杜老誌大飯店 (已結業)

年初七人日，同屋企人去食餐飯。估唔到有驚喜！先上個花甲蒸水蛋，個賣相認真一流！食落鮮甜滑流！正！呢味野花甲新鮮好重要，而家咁既時勢冇乜人出街食飯，呢度都仲可以keep住用新鮮花甲，唔錯喎。個心即刻加分！再黎左個聖子生菜包，嘩，用聖子黎做生菜包又幾特別喎！好味😋跟住個蒸倉魚又係特別喎！未食過斬件蒸既，估唔到又幾滑，重點係好肥美！魚要肥先好食。途中見到隔離枱個鹽焗馬友勁吸引！下次真係要試！其它尖椒炒牛肉，咕嚕肉同西蘭花鮮魷，都係的基本功菜，有水準。反而個例湯竟然好夠味，有住家湯feel值得一讚！食到好飽，但個待應熱情推介波蘿包西米露，又見佢細細個就叫左2個分黎食，點知，食到搶住食唔夠喉！個面真係好似波蘿包咁脆，然後的西米露唔係好甜，食落暖笠笠，超正！老公仲話佢之前食過呢度的炸鮮奶，一樣咁正！可惜我已飽到食唔落！下次一定要黎食番個炸鮮奶！而家要搵的好食既小菜鋪頭真係唔易，杜老誌大飯店！我會記住你