 調味微辣，但香口度滿分。而且隻蟹好新鮮，蟹肉鮮甜，超好食🥰維他奶呢度除左有玻璃樽裝汽水，仲有維他奶，好特別☺

灣仔係以前男朋友工作嘅地方所以佢都好熟悉㗎今次佢就帶我嚟到位於杜老誌道嘅杜老誌大飯店離遠嘅時候都見到招牌所以好容易搵㗎餐廳裝修主要都係以懷舊做主題有好多唔同嘅設計所以入到去好似去咗以前咁呀雖然位置於灣仔但係都幾多人食架喎餐廳有啲好懷舊嘅甜品添我哋今次就叫咗鹽焗馬友呢個菜式幾多人揀㗎店員會幫手打爛面頭啲鹽先！條魚好多肉食又入味！正杜老誌炒飯果然係招牌炒飯真係炒得好好而且份量好多兩個人都食到好多碗紅燒乳鴿店員仲會問你使唔使斬件上超級細心呀乳鴿燒得好趣口令人食到停唔到口呀而且佢哋會有手套俾我哋㗎唔使驚整污糟手今晚點嘅菜所有都好好味估唔到咁有水準！

最近呢間杜老誌大飯店都幾火紅，全因佢裝修特別，好有老香港特色。餐廳好多打卡位，見到好多都係遊客😛避風塘炒蟹我地幾個都鍾意食蟹就揀左個避風塘炒蟹，遠一遠都已經聞到陣香味😏 入口唔算太辣，雖然表面炸到脆卜卜，但係入口啲蟹肉仲係好鮮甜👍🏻海鮮粉絲什菜煲有唔同既時令菜，今晚就有西蘭花、生菜、白菜等等😬 海鮮就有蝦、鮮魷嗰啲。菜炆得好軟稔，好入味，好鍾意！粉絲一樣嗦晒啲鮮甜味，但就keep到個咬口☺️鵝肝多士先講多士好香脆，煎到金黃色，食落口一啲都唔油😋 鵝肝表面脆卜卜，但一咬就入口即溶，香味濃濃的散發出黎😍

娘親生日梗係要去食好西啦。但係一般既西式餐廳就食唔少，所以今次想食中式，但仲想搵間有港式情懷既，重溫以前既回憶。因此，我地去左杜老誌大飯店試下，內面裝修非常有6，70年代既港式元素，啲廣告，街招，招牌都非常令人有回憶。佢亦有很多唔同港式既菜式，睇完餐單，我地決定要左個炸子雞(1隻，HKD 268)，鹽燒鮑魚煲 (HKD 188)，柚子骨 (HKD 88)，椒絲腐乳炒通菜 (HKD 68) 同埋兩碗白飯 (HKD12/碗)。至於甜品，我地叫左3個菠蘿皮西米焗布甸 (HKD 28/碗)。 先黎既炸子雞，分量非常大，肉質鮮嫩又滑，啲皮又好脆，口感勁好。佢仲要有啲蝦片伴碟，已經食到我地津津樂道lol。跟住黎就係佢地既推介菜式之一鹽燒鮑魚煲。個煲係新鮮滾熱辣，上碟時聽到炸炸聲，有好香既洋蔥同芹菜。一共有6隻鮑魚，啲肉質好煙韌，又大隻，食完一隻真係想即刻追加heart。個柚子骨就味道酸酸甜甜，唔肥膩，個人覺得佢係一個好令人開胃既菜。食落去仲有柚子肉，正like。個腐乳通菜味道幾好，我個人黎講唔鍾意太咸，所以叫左少鹽少油，個廚師整到啱哂我味道yuk。咁多主食，點可以少得甜品先! 所以我地叫左佢既甜品

見到雜誌介紹這餐廳，可以嘆住冷氣食大排檔。心思思找了友人去試試。mad 餐廳位於銅鑼灣和灣仔中間，出了港鐵站再走大概十分鐘。 裝潢仿電影古惑仔，有麻雀館，士多，夜總會，押店等等的招牌和場景，打卡位多。 餐牌是簡單兩頁紙，不過密密麻麻滿滿的選擇:點了柚子骨 $88 賣相吸引，份量多，肉質嫩滑，惹味可口！ 每啖都食到淡淡的柚子香，啖啖肉，十分滿足。 推介！👍🏻👍🏻👍🏻金銀蛋肉碎浸菜心 $68 有時外頭的金銀蛋都是水汪汪的，但這個份量十足啖啖餤，菜心新鮮，味道濃郁，汁不油。 菠蘿皮西米焗布甸 可以選擇細size👍🏻$28一個 菠蘿包皮特別，不過吃下去不覺得是菠蘿皮的口感 軟綿綿的蓮蓉，加上粒粒西米，口感豐富！ 質感厚實 ，食一個小小的已很飽肚😂點了一瓶燒酒應應大排檔的氣氛😛 $38 價錢合理，飲得過 嘆住冷氣舒舒服服食大排檔，確是一大賣點。食物質素高，好食又抵食。👍🏻

今日放工，諗住近近地同男朋友搵間餐廳食飯，開米飯之下俾我地發現到依間大排檔！ 放工最岩就係啤啤渠，咁就岩哂啦！  渠D裝修真係好得意呀！ 每個門都有一個霓虹燈既招牌！ 最攪笑系賣魚勝果到真係賣魚嫁我同男朋友兩個都係眼寬寬窄既人，我地 今日就叫左三個餸一個菜！  紅燒乳鴨（8.5 / 10）個皮好脆！ 而且個肉仲好滑！ 泥到一定要試下呀！不過我太興奮唔記得影相🤪🤪  鹽燒魷魚（8/10）魷魚仲有小小辣招泥吊味，加上外皮炸到脆脆地，好好食呀！ 但份量系多既，建議三個人食  肉碎炒四季豆（7.5 / 10）四季豆都好好味，同時好大碟！ 但如果加少少辣就會更好啦  鐵板T字骨薯仔（9/10）跟住到押族既鐵板T字骨薯仔！ 一泥到就出哂煙，黑椒味出哂泥溴到已經留哂口水！ T字骨 同薯仔都好入味T！ 字骨既肉好淋同多汁，另外值得一贊既係薯仔！ 非常入味！  菠蘿皮西米露（8/10）女仔食甜品永遠都係有第二個胃既。 依個菠蘿皮西米露又唔會太甜喎！ 而且個皮又係非常脆！ 我地就叫 左個細既，份量岩岩好。 但因為份量真係太大，而我地又唔想做大哂鬼既關係，打左包番屋企！ 真係勁推荐一大班朋友齊齊泥依到，港

今日同一大班朋友黎聚會勁有香港懷舊風情既裝修好多霓虹燈燈牌不同角落都有特別既裝修：賣魚勝、水吧、飲品area、遊戲機中心、麻雀房（假）我澳門朋友以為真係可以入到去 佢都打左好多卡下次有班老一輩黎食下都好坐低睇下個menu 好多想乳鴿 但賣哂叫左幾樣野：-鵝肝多士（$98）多士勁脆身 熱辣辣岩岩煎好既鵝肝 面頭仲有少少油 好香鵝肝味一人一舊過下癮 成舊都係鵝肝冇咩粉-白菜仔魚雲湯（$158）食飯冇湯又點得既呢？勁大煲 好足料 入面成個魚頭 好多白菜仔食可以食個湯好鮮甜魚味 冇味精 侍應好好幫我盛埋一人一碗-尖椒爆牛肉（$128）勁有鑊氣！尖椒好香 唔太辣牛肉幾滑唔un 好夠味 配飯一流牛肉份量都算多 -菠蘿皮西米焗布甸（$28位）見呢個好多人叫既招牌菜 叫黎試下先大約二十分鐘焗好 建議大家差不多食完飯可以叫定 細細個 一人一個岩岩好幾特別 第一次食 菠蘿皮應該同菠蘿冇咩關係好甜既脆皮 連埋入面西米唔係好甜中和下咁一齊食成啖一齊食就好滿足-可樂（$13）佢呢度既野飲全部都係玻璃樽裝 最懷舊 最好飲 有埋維他奶-白飯（$12）呢間餐廳既裝修真係好有特式侍應招呼十分周

杜老志大飯店 (灣仔) 灣仔杜老志道6號群策大廈7樓 - 老香港懷舊風情，大排擋family day! 🤣 🔸鹽燒鮑魚煲 個人鍾意食鮑魚，於是叫了一個鮑魚煲試下！ 鹽燒煮並不重口味，鮑魚鮮美，肉質彈牙 一煲共8只鮑魚，大小適中！ 值得一提系煲入面嘅配料，包括洋蔥，芹菜等等，惹味十足啊👍🏼 🔸美極牛柳粒 鍾意食牛嘅朋友要點呀！ 牛柳粒份量幾多啊，肉質軟淋，用美極汁煮更提升到牛本身嘅味道👍🏼另有菇作為配料，雙重口感 🔸蝦多士 蝦多士系兒時至愛之一 呢度3件起叫👌🏼 多士不會炸至死油，蝦肉質依然保持彈牙！ 香脆可口，老少咸宜，值得一試！ 💛 🔸珍珠蠔仔煎 蠔仔煎又係另一至愛！ 珍珠蠔仔粒粒大小適中 肉質鮮美 加上芽菜煎蛋🍳 保持juicy! 值得一試！

在杜老誌道有杜老誌大飯店，原來八十年代在灣仔也有頗出名的杜老誌夜總會。今次杜老誌大飯店將八九十年代的香港風情帶回來，裝修有齊大排檔、麻雀館等場景。龍鳳可樂 $23 有檸檬同鹹檸，好消暑可樂 $13韮菜鴨血 $58鴨血好滑，個汁都好濃郁咕嚕肉 $88外脆內鬆化，啖啖肉，甜酸夠開胃。辣椒肉碎炒蟶子 $160（每隻$80，2隻起）這個是隱藏餐牌，蟶子好少配肉碎炒。辣椒肉碎好惹味，配彈牙蟶子好美味，還可以製成生菜包。紅燒乳鴿 $78乳鴿也是好出名，即點即燒，製作需時。以特別燒法，比其他餐廳更保留原汁原味，肉質好嫩滑多汁。

朋友找到位於杜老誌道的小菜館，來到大廈門口，見到招牌十分老土，還擔心會否中伏。怎料一上到去，原來是走懷舊路線，而且大量心思打卡位，即使唔食得都睇得，加分！無論裝修，抑或木枱、甚至茶壺都非常有味道！我最喜歡是遊戲機中心，像真度甚高，也證明我有一定年紀了...三個人先叫一個臭豆腐作佐酒小店，雖然價錢不算便宜，勝在炸得乾身，不會感覺很油，同重點是夠臭！一塊一口大小剛剛好！然後叫了一個鐵板T骨薯仔、欖菜炒四季豆及炸鮮奶。鐵板T骨薯仔十分惹味，薯仔走油後再上鐵板所以口感很好，肉又夠淋。欖菜炒四季豆不過不失（其實很難有什麼突破），勝在夠大碟。炸鮮奶很少地方有賣，當然立即要叫一碟。不會太甜，淡淡的奶香，新鮮熱辣辣炸起非常吸引。當然不少得叫一份充滿兒時回憶的焗西米布甸，而且還多了點新意加上菠蘿皮。我們已經很飽所以只叫了一人份，雖然要等很久但都很值得（最好快要吃完晚飯就好叫）！上碟時香噴噴，西米布甸的蓮蓉與布甸拌匀，所以甜度剛好，又為是日晚餐畫上完美句號！

近來係各大社交平台見到裝修充滿舊香港特色🇭🇰原來呢間就係來自充滿大排檔風味的杜老誌大飯店🔥。🌮豉椒肉鬆炒聖子王 $80/1網上評價對此甚高‼️肉鬆炒得很有鑊氣+惹味 包住生菜食可以中和油膩感🌝惟可惜的是聖子切得好細粒🧐 。🐂美極蒜片安格斯牛柳粒 $188這個牛柳粒係廚師推介💓肉嫩Juicy 口感彈牙 美極加蒜片令牛柳粒同菇都好惹味😍而且分量真係好多 包住食生菜仲正🥬🤩。🔥鹽燒鮑魚煲 $218另一必點推介❤️鮑魚大大隻 用鹽燒簡單吊起鮮味 而且燒而不韌🙌🏻。🌊鐵板煎珍珠蠔仔 $148店員推介點蠔仔煎 蠔仔數量好多 鋪滿整個鐵板上 味道新鮮 重點唔腥 另外除蛋外仲有加芽菜 爽脆口感👌🏻。🍍菠蘿皮焗西米布甸 $28脆身表皮 微焦效果❤️呼應香港名物菠籮包☺️西米布甸唔會好甜 同菠蘿皮嘅配合幾特別幾夾

昨日與老友在灣仔一起食飯，老友提議去杜老誌食，跟者澄清不是舞廳，是大飯店，😀餐廳的裝修果然不同凡響，勾起很多香港以前的回憶，就像走進時光隧道一樣👏👏👏🎼飯店係傳統廣東菜為主，價錢也相當實際👌，選擇也很多。✨厚切黃鱔煲（$238） 這道菜絕對有超水準的演出，黃鱔起骨，啖啖肉，刀章盡顯功架， 蒜頭墊底，鑊氣十足，確是佐酒的好菜色👍👍👍👍👍✨紅燒乳鴿一隻（$78） 乳鴿大大隻，肉嫩多汁， 帶著手套食，十分滿足👍👍👍👍✨瑤柱蛋白炒飯（$88）✨蒜蓉炒芥蘭（$68） 炒飯上鋪滿瑤柱，十分豪華，蒜蓉芥蘭，炒得清脆清綠👍👍👍👍這間店舖的服務尤為一讚，服務員笑容滿面😁，八點左右已經全院滿座 ，所以最好事先訂位 ，人客都飲著啤酒🍻 ，，食著燒雞 ，氣氛超好 ，下次會再去， 埋單520，不錯不錯😋

係我細個既時侯，大排檔周街都係茶檔、機鋪、麻雀館、桑拿、街頭小食，隨住時代巨輪不斷轉變，八十年代既舊有文化不復再，而今時今日你想搵返一間貼地既懷舊大牌檔都係少之又少。聽講灣仔有一間新派室內大牌檔「杜老誌大飯店」，佢地充分將裝潢表演出時光倒流，好似返返去七、八十年代既感覺，店內既佈局整左好多經典埸景，包括杜老誌夜總會、時鐘酒店丶賣魚勝呢D平民特色，呢樣就係我黎呢到既原因！👇📌豉椒肉鬆炒蟶子皇 - $80/隻👉其中一款招牌菜就係呢隻蟶子皇，大廚先將蟶子切粒，再將各樣配菜，例如肉碎、青椒、洋蔥一齊爆香，隔離枱都聞到香呀。我地每人嗌左一隻，整體份量睇落好多，蟶子佔既比例我覺得合理，而且入口非常爽脆，食起上黎唔會太韌，整體味道可能有d人會覺得太濃，建議嗌返個白飯一齊食。📌海鮮粉絲什菜煲 - $138👉濃味野過後，當然想清清地食返d菜啦，我同朋友就嗌左個什菜煲，裡面夠哂足料，當中包括大蝦、魷魚、冬菇片、粉絲、蔬菜。粉絲吸收哂湯底既鮮味，蔬菜唔會煮到過淋，仲保留到爽口，海鮮食落亦都非常新鮮，呢個煲絕對大件夾抵食呀！📌菠蘿皮西米焗布甸 - $28/位👉最有驚喜一定係餐廳呢個招牌懷舊甜品，細細個係酒樓食

最近收到消息，在杜老誌道有間食肆，裝修以九十年代的香港為主題，今晚約了好友一起來試試。厚切龍皇鱔煲$238鱔肉是厚切的，肉質爽口彈牙，加上蒜頭、䓤頭和洋蔥，味道惹味而且鑊氣十足，是一道值得一試的菜色。芥蘭炒牛肉$108牛肉調料令人想起了以前大排檔的味道，牛肉味道濃郁，簡簡單單已經不錯。咕嚕肉$88外脆內軟，酸甜適中，做法正宗，晚飯最愛吃的一道小菜。鹽燒鮑魚煲$188鮑魚有點嚼勁而不靭，在煲內爆炒一會，洋蔥、蒜頭和蔥頭的香味四溢，迫入鮑魚內，味道更加好。鹹魚雞粒炒飯$88鹹魚不會太醎，雞粒頗多，最重要是炒飯粒粒分明，又夠乾身，很久沒有吃過這樣好味的炒飯，忍不住吃了幾碗。菠蘿皮焗西米布甸$138用菠蘿包的材料做皮，包著西米布甸來焗，味道香甜，頗為有特色。西米布甸味道帶點甜，混合著蓮蓉的香味，吃完都很飽。溫馨提示：這個焗西米布甸是需要時間的，所以最好半小時前就點。