影片
更多
2020-01-07
113 浏览
係我細個既時侯，大排檔周街都係茶檔、機鋪、麻雀館、桑拿、街頭小食，隨住時代巨輪不斷轉變，八十年代既舊有文化不復再，而今時今日你想搵返一間貼地既懷舊大牌檔都係少之又少。聽講灣仔有一間新派室內大牌檔「杜老誌大飯店」，佢地充分將裝潢表演出時光倒流，好似返返去七、八十年代既感覺，店內既佈局整左好多經典埸景，包括杜老誌夜總會、時鐘酒店丶賣魚勝呢D平民特色，呢樣就係我黎呢到既原因！👇📌豉椒肉鬆炒蟶子皇 - $80/隻👉其中一款招牌菜就係呢隻蟶子皇，大廚先將蟶子切粒，再將各樣配菜，例如肉碎、青椒、洋蔥一齊爆香，隔離枱都聞到香呀。我地每人嗌左一隻，整體份量睇落好多，蟶子佔既比例我覺得合理，而且入口非常爽脆，食起上黎唔會太韌，整體味道可能有d人會覺得太濃，建議嗌返個白飯一齊食。📌海鮮粉絲什菜煲 - $138👉濃味野過後，當然想清清地食返d菜啦，我同朋友就嗌左個什菜煲，裡面夠哂足料，當中包括大蝦、魷魚、冬菇片、粉絲、蔬菜。粉絲吸收哂湯底既鮮味，蔬菜唔會煮到過淋，仲保留到爽口，海鮮食落亦都非常新鮮，呢個煲絕對大件夾抵食呀！📌菠蘿皮西米焗布甸 - $28/位👉最有驚喜一定係餐廳呢個招牌懷舊甜品，細細個係酒樓食
八十年代既舊有文化不復再，而今時今日你想搵返一間貼地既懷舊大牌檔都係少之又少。
聽講灣仔有一間新派室內大牌檔「杜老誌大飯店」，佢地充分將裝潢表演出時光倒流，
好似返返去七、八十年代既感覺，店內既佈局整左好多經典埸景，包括杜老誌夜總會、
時鐘酒店丶賣魚勝呢D平民特色，呢樣就係我黎呢到既原因！👇
📌豉椒肉鬆炒蟶子皇 - $80/隻
👉其中一款招牌菜就係呢隻蟶子皇，大廚先將蟶子切粒，再將各樣配菜，例如肉碎、青椒、洋蔥一齊爆香，
隔離枱都聞到香呀。我地每人嗌左一隻，整體份量睇落好多，蟶子佔既比例我覺得合理，而且入口非常爽脆，
食起上黎唔會太韌，整體味道可能有d人會覺得太濃，建議嗌返個白飯一齊食。
📌海鮮粉絲什菜煲 - $138
👉濃味野過後，當然想清清地食返d菜啦，我同朋友就嗌左個什菜煲，裡面夠哂足料，當中包括大蝦、魷魚、冬菇片、粉絲、蔬菜。
粉絲吸收哂湯底既鮮味，蔬菜唔會煮到過淋，仲保留到爽口，海鮮食落亦都非常新鮮，呢個煲絕對大件夾抵食呀！
📌菠蘿皮西米焗布甸 - $28/位
👉最有驚喜一定係餐廳呢個招牌懷舊甜品，細細個係酒樓食已經深深愛上，我覺得可以代表住經典既港式風味。
成個布甸帶住香濃既蓮蓉同埋奶黃味，食落仲有陣陣既椰奶既香，加埋餐廳獨家研發既菠蘿皮，
令成個層次感更加豐富，整體口感香得黎唔會太膩，必食推介。
张贴
