明記潮館 (砵蘭180+商場)

营业中

休息中

班大男人食晚餐當然首選去「打冷」，旺角的「打冷」店舖不少，於是我提議了於荃灣有分店的明記潮館。餐廳環境對於我們以往的街邊大排檔而言，相當的乾淨企理，而且有水缸飼養新鮮的海鮮，既可保持海鮮的鮮度，亦可供客人親自選擇，確保食得安心，對客人相當貼心。我們的首選是當然是潮式蠔仔餅，蠔仔餅端上桌時，香氣四溢，而且外觀呈金黃色，我先吃了一口，外層酥脆，內裏的粉漿和蠔仔交互融合，而且蠔仔鮮嫩多汁，淡淡鮮味湧出，口感及味道都是一絕。當天適逢是六周年紀念活動，可以用優惠價$8購買一碟的潮州滷味，我們當然不能錯過。雖然是優惠價加購的潮州滷味，但份量絕不欺人，上桌時大大份，足夠4人食用，材料有紅腸、豬大腸、章魚等等，滷得相當入味，岩曬我們的口味。

見咁多好評所以去試下食物味道正常水準唔算一試難忘以佢價錢來講性價比一般話晒酒樓級數對服務無期望過但都唔使差到咁⋯———優惠誤導———真心想提大家 等大家唔好做水魚Poster 寫任何食品滿$300送併盤點滿$300後、侍應阿姐話有得送併盤併盤送上枱後阿姐先話蠔粥唔計要小菜先計阿姐話 叫多個小菜啦 難道蠔粥不是食物嗎？其實一個蠔粥既價錢都同小菜差唔多由於食唔晒又唔想做水魚咁所以就無要個併盤臨走好心提醒阿姐同收銀員海報好誤導人佢地既反應令人無言阿姐：老細話唔俾、我都無計收銀： 幾十蚊野姐、無咪無囉、從來無客同我講呢樣野其實唔係錢問題係誠信有問題感覺上想搵水魚咁先同你講滿$300有野送之後再同你講唔夠錢氹你叫多幾樣野食最後睇返openrice comment先知好多人中過伏———記得check 單———————食飯途中已經將隔離枱張單放左去我地度我地退左前菜錢、侍應又無喺單寫低收銀仲質疑我地有食前菜、但唔想俾錢咁比佢好食既潮洲菜好多唔值得來呢間

今日放工後約咗媽咪去食佢鍾意嘅中菜，揀咗去旺角呢間潮州菜館食潮州菜。入到去好熱鬧，好大個魚檔又有滷水部。蠔仔粥（小）$80蠔仔飽滿，粒粒冇沙，配合其他材料如肉碎菜甫、方魚乾，味道鮮甜。雜果沙拉蝦球 $180蝦球大隻，炸至金黃，外層微脆，內裏肉質爽彈。每隻蝦球均勻沾上雜果沙律，味道香甜但不會膩口。紅燒乳鴿$98乳鴿燒到色澤均勻，油潤，皮脆肉嫩，厚肉。雜錦滷水拼盤消費滿$300就可以加$8就有咁大碟，冇將貨就價，有墨魚，鵝腸，腩肉，紅腸，黃薑豬大腸，大豆芽菜仲有豬耳，超抵食，滷水味道唔會好鹹。總括而言，我哋兩個都食到好滿足，最鍾意就係個蠔仔粥。

食物差，環境差，職員差！😡😡😡寫菜男兇神惡煞，掹推介燉湯，海鮮(潮州菜館食呢D？)我地唔食好似做錯乜咁態度極差! 執枱時發脾氣講粗口，呼渴我地將碗碟推比佢。其實人客有咩必要受佢氣，仲要比錢，真係匪夷所思。呢間食店長此下去都未必做得長。食物水準差，連潮州菜基本水準都冇。枱貼枱背貼背，咁啱隔離枱有幾個頑劣小朋友不停撞我但都死忍，唔想影響其他家庭成員聚餐嘅心情。😔

陪老友去旺角小米睇電器，話附近有間食潮式小菜票不錯，即管試試🫶🏻估唔到未到7點都已經多人，幾熱鬧。一上枱就有花生酸菜小食👍🏻滿300蚊加8蚊有雜拼😍蜜椒一口牛柳粒-薯仔有口感小脆身，先走油再炒，份外好味，牛柳粒入口軟，多汁，2者同蜜糖一起，簡直停唔到口，黑椒帶出香味，絕對係小菜首選😍椒鹽鮮魷-魷魚大片有咬口，質感夠juicy 塘多椒鹽香蒜，外層香脆，炸到金黃色，點小小喼汁鮮味更提昇。加8蚊滷水雜錦拼盤-絕不馬虎，大大碟，有生腸、鵝腸，紅腸，墨魚，腩肉，大豆芽，滷水得好夠味，抵👍🏻大大杯得意熊仔凍檸檬茶-絕對係打卡之選，42蚊一上枱會（嘩）一聲，熊仔係檸檬冰絕不會變淡，味道調校得好好 唔太甜但好有茶味😍🫶🏻正

今晚在旺角晚飯，突然想打冷，就來附近這家明記潮館，一試水準。環境乾淨企理，座位寬敞舒適，侍者服務貼心，比一般的打冷不同，帶太太啤一啤來也不用怕。餐牌選擇多，潮州打冷、各式鹵水、鑊氣小炒任君選擇，亦有多款不同的孖寶，消費滿$300更可加$8要一客滷水雜拼，食物份量亦是重量級。滷水雜拼 (滿$300加$8)先上的是消費滿$300加$8的滷水雜拼，種類繁多，有墨魚、鵝腸、大腸、紅腸、豬腩肉等，份量十足，墊底只有一層薄薄芽菜，滷水味道醇香味美，香腴美芳縈齒頰，配以潮式辣椒油同吃，一流。黃金鮮魷 $160先來一客大排檔吃飯必叫的炸鮮魷，今次選擇了黃金的做法，所謂「黃金」是裹一層薄薄的鹹蛋黃茸下油鍋一炸，頓然色香味都更上一層樓，鮮魷外皮香脆，炸粉厚薄得宜，鹹蛋黃鹹香惹味，而內裡的鮮魷厚肉，爽口彈牙，一咬透發出蛋黃奇香和非凡惹味。沙爹牛肉炒河 $118點了考師傅功架的沙爹牛肉炒河，牛肉份量極多，沙茶醬汁調味精準，香濃但不過膩，細緻品嚐到花生香氣，惹味非常，而河粉用上潮州幼身的粿條，入口淡淡焦香而鑊氣十足，有水準。石鍋啫芥蘭 $108「啫啫」可以說是一個「先聲奪人」的妙菜，未見廬山真面目已被其聲吸引，

近排食神遠離我，幫襯過3~4間好唔掂嘅餐廳! 哩幾間唔掂嘅餐廳都有一個共通點，就係初次幫襯，於是搵D曾經幫襯過嘅餐廳，起碼有經驗無咩伏味!今次又走咗去旺角星際城巿睇吓D二手鏡頭，曾經何時哩個商場無咩商店，唔知幾時突然間變成一個二手相機同鏡頭店舖集中地.女友小熊睇到無引嗌肚餓，最近星際而幫襯過無伏味，又坐得舒服嘅餐廳應該係明記潮館，於是望多兩眼鏡頭就過去幫襯.點咗墨魚併鵝腸，沙嗲牛肉炒芥蘭，金磚豆腐.服務員提醒，消費滿300蚊，加8蚊就有滷水雜錦併盤或韮菜豬紅二選一，自從學習玄學術數之後，已經唔食什麼豬紅鴨血，所以只可以揀滷水併盤.原以為8蚊雞嘅貨色係小菜一碟，點知嚇一跳，係正常份量! 有豬耳五花腩豬大腸墨魚紅腸，無偷工減料之餘當然好抵食啦! 從不喜歡點辣椒油因不吃辣，但潮州菜D辣椒油係例外，唔會太辣之餘，辣度啱啱到喉嚨又有濃郁蒜香，任何一款滷水小菜一點潮州辣椒油即時增加惹味，結果要求侍應妹妹俾多一碟.沙嗲牛肉炒芥蘭牛肉鬆軟嫩滑無奇怪肉鬆粉味，而且牛肉足料唔係D薄依依肉片，芥蘭用上更嫩口嘅芥蘭苗，而自己去街市都中意選購D菜苗品種，所以哩碟小菜夾自己口味.金磚豆腐以為係D細細粒豆腐，上枱時

今晚同小妹媽撐枱腳因為前排傾開計佢話好似好耐無去打冷我梗係識做啦🤓小馬推咗呢間位置方便又大又光鮮嘅潮州食店比我哋小食 $20/份分別係花生同酸菜孖寶J $368因為小妹媽好鍾意食鱔一見到個餐牌就已經揀咗呢個😆豉汁蒸大白鱔 🙆🏿‍♀️足足有成14嚿份量同價錢都成正比 算唔錯蒸鱔爽脆鮮嫩再加埋豉汁同青蔥點綴值得一試金牌滷水鵝 🙆🏿‍♀️呢樣都大大碟 叫對得住個價錢鵝片都有好幾個部位肉少但鮮嫩嘅背部嫩滑入口即溶嘅髀肉質較紮實但啖啖肉嘅鵝胸而且嚿嚿都鹵得入味佢仲要係豆腐底添呀😋滷水雜錦拼盤 優惠價加$8 🙆🏿‍♀️推！雖然係優惠價咁叫但都絕對唔馬虎出邊有嘅嘢都應有盡有份量都係平時食開嘅size豬腸彈牙有咬口 鵝腸腍而入味仲有爽口墨魚片 半肥瘦腩肉 爽脆豬耳同埋食極都唔厭嘅紅腸滷水味都夠濃 而且唔鹹潮式蠔仔餅 $118 🙆🏿‍♀️大推！即叫即炸熱焫焫上枱除咗有酥脆口感仲加埋蠔仔嘅鮮味🦪點埋魚露就更加突顯鮮味最最最重要係食晒都唔覺得油膩藍妹 $39/支大支裝 打冷必備🍺加分欄⭕️ 環境光猛、乾淨、大✅ 加一服務費✅ 茶水：廳房 $10@；散座 $5@✅ 餐前小食 $20/份✅ 消費滿$300加$8換購滷水雜

繼上次食完陳儀興之後，今次黎到旺角又食潮州打冷—明記潮館！👅位於於位於砵蘭街砵蘭180+廣場3樓，上3樓時會穿過其他餐廳，如果唔係朋友帶我地去食都唔知呢度有打冷🫣去到餐廳，我地四個人total 叫左6個菜，以我地經驗打冷6個菜完全足夠我地食！加埋半打啤酒，一定飽！🍻🤡韭菜豬紅潮州打冷名物，一定要食！😍豬紅十分入味，唔會一夾就散，而且湯又濃味，所以食豬紅一定要連個湯一齊食～🤤🤡椒鹽鮮魷本身想叫椒鹽九肚魚但個日冇，不過鮮魷都唔錯，份量都夠我地每人食三四舊，味道同質感都ok😚🤡石鍋啫芥蘭味道ok，但溫度差啲，見到人地個鍋捧上台仲出曬煙，我地個鍋就….🫠🤡鹵水拼盆好驚喜，唔係講味道，係講份量，因為呢碟係優惠價+1蚊，估唔到都有咁多，好彩落單個陣哥哥有提一提我地！😝🤡蒜蓉粉絲蒸蟶子呢個真係出色！ 蟶子好入味配上濃濃嘅汁，成隻一野擺入口，啖啖蟶子肉，令人想一食再食！😋🤡潮式蠔仔餅蠔餅係打冷必食之一，但估唔到令我地失望😞首先我地幾個都食到雞蛋殼，之後個炸粉好似落得好多，令到成個蠔餅唔鬆脆，變得一pat pat…🥶總結而言，其實呢間打冷普遍上都ok 😳餐廳環境都算乾淨闊落，至於個蠔餅可能係師傅一時失手

今日情人節，早排好想食潮州茶，所以就去左呢間好多好評嘅餐廳食飯。餐廳環境幾大，坐得舒服，我地兩個人叫左好多野食：馬拉盞通菜炒鮮魷呢個菜份量好多，魷魚好彈牙爽口，唔會韌，味道好惹味，但唔會太鹹紅燒乳鴿王紅燒乳鴿炸得好脆口，黎到熱辣辣，入面仲有肉汁，好正！潮式蠔仔餅呢個餅同樣好邪惡，超酥脆！蠔仔餅好足料，有好多蠔，juicy juicy ❤️呢排叫滿300蚊可以加八蚊有一個鹵水雜錦拼盤，真係勁抵，好多款嘅鹵水，有紅腸，墨魚，大腸，鵝腸等。每款好入味，完全唔會因為平而失水準。得意熊仔冰凍檸茶超少女心嘅熊熊呀，成個熊都係涷檸茶嘅冰整出黎嘅。成杯好多杯呀，唔會好甜，超解膩。3

同屋企人出去食飯大多數食粵菜，今次轉一轉口味食潮州嘢，呢一間明記都算出名，上到去基本爆晒棚！入口有少少難搵，沿着電梯上到一樓會經過另一間餐廳，左轉搭電梯再上先到明記🧐基本嘅小炒類、海鮮都應有盡有，不過見好多人都嗌潮州打冷，所以我哋都叫咗一份滷水鵝例牌，估唔到而家仲做緊優惠價加$8就有一份韭菜豬紅，好抵食！滷水鵝大概有¼隻，而且仲好好彩俾咗脾位我哋🥹鵝肉唔肥，連皮都可以一齊食，入口油香豐富，鵝肉結實但唔會韌，滷水汁唔會過鹹，底下仲有豆腐墊底😻以為加$8嘅韭菜豬紅會好細碗，點知係比正常份量更大，豬紅非常嫩滑，不過偏鹹，送啤酒一流，韭菜亦都好爽嫩！差唔多枱枱都有叫🤭另外叫咗個涼瓜炆龍躉頭腩煲，上枱鑊氣十足，熱辣辣，龍躉肉頗多，而且肉質爽脆彈牙，同豆豉汁勁夾！假如唔喜歡食潮州嘢嘅人食普通炒小菜都有質量保證👍🏻3個人$500唔洗性價比好高吖🫶🏻

平時食潮州打冷嘢都唔平，竟然比我搵到一間抵食又好味嘅，真係要推介一下！晚餐有大量孖寶餐選擇，今次揀嘅呢款豉汁蒸大白鱔配金牌滷水鵝，都係三百幾蚊咋，加上而家又邁向六周年優惠，凡惠顧食品滿$300仲可以用優惠價$8選購滷水雜錦拼盤或者韭菜豬紅，打算呢排要去食返夠本😂優惠價$8選購嗰碟滷水雜錦拼盤好快就預備好，而且份量都好多下，加上只有少少墊底嘅大豆芽，主菜好豐富！睇見都興奮🤤仲要有齊墨魚、鵝腸、紅腸、豬耳、滷水豆腐，款式多，仲要好入味，勁正！食潮州嘢，主打梗係食滷水鵝片㗎啦！味道濃郁又唔會Over，而且肉質軟綿綿，加少少皮吃起來更滑口，份量亦都夠兩人開心share喎，唔錯唔錯！豉汁蒸大白鱔即叫即蒸，最鍾意食豆豉白鱔，夠晒地道，送飯一流！大白鱔好新鮮，肉質鮮甜飽滿，魚皮有光澤吃起來煙煙韌韌，而且份量都算多，差唔多有成半條魚👍性價比高。

最喜歡吃潮州菜的鹵水拼盤，點菜時侍應提醒我們只要點餐夠三百元，就可加八元換購，份量大大碟，十分抵食，另外明記潮館其他小菜及湯亦非常不錯。❤️家鄉鹹菜豬肚湯豬肚湯用鍋上，材料十足，除了鹹菜及豬肚外，亦有豬粉腸，分量十足，四至六人分享亦足夠。剛上枱時熱騰騰，鹹菜的鹹香味道與胡椒辣味幾匹配，豬肚及豬腸煮得入味夠腍身，而且處理乾淨，沒有怪味，味道很不錯。❤️黃金鮮魷炸魷魚再用鹹蛋黃炒雖然邪惡但非常 好食，滋味十足。蛋黃醬炒得均勻，能平均佈滿在每一片鮮魷上，魷魚亦炸得出色，外皮仍然帶有脆口口感，內裏質感爽彈，令人忍不住食完一塊又一塊，非常推介。❤️蠔仔粥潮州粥的米粒較為硬身有口感，感覺更似湯飯。蠔仔分量多，粒粒飽滿味道鮮甜，處理得宜沒有異味。另外上面鋪滿香蔥、莞茜及鹹魚片，再灑上少少胡椒粉，更能突出蠔仔粥鮮味。❤️鹵水拼盤用八蚊就可以換購鹵水拼盤實在非常抵食，雖則是換購，但絕不欺場，用料豐富，鹵水小食包羅萬有，包括：墨魚、鵝腸、豬腩肉、芽菜、紅腸，豬耳等，滷水味道不會過鹹，反而帶有少少甜味而且香氣撲鼻，再點上白醋，少少酸辣味刺激味蕾，令味道再增添層次。

香港有好多潮州菜館，發現旺角就有一間好方便好近地鐵站，行幾分鐘就到😋 黃金鮮魷 $160鮮魷份量十足，熱辣辣，脆卜卜。鮮魷新鮮，爽滑彈牙，重點係佢超多鹹蛋黃醬，每塊都沾滿左厚厚嘅醬，入口滋味，濃郁嘅鹹蛋黃醬刺激味蕾，食到最底仲發現有一粒粒嘅真正鹹蛋黃，睇嚟佢係有落真正嘅鹹蛋黃，唔怪得知鹹蛋黃味咁濃郁😋 加$8滷水拼盤食滿$300就可以加$8有一份滷水拼盤，超級抵食，有魷魚，鵝腸，滷水豬腩肉等等，鵝腸真係唔係度度都有😋煎蠔烙 $118蠔餅炸得鬆脆可口，咬落卡卡聲，入邊有滿滿嘅蠔仔肉，啖啖肉，滿足咁up

每逢生日 食好西係必然嘅今次有條粉皮 話想食潮州菜就推薦左呢間所謂嘅潮州菜館 除咗地點方便之外 食物質素就不蓋而論潮州打冷來講 呢間都算出色地差勁真係食唔出有咩特色味道真係中下水平但係個價錢真係中上水平 完全唔符合呢間🈶️咁多like既食評其實我都知好多假嘅打手 但係食物質素一定要做到咁上下先係貨真價實鵝腸🉐️果色澤 冇乜味 豬肚幾好食喎 夠辣夠滋味龍躉肉真係唔得 酒樓好食好多倍豉椒炒蜆真係差勁 我自己炒仲好食過佢服務質素真係冇乜 1️⃣冇同我補過茶水 反感2️⃣收我開瓶費 即是我開VIP房3️⃣生日又如何 照收切餅費4️⃣落單冇人理 5️⃣額外附加費一堆 茶點 小食 餅會 開瓶費 加一下次生日都係去第二度慶祝 唔再信條粉皮推介