杜老誌大飯店 (已結業)

经过几次群策大厦, 见到不停有上班族上去食 lunch, 唔知点解对 "杜老志" 哩个名称好鬼吸引我, 见邻近华嫂又排满人, 浩记D出品又无那那咸到痴线! 世伯鸡冷气不足, 于是转场上去杜老志睇睇.原来每层有不同餐厅, 听个名群策饮食广场以为系 Food Court 一层有好多间食巿㖭, 最终, 都系上咗7楼杜老志大饭店.午饭快餐点咗个双重芝士忌廉焗蚬肉鸡扒, 冻O茶少冰.优点:1, 环境超正, 霓虹光管堆砌出旧香港风味. 一流!2, 冷气充足, 座位充足舒服.3, 上餐速度极快.4, 双层芝士足料, 鸡扒口感松软 juicy 唔柴口.缺点:1, 台湾节目 wto 姐妹会曾经指出, 香港D茶档服务很差, 催促赶命, 想话睇清楚份 menu or 问多两句即时黑面, 杜老志就系咁, 问多两问黑脸! 服务态度唔合格.2, 黑面之余, 单又俾错 (有相有真相,无叫星米但单上有星米!), 餐又俾错, 原本隔离枱嘅意粉俾错咗我, 我话未食过, 原食客为免安全拒绝接收, 正常嘅, 我都唔要啦!3, 价钱唔平!4, 鸡扒重手咗少少, 减咸更惹味.有机会想试试佢地晚餐小菜质素.…查看更多

和一班旧同事聚餐，拣咗呢一间，因为唔限时。入到去环境好怀旧，好正，又唔逼，呢度大约有三个职员，一个扎短马尾的姐姐（没有戴眼镜，非常之好服务👍👍，另一个扎长马尾就……😪，仲有一个男经理，非常之细心，真系要赞佢👍👍👍，因为我哋准备落红薯粉，佢就叫停我地，然后攞咗一个渌粉面嘅（网）畀我哋放入去先烚，因为红薯粉比较难夹，用咗个网兜住就好好多👏👏！真系好多谢佢……佢真系好nice😊😊！埋单仲有惊喜😁😁食品方面都唔错，好大碟下，价钱又唔太贵！可惜试唔到脆肉鲩😞！下次会再去😍…查看更多

环境卫生，地方大、怀旧特色。疫情下时间做到12点适合去夜街嘅我哋。食物新鲜。湾仔去方便.朋友相聚好去处，经理好好人，我们坐到最后一枱也没有催促我哋离开，有宾至如归嘅感觉。下次一定再帮衬…查看更多

晏昼同同事唔知去边度食谂起好似好耐都冇去过群策大厦嘅杜老志大饭店食嘢, 今日见到午餐餐牌嘅嘢食几啱胃口, 于是就拣咗呢间<XO酱粒粒餐肉虾仁炒滑蛋饭>大食妹嗌咗XO酱粒粒餐肉虾仁炒滑蛋饭:)XO酱粒粒餐肉虾仁炒滑蛋饭系即叫即整嘅, 晏昼可能要等一阵, 但胜在够镬气滑蛋炒得又滑又香, 有蛋汁里面嘅粒粒餐肉同虾仁份量都唔少, 唯一比较逊色嘅系XO酱唔够香但加入甜豉油, 令成份碟头饭升咗一个level<沙嗲金菇肥牛饭>同事就食咗沙嗲金菇肥牛饭系正宗嘅港式沙嗲金菇肥牛呀可惜金菇肥牛偏少, 只有面头𠮶浸, 下面全部都系芽菜<热咖啡>热咖啡几浓郁, 但上面有好多点黑色嘅咖啡渣…查看更多

之前喺IG见朋友去咗间装修好特别嘅餐厅，一问之下发现原来系位于湾仔嘅「杜老志大饭店」，斋睇餐厅名真系唔知呢度系食打边炉🥢。我哋一行三人星期五晚去咗帮衬，好彩有订位，因为全场爆满，Walk-in嘅话要九点后先有位，人气超高👏。呢度环境比睇相更正，绝对值得嚟到访兼打卡📸。餐厅提供各式火锅汤底同配料🍲，我哋叫到一枱都系，但价钱其实唔算好贵，因为全部都大大碟。大红袍招牌麻辣锅($108)，麻辣锅好震撼，血红色嘅汤底铺满辣椒同花椒等配料🌶，开头食都几爽，麻味又够。但愈滚愈唔对路，因为愈食愈辣，我同其中一个朋友都顶唔顺，系咁灌嘢饮🥵。最终我哋忍唔住问女店员可唔可以俾啲滚水沟淡佢，点知佢超好人，帮我们换咗个清汤出嚟🙏🏻。多得佢嘅帮忙，我哋先可以继续烚吓烚吓。手切封门柳($198)，封门柳好大碟🥩，我谂碟中有超过廿片，而且每片大小厚薄适中，唔会碎湿湿。封门柳嘅纹理平均，肉味极为浓郁，口感富有弹性，高质！招牌五宝丸($98)，手打丸系必食推介🍢，唔好睇佢细细粒，每款各有特色，而共通点系爽弹。五宝丸包括牛筋丸、墨鱼丸、梅菜猪肉丸、虾丸同埋鲮鱼丸，每款两粒，我全部都要❤️。鬼马虾胶($68)，佢嘅造法有啲似春风得意肠，将蟹籽虾胶酿入油炸鬼内。🦐虾胶鲜味弹牙，但个人就唔太钟意将油炸鬼放汤，因为比较油腻。沙嗲猪颈肉($60)，🐷猪颈肉有好多条，沙嗲腌得好入味，但始终用泰式烧烤整法会香口啲。牛脷托($60)，👅牛脷都OK，超码有成十片八片，渌完肉质都无变韧。莴笋片($35)，莴笋正常啦，不过都翠绿嘅💚，但我认为片薄啲会更好食。椒盐粟米($52)，打边炉以外，我哋仲嗌咗样小食。🌽粟米用椒盐爆香，咸咸哋又甜甜哋，同时亦不乏辣味，或者用避风塘口味嚟形容都几适合。饮品项目并无列于餐牌上🥤，不过餐厅系有卖自家制嘅清热饮品，分别系酸梅汤同竹蔗茅根。每榨售卖$35，我认为都算几抵饮，而且佢哋仲救咗我一命，帮手灭火🤣。留意返⚠️，餐厅收取酱油费($15/位)同前菜费($20/碟)，并设有加一服务费，所以夹夹埋埋计的话，杂项费用都唔少啊。总括嚟讲，呢间餐厅各方面都令人满意👍，食材质素不俗，定价亦都系合理水平。女店员服务贴心，值得再次表扬。最后，我当然会同大家分享埋餐厅嘅餐牌同环境相片啦😜。嚟呢度打卡定打边炉？Why not both😍！题外话，餐厅连洗手间都系咁打卡Able🚻。…查看更多