星林居雲南米線餐廳 (已結業)

雲南米線每間味道都差唔多，以前鍾意食星林居，因為有得多芽菜多韮菜多莞茜多葱，米線份量又多，食完麵仲有好多菜 。隔左唔夠半年再去，真係又失望又嬲，服務又差。  點左腩肉墨魚丸，腩肉$6，墨丸$5，朋友點左芝士腸牛筋丸。一黎到，成碗份量明顯少左。丸有兩粒尚叫合理，點知我摷極腩肉都係得兩小片，仲要唔係完整一塊，呢兩片仔收我$6？ 星林居會否太過分？  友人見到自己碗米線，芝士腸得一條 ，佢當堂大聲「下」左出黎，然後不停搵點知真係得一條。朋友好灰咁望住條腸，話「$5一條芝士腸，仲要唔係金妹牌！真係好貴呀！」星林居米線大大碗已成往事，今次我唔洗4分鐘食完，仲要食左一啖麵之後基本上已經無乜淨。食完成碗面好似一陣風，咩感覺都無。之後仲要食多個麥記