明記潮館 (砵蘭180+商場)

营业中

休息中

跟舊同事晚飯, 知道有講不完的舊事,說不盡的近況 , 找了又找, 經朋友介紹終於找到無限時的餐館「明記、潮館」, 起初是因為可以坐耐一點, 對於食物沒什麼要求, 估唔到食品上枱時很有驚喜, 由其韭菜豬紅和龍蝦伊麵到來時已經急不及待吃掉, 忘了拍照, 全部菜式我們食得十分滋味, 價格大眾化, 份量大, 我們4個人由6點半坐到10點, 十分滿足。

好似好耐無食打冷小菜 就諗起之前食過呢間明記潮館😋地方夠大夠寬敞 食物選擇多 仲抵食夾大份 就約埋朋友再嚟擦餐勁嘅🤪兩個人叫咗幾樣野 飽到上心口🙊▪️滷水鵝片打冷一定要食滷水😌呢度嘅鵝片真係大推 夠瘦唔會有多餘肥肉 大大片 滷得夠入味 份量又多 鵝片下仲有滷豆腐▫️菠蘿咕嚕肉第一次喺度食咕嚕肉 比到我驚喜🤩最怕識到啲太多肥肉 完全冇咬口嘅🐷呢度嘅豬肉肥瘦啱啱好 食落有口感 甜酸味適中 菠蘿都好鮮甜🍍▪️韮菜豬紅而家有邁向6周年優惠 任何食品滿$300都可以用優惠價$8換滷水雜錦拼盤或者韮菜豬紅😍超抵 我哋就揀咗韮菜豬紅 咪以為優惠就細細碗 係正常份量勁大碗啊😂除咗面頭所見超過30件豬紅 下面仲有一大推韮菜 而且都係好好味架

琴晚同幾個朋友飯聚，想食潮州菜🤔朋友介紹喺砵蘭街嘅一個美食廣場，門口光鮮，上到2樓就係呢間潮州菜館，入到去十分熱鬧，walk in 大概等咗15分鐘，但之後坐落無限時，好適合慢慢食慢慢傾🤣環境寬敞，座位都好舒適。我哋叫咗石鍋啫生菜、鹽香雞、龍躉炒蜜糖豆。店員好好，佢會提醒我哋原來消費滿$300可以加$8換購滷水雜錦拼盤或者韭菜豬紅，我哋就揀咗滷水雜錦拼盤☺️雖然只係加$8，但係佢嘅水準都唔錯，正常份量，而且算好足料，有齊豬耳 五花腩 豬大腸 墨魚 紅腸 等等🤓我自己最鍾意就係石鍋啫生菜煲！真係好有鑊氣，勁惹味🤤

下午經openrice訂座晚上8:30。好熱鬧的餐廳，差不多全場滿座，不知道是否因為假期前夕！餐廳樓頂算高，但仍好嘈，可能因為大多數是大枱，距離遠，講野會大聲D。之前睇食評見到滿$300可加$8換鹵水拼盆，換購來說份量足，但我覺得不夠入味。薑蔥炒蟹炒得幾香，但隻蟹不大，肉不多，不過$288性比價也OK。荔枝骨幾甜，肉也淋，大約有十件，好抵食。炒麵線炒得好香，味道剛好，不會太咸，也不會太淡，有蝦和魷魚，好足料。椒鹽白飯魚粉較厚，不太吃到魚味，但超香口，凍了仍脆，我喜歡。好大杯檸檬茶，熊仔也是甜的檸檬茶。新鮮蝦$25兩，蝦味不太鮮甜，但蒜蓉蒸好香口。整體食物質量好唔錯。環境適合大伙人。但女廁極污穢，水塘似的，不論廁格內外都一地水，但我真不知道係唔係水，好可怕。服務也不錯。餐廳位置有點難找，要從另一餐廳再上一層。

在砵蘭街的一個美食廣場集中地，門口站立著知客招呼途人，原來有一間潮州菜館，在香港想吃潮州菜館又要坐得舒適簡直是不容易，於是懷著期待的心情走上去。驚嘆這間潮州菜館環境寬敞，座位也很舒適。要套餐定散叫？有十多款主打的潮州菜組成的孖寶套餐，價錢由300~400幾不等，二話不說覺得好抵已經點左一個孖寶J，$368-豉汁蒸大白鳝配金牌滷水鵝 大大碟的滷水鵝，一件件排列得很整齊很飽滿，滷水的香氣飄泊四溢，而且鹅肉充分吸收了滷水汁的味道，非常入味，底下亦有滷水豆腐墊底，好味 豉汁蒸大白鱔也很大碟片片厚而肥大的白鱔，鱔肉爽脆又啖啖肉，伴豉汁佐飯一流吃潮州菜又豈可不吃煎蠔餅？再散叫鵝左一份煎蠔餅，超大塊的，三至四個人也夠吃。筷子一夾下去索索聲十分香脆，裡面的蠔仔也夠多，亦有很多蔥粒，一啖咬下去只覺得蛋漿粉衣很薄，味道咸咸香香的，不用點其他醬料也很好味。 十分喜出望外的是這的大優惠，滿$300就能以優惠價$8追加滷水雜錦拼盤或韮菜豬紅一份，我們要了一份滷水雜錦拼盤，又是很大碟的一份美食，$8也提供正常份量的食物，超級給力。 拼盤至少有5種食物，分別有紅腸，  墨魚片，豬耳，豬腸及最喜愛的鹅腸。相信這裡的

有朋自遠方來，不亦樂乎。小編朋友好耐無返香港想打個冷，即刻約齊一大班人random pick 左旺角一間潮州餐館。 佢地非常之犀利，因為一點完藥勁快上到菜，碟碟都㷫辣辣，上菜速度真係好犀利加分加分！【 豉椒炒花蛤 】$148豉椒非常入味，花蛤勁乾淨無食到沙，不過有5隻唔開口有點可惜。【椒鹽鮮魷 】$148鮮魷非常陣牙，食到Lam Lam 脷。【 枝竹蒜子火腩火豆腐煲 】$118男人既浪漫😂 枝竹阿入味，火腩夠肥好香口🔥【紅燒乳鴿 】$98略嫌皮唔夠脆，無咩特別。【潮式蠔仔餅 】$118都係唔夠脆，偏淋身，但個味又約好咁打和啦。😂【 滷水雜錦拼盤 】$8換購呢個抵呀！叫滿$300就可以用$8換購到啦！仲要好足料！大家記得要叫啦！🤤

班大男人食晚餐當然首選去「打冷」，旺角的「打冷」店舖不少，於是我提議了於荃灣有分店的明記潮館。餐廳環境對於我們以往的街邊大排檔而言，相當的乾淨企理，而且有水缸飼養新鮮的海鮮，既可保持海鮮的鮮度，亦可供客人親自選擇，確保食得安心，對客人相當貼心。我們的首選是當然是潮式蠔仔餅，蠔仔餅端上桌時，香氣四溢，而且外觀呈金黃色，我先吃了一口，外層酥脆，內裏的粉漿和蠔仔交互融合，而且蠔仔鮮嫩多汁，淡淡鮮味湧出，口感及味道都是一絕。當天適逢是六周年紀念活動，可以用優惠價$8購買一碟的潮州滷味，我們當然不能錯過。雖然是優惠價加購的潮州滷味，但份量絕不欺人，上桌時大大份，足夠4人食用，材料有紅腸、豬大腸、章魚等等，滷得相當入味，岩曬我們的口味。

見咁多好評所以去試下食物味道正常水準唔算一試難忘以佢價錢來講性價比一般話晒酒樓級數對服務無期望過但都唔使差到咁⋯———優惠誤導———真心想提大家 等大家唔好做水魚Poster 寫任何食品滿$300送併盤點滿$300後、侍應阿姐話有得送併盤併盤送上枱後阿姐先話蠔粥唔計要小菜先計阿姐話 叫多個小菜啦 難道蠔粥不是食物嗎？其實一個蠔粥既價錢都同小菜差唔多由於食唔晒又唔想做水魚咁所以就無要個併盤臨走好心提醒阿姐同收銀員海報好誤導人佢地既反應令人無言阿姐：老細話唔俾、我都無計收銀： 幾十蚊野姐、無咪無囉、從來無客同我講呢樣野其實唔係錢問題係誠信有問題感覺上想搵水魚咁先同你講滿$300有野送之後再同你講唔夠錢氹你叫多幾樣野食最後睇返openrice comment先知好多人中過伏———記得check 單———————食飯途中已經將隔離枱張單放左去我地度我地退左前菜錢、侍應又無喺單寫低收銀仲質疑我地有食前菜、但唔想俾錢咁比佢好食既潮洲菜好多唔值得來呢間

今日放工後約咗媽咪去食佢鍾意嘅中菜，揀咗去旺角呢間潮州菜館食潮州菜。入到去好熱鬧，好大個魚檔又有滷水部。蠔仔粥（小）$80蠔仔飽滿，粒粒冇沙，配合其他材料如肉碎菜甫、方魚乾，味道鮮甜。雜果沙拉蝦球 $180蝦球大隻，炸至金黃，外層微脆，內裏肉質爽彈。每隻蝦球均勻沾上雜果沙律，味道香甜但不會膩口。紅燒乳鴿$98乳鴿燒到色澤均勻，油潤，皮脆肉嫩，厚肉。雜錦滷水拼盤消費滿$300就可以加$8就有咁大碟，冇將貨就價，有墨魚，鵝腸，腩肉，紅腸，黃薑豬大腸，大豆芽菜仲有豬耳，超抵食，滷水味道唔會好鹹。總括而言，我哋兩個都食到好滿足，最鍾意就係個蠔仔粥。

食物差，環境差，職員差！😡😡😡寫菜男兇神惡煞，掹推介燉湯，海鮮(潮州菜館食呢D？)我地唔食好似做錯乜咁態度極差! 執枱時發脾氣講粗口，呼渴我地將碗碟推比佢。其實人客有咩必要受佢氣，仲要比錢，真係匪夷所思。呢間食店長此下去都未必做得長。食物水準差，連潮州菜基本水準都冇。枱貼枱背貼背，咁啱隔離枱有幾個頑劣小朋友不停撞我但都死忍，唔想影響其他家庭成員聚餐嘅心情。😔

陪老友去旺角小米睇電器，話附近有間食潮式小菜票不錯，即管試試🫶🏻估唔到未到7點都已經多人，幾熱鬧。一上枱就有花生酸菜小食👍🏻滿300蚊加8蚊有雜拼😍蜜椒一口牛柳粒-薯仔有口感小脆身，先走油再炒，份外好味，牛柳粒入口軟，多汁，2者同蜜糖一起，簡直停唔到口，黑椒帶出香味，絕對係小菜首選😍椒鹽鮮魷-魷魚大片有咬口，質感夠juicy 塘多椒鹽香蒜，外層香脆，炸到金黃色，點小小喼汁鮮味更提昇。加8蚊滷水雜錦拼盤-絕不馬虎，大大碟，有生腸、鵝腸，紅腸，墨魚，腩肉，大豆芽，滷水得好夠味，抵👍🏻大大杯得意熊仔凍檸檬茶-絕對係打卡之選，42蚊一上枱會（嘩）一聲，熊仔係檸檬冰絕不會變淡，味道調校得好好 唔太甜但好有茶味😍🫶🏻正

今晚在旺角晚飯，突然想打冷，就來附近這家明記潮館，一試水準。環境乾淨企理，座位寬敞舒適，侍者服務貼心，比一般的打冷不同，帶太太啤一啤來也不用怕。餐牌選擇多，潮州打冷、各式鹵水、鑊氣小炒任君選擇，亦有多款不同的孖寶，消費滿$300更可加$8要一客滷水雜拼，食物份量亦是重量級。滷水雜拼 (滿$300加$8)先上的是消費滿$300加$8的滷水雜拼，種類繁多，有墨魚、鵝腸、大腸、紅腸、豬腩肉等，份量十足，墊底只有一層薄薄芽菜，滷水味道醇香味美，香腴美芳縈齒頰，配以潮式辣椒油同吃，一流。黃金鮮魷 $160先來一客大排檔吃飯必叫的炸鮮魷，今次選擇了黃金的做法，所謂「黃金」是裹一層薄薄的鹹蛋黃茸下油鍋一炸，頓然色香味都更上一層樓，鮮魷外皮香脆，炸粉厚薄得宜，鹹蛋黃鹹香惹味，而內裡的鮮魷厚肉，爽口彈牙，一咬透發出蛋黃奇香和非凡惹味。沙爹牛肉炒河 $118點了考師傅功架的沙爹牛肉炒河，牛肉份量極多，沙茶醬汁調味精準，香濃但不過膩，細緻品嚐到花生香氣，惹味非常，而河粉用上潮州幼身的粿條，入口淡淡焦香而鑊氣十足，有水準。石鍋啫芥蘭 $108「啫啫」可以說是一個「先聲奪人」的妙菜，未見廬山真面目已被其聲吸引，

近排食神遠離我，幫襯過3~4間好唔掂嘅餐廳! 哩幾間唔掂嘅餐廳都有一個共通點，就係初次幫襯，於是搵D曾經幫襯過嘅餐廳，起碼有經驗無咩伏味!今次又走咗去旺角星際城巿睇吓D二手鏡頭，曾經何時哩個商場無咩商店，唔知幾時突然間變成一個二手相機同鏡頭店舖集中地.女友小熊睇到無引嗌肚餓，最近星際而幫襯過無伏味，又坐得舒服嘅餐廳應該係明記潮館，於是望多兩眼鏡頭就過去幫襯.點咗墨魚併鵝腸，沙嗲牛肉炒芥蘭，金磚豆腐.服務員提醒，消費滿300蚊，加8蚊就有滷水雜錦併盤或韮菜豬紅二選一，自從學習玄學術數之後，已經唔食什麼豬紅鴨血，所以只可以揀滷水併盤.原以為8蚊雞嘅貨色係小菜一碟，點知嚇一跳，係正常份量! 有豬耳五花腩豬大腸墨魚紅腸，無偷工減料之餘當然好抵食啦! 從不喜歡點辣椒油因不吃辣，但潮州菜D辣椒油係例外，唔會太辣之餘，辣度啱啱到喉嚨又有濃郁蒜香，任何一款滷水小菜一點潮州辣椒油即時增加惹味，結果要求侍應妹妹俾多一碟.沙嗲牛肉炒芥蘭牛肉鬆軟嫩滑無奇怪肉鬆粉味，而且牛肉足料唔係D薄依依肉片，芥蘭用上更嫩口嘅芥蘭苗，而自己去街市都中意選購D菜苗品種，所以哩碟小菜夾自己口味.金磚豆腐以為係D細細粒豆腐，上枱時

今晚同小妹媽撐枱腳因為前排傾開計佢話好似好耐無去打冷我梗係識做啦🤓小馬推咗呢間位置方便又大又光鮮嘅潮州食店比我哋小食 $20/份分別係花生同酸菜孖寶J $368因為小妹媽好鍾意食鱔一見到個餐牌就已經揀咗呢個😆豉汁蒸大白鱔 🙆🏿‍♀️足足有成14嚿份量同價錢都成正比 算唔錯蒸鱔爽脆鮮嫩再加埋豉汁同青蔥點綴值得一試金牌滷水鵝 🙆🏿‍♀️呢樣都大大碟 叫對得住個價錢鵝片都有好幾個部位肉少但鮮嫩嘅背部嫩滑入口即溶嘅髀肉質較紮實但啖啖肉嘅鵝胸而且嚿嚿都鹵得入味佢仲要係豆腐底添呀😋滷水雜錦拼盤 優惠價加$8 🙆🏿‍♀️推！雖然係優惠價咁叫但都絕對唔馬虎出邊有嘅嘢都應有盡有份量都係平時食開嘅size豬腸彈牙有咬口 鵝腸腍而入味仲有爽口墨魚片 半肥瘦腩肉 爽脆豬耳同埋食極都唔厭嘅紅腸滷水味都夠濃 而且唔鹹潮式蠔仔餅 $118 🙆🏿‍♀️大推！即叫即炸熱焫焫上枱除咗有酥脆口感仲加埋蠔仔嘅鮮味🦪點埋魚露就更加突顯鮮味最最最重要係食晒都唔覺得油膩藍妹 $39/支大支裝 打冷必備🍺加分欄⭕️ 環境光猛、乾淨、大✅ 加一服務費✅ 茶水：廳房 $10@；散座 $5@✅ 餐前小食 $20/份✅ 消費滿$300加$8換購滷水雜

繼上次食完陳儀興之後，今次黎到旺角又食潮州打冷—明記潮館！👅位於於位於砵蘭街砵蘭180+廣場3樓，上3樓時會穿過其他餐廳，如果唔係朋友帶我地去食都唔知呢度有打冷🫣去到餐廳，我地四個人total 叫左6個菜，以我地經驗打冷6個菜完全足夠我地食！加埋半打啤酒，一定飽！🍻🤡韭菜豬紅潮州打冷名物，一定要食！😍豬紅十分入味，唔會一夾就散，而且湯又濃味，所以食豬紅一定要連個湯一齊食～🤤🤡椒鹽鮮魷本身想叫椒鹽九肚魚但個日冇，不過鮮魷都唔錯，份量都夠我地每人食三四舊，味道同質感都ok😚🤡石鍋啫芥蘭味道ok，但溫度差啲，見到人地個鍋捧上台仲出曬煙，我地個鍋就….🫠🤡鹵水拼盆好驚喜，唔係講味道，係講份量，因為呢碟係優惠價+1蚊，估唔到都有咁多，好彩落單個陣哥哥有提一提我地！😝🤡蒜蓉粉絲蒸蟶子呢個真係出色！ 蟶子好入味配上濃濃嘅汁，成隻一野擺入口，啖啖蟶子肉，令人想一食再食！😋🤡潮式蠔仔餅蠔餅係打冷必食之一，但估唔到令我地失望😞首先我地幾個都食到雞蛋殼，之後個炸粉好似落得好多，令到成個蠔餅唔鬆脆，變得一pat pat…🥶總結而言，其實呢間打冷普遍上都ok 😳餐廳環境都算乾淨闊落，至於個蠔餅可能係師傅一時失手