星林居雲南米線餐廳 (已結業)

放工諗住快趣食個dinner...上到黎,嗌左$61碗雲南米缐,得d芽菜,餸同湯係凍的!!!d餸係一隻又乾又凍的鷄翼,一件乾的牛,1/3粒蟹柳...今次係我第一次去,亦係最後一次以後唔會再去

首先一入店個個黑口黑面, 態度差, 都算, 碗腩肉蘿蔔米線, 我撈來撈去先撈到幾塊薄切又鞋又無味既豬肉, 一啖食完, 以前好好味架! 湯底無晒以前既甜味, 得酸菜味, 完全唔想再幫襯

同事間總會有三兩個喜歡吃米線，而我既不是喜歡又不是不喜歡，只保持中立的態度。既然午膳時間大家也想吃米線，我也只好跟隨。這裡是有點菜紙自己剔選湯底、配料等的選項，而我點了一碗「豬軟骨大腸酸辣湯米線」。這裡的酸辣湯也做得不錯，微微的酸帶半點的辣，層次感也頗豐富，也比譚仔好一點吧。雖然豬軟骨也頗軟腍，但由於本身的調味及醬汁不足，所以即使放在麵上沒有讓湯底沖淡味道，其味道也偏淡，為一不足之處。豬大腸普通吧，但份量很少只有數塊，剛吃起便沒有了。

信我，尖沙咀有好多嘢食，但都唔係星林居。我食咗星林居都有五六年，真係睇住佢大，睇住佢壞！我上一次食大約係半年前，嗰時已經覺得唔掂咗好多，今次去多次係因為覺得質素差過都可以好返，但嚟埋今次真係最後一次囉！！1. 食物質素-以前大大碗，又抵又好食，最鍾意食佢嘅涼拌米線。依家份量一次少過一次，今次我嚟得返三啖。老實講，我寧願你收貴我十蚊八蚊，畀返正常份量我，好過$24畀丁多我。(佢係有得加底，但我女仔食點會expect要加底？？)-最近幾次食，我要「小小辣」都辣到火屎，「小小辣」已經係加辣嘅最低級，但都辣都咁，初頭以為我味覺有問題或者我唔食得辣啦，但最好笑係同行朋友要「小辣」，食落都冇我嗰碗咁辣，咁即係佢個廚房好有問題啦。而我經過幾次觀察發現，如果叫咗嘢飲，好似會冇咁辣，但冇叫嘢飲就辣啲，令我覺得佢係咪想整辣啲令你叫嘢飲。-朋友叫嘅，新出嘅米線，盛惠$43。拎住張紙問個阿叔每樣料有幾多粒，佢話「有啲一粒，有啲兩粒」;果然係語言偽術，只得凍豆腐係兩粒，其餘都係得一粒，算；米線都係得四啖，都算；但連肉碎都係得幾粒仔，個湯又同我剔嘅唔match，咁你憑咩收我$43? 如果我地知呢款只得五粒配料，就

開頭唔知有lift搭，行左幾層樓梯、行到身水身汗。上到去見好多客，仲心諗間野真係唔簡單...咁多客願意行樓梯上去食...=.=上到去自己搵位，自己研究點叫...見到枱面上果張水蛇春咁長既介紹真係有少少嚇襯。好用心咁睇左段介紹好耐，終於決定叫普通酸、小辣、米線煮耐啲 + 魚腐。諗住叫個staff幫我落單，點知叫左陣位職員都好似聽唔到咁，掂行掂過...個米線好岩我胃口，夠酸又唔太辣。食得好過癮!份量方面都夠食，但相比先譚仔就較少。魚腐都唔錯，彈牙又唔會浸到無味。  臨走先開心大發現有電梯...哈哈下次去尖沙咀一定會再上樓食! 

馬不蹄在外，總有想家的感覺。特別要到歐美地區，脾胃始終都有不合點，回來吃點暖胃湯粉也許是不少旅遊在外人們的心聲。回來的即日多跟家人渡過，翌天挑碗雲南米線來尋找回家的感覺。尖沙咀星林米線相信不少人有印象。雖一向認為餐廳"味之作料"不少，但有時人生總要有點搧情去調劑，只要是在可接受程度便算。細看餐牌，單是加熱小鍋米線 (只有米線，酸菜，蔥芹韭芽等)，已收$24。腐竹，冬菇，各$5；加豬肚$6。飲品挑選特價的罐裝可樂，$5。上桌時，米線碗與之前一樣大，但份量只有從前三分二。可能太耐沒在港，發覺要感受香港的變化，還是看碗內大小比看有啥高樓來得精彩。慢慢在吃，細數碗內"傷痕"。腐竹一疊，不經理開，又只是草草水煮，硬而無當。冬菇要價五元，只有兩半，還要縮水皺皮的。豬肚還真更過份，豬耳轉角條狀般大，就只有三條！還可幸的是挑辣湯底還真有肉碎，而且走芽菜後，肯多蔥多韭，而且酸菜不少。$24小鍋，沒有白費。不過上桌時，湯面已有半凝狀態，即有加熱滾動，但久未上桌。失望！餐廳還真想得周到，有專人帶位，以防你家亂挑空位。在食期間，就親耳聽到有一中年漢呼喝食客一人不能坐一連檯。但後被港女反稱二人，才無語而回。可是

今日係平日，難得過開黎尖沙咀做野，到4點都未食LUNCH，就同同事一齊黎食個飯吧。點餐形式好簡單，餐桌上有2款ORDER紙，一係揀辣一係揀唔辣，揀左之後揀要咩配料。辣度有分好多級，以上果個係中小辣，而配料係豬皮同魚蛋，今時今日都唔係好多地方食米線有得揀豬皮，呢到有都真係幾難得。中小辣辣度剛剛好，有辣味但又未至於食到出汗果隻，平日下午4點都無咩人，好多人SERVE你，唔錯，等我搵日正常食飯時間再黎食過先。

前言寫在最開頭，呢間米線我估真係由佢開張冇耐食到而家，特別係呢四五年呢頭返工LUNCH好多時都食佢，已經熟客到冇得再熟。一開始佢啲米線大碗到我叫少米線都可以食唔晒，早兩年曾經大幅加價，我估就係因為咁搞到無晒客，所以就變咗加少啲但個份量減咗好多。呢個時候我都仲OK，反正自己夠食，同埋近年物價真係貴咗好多，比起佢蝕錢做唔掂執笠我都情願佢咁做。但呢一年佢啲水準真係浮動得好緊要，唔講服務住，我咁多年都係叫中小辣，但有時可以淡如水，有時又會好鬼辣。之但係我都鐘意食辣，同埋佢個湯底隻味比起譚仔合我口味好多，所以我都算啦，又唔係食唔落。咁啱呢次食就真係出事，如常地叫中小辣，等咗一陣就嚟咗一碗個湯係紅色嘅米線。我望咗望都覺得同平時好唔同，但都預咗佢水準唔穩，就諗住照食算數啦，點知食咗一啖係辣到根本食唔落。我叫咗果個矮矮哋、通常都係著裇衫加背心同戴眼鏡、貌似係老闆嘅人話碗嘢好辣根本食唔到，佢問我叫咩辣，我話中小辣。佢就話，「中小辣就梗係辣啦！你下次唔好叫中小辣啦！」哇，我叫咗咁多年中小辣你當我傻架？我話，「我食過好多次中小辣都唔係咁樣，而家係真係辣到食唔到，一係你俾過碗湯我啦。」佢就答我，「無喎，湯要三

今日因為同男友趕住去The One睇戲，唯有喺附近食個快快嘅、填一填飽個肚，所以揀左星林居食個米線。講起食米線，相信唔少人嘅首選都會係三哥譚仔，分店夠哂多，總會有間喺左近。但係喺Ⓢ心目中，一直都認為星林居嘅米線其實同三哥係有得揮的！可惜最近真係每況愈下喇，雖然好好食但就睇住佢一次份量少過一次，價格就完全唔覺有下調過！相信應該會流失唔少客人（包括Ⓢ  起碼一定唔會好似以前食得咁密喇）▼首先點咗個《冬菇貢丸米線》（約HKD$35）。實際價錢唔太記得，隱約記得米線底係$24、餸菜是$5-6一款。因為我不太好辣，所以酸和辣度只係揀咗少少，味道上足以過下口癮！而冬菇、貢丸亦好入味。只係可惜，如圖所見，冬菇同貢丸份量都係極少，二者各只有2舊，先唔講夠唔夠食，每樣餸都要加錢先有，係咪應該要有返相應份量呢？冬菇$6只有兩小舊，細到一啖都可以食哂兩舊，雖然知道租貴物價貴，也未至於咁離譜吧？情願你取巧啲，將啲餸切開細細舊扮好多，都好過咁坦蕩蕩地話比我知「係得咁多咖喇，食就食，唔食就唔食」▼另外仲order咗《墨丸牛展米線》（約HKD$35）。同樣問題，餸菜份量太少，上面已經詳細講咗唔再重覆。撇開份量唔講，

其實已經黎左依度食過好多次，對於一個鍾意食辣既人黎講，簡直係天堂。前幾日甘岩行到去尖沙咀，諗起依間野就即刻去左食。依間酸辣米線拎過獎，全港米線第一名，果然名不虛傳。佢非常抵食，一碗甘高質素既米線只需26蚊，學生價21蚊，配料有唔同價錢，around ＄4－＄6一樣，米線有多種選項，可以揀多青少青走青／少米線／多9少9走9／多酸少酸走酸等等，十分顧及到客人既需要。米線黎到，佢既香味已經令人垂丞三尺，我嗌既係中大辣普通酸加雞翼米線，米線十分彈牙，湯底十分濃郁，可以感受到係猛火重料煮成，湯底既層次豐富，已經勝人一籌，唔似味精湯甘甘冇層次，佢既辣度好夠，好香既辣味加上酸酸既味道，十分開胃。但可惜既係配料比較遜色，雞翼好細隻冇咩味（可能係湯底濃既關係）。依間既性價比好高，鍾意食辣既你一定唔可以錯過！

無法形容的失望，令我要專程開個Account寫食評叫大家千其唔好去!原本打算去譚仔食,但朋友介紹去星林居食, 點知真心中伏! 同朋友三人行約3:15到達, 當時全場得幾個客, 朋友想三個人打橫坐sofa位舒服d,個男人話:你地得三個人, 要我地坐靠牆四人位,態度語氣十級差, 最後我地冇理佢. 第一次食, 點左豬軟骨(+$6)腐皮(+$5)涼拌米線.個米線到左, 個女人就咁放低, 頭也不回地走左, 正常都會講係咩米線, 再俾個客. 望下個米線,我地都呆左!米線量係個碗既三份一, 食四五啖就冇曬,仲要軟淋淋. 豬軟骨得一塊, 有d乾, 但唔係難食. 腐皮得三片,味道正常. 五分鐘食完個米線係完完全全唔飽. 我以為涼拌米線係細碗d,但朋友點小鍋米線都係同一情況.佢地一個食墨丸, 一個食炸醬! 墨丸得兩粒都算, 最過份係炸醬份量得"五蚊銀"咁多, 唔留心睇都唔知係炸醬. 朋友話撈埋d湯到, 真係分唔到邊d係炸醬, 邊d係肉碎! 米線份量又係得好少好少, 湯就多!!!!!好後悔冇影相, 有關炸醬份量,大家可能覺得好跨張, 但我真心懷疑"五蚊銀"已經俾多佢!!!!食完心諗唔會再黎, 去收銀處埋單,

5年前係尖沙咀返工個陣發現到呢間米線，好好食，就算之後無係尖沙咀返工都耐唔時心思思去食。今日再去食。。。都係好大碗，但d米線真同'送'真係小得好可憐，我叫左雞翼(兩隻，正常)，蘿白(三件，同以前一樣)，但豬腸同腩肉我食完一兩件後就無再係個碗到見到啦。。。講返d米線，都唔知有無以前既三分一，我朋友叫涼拌，睇落去仲少，幾下就可以食完，我個碗淨係得d湯多囉=o=呢d份量足以令我以後唔幫襯，加上d員工態度差，以前好食個陣就當睇唔到，宜家如果唔係朋友極力要求都唔會去囉

尖沙咀食晚飯驚食貴，果晚同朋友過尖咀玩，但近排使大左，想食平d，朋友就話去星林居，30出頭搞得掂，食完唔想食譚仔。我半信半疑同佢上去呢間樓上鋪，位置算隱蔽，可能多數都要朋友帶上去先搵到。星林居氣氛不似其他米線店，一入去見到我忍唔住笑左，但其實入面幾大，夜晚8點去到都唔使等位。坐低之後我拎order紙準備tick 野食，點知個fd叫停我，舉手叫侍應拎學生紙來。 原來學生去食晚餐都有學生價！不過果度比學生紙之前要check學生證，記得帶。同埋佢會要你填自己資料，可以求其填，唔會真係check。 面底$21，再自己加餸，所以價錢可以自己控制，幾好。佢d湯底好正宗，食一啖就知入面落足好多料，酸酸甜甜（又可以根據自己口味落order時候調節），同埋有好多秘製肉碎，我唔系好食得出入面加左咩材料，但擺入口就係好好味道，可以細味很久。唔似其他米線店湯還湯，面還面。同埋特別中意食莞茜、芽菜既朋友可以落order時候tick多莞茜、芽菜，佢會比好多你。佢d配料都ok，丸仔腸仔果d同其他米線店一樣，不過豬大腸之類需要自製既事物味道就明顯濃郁過其他米線店。所以如果去建議唔好叫d唔使廚房加工既食物。d菜我就覺得

雲南米線每間味道都差唔多，以前鍾意食星林居，因為有得多芽菜多韮菜多莞茜多葱，米線份量又多，食完麵仲有好多菜 。隔左唔夠半年再去，真係又失望又嬲，服務又差。  點左腩肉墨魚丸，腩肉$6，墨丸$5，朋友點左芝士腸牛筋丸。一黎到，成碗份量明顯少左。丸有兩粒尚叫合理，點知我摷極腩肉都係得兩小片，仲要唔係完整一塊，呢兩片仔收我$6？ 星林居會否太過分？  友人見到自己碗米線，芝士腸得一條 ，佢當堂大聲「下」左出黎，然後不停搵點知真係得一條。朋友好灰咁望住條腸，話「$5一條芝士腸，仲要唔係金妹牌！真係好貴呀！」星林居米線大大碗已成往事，今次我唔洗4分鐘食完，仲要食左一啖麵之後基本上已經無乜淨。食完成碗面好似一陣風，咩感覺都無。之後仲要食多個麥記

以往到尖沙咀上班時，星林居一直是午飯時間首選，價廉物美，平均三十元內可以吃一頓飽滿的午餐，其中配菜還可特別要求增多。可能食店往往在成名後開始不思進取，只想靠著「吃老本」賺取最大利潤，但這樣做往往會忽略了食物品質，而星林居亦不例外。星林居下午茶時段入座人數不多，不需輪候便可入座。點餐紙如以往一樣，可以有不同的特別要求，例如多韮菜、芽菜等，只是價錢上基本消費的米線需要$24，而每款配菜加$4-7元不等。我點了一碗墨丸、芝士腸米線，合共$34，因為通脹價錢貴了也是無可厚非。但米線送來時我簡直不敢相信。點的所謂多芽多韮菜只是以前的一半，米線甚至只有以前的三分之一，而且米線很明顯過分烹煮，完全沒有口感。但最可怕的是配菜，墨丸只有兩顆也尚算可以，但芝士腸只有一條兩節。當我再三問清楚侍應是不是真的只有一條，他還狠狠的答覆我說是。本人素來在街外不論吃車仔麵還是其他連鎖店的米線時，雖然明知不值但偶爾都會點芝士腸，也沒有這麼離譜。而且芝士腸的品質一吃下去就知道不是上佳的，不是上佳的芝士腸為什麼可以標價為$5一條。在標價上一直增加，但在品質上卻沒有維持應有的水平，看來這個是一般成名後食店的固有做法，而經過這