星林居雲南米線餐廳 (已結業)

星林居雖然位置於尖沙咀, 但處於吊腳的三樓, 而且燈箱也不突出, 真係經過左都唔知。其實Nana 是來到金巴利道做 Facial 順道吃個Quick Lunch，　所以只要求快靚正！踏上數十級樓梯還沒有氣喘後一打開門便是有間有點像西餐廳的米線店，估不到一點多客也不多，還可以隨便坐。於是小妹選卡坐窗口位, 最貼心是每張枱也有叉電位, 加分!蠻欣賞以click紙仔形式選擇岩自己的口味, 岩晒多多要求的小妹。但實在心大心細, 因為選擇很多, 於是詢問一下伙記怎樣選配搭，但答左等於無答，唯有隨便 Click。小妹食晏胃口一向不大, 於是只選了兩餸 (豬軟骨和腐皮角)加米線 $37上枱速度都幾快, 不過份量大得有點嚇人, 小妹為有盡力而為。湯頭酸辣程度也對胃, 香噴噴的令人食指大動, 而肉碎, 韮菜, 牙菜和酸菜等也下得大方加埋帶點Q彈米線, 感覺體內寒氣也被迫出來, 唯一唔好吃的是豬軟骨一點也不軟啊, 加上有點干柴, 只是選舉錯誤了 。最後來杯凍奶茶小冰 +$5, 大大杯茶味足, 無投訴啦。以＄４２來說吃可說是吃得飽而且可以慢慢坐，實在吾錯。

今日星期六我長週，要返半日工 T_T中午收工後立即飛地鐵去TST和男友會合，去食我既最愛──星林居。過到黎都1:30，人都ok多，但唔使等位。佢既米線湯底真係無得頂，以前男友帶我食過一次後便上癮了。星林居既湯底可以自行剔選酸辣程求，亦都可以選多蔥呀，米線的軟硬程度等等~~咁多選擇，價格當然都有返咁上下，貴出面米線舖十零蚊咁啦。我就叫左小酸小辣，米線加底，走了蔥，加了豬紅&面筋，外加1 can cream soda~咪以為女仔之家食碗麵居然要加底，以為我好大食，但以佢個湯底 & 麵好食既程度，加左底都絕對可以食哂佢。食完後太滿足啦，但食得太多，惟有行下街消化下先啦，哈哈。p.s. 唔好咁期望侍應生的服務，因無咩服務。

最近有些朋友問我，點解咁多試食的機會，但又不得見我肥胖起來的。其實皆因我控制食量得宜，當我一個人吃時，我有時只吃一碗麵，然後就走去做Gym，所以想肥都難。今晚又一個人吃飯，又準備之後做Gym，便決定在健身中心附近這間星林居吃米線。店子在大廈的3樓，但電梯比較隱蔽，既然吃飽去運動，不如先行樓梯上三樓作個熱身吧。坐下後，便填紙仔點菜，這方式有點像車仔麵，可以因應自己的食量和口味而點，快捷方便，意念不錯的。我點了「小鍋過穚米線」($46)，餸菜已經包括豬腩肉、紅腸、腐竹、火腿，而味道方面，辣和酸度都可以選的，我就選了小小辣和普通酸。另外，我喜歡吃芽菜，就選了多芽。端上時，發覺份量也不少，對我來說，是足夠的。辣度真是只有小小，應該選小辣才試到辣的滋味，而酸度就剛剛好了。而四款餸菜中，紅腸比較多，豬腩肉最少，質量可以接受。星林居勝在價錢平，40多元一個晚餐來說，實在抵吃，而且吃得飽。當然，要平就要忍受一下較差的服務了，香港地係咁㗎啦。

最曉食一直都只是吃開一間大型連鎖米線，貪其方便，總有一間在附近。說真的，吃了這麼多次，都開始有點悶。經朋友介紹，朋友說星林居比那間大型連鎖店更好吃。一直對這餐廳記住，有機會必定試。是夜碰巧到尖沙咀。一看到星林居三隻字便立刻想試。叫了生菜炸醬小鍋米線。一上桌，香味撲鼻！炸醬不是分開碟裝，直接放在湯內，故不可以試真其味道。反而生菜就分開碟裝。菜的份量都廷多的。最曉食急不及待要試一下湯底！很燙！但味道真的很特別！味道酸酸辣辣，很惹味！麵條質感煙韌，上面鋪滿芽菜等。店鋪亦貼心，所有材料都可以自由選擇。而且整個湯底都保持著熱燙燙的，很是好吃。最曉食以後必定再試！

是夜下班後，蛋白君神秘兮兮地跟我说他要到一家米線店進行「突撃試食」，邀我一同前往。最近吃得有點過份地多，吃些米線也不錯!簡單地點了小鍋過橋(大碗)$46，點餐紙下方仔細地列出9種辣度和4種酸度，更有15種「特別要求」選擇，可謂客製彈性相當高。米線餐加點一罐可樂只要$5，滿實惠的。=]等了5分鐘，小鍋過橋米線上桌，確實是好大碗! 紅腸x4、火腿x3、腐竹幾片、一大堆豆芽菜韮菜芫茜葱，材料實在，豬腩肉好像乾了一點，如果多一點肥肉相信會更令人滿意。再說說主角米線和湯底，可能因為之前有OR評論充說到米線煮得太生硬，今晚我吃到的米線可軟熟得多。湯底是我理想的酸辣度，米線吸收了湯汁，不用配菜也夠味。隨帶一提，平常外面吃的米線對我這個怕熱猫舌來說都太熱，星林居的小鍋過橋溫度剛好，吹一下我就可以盡情享用。

有朋友會問，假如沒有試菜邀約的日子，平常會吃些甚麼？會特別找新餐廳前往，還是找些口碑突出的地方品嚐？以上兩個都是答案之一，但更大機會是吃些舒心食物，簡簡單單不用費神又一餐，讓一切來得開心又稱心。說到舒心食物，白飯配蒸肉餅向來是自己的大愛，一碗魚蛋粉，弄個即食麵，也是不錯吃的選擇。還有，酸辣開胃的米線，其實都幾合自己心水，早前碰巧有公關朋友邀約到米線專門店作「突撃試食」，那就恭敬不如從命，來一個沒有安排的嚐味聚吧。點了一碗＜明火小窩米線＞ $24，再分別配了 唐生菜 $4，腐竹 $5，菜肉雲吞和蘿蔔 各 $6，合共成為 $39，價錢幾親民，而且點菜紙上還有多款辣度給客人選擇，是貼心的安排。等了沒多久，米線便來到，選了中小辣的湯頭，果然不算辣，假如熱度再來得滾燙一些，會更合個人口味。街坊小店也不能要求太多，整體水準可以，假如餐廳在細節上多加注意，相信一切會來得更加精彩。

我光顧這家店都幾年了，真係越做越差，同樣是連鎖米線，譚仔比他好多了。今日點了四個餸，有豬軟骨、豬皮、豬腸和腩肉，上菜時豬皮得三塊，但係一啲都爽口，豬軟骨仲過份，得一塊，問店員佢仲話"係呀，係咁架"，聽到我即時黑面，決定以後都唔會再嚟!!

見到星林居係門口大字報導佢係得獎餐廳，當然要試下有幾巴閉。點了一個小窩米線($24)(小小辣+ 普通酸) 加腩肉( +$7)等左差唔多15分鐘先有。見旁邊的食客都等差唔多咁上下的時間。如果趕時間真係唔好黎呢間米線店。個湯唔錯，真係合乎小小辣+ 普通酸，仲有陣好特別的香料味。不過之後就出事啦。攪左幾攪之後發覺成碗米線一半都係芽菜同埋蔥，幾啖就可以食晒啲米線。啲腩肉都一般，好淡，唔算老，但係冇咩肉汁。應該真煮之前冇用任可調味料整過。服務都係一般，零笑容。對於一個食唔飽的菜黎講，我一般只會俾OK 臉。奈何佢上菜速度太慢，加上取價亦都係同類型米線中偏貴。係坊間絕對有更多更好的選擇。最後只好給一個喊臉。

呢間鋪冇咩冷氣,一上去已經覺得好焗,D位又住得唔舒服。我們叫了2碗小鍋米線,我的有腩肉,龍蝦丸,雲吞,3樣都非常難食,特別係龍蝦丸,好大陣膠味,而唔知點解腩肉個口感似肥牛。我朋友叫左雞翼和貢丸, D貢丸個樣直情同牛丸一模一樣,又係好大陣唔知咩味,可能係假貢丸,而雞翼都冇味,就咁"圾"熟去就算...唉。然後同個執檯個阿姐講好難食,佢話:係呀?不過我都唔食既....(比佢吹脹)之後再同個經理講話D野食好唔得,佢就一句聲都唔出......走個時仲見到呢間野拎過好多獎...真係...唉!!!以後都唔會幫襯!!!

menu好簡單，只有２張點單單張，分別是紅色肉食的及黑色素食的。不過又唔算好簡單喎，因為２張紙上面都排得滿滿的，要睇清楚和理解上面所有大小字，如紅紙$24明火小鍋米線(包括上湯、酸菜、芽菜、韮菜)但又分不辣係冇肉碎，小辣以上有肉碎；黑紙的是 $19 上湯米線 (沒有肉碎、韮菜同芽菜)喎，其實明火小鍋米線同上湯米線有乜分別？都係果Ｄ湯？只係少咗肉同菜呀？ANYWAY, 其實用邊張點單紙都得嘅，因為裡面有欄"特別要求"可以比你揀走Ｘ多Ｘ或少Ｘ或素食就一定冇肉碎。加餸款式都好多，分３個價$4, $5 和 $6 款，最多係$5，加底就加 $8。睇咗都５分幾鐘，最後終於揀咗：我：明火小鍋米線 ($24) + 豬紅 ($5) + 唐生菜 ($4) = $33佢：涼拌米線 ($24) + 雞翼尖 ($5) + 豬肚 ($6) = $35記得好年幾前食過，當時覺得係幾好味，湯夠濃，餸又好味，當時已經好多人幫襯爆滿添。不過呢晚好似冇以前咁好食，湯底就同樣幾好飲，但餸就認真麻麻，菜唔新鮮不特止，仲有Ｄ爛嘅添，豬紅食落怪怪地，不過豬肚都幾入味。好在湯底因為唔油夠辣，加返少少分，但如果唔係有好多時間都唔會再來

星期六2點半上到去見到人頭擁擁，都覺得有d唔受，平時呢個鐘數應該無乜人，寫完單比咗個阿姐，同女友傾咗陣偈，先察覺樓面啲人唔同曬，坐多一陣又發現身邊d人不斷趨單，d侍應不斷同人講今日廚房新人返工，好多單未做。望入水吧塊玻璃，得一個師傅沖茶，仲先落茶再慢慢落冰，一睇就知係生手！等了半粒鐘，野飲都未嚟，心諗咁嘅情況d野都唔慌好食，叫個待應埋嚟取消張單，佢乜都唔同我講就走咗入廚房。話之佢，叫女友走人！ 以上全為本人親身經歷，絶無加鹽加醋！

聽講呢間鋪頭拎過獎, 所以一心去試下有幾好味,我叫左腐皮,蟹子包米線 (普通酸中辣)腐皮有少少硬身, 不過尚可接受,蟹子包就係一般火鍋配料既味道,重點係個湯~~~酸與辣非常配合, 不似一般酸與辣味是分開的,好夾好夾

香港米線店多不勝數，但云云的米線我特別鍾情星林居，以前比較愛食小鍋米線，因為可以有得揀非常酸，不過近來轉左口味比較欣賞涼拌米線! 紅色落菜單係for小鍋同涼拌米線，而黑色落菜單係for上湯米線(因為無肉碎所以適合素食)涼拌米線係除左酸菜同辣，仲有花生...但因為我唔太好食花生所以走左。白蘿蔔: 甜甜的，好好味豬紅: 唔會太淋米線: 有點失手，有d未煮透，硬硬地汁底: 比平時稀左味道無咁濃，不過還算OK

好耐無黎食，以前真係好鐘意食！所以同朋友抱住好期待既心情再上黎一次難得聖誕期間都唔洗等位！但完全無人帶位，要自己搵位坐！坐左大約幾分鐘，都無人來執枱！攪笑係叫左個好無精神既男侍應幫我地執，佢好似好唔願意咁，仲要執左一半枱都無擦就走左之後點完餐係等期間，留意到剛剛幫我地執枱既侍應完全唔知佢想點，一有人叫佢就黑面，落親枱既野食唔係倒左d湯出黎就係啪啪聲！好明顯好多食客已經好不滿！ 旁邊兩位小姐仲要食完成碗麵都未有野飲，最後見佢地嬲到走左！唉，雖然以前不嬲都唔係好服務嫁啦，但無諗過可以差到咁！本來開開心心攪到無哂心機！真係無下次！

以前去開呢間舖食..覺得不錯..咁星期六出開尖咀, 又想再食啦..一家三口出去食...環境都差唔多...但地下超"跣"D員工又超HEA...都算...都係食面既..WA....個米線油得很...所以的肉碎全是肥膏...味道跟以前係差唔多...但員工既態度同衛生情況,真係差咗好多!!!決定下次唔會再去呢間食米線了!!!!!