明記潮館 (砵蘭180+商場)

营业中

休息中

同老公去旺角買電話，到咗晚飯時間要搵地方食飯，記得之前去明記潮館食過，味道好又夠份量，有傳統打冷小菜，亦有新鮮游水海鮮。今晚就去回味一下！一踏入舘內，已經見到座無虛席，大家不時高呼喝采，原來牆上掛有大電視，大家邊食邊睇世界杯，好熱鬧啊！京都焗肉排肉質鬆軟，味道酸酸甜甜份量又足，切成粒型方便進食，配上新鮮菠蘿，鮮甜多汁。枝竹蒜子火腩炆豆腐煲，煲仔菜熱辣辣上枱，火腩加左蒜子炆煮後又腍又香，枝竹吸了醬汁和火腩的精華，豆腐表面半煎炸至金黃，炆煮時吸收曬調味料嘅味道，豆腐裡面嫩滑外面惹味。潮州炒麵線：份量十足夠鑊氣，有蛋、韭菜、芽菜外還有肉絲，炒得爽身而不膩，加啲辣醬更惹味。用餐當日消費滿$300加$8換購指定小菜，其中一樣係滷水雜錦拼盤，大大碟香氣四溢，有紅腸、豬耳、豬腸、豬腩肉、墨魚、大豆芽。材料滷得入味，多重口感，豬耳爽脆、豬腸乾淨唔會韌，豬腩肉肥瘦適中，墨魚彈牙。

唔講真係唔覺呢度原來有食肆！看似水靜河飛，但上到去明記潮館就好旺場尤其是而家有得睇波～好多人邊食邊睇邊飲啤酒🍻🍻（我都係☺️）可以坐得舒舒服服食打冷～除咗潮州菜之外海鮮都係佢哋嘅主打消費滿💲300 送 「 滷水雜錦拼盤 」 或者 「 韭菜豬紅 」 ，原價都$148，感覺好超值，份量又足！ **優惠只限旺角店用**見到啲凍魚好吸引，馬友同烏頭之間，揀咗..🐟《 凍烏頭 💲198（時價） 》肉質緊緻，油份豐腴甘香，微鹹更特出魚嘅鮮味～普寧豆醬都係精髓，好有提味作用！撈粥都好好啱！🐠《 薑蔥魚雲煲 💲128 》好夠鑊氣，魚雲肉多又嫩～爆得好惹味！送🐖《韭菜豬紅 （例）》好大碗，2-3人 share都無問題～湯汁好香濃，咸咸地帶少少胡椒辣，豬紅成舊都好入味！ 🍚《 白飯 💲16 》*廳房茶水每位💲10***散座茶水每位💲5*****加一服務費、餐前小食每份💲20***

今日同朋友到旺角食飯，去到餐廳不需要等位就可以入座。我們叫了一個粉絲蟹煲，一個煎蠔餅，一個石鍋啫啫芥蘭和一份滷水雜錦拼盤。首先上的是滷水雜錦拼盤，入面有紅腸、鵝腸、腩肉、豬大腸、八爪魚等，雖然係優惠價，但份量並沒有少，而且滷水的味道香，又不會太鹹。之後上的是芥蘭，上來的時是熱而且能夠保温很久，而且芥蘭幼嫩，加上蒜香，入口味道不錯。再來就是粉絲蟹煲，比我想像中乾身，而蟹又比我想中大隻。蟹肉結實鮮甜，而粉絲份量很多。最後是蠔餅，餅底炸得鬆脆，而蠔仔鮮甜，再加上蔥香，配上魚露，味道不錯。整體而言，地道小炒，味道可口，而且份量很多。

適逢同事升職，於是去左旺角一間潮州菜館賀一賀佢，貪佢地點方便，而且環境氣氛都十分適合良朋歡聚，可以盡興一晚。家鄉鹹菜豬肚湯 $160（⭐️⭐️⭐️⭐️⭐️）最近香港都秋意濃濃，於是點左鹹菜豬肚湯，暖心又開胃。先唔講味道，淨係睇煲入面既湯渣都知道係用料十足。筆者好喜歡入面既豬肚，絕對唔會煲到軟賴賴無晒口感，每啖咬落仲係彈牙爽口。而且鹹菜同配料選料用心，湯水飲落都有陣陣咸香同暖胃既微辣，十分舒服。鹵水雜拼+鵝 $218（⭐️⭐️⭐️⭐️⭐️）去到潮州菜館當然要試下佢既鹵水菜式，唔知點揀既朋友筆者十分推介呢個雜錦拼盤配鵝片，咩都有得試之餘仲可以試到招牌鵝片。拼盤款式十分多，有紅腸、豬耳、鵝腸、墨魚、腩肉同芽菜，仲有唔少得既鵝片。雖然種類十分多，但製作卻唔馬虎，鵝腸爽脆、墨多彈牙、豬耳入味。至於鵝片都好好食，肉質唔鞋口，大大片真係大滿足。韭菜豬紅$88（⭐️⭐️⭐️⭐️💢）筆者平時行街見到小食店都十分中二食返碗，雖然豬紅普普通通，但正正因為佢味道偏淡，要煮得好味就相當考廚師功夫。呢間餐廳既豬紅就令筆者有驚喜，豬紅煮得十分入味，惹味之餘又唔係死咸或者味精，實在令筆者食唔停口。另外亦唔好睇少下面既韭菜，絕對唔黏牙，十分翠嫩！

今日去到旺角朗豪坊行街街 同朋友行吓行吓有啲肚餓 去到砵蘭街見到有間潮州菜餐廳名叫做明記潮館 朋友都話想食潮州菜咁就上去3樓食晚飯 佢呢度係全層嘅左邊同右邊都係佢地嘅 上到去乾淨 侍應安排我哋坐卡位見到個招牌佢而家惠顧滿$300可以加$8換購一大碟滷水雜錦拼盤 或者韭菜豬紅 1️⃣菠蘿咕嚕肉 $128 外面鬆脆 裏面諗 最重要係熱辣辣嘅2️⃣蠔仔肉碎粥 （小）$68好多蠔仔 佢哋用大地魚煮 放上枱已經聞到陣陣香味 最佳配搭3️⃣石鍋啫芥蘭$108 拎到埋張枱個鍋仲喺度煲緊 係好滾 有少少鹹香味 個芥蘭好脆口 呢個送飯好啱4️⃣$8嘅滷水雜錦拼盤 有魷魚 生腸 牙菜 豬頭肉 腩片 紅腸 豬大腸 好豐富嘅條配搭 夾埋啲滷水汁飲品 我哋叫埋可樂 今晚大滿足

今晚去了旺角食潮州菜，這一間潮州菜館原來有不少朋友都幫襯過因為這間潮州菜館相對收得比較夜。所以唔怕冇嘢食。而這裏環境非常之寬敞雖然我們來的時候,已經是大約10點仍然非常之多人。座無虛席。 今日嚟到就是這幾味餸。孖寶 A客家黃酒雞煲及潮式凍馬友$360黃油雞煲，非常之嫩滑，有鮮味！而那個湯底是由客家黃酒煮裏面有紅棗薑其他藥材配料，分量十足！ 所以我已經飲了四五碗以上。飲後非常之暖身。而這個動潮式凍馬友魚肉非常之、有魚味，是原條上。豉椒炒花蛤$148這個炒蜆非常入味雖然蜆不是大大隻那一種但是甜味十足。$300以上送韭菜豬紅或滷水雙拼我們選擇了韭菜豬紅， 豬紅肉質非常爽口，韭菜非常嫩身！埋單都只係$600，非常之抵食！

香港地道大排檔已經越嚟越少，今日喺旺角搵到《明記》，鄰近朗豪坊交通便利。店內環境港式味道濃厚，滷水檔，海鮮檔，有部分係卡位，坐得舒服。孖寶F特色滷水豬手配涼瓜炆龍躉頭腩煲~先嚟鹵水豬手，好大碟，啖啖肉，賣相相當吸引，味道唔錯，夠入味， 食肉朋友加啤酒一流。涼瓜炆龍躉頭腩煲上菜，熱辣辣，香噴噴，涼瓜炆得夠淋，龍躉頭腩也做得好出色，油爆後加入涼瓜豉椒炆，非常惹味。滿$300加八蚊有個鹵水雜錦拼盤~呢個真係超級抵食，材料豐富大大碟，鵝腸、腩肉、豬大腸、墨魚、豬耳等等， 肥美又爽口，正啊！特大MUG得意熊仔冰凍檸茶(1 L)，好開心！下次多啲人嚟可以叫多啲，潮式凍烏頭、蠔仔餅、大眼雞、滷水鵝......

今天和友人行經旺角，偶然行到180商場有職員在入口處推介美食；便隨意跟搭扶手電梯上三樓，見到食客都唔少。食肆地方濶落應打通全層，座位寬敞；裝修地道有大排擋感覺。食物選擇多完化有新鮮游水海鮮、廣東或潮州滷水菜色、傳統打冷小菜一應俱全。坐下後隨即有位推廣大使為我們送上一瓶免費啤酒。來自新疆製造的烏蘇啤啤酒，入口清純 凍冰冰容易入口。蠔仔粥  (小)  $80蠔仔一粒粒很飽滿，鮮甜美味；我們各自食左兩碗。錦江帶子海皇豆腐煲  $198份量頗大，相當足料。有帶子、蝦、鮮魷、冬菇、豆腐和西蘭花，味道唔錯；用煲仔盛載可保持食物熱度。醬爆京蔥牛肉   $128京蔥爆得香口，牛肉淋滑如食和牛；加入醬料非常惹味。韭菜豬紅  $8服務員温馨提示因食肆六週年優惠-若消費滿$300便可以$8換購韭菜豬紅或滷水雜錦拼盤。心想幾元便可多一樣菜便揀選豬紅啦！豈料份量極多嚇了我們一跳，豬紅口感夠滑而韭菜好嫩冇渣煮得入味。烏蘇牌啤酒   免費來自新疆製造的烏蘇啤啤酒，入口清純凍冰冰容易入口。

好耐無食潮州嘢 諗起朋友之前介紹過呢間明記潮館 我都特登嚟試下😋朋友極力介紹菜式選擇多之餘 味道仲好唔錯 而且地點好方便 旺角站E出口行過去都唔使5分鐘 好就腳呢度地方都幾大幾寬敞 潮州菜館來講真係算坐得好舒服👍🏻望一望餐牌果然好多選擇 我哋兩個人食得唔多 所以精選咗幾款嚟試下▪️滷水雙拼食潮州嘢 滷水一定唔少得😌平時食滷水鵝多 今次特登嗌雙拼試吓其他 揀咗五花腩同紅腸 一樣係咁好味 五花腩好入味 肥瘦均勻 肉質夠軟稔🐷而紅腸係我由細到大都好鐘意食嘅 份量勁多 另外仲有墨魚/大腸/鵝腸等可以揀 仲再以叫三拼㗎▫️黃金鮮魷又係至愛嘅鹹蛋黃 絕對起沙顏色夠晒金黃 味道調得啱啱好 濃郁得嚟唔油膩 魷魚都好爽口🦑食唔停口▪️沙嗲牛肉炒芥蘭牛肉好鮮嫩 十分欣賞個沙嗲汁 食落滲出少少辣 好惹味😋(唔食得辣都唔怕㗎 因為係惹味嗰種辣) 連芥蘭都好新鮮 莖粗大 葉夠嫩▫️韭菜豬紅要大大聲推介📣店員介紹我哋 滿$300可以+$8換一碗韭菜豬紅 我哋心諗幾蚊啫 叫嚟過下癮囉 點知一送到嚟真係嘩出聲😱好大碗啊 而且好有質素 豬紅爽滑 韭菜索晒滷水汁 兩者真係絕配兩個人由三個餸變做四個餸 最後食到勁飽😆而且呢度每碟餸

今日去旺角食潮州菜，明記潮館，餐廳位於旺角中心地帶，鄰近地鐵站及巴士站，位置十分方便。我哋一向都好鐘情潮州菜，無論滷水菜式，定係海鮮小炒，都非常合口味。餐廳座位非常舒適，地方夠大，好在早少少到，餐廳接近滿座。一坐低，餐廳就奉上餐前小吃，還有潮式辣醬。-滷水鵝片潮州菜館必點的餸菜，滷水汁處理出色，豐富有層次的味道，但不會太鹹，鵝片不太肥，經過滷水汁一同烹調之後， 非常入味，口感一流。-潮式蠔仔餅令人有驚喜的菜式，蠔仔份量多，每一口都有肥美的蠔仔，蠔仔餅炸得鬆脆，最特別之處，加了大量芫荽一起炸，芫荽特有的味道澎湃地散發出來。喜歡芫荽的你，絕對不能錯過。-滷水雜錦拼盤抵食之選，餐廳邁向六周年優惠，凡惠顧$300 ，只需用優惠價$00 ，就可以換取一份豐富的滷水雜錦拼盤。滷水拼盤材料豐富，包括有，墨魚，豬腸，鵝腸，紅腸，豬耳，五花腩肉及大豆芽菜。本身都喜歡食內臟給腸類，尤其豬腸及鵝腸，口感煙韌，大豆芽菜吸收滷水汁號，更加可口。-馬拉盞通菜炒鮮魷鮮魷夠新鮮，爽口彈牙，通菜處理得恰到好處，不會過熟過老，加上靈魂材料馬拉盞，令到通菜味道更加昇華。-評分 : 7/10

這次已經是第3次幫襯了。每次幫襯的原因都是因為這家飯店地點位置方便，適合一大班朋友一齊來到這間酒樓相聚。這飯店的菜式也不算特別，但勝在有潮式美食，加上嘆嘆啤酒，而且價錢也不算太貴。今次我們吃了蟹，炸蠔餅，滷水拼盤等等小菜我們每次都是一大班人一起到來，這裏感覺非常舒適，但略嫌座位空間不夠寬闊，而且空調不夠，每次都是邊吃邊汗流浹背，這點需要改善一下。整體上評分OK，喜歡打冷兼飲啤酒的朋友，推介這飯店。

傳統嘅潮州菜館買少見少，朋友帶路今晚去咗旺角「明記潮館」，一般中菜和潮州打冷嘅菜式一應俱全。地方都幾闊落，有一種室內大排檔feel。另一邊有大魚缸，同時供應生猛海鮮👍🏻餐廳有茶芥，炸花生夠香脆，鹹酸菜好爽甜，唔會太酸或咸。餐牌選擇好多，唔少廣東手工名菜都有，最吸引嘅當然係各款抵食孖寶😍亦有一系列抵食孖寶😍豉汁蒸大白鱔配金牌滷水鵝 （優惠價$368）金牌滷水鵝件件都好四正，鵝肉夠嫩仲有近脾位置啖啖肉。滷水味道正宗芳香又唔會好鹹，鵝肉下面仲鋪有豆腐和花生，但唔影響鵝肉份量㗎~👍🏻豉汁蒸白鱔同樣新鮮😋雖然條鱔就唔算粗，不過肉質彈牙結實，肥美夠鮮。蒜蓉豉汁當然都係精粹，好惹味，同時令白鱔更加鮮味！推廣優惠消費滿$300可以加$8送其中一款。好耐冇食過韭菜豬紅😍咁一於就點這款估唔到係咁大碗豬紅！份量好多，這個秘製醬汁有沙嗲味，微微辣，相當惹味，而且完全入晒豬紅裏面，個底仲有極多韭菜～非常豐富！

今天約了男朋友去街，由於旺角乘車方便，所以就到旺角完成晚餐。餐廳位於創興廣場側邊的砵蘭180+商場三樓，扶手電梯上３層即可，光顧的客人也不少裝修風格與中菜廳相近，座位寛敞，坐得舒服，看到很大嘅魚缸入面生猛嘅各種海鮮游來游去非常想吃，可惜男朋友不特別愛海鮮，而且只有兩個人，唯有下次叫多啲朋友再試滷水鵝件滷水汁香味濃郁，不會過鹹，肉質細嫩，不會柴口，而且份量十足，例牌都很多春菜腩肉春菜淋甜，腩肉炆得軟燸入口即浴，肥而不膩，花生炆雞腳雞腳夠淋又不會煮過頭，非常花功夫，滿滿骨膠原，花生夠大粒本來叫了三個菜已經十分足夠，點知侍應叔叔說現在有優惠惠顧滿$300以上便可以優惠價$8 加購滷水拼盆或韭菜豬紅, 我們當然不可以錯過啦！韭菜豬紅豬紅非常入味，韭菜夠新鮮且無渣

麻甩系的我最愛打冷大排檔！最近跟友人談起以往經常到荃灣宵夜，原來它在旺角有一旗艦店，決定下班後看看跟老店有什麼分別大門位置貼上很多明星跟老闆及員工們的合照，看來這裏是明星飯堂餐廳環境新潮，有傳統打冷小菜，亦有新鮮游水海鮮內有一個海鮮大魚缸，有各式各樣的海鮮，即叫即撈，保証新鮮甫坐下，啤酒推廣大使便為我們送上一瓶來自新疆免費的烏蘇啤酒！味道清新，口感清爽，容易入口店員推介椒鹽瀬尿蝦，上桌時貼心地為我們一開三，方便進食瀨尿蝦的外殼炸得香脆沾滿椒鹽，蝦肉保持鮮甜多汁，香口惹味辣酒煮海花螺辣得惹味，花螺大小適中，肉質爽甜那種又麻又辣又香的滋味，令我直接用湯匙勺起醬汁喝起來來到潮州菜館又怎能錯過金牌滷水鵝片醇厚滷水很入味，鵝肉緊緻有咬口，鵝皮肥美甘香六週年優惠，凡惠顧滿$300可以優惠價$8選購滷水雜錦拼盤拼盤有紅腸、墨魚、豬大腸、豬腩肉、豬耳等，更有大豆芽墊底，用料十足每款食材都有獨特的口感，不管下酒還是下飯都很合適