木戶

营业中

休息中

又到左出雙糧既日子啦! 男朋友話要帶我食好dd, 所以帶我去左木戶~ 佢話早排係FB見到有篇食評講到好似好正咁, 好想帶我黎試試喎未入去見到門面已覺得"唔少野", 再望望個餐牌, 真係好吸引啊  串燒都分好多種, 唔係平時個D腸仔多春魚, 而係望落好pro既雞串燒同好特別又吸引既豚肉卷, 另外仲有D串揚-即係炸串燒, 同埋一品料理, 樣樣都好似好咁, 真係要每樣都試試佢! 入面坐得都算舒服, 除左吧枱, 仲有D 4人位~ 而我地梗係揀吧枱, 貪佢可以邊食邊睇師傅煮野食嗎~野食方面, 我真係實行左: 每樣都叫D! 有我想食既, 亦都有師傅介紹既, 入面每一款都超好味! 而師傅介紹我地食既更加高一個grade 下面介紹幾款最中之最過你地, 等你地下次去食個時知道嗌咩食好~1. 木戶自家製蟹膏配鮮菜條: 平時好多時食到蟹膏, 唔係用黎撈飯, 就係用黎整甲羅燒, 今次出奇地係用黎點蔬菜! 咦~又幾好食bo! 蔬菜條有用冰鎮住, 而蟹膏又有用火慶住, 冰+火既感覺放入口, 好好味啊 而蟹膏亦冇過咸, 就咁食都好好味, 好味到我食到見哂底2. 宮崎式雞腿炭火鐵板燒: 係食得出既炭燒味!!! 師傅就

同老公慶祝生日，食啲特別啲嘅嘢木戶鋪頭細細，感覺幾cozy，好適合傾計談心。坐低就先叫杯啤酒啦，再慢慢睇下食咩～侍應推介我哋呢個小食呢個冰菜條配自家製蟹膏醬好好味 可惜蔬菜太少蟹膏醬太多，如果有多幾片多士點嚟食就好啦！點咗燒雞腎同燒雞腿肉，雞腎非常爽口，雞腿肉就燒得好嫩。食材用料上乘，簡單調味已經好好食！自製雞肉丸配黃金蛋都好味，蛋汁味道香濃呢個係韭菜芝士豚肉卷，呢個配搭唔錯，感覺唔會好肥膩！之後開始食炸串，揚白蘆筍煙肉卷係必食推介 白蘆筍味道清甜，新鮮冇渣！揚薯波同揚蝦串都幾好味！真係炸到出邊脆卜卜，入面嘅食材都依然保持juicy!木戶有好多雞肉嘅菜式，我哋仲要左南蠻炸雞雞肉好鮮嫩，雞有雞味，同平時嘅炸雞真係唔一樣！！我哋仲食咗招牌菜式：雞腿肉炭火鐵板燒！雞腿肉燒完都好滑，仲有炭燒嘅香味！最後食埋咖喱飯團，飽飽的

難得放早就捉埋個同事一齊去食飯，目標就係尖沙咀因為食完仲可以行陣街睇嘢😬同事就話落棉登徑個邊睇吓有咩食，我哋落到去見到有幾間日式餐廳... 跟住我就見到依間「木戶」睇埋門口 menu知道食串燒仲係專門食雞😍，入到去就見到好大吧枱，如果坐吧枱食就可以見到師父門燒串燒嘅技術，可惜我同事怕坐高櫈唯有坐普通位啦，經過侍應介紹就食咗以下：日本到來新鮮蕃茄做個前菜😋酸酸甜甜加少少海鹽令個蕃茄鮮味提升；跟住就係蟹膏配蔬菜薯條，簡直 perfect蔬菜清甜又爽脆配香濃蟹膏好食到停唔到口；串燒就樣樣叫1串兩份食咁樣可以試更多唔同口味，燒雞肝同自家製雞肉丸做得非常出色，豬肉片包住韭菜又係香到不得了😍反而炸物更加令我有驚喜，炸得脆口外粉醬唔厚一啖咬落去就已經可以食到食材嘅鮮味👍🏻，之後個炭燒雞肉夾埋個伴菜一齊食👍🏻炸雞做得好好，一咬落去勁 juicy配埋個醬汁味道更好😋😍依餐飯食到我跟同事都攬住個肚走

今日游離浪蕩棉登徑，正在揾下食咩之際，路經被一道黑色小木門吸引，需要低頭捐入去店內，立即被一篇日語歡呼聲歡迎，抬頭發現四周裝修極具和風味道，內有開放式bar枱，眼見有日本師傅坐鎮於bar枱中央，正埋首煮緊料理，態度極為認真👍🏻Menu 以串燒及烤為主打，肉類亦以大和雞肉為主木戶自家制蟹膏味噌配鮮雜菜條 - 小鍋內充滿濃濃的蟹膏，以熱爉暖住，就唔怕蟹膏變硬，所有蔬菜都以冰鎮煮法，所以食落口非常鮮甜，爽脆，完全保留蔬菜本身既味道同口感福岡水果蕃茄，實在太太太有蕃茄味😂一D都唔酸，太喜歡啦😍雞肉串燒 - 雞腎、雞肝、腿肉、自家制雞肉丸配黃金蛋，食時醮上雞蛋汁便可水蜜桃梳打、乳酸梳打韮菜芝士豚肉卷 ， 內裏菲菜實在太鮮甜嫩口😋揚蝦串、松露薯波 - 薄薄既炸皮，蝦肉非常鮮甜及結實，旁邊那個椰菜片可醮上右手面那個醬汁吃咖哩肉醬烤秋田飯糰 - 呢個要介紹一下，佢哋既飯糰外層好似煲仔飯既飯焦，一咬落口內面熱辣辣，再加上咖哩肉醬，推介👍🏻👍🏻👍🏻👍🏻總㕑木村先生家族秘傳宮崎南蠻炸雞1956 - 好鮮嫩既雞肉，秘制既醬汁😃掦白露荀煙肉卷宮崎炭火煙燻大和妃子雞 - 用備長碳烤製，整鍋不論雞肉及配菜都食到淡淡

早幾日聽朋友講早排尖沙咀開咗間新既日本野食串燒既趁住今日順便過黎尖沙咀拎野約埋朋友一齊過黎試下啦7點幾黎到 都已經好多人啦好彩咁夜去仲有位首先我哋點咗個蟹膏配鮮雜菜條鮮雜菜條入面有好幾款蔬菜.西芹啦露荀啦青瓜啦紅蘿蔔啦同埋白蘿蔔既而蟹膏係有加熱既濃濃既蟹膏配埋鮮甜既蔬菜配搭一流白蘿蔔點蟹膏食係最好食既朋友曾經係日本食過類似既都忍唔住贊一贊呢一個拍得住係日本食既福岡水果蕃茄平時我唔太鍾意就咁食蕃茄但呢度既蕃茄好鮮甜會有少少鹽俾你點黎食但我同朋友一致認為就咁食係最好食同埋咁樣先最食到佢既鮮甜味雞肉丸配黃金蛋本來以為黃金蛋配雞肉丸感覺有d奇怪但將雞肉丸點一點刺破咗雞蛋既汁竟然出奇地好夾好食帶出雞肉既味道雞肉丸亦都好彈牙！蘋果豚肉卷從來冇唸過蘋果都可以做到串燒蘋果好爽口 反而搶過咗豚肉既存在感 哈哈我淨係以為自己食梗蘋果串燒但好感好特別雞腎串燒 雞肝串燒 雞腿肉串燒 同埋 牛油果豚肉卷 四款串燒最出色係牛油果豚肉卷用豚肉包住牛油果 可以減少食豚肉過多既油膩感鐘意食牛油果既人應該會好鐘意韭菜芝士豚肉卷唔鐘意食韭菜既我覺得可接受可能係因為芝士既味道掩蓋咗韭菜既味道食呢個仲有長長既拉斯 哈哈揚蝦串炸

4個人去食串燒，叫咗支清酒+3枝啤酒。同埋一堆串燒食物雖然有部分係日本進口，食材係食得出同本港或大陸貨唔同，但烤出嚟大部分都唔夠熱，好似燒完擺咗陣先拎出嚟咁，扣曬分！食物質素都唔評論了，最差係d waitor! 女waitress都好d, 男waitor真係不知所謂！叫好耐先應人埋單4個人食咗$2500！比錢唔緊要，你都比返咁上下service我吖！頂你野食又唔熱waitor做野又無heart, 碌完卡就咁劈張單喺枱就算，乜都唔講，又唔知要唔要簽名。但又無筆，咁即係點呢？講聲唔會阻你好多時間掛？每人除返$6xx/位，食物唔熱+waitor 服務求其，自己諗吓值唔值得去？我就食到一肚氣喇！

讚1.食物好味道，炸雞皮脆肉香，醬汁好開胃，又唔係成口油，好味道，串燒好火喉，唔會過老，其實整體燒物同炸物都好味道2.酒水幾平，大杯生啤都係六七十3.服務幾好笑容😊4.環境舒服，夠晒闊落彈1.等野食時間係耐左少少

走在尖沙咀鬧市中會發現在一間跟周遭餐廳格格不入的日式建築物, 看似低調又寧靜, 但入面卻溢著滿滿的氣氛。今次介紹的是棉登徑中的木戶, 棉登徑眾多餐廳中選了這間的原因, 正正是因為她選用的食材看起來很「認真」。由於當日座無虛席, 此起彼落的聊天聲, 感覺就像置身於日本的居酒屋中木戶有兩大主題: 串燒 & 奈良大和雞。 當然, 其他食物都在水準以上。原來木戶的主廚是由日籍總廚木村先生擔任, 所以每一款食物, 都帶著認真的心去製作。福岡水果蕃茄《$78》※ 推薦指數: 4/5用的是福岡蕃茄, 所以味道又清爽又鮮甜, 配上柚子鹽, 鮮甜味會再提高一個層次。而蕃茄皮亦細心地去除了, 不會因皮而影響了爽脆的口感木戶自家製蟹味噌配鮮雜菜條《$128》※ 推薦指數: 5/5大推主角-蟹味噌, 蟹膏味濃而不腥, 好味到令我食得一滴不漏而雜菜條中有紅白蘿蔔, 青瓜, 西芹和露荀, 當中的白蘿蔔, 青瓜和露荀跟蟹味噌是最夾的。奈良大和雞 - 雞腎《$39x2》※ 推薦指數: 5/5以日本備長炭烤製於奈良養飼的大和雞, 只看文字就知道用料有多好吧!雞腎我大大推薦大家一試, 因為每一粒都超級爽脆又一點都不韌,

經過尖沙咀見到呢間門口裝修得幾靚既串燒店，先知原來係新開，一於入去試下！我哋嘅坐係個吧枱度，咁個吧枱係可以望住個師傅燒串燒！呢度係唯一大和妃子雞，當然是日產雞，仲係飼料期係比一般日本雞長兩倍，話會口感彈牙d，等我試吓先～點左兩個前菜，自家製蟹味增配鮮雜菜條，味增配上青瓜，非常開胃之後仲有個福岡水果蕃茄，呢個蕃茄另跟配一碟鹽，原來會令蕃茄更加鮮味之後就到串燒，雞腎，雞肝，雞脾肉。 要讚的地方係佢所有串燒燒得剛剛熟，不多不少，師傅手勢真係好了得仲有牛油果豚肉卷，平時一般嘅卷串都係用小蕃茄，好少用牛油果，原來係咁match，非常驚喜！韭菜芝士豚肉卷，我覺得都要必點呢個更加不得了，自家製雞肉丸配雞蛋，我除左喺日本食過一次好好食之外，香港真係無試過，呢度完全做到日本既效果。食完燒肉後，點了揚蝦串和揚白蘆筍煙肉串最後，重頭戲來了！南蠻炸雞1956。炸雞除了多汁肉嫩外，秘製的沙律醬先係重點(店員說是師傅父親在1956年研發的)！呢個好吃的程度我可以比10分，連日本都無食過咁好味既炸雞，我朋友話不如把這改名，做黯然銷魂雞😂😂😂宮崎式雞腿肉炭火鐵板燒，呢個係師傅名菜，燒時候會好大火，炭火味好香，雞腿肉切

KIDO is a traditional Fukuoka-style ‘hakata-ku’ skewer bar, newly opened in Minden Avenue, Tsim Sha Tsui.Chicken is their specialty, KIDO offers incredible variety in the chicken genre, from gizzard and liver to neck and tail ... you name it, they’ve got it!  With a commitment to quality produce, they uses the Yamato Nikudori chicken which is known for its juiciness and rich texture.The open kitchen offering diners a close up view of the chef’s preparation and let you enjoy the meal with all you

棉登徑真係好多好嘢食，最近我就食咗木戶Kido，佢係博多🇯🇵串燒、串炸專門店，佢哋食物嘅選擇都相當之多，唔同類型都有，我就揀咗以下嘅菜式喇😋.前菜木戶自家製蟹味噌配鮮雜菜條🦀 - 呢個絕對係推介呀👍🏻👍🏻，一定要食，蟹味噌實在太太太好食🤤🤤，就算啲雜菜條食晒🥕，我都留返個蟹味增醬之後點其他食物福岡水果蕃茄🍅 - 水果蕃茄已經剝咗皮，蕃茄肉鮮嫩多汁，點埋粉紅岩鹽，鹹鹹酸酸，係好開胃嘅冷盤前菜.燒鳥料理自家製雞肉丸配黃金蛋🥚日本大和雞雞肝，雞腎，雞腿肉 - 一般雞係正嘢都唔使多講啦，識食一定要食日本雞🐔.博多串燒韮菜芝士豚肉卷 🧀- 第一次食串燒豚肉卷入邊會包住韭菜，令到個味道好獨特，我自己都鍾意食韭菜，覺得唔錯牛油果豚肉卷🥑 - 平時豚肉卷入邊多數都係包住蘆筍，而今次呢個就包住牛油果，有個唔同嘅口感.串炸揚白露筍煙肉卷 - 白蘆筍好特別，爽口冇渣，幾好食呀😋松露揚薯波 - 呢個書包入邊仲有流心芝士㗎🧀揚蝦串 - 蝦肉爽口新鮮🦐.主食咖喱肉醬烤秋田飯糰 🍙 - 飯團個底烤到有飯焦，好香脆總廚木村先生家族秘傳宮崎南蠻炸雞1956 🐓- 呢個炸雞相當有驚喜，雞肉好滑又Juicy宮崎雞腿肉炭火鐵

有人辭官歸故里，有人漏夜趕科場，知道棉登徑新開了一家叫木户的店子，以多元化為賣點，不只串燒、亦有串炸，食材來自日本各市場，不乏少見品種，例如從奈良引進被當地是為頂級美味的太和妃子雞，聽來有趣，馬上行動。木户如一般日本料理店，佈置風格以木為主，樸素的原材料令人感覺溫馨，配上暗淡燈光增添神秘氣氛，大門看似深鎖的安排，來者必誠。明火炭燒在香港實屬難得，見到日籍師傅專心工作，未嚐已經垂涎。餐牌上款式豐富，我們逐一淺嘗。木户自家製蟹味噌配鮮雜菜條自家製蟹味噌，有著蟹膏的質感，唔腥唔過鹹，雜菜條爽脆有汁，菜果之甜平衡了蟹味噌的濃，配合得剛好，我非常欣賞。雜錦漬物有蒜及蘿蔔等，壺蘆形的最有趣，不過鹹酸味最強。木户用的雞，是從奈良引進被當地視為頂級美味的太和妃子雞，飼養期為八十天以上，採取自由放養模式，並符合日本每方呎十隻以下的飼養密度，如此好生活，肉味自然比人強，怎可能不吃。雞肉串燒 雞髀、雞心、雞腎及雞翼的組合，肉味果然甜美濃郁，肉質相比一般結實，還有適當的脂肪。自家製雞肉丸配黃金蛋我始終最喜歡雞肉丸，雞丸內有雞軟骨及蝦肉，因此口感富層次，更加美味，日本蛋汁份外香。宮崎南蠻炸雞重頭戲之一，大廚木村

博多串系料理專門店新登場，行居酒屋風格主打明爐炭火串燒同炸串，更使用奈良頂級食材大和妃子雞為重點，比起普通雞肉脂肪感較輕雞肉味更濃肉質亦更緊緻食落帶嚼勁而明火燒烤亦令串燒更重爐香而且帶煙燻味，其中以宮崎炭火煙燻大和妃子雞最能感受得到除咗雞肉料理外仲有唔少近年流行嘅配搭。就係將蔬菜生果用鹿兒島豚肉包住燒，比起純肉串燒更健康同時亦冇咁膩口另外仲有兩樣值得留意嘅自家製菜色，前菜代表蟹味噌配雜菜條，清新爽脆嘅蔬菜條沾上熱燙鮮濃嘅蟹味噌，配搭夠哂新穎而宮崎南蠻炸雞更加係標榜由總廚木村先生家族秘傳，亦係當地著名食府嘅自創菜色，有成六十幾年歷史，絕對唔可以錯過

位於尖沙咀的木戶，是一間新開業的日式串燒專門店。 「木戶」是 日本古代小型劇場常見的小木門，通過這矮小的木門，便能看到裝修得古色古香的餐廳啦。餐廳主打博多串燒，以明爐炭火烹製傳統日式口味哦。環境不算超大，設有吧台丶四方桌和卡位，想邊看廚師燒串燒，想跟朋友喝酒談心，也非常適合哦。串燒的選擇甚多，當中不得不提的是 全港獨家引入的奈良名雞「大和妃子雞」啦! 有雞腿丶雞腎丶雞肝和雞心，一定有種合你口味。自家製雞肉丸配黃金蛋 $36日本大和雞雞肝 $39日本大和雞雞腎 $39日本大和雞雞腿肉 $39每次吃串燒，首選非雞肉丸莫屬啦! 脹卜卜的雞肉丸，賣相可愛，大力刺破日本蛋黃，好療癒呀! 雞肉丸加入蝦膠造成，口感彈牙，不錯呢。雜錦漬物 $72師博首創的前菜，蟹膏沾漬物水果條! 沒想到普普通通的漬物也能變成豪華菜式，蟹膏越煮越濃，配酒一流。韮菜芝士豚肉卷 $36松露揚薯波 $29我向來喜歡吃韮菜，這個濃濃的韮菜卷，超得我歡心呀! 用豚肉包裹著新鮮爽甜的韮菜，更吱上芝士醬，好好吃呀!總廚木村先生家族秘傳宮崎南蠻炸雞1956 $98南蠻炸雞，是我最愛吃的炸雞類別第一位! 香脆偏厚的炸皮，美味可口，雞肉肥