明記潮館 (砵蘭180+商場)

营业中

休息中

今日放工後約咗媽咪去食佢鍾意嘅中菜，揀咗去旺角呢間潮州菜館食潮州菜。入到去好熱鬧，好大個魚檔又有滷水部。蠔仔粥（小）$80蠔仔飽滿，粒粒冇沙，配合其他材料如肉碎菜甫、方魚乾，味道鮮甜。雜果沙拉蝦球 $180蝦球大隻，炸至金黃，外層微脆，內裏肉質爽彈。每隻蝦球均勻沾上雜果沙律，味道香甜但不會膩口。紅燒乳鴿$98乳鴿燒到色澤均勻，油潤，皮脆肉嫩，厚肉。雜錦滷水拼盤消費滿$300就可以加$8就有咁大碟，冇將貨就價，有墨魚，鵝腸，腩肉，紅腸，黃薑豬大腸，大豆芽菜仲有豬耳，超抵食，滷水味道唔會好鹹。總括而言，我哋兩個都食到好滿足，最鍾意就係個蠔仔粥。