星林居雲南米線餐廳 (已結業)

一個人諗住食個米線就比個走馬燈招牌昆左要行上三樓，勁辛苦諗住係好野啦點知嗌左餐過左九個字都未黎叫左兩個阿姐跟下點知扮聽唔到我講野仲黑晒面我係正你面前講 咁都聽唔到？好野大佬 你廚房煮野慢 唔怪你但連基本禮貌都無學咩人做生意？好啦 碗野黎左叫左 生菜 豬腸 雞翼 得三樣係黎喏 豬腸變左不知名內臟啲米線又少 完全食唔飽四十蚊食到咁早知食譚仔好過😡😡一個字 劣！！！

因為在附近返工關係，以前一星期總會食一兩次星林居，一段時無食今日終於有機會再食. 點了豆卜紫菜和豬腩肉......一上枱賣相跟以前一樣，但是真的咸到呢⋯⋯另外米線亦煮到發賬和爛，豆卜是完全沒有煮過....比起以前差了很多很多，應該是最後一次了

因為夜晚係尖沙咀上堂，所以係附近簡左呢間試試。我簡左雞翼，小小辣，普通酸。個湯底好好味，小小辣真係唔會太辣。但個人覺得普通酸真係好酸，酸到我係咁咪埋眼如果鍾意酸既人應該覺得好掂但我下次會叫小酸再試試D雞翼唔太淋唔太硬，不過不失反而個米線太多芽菜太少米線，男仔可能要叫加底先夠飽

人人都話星林居已經變左叫左呢個走辣加普通酸都等左好耐，成10分鐘食物先送到個湯又幾好飲，但係比起以前個濃係淡味左超多，已經再飲唔返以前個隻超濃郁湯底了 仲有d餸好麻麻地，豬紅質地非常鞋

上次去食飯，落咗單，等咗十五分鐘都未有野食。諗住問下侍應，叫極都無人理！終於等咗半個鐘後都無野食，頂唔住要走😰😡去cashier同佢地講嗰陣，收銀淨係講咗句「又一個客係咁」，一個sorry都無！咁嘅服務態度簡直係負分！！😡😤

去過食好幾次喇，中意去樓上舖間分店多啲，無咁逼，坐得舒服啲。平時都比較少食米線，但每次黎到呢度都可以食晒成碗，飲晒啲湯汁。😂都好足料，米線份量都好多，最中意佢但湯底，好夠味，同譚仔個啲真係無得比。😂所有野都有得比你揀架。

尖沙咀真係好少出色嘅車仔面或雲南米線，所以一諗起星林居嘅雲南米線，就算行老遠都要專登過來。次次嚟都必叫呢3個餸－豬紅、豬腸、蟹子丸以往都唔覺份量咁少，今次嚟覺得餸嘅份量少咗，不過豬紅同豬腸都係咁好味，蟹子丸就好似唔夠熱湯底仍然係星林居嘅精華，我叫咗少少辣同少酸，一樣有肉碎，一樣咁出色

幾以前都好喜歡黎呢間食米線，可惜從今已成歷史 點解？我同好姐妹一行二人諗住從拾舊味，上去餐廳即時有位坐，點好餐後，我地馬上雞啄唔斷開展女人話題，一個又一個話題傾到完結，我地果兩碗米線仲未到，反觀差不多入座既隔離已經上左枱同食左一半，甘我問下阿姐啦～ 點知....阿姐抬頭到鼻哥'loan'天花板地說：「最少要等二十分鍾架bor。」果下我呆左，心諗：「唔係嘛⋯⋯出街食碗米線要二十分鐘？我返屋企煮啦....」，跟著我同阿姐講：「我地等左唔只二十分鐘啦。」阿姐粒聲唔出，走左埋去機度，再粒聲唔出走左去。 點解無人話我知發生咩事既？跟著幫我地落單既阿叔經過，甘我問下阿叔啦，話我地等左半個鐘啦，點知.....阿叔話：［邊有半個鐘呀～～就算有，都以落單時為準啦！」呢個時候我已經無話可說，正想走之際，其中一碗米線岩岩到... 點知.... 點解甘多莞茜蔥？我食米線定食莞茜蔥？答案係食莞茜蔥既，因為米線份量少得可憐.... 就算味道同以前一樣，但份量係以前一半......忽然記得頭先落單阿叔講既「落單時間為準」既事，望望碗邊俾湯浸濕左既落單紙，，眼見落單時間係8:37，枱頭對錶，時間為9:10，阿叔果然準

最少要等30分鐘。味道係好過連鎖店咩哥。但要有心理準備要等。豬軟骨好夠味。牛又冧。湯底亦都和普通米線連鎖店不同。係要比👍👍。但麻煩改善下個出貨時間。30分鐘真係會餓死人。😂😂

因為喜歡星林居的湯底，今天特意來到尖沙咀吃，當時已經2點多，客人不算多，去到無人招呼就自己坐底，但被呼喝坐入去多人的位置，行到入去又無人理又無位坐，走出來坐返低又被另外的侍應呼喝再調位，服務態度其差，再好食心情都變得差。點了小辣，湯底味道如記憶般不錯，可惜雞翼尖有種怪味道，豬大腸更是有陣臭味，讓我想起電影食神雖然說能夠保持湯底的質素是非常重要，但其他方面特別是服務一直下降，有感貼錢買難受之感，第二間分店還可以再去試試，但這間恐怕不會再去了。

對於麻辣嘅味道，我有種癮，對於某間川菜館或麻辣食店，更有一種癮，星林居就是令我上了癮的食店之一！川菜呢～旺角的＂老川皇＂排行在我心目中暫時是前幾名而麻辣米線榜首暫時就是星林居了！上去三樓～到了到了！（興奮mode)食客也很多～這裡米線主要分涼伴和小窩湯米落單紙除了有多款不同的餸可選擇外，還很細心細分了辣度、酸度、配菜及米缐份量貓姐我的常規配撘是：小窩米丶大辣、普通酸丶多芽多蔥多韮菜多茜仲有凍檸賓～（老顧客了⋯）選了多免費配菜，份量確實不少！平時出面米缐店，配菜只有少少，即使加錢可能也沒有＂這個＂分份量吖！至於湯底的味道當然頂瓜瓜啦，夠麻夠辣夠刺激！平時出面的米缐店，我點特辣剛好夠味，這裡的大辣已很和味了！其實中大辣會更適合老實說湯裡的肉碎，肥肉粒較為多，湯也較油但是香香濃濃的麻辣湯太正了美食當前，就先遺忘一下卡路里先生吧！吃完了，滿足了，咀巴麻到沒知覺了！爽皮也～

走親尖沙咀行街下午茶都會去食返碗淨酸辣米線中， 咁佢既下午茶就可以5蚊加多罐汽水。咁我就叫咗紫菜雞翼同埋芝士丸酸辣米線，咁酸同辣都叫到最少嘅，咁我平時最鍾意芫茜就叫咗多芫茜啦，同埋走咗芽菜 中，咁個湯底都係好有豬骨味嘅加埋少少酸辣味，咁啲餸都幾好食，美中不足嘅係我覺得米線嘅份量唔係好夠多，咁食完都有唔係好飽。

第一次上黎寫食評湯底味道還可以叫小辣食唔到有辣味餸份量好少 蟹子丸$5/2粒 腩肉$6得 2-3片大大碗都係湯黎檸檬茶接近無味唔比用外國學生證所以食返正價唔會再黎幫襯

想同朋友食個快食... 就揀左lee間米線.....叫左4碗米線.... 要等左40分鐘.... 服務態度極差.... 味道大不如前....同一年幾前食既冇得比.... 難怪以前要排隊... 宜家星期六晚飯時間等都唔駛等就有大把位....重點係叫左一餸既豬腩肉米線... 成碗就只得2-3小片..... 早知食3哥好過... 等埋位都唔駛咁耐.....一定冇下次！！！

本身同同事去食譚仔 點知搵唔到 就入佐星林居 叫完之後等佐差唔多三十分鐘先有 個仕應態度仲要好差 叫佐個冬菇芝士腸米線 少佐冬菇 叫佢俾返冬菇我 點知五蚊只係得一隻冬菇食一啖 咸到痴線！好似食緊啖啖咸水咁！永遠唔會再食！永遠black list！