星林居雲南米線餐廳 (已結業)

廚房出菜超慢！等碗米線都超過30分鐘，我係附近反工，lunch time 先得1hr，等得黎都差5多夠鐘，得反10分鐘時間食，即係要我10分鐘內食完碗又酸又辣又熱既米線😢。另外米線湯底過酸，我已經叫左小酸，然後辣就相附對冇禁辣，要去到小中辣開始先feel到辣。

夜晚11點，當大部分餐廳都打洋既時分，我跟朋友在尖沙咀在到處遊蕩找晚餐。意外發現原來高級餐廳臨立既尖沙咀都有米線食，自稱明星餐廳既「星林居」。星林居係一間樓上鋪，場地闊落，有很多卡位，所以係到食米線都幾好坐。我同朋友都係叫左小鍋米線，無試到佢地自家創作既「港式雲南米線」。餸就叫左 豬大腸、豬潤、肥牛、招牌韭菜餸！豬大腸份量都正常，惟滷水味唔夠重。豬潤就略嫌切得太小塊，不過豬潤夠粉，可以拉番少少分。肥牛，就有點牛羶味，同米線唔太襯。最後就係韭菜餃，雖然話係招牌，但係所有餸最差勁，餃皮煮得太淋，餃肉唔痴餸皮，未夾已經見到隻餃係爛，皮分皮肉分肉咁食，肉餡好少韭菜，韭菜亦都切得太細粒，完全咬唔到韭菜同食落無咩韭菜味，所以唔推介去食米線簡韭菜餃。最好，店鋪既米線服務係值得一讚，米線可以自由選擇酸度 辣度 配菜的多少，當日酸度我點了正常，但自問鍾意食酸既我，亦嫌米線湯過酸，所以建議大家選擇小辣。

呢間野真係當啲客傻既，叫兩個餸(腩肉，肥牛)每個既份量得兩小片，6蚊一個餸，啲米線煮到冧到不得了，發到仲粗過條意粉，成pat野咁，成碗野就只得酸味，真係勁難食，以後點都唔會再幫襯！服務差，食物質素更差！仲話攞獎，咁都攞得上枱俾人食，面皮真係要好厚！

以前喺附近讀書時成日嚟食，食親都一定會圈多芫茜！而果時嘅多芫茜係多到一座山咁，冇誇張！雖然已經係成7、8年前嘅事... 7、8年後嘅今日再嚟，一樣都係圈左多芫茜，但嚟到之後得嗰少少，即刻失望咗，叫佢另外再添先至有咁多咋... 而且腩肉都係得嗰三片。價錢就加咗，料就少咗喇，唔係幾抵食囉不過湯底都仲係好味嘅，辣得嚟有少少少少麻，但無可避免係有味精囉，一定要嗌杯嘢飲先得

一入門口阿叔黑口黑面，態度超差，仲要安排得坐個勁迫既位❕我都唔緊要，因為我諗住快食....之後叫野食，d人行黎行去都唔幫落單❕等左幾耐米線黎喇，超少份量，$6得3件豬腸；重點係我果碗得兩件，搵黎搵去搵唔到，同個阿叔講，佢完全無理；另外，9菜餃勁淋，一夾就散，所有野完全唔掂，唔會再黎❕❕

今日又落到尖沙咀，有個同事非常喜愛呢間米線，所以上星期食完，今個星期又食過喇正正lunch time,樓上樓下都排晒隊，但今次決定要試試樓上有無唔同先！一行6人都係等咗10分鐘左右，都算快嘅~基於上星期食完，呢個星期劃紙仔時又改一改，點左腩肉蟹籽包小辣小酸少米多線多芽菜走韮菜多芫茜多蔥(係。。我都明係煩咗啲，好在有張落單紙)以中午爆晒場嚟講，上菜速度都快，10分鐘內有齊晒6個米線，先講湯底，今次湯底比上次肉味更濃，鮮味啲啲，肉碎半肥瘦夠適中，可以當餸食叫咗小酸，比較合自己口味(其實本人都酸得吓，但普通酸都真係哽咗啲)小辣都係無咩辣味，米線索咗啲湯，入晒味又夠爽滑腩肉醃得夠味，唔算好辣，蟹籽包都彈口嘅，但可能太多單出，上枱時只係暖暖地，有啲似未煮熟咁今次叫小米線，雖然叫小米線，但真係小咗啲同事個幾碗都係，米線都偏小，食咗幾注就好似差唔多食完咁另外加13蚊配一杯青檸梳打，夠晒解渴！

這天晚餐不想吃那麼多，選擇來有名的星林居吃米線。以米線來說上菜時間也太久了，中途見有客人等不下去走了。終於等到米線送上，小小辣幾乎察覺不到辣味，普通酸尚可接受，愈吃愈有味道，難怪這麼有名。點了生菜，沾湯汁後更好吃，肥牛只有兩片，雞翼尖骨已軟化，很入味。但料實在少了點，又見客人投訴未吃只找到一小配料，投訴也太多了。現在打這篇食評已經想念這個湯底了。

初嘗星林居原因係朋友介紹，說喜歡食米線的必定要試星林居，於是在平日下午來試試。記得有學生證可以同待應講，有便宜一點的學生餐。環境來說，冷氣充足，燈光柔和，也不錯的。點餐後就要等，點知等到25分鐘都未有.....我眼見身旁很多枱都催單.....個個心情都等到不耐煩，其實我是不趕時間....但等了25分鐘都未有....會令人好易誤會是否漏了單抑或廚房人手不足......等太耐的確令人有點心情欠佳...結果等了30分鍾米線終於上菜了！睇之前留言....好多人說送既份量好少，一睇.....果然好少，豬肚得三條，腐皮角得兩舊，叫左湯底係少少辣少酸，未食之前聞落去有酸味，食落味道偏淡但有甜味，不太辣，但湯底同出面分別不太   我覺得米線質量還好，唔會太唸。但份量偏少，平時譚仔分量都食唔哂的我竟然用了7-10分鍾就食完呢碗米線...亦聽到搭枱的朋友說今日份量比她上一次來少得很.....整體來說 ，不值得等咁耐，味道一般。最無奈的係餐單仲要用很多篇幅去寫話自己幾咁平民，份量好足(我寧願佢唔好寫出黎....)。平心而論，價錢係可以接受，但咁既分量同服務態度真係大打折扣。  

🍜大概這是最後一次 星林居名氣實在過大的星林居，假期加上食飯時間都非常空曠，同第一次來到Full House要等位又搭枱相距甚遠，眼見左右枱都是遊客，但老實說呢家米線實在不值得再食😕一次比一次差⋯⋯⋯第一次食是一年多前，味道夠濃但太過油膩，再食那次是漢口道分店，米線無比煮過頭了而且淡如水，敢講任何一家路邊米線都會比它好，之後好嬲一直無再食過⋯⋯ 小鍋米線 小辣普通酸加魚腐（HKD $29）價錢以中午來講係尖沙咀的確算好平，但我一個女仔食完都只係剛剛好夠飽，男仔應該要加大才夠。而且配菜份量有點孤寒⋯還大大隻字寫「材料份量不手軟」😂諷刺？今日中午心血來潮想試下，但發現味道好淡，難道除了辣味就無其他調味了？肉碎好肥而且無味，魚腐原來是魚蛋😑😑😑算了⋯下次去譚子又好赫徳道又好，食米線拒絕星林居plz...

今晚又米線做晚餐，放工去左尖沙咀買相機，唔想貴食就近近地去星林居食米線。譚仔以外星林居係我第二選擇，因為佢湯底甜甜酸酸幾開胃，配上腩肉同大腸，其實好好食。今次選左大腸同雞翼，雞翼好入味，啲豬大腸好稔，個湯底就酸酸地，大大碗上枱，見到都開心。其實星林居湯底好足料，有好多芽菜同埋肉碎，仲有莞茜，以及超多酸菜。成個配合起起黎，層次好豐富，無一般清湯咁單調。一個人食飯，米線配檸蜜，其實hea hea 地都可以好開心。

有一日，有個朋友突然話『我想食星林居啊！』，憑住佢淨係講間餐廳名又唔講係食乜野，我就知呢間野應該係西利既，而且係suppose我一定識既！我就斷估佢應該係一間食中菜或者星加坡野好出名既鋪頭。點知去到間鋪，原來係食米線。我驚訝既表情比我既朋友發現左。『下！你唔係無聽過啊嘛？鐘意食米線既人一定食過架WOW!』OK! Fine!我會好好重新評估過自己鐘意食米線既程度。入到去，其實環境都幾昏暗，感覺唔太好，D職員個個都木口木面甘，少左份譚仔親切感，不過算數啦，通常D穩世小鋪都帶有幾份神秘感同神化感。（但重點係佢既地理位置係好易搵到）一定係食佢既明火小鍋米線次次食米線都一定會叫埋蘿白今次我就叫左小鍋蘿白豬肚米線、小辣普通酸雖然位就唔洗等，order都好快，但上面既時間都真係幾耐，10幾分鐘。餸既份量真係唔多，我以為要尋下寶，D餸一定係米線入面。結果，係無！張相睇哂，2舊蘿白，3塊豬肚。不過個湯底真係正，濃郁，酸辣分明，唔會得個辣字又唔酸，得個酸字又唔辣，好香。反而D 配菜既料就足料多，好多韮菜、芽菜同埋酸菜，好惹味同好有口感。如果你覺得都仲唔夠，可以tick 多韮，多芽。但唔好諗多左，無得多米米

要喺尖沙咀搵一餐三四十蚊，唔食快餐店都真係好難。以前聽朋友推介星林居，因為它拎過好多獎，如果你鍾意食米線，而未試過呢間，我唸都講唔通。環境，說真的，不太好。燈光暗，侍應都係一如以往無表情無交流絕對無譚仔姨姨的「懶肉物演山小」的親切感，不過我為左米線而來。是次點了過橋米線，千祈唔好叫車仔因為同普通車仔麵無分別價錢合理，食碗普通魚蛋粉都收你四十蚊咁梗係食呢個！腩肉牛肉腐皮角小辣 ($40)餸的份量唔多，不過失望係腩肉得三舊仲要尋寶先搵到，真係少得過份吧？不過湯底十分濃郁，係十個讚的一食會明白點解拎到咁多獎，酸辣分明，自家製酸菜的酸又會令人感到好醒胃，點左小辣，食食下就唔覺辣。米線爽口算正常，不過湯底係一個驚喜！都應該會再黎，不過小店真係要睇番個餸的份量，男仔大食就加底吧。

星林居嘅位置尚算方便，喺金馬倫道屈臣氏對面3樓，易搵。呢個時間5需要等位，大慨係星期一晚上大家都回家吃飯吧～ 上到黎最中意就係點菜紙，好方便清晰易明，今次揀左無辣版(5舒服戒一次)嗌酸啲加左肉燥同魚腐 等左都幾耐(￣∇￣)成十幾分鐘小鍋入面有韮菜，芽菜，酸菜，認真惹味。 碗米線白雪雪似清湯咁，而味道可以接受，5係酸到你打冷震個種。至於魚腐熟稔程度岩岩好，得2塊實在5夠喉。另外肉燥係必加項目，肉燥肥瘦分明，撈落湯又得夾麵放匙羹上當撈粉食也很可口，調味得剛剛好，5會太咸太甜。韮菜同其他配料都熟哂，調鮮，5似上次生上。可惜係份量太少，完全5飽肚，價錢亦不便宜希望有所略略調整

以前，如果問我全港最好食既米線，我一定係答星林居。睇住佢以前日日爆棚，到今日，晚餐時間得3檯。原因我相信好多食家已經知道。我知物價貴，你用料少左，我明。但少到得返幾啖就食完，豬皮得3塊，菜有8條，連肉碎都係得兩啖!!!係咪可以咁過份?????湯底以前係一流，但依家仲衰過我自己煮....我真係好失望仲有d所謂既服務生，除左落單同收野快之外，其他要求一律唔理你。

未見過車仔麵式既米線，可以得3條豬大腸. 得3條都唔緊要，仲要得1條係正常size. 見到豬大腸咁. 魚皮餃得兩粒都預左湯底有濃味，米線亦少得可憐. 質素比以前差左好多. 物價高漲，將貨就價. Fine.