日本野 (已結業)

今日同自己屋企人食飯，放假出街搵間好既食，咁岩見到呢間日本野新開，評語又唔錯，就決定過來試下，都幾有驚喜，下次都想黎食下~佢食物選擇都好多，晚餐、散叫、刺身壽司、以至定食石燒壽喜燒都有，一定揀到岩食既野。咁我地叫左個靚靚刺身拼盤，兩個晚餐同追加左啲小食一齊食極上七品刺身既質素好好，刺身新鮮，每塊都切得好厚啖啖肉，質素好過其他日本餐廳，性價比幾高，多人既要試下呢個石燒吉列霜降牛小排牛小排配上日本米飯，糖心蛋，牛小排肉質色澤鮮潤，一望就覺質素good，吉列脆口，肉鮮嫩多汁，我自己燒十幾秒就食，入埋仲有少少紅入口好正，或者你鍾意熟啲可以燒耐d，配上日本米，好滿足柚子雞翼又係值得一加，炸粉適中，配上酸酸甜甜嘅柚子醬，非常夾，差d想再叫多碟😂追加小食好多都想試，價錢幾扺又好食，大家值得加下食得落既話😂而鰻魚炒飯配上木魚乾，炒飯粒粒分明，加上鰻魚汁同好多既鰻魚，味道一流4個人食野既款式可以揀多d，但仲有d想食既今次未試到，下次再黎食~平均一個人都係200幾蚊，唔錯！支持新餐廳，加油！希望下次食都咁好味！

今晚食乜東東🐽仔話食日本野🇯🇵啦。好牙。原來喺銀城廣場上面有間餐廳叫「日本野」。望望menu星期日都有晚餐選擇都幾多。 總有一款岩你❤️水。🐽仔order *D* 溫泉🥚和風🔥牛肉丼～牛肉甜甜地。份量多又唔鞋口。晚餐仲包埋🥣/🥗。仲有飲品。甘嘅價值甘嘅質素。絕對飲🉐️杯落。極上七品刺身～刺身厚🔪肥美。尤其三文魚腩相當肥美。大🈵️足。芝士煎餃子🥟Wow..芝士控like爆為食妹鍾意食香口嘢。如果煎燶小小。甘就100分啦

今晚突然想食日本野，諗起呢間一路想試，黎到唔算太多人，好快就有位。餐廳內明亮舒服，坐位與坐位有足夠既距離岩晒我想慢慢食慢慢傾😆坐低睇睇Menu，Menu清晰，唔係好大本要揭黎揭去搵自己想食既野。👍🏻佢餐點種類既數量唔算好多，但每樣睇落都幾吸引。最後我地揀左個和牛壽喜燒dinner set，加半份鰻魚芝士玉子燒，另外再叫左三款壽司同雪葩。最先上既係半份玉子燒，個shape整得唔錯，四四正正，望得到入面有唔少芝士同鰻魚餡。玉子燒面頭就有蟹籽/飛魚籽，側邊有沙律醬加黑松露醬。一開始見到個黑松露加沙律醬真係有少少莫名其妙，心諗：岩味咩？但沾左黎食又覺得ok wor，幾夾丫，唔錯。因為個玉子燒算juicy但唔算濃味，芝士同鰻魚香得黎都係淡淡地既咸咸甜甜，沾埋個沙律醬就覺得味道足d同好食。😋😋😋跟住壽司我地叫左三文魚籽，炙燒帶子同炙燒三文魚。炙燒三文魚既調味就算濃，個沙律醬同芝士炙燒左之後都好香，加上三文魚半熟既口感，好食。帶子就肉都夠厚，輕輕炙燒左之後有果陣燒烤過既味，都好食。😍至於三文魚籽軍艦就量夠足，三文魚籽既咸香味喺o趙哂成件壽司果陣都仲feel到有。不過可能過左當造既時候，所以唔算好粒粒

天氣轉涼 除咗打邊爐，食燒肉都一樣咁溫暖同飽肚餐廳讓客人自助使用石板自行煎至牛扒心水生熟程度脂肪含量豐富、分佈均勻，又口感柔軟的部位，肉味十足脂肪有霜降效果，嫩滑無筋，燒後油香四射牛油香澎湃，入口即化。鹽燒鯖魚定食 ,含有豐富油脂但卻不膩口的鯖魚，其肉質鮮嫩, 烤熟后皮焦肉嫩香气扑鼻, 連我唔好魚嘅都鍾意食菠蘿雪葩, 用新鮮菠蘿肉製造, 冰涼清甜以冰鎮的菠蘿鮮果作器皿，還未送到嘴邊已嗅到香氣撲鼻的菠蘿香味菠蘿酸酸甜甜很開胃

2019年最後既一個星期日，以一年由年頭黑到落年尾，仲有2日就到2020年啦，當然要去食返餐好既，希望來年會更好。今日去日本野食我地至愛既日本野。餐廳位於銀城廣場9樓，格離行完街就可以直接上去啦。石燒霜降牛小排-亦可追加昆布湯、日本米飯、糖心蛋/溫泉蛋牛小排厚薄適中，油花均勻，先用牛脂塗抹石燒上，然後將牛小排放上石燒燒至自己喜愛既熟成度，牛小排牛味濃郁，肉質軟腍，口感好juicy，一路慢慢燒，一路食，好滋味嚴選五品刺身-刺身有北奇貝、三文魚、甜蝦、八爪魚、油甘魚，刺身新鮮，八爪魚清脆彈牙，油甘魚厚實滑嫩，刺身厚切，口感好滿足海膽（半板）-海膽，肥大肉厚，入口隨即在嘴裡化開，味道濃厚甘甜，鮮味十足芝士煎餃子-芝士超級邪惡，仲有拉絲效果，芝士味濃，配埋餃子食味道又幾夾

我地plan 緊去日本旅行，已經好想即刻飛去日本，要過多幾個月先有得去，唯有去食日本野過下口隱先。餐廳位於銀城廣場9樓，一路行上去已經有夾公仔吸引住，最後都成功上到去9樓食日本野。餐廳裝修以木系色調為主，環境舒服。餐廳晚餐有丼飯、定食，自選丼飯，另外亦有單點，有沙律、小食、大阪燒、串燒、刺身、卷物、石燒牛、主食、飲品、甜品，選擇多元化。我地點左粟米壽司、蟹籽壽司、甜蝦壽司、北寄貝壽司、三文魚壽司、八爪魚壽司飯粒和魚生握得鬆緊度剛剛好，而且飯和醋的比例亦剛好，每一款都各有特式，其中八爪魚壽司口感爽脆，唔會韌到咬唔到，三文魚壽司好肥美火炙芝士三文魚壽司，火炙和牛壽司火炙和牛做得非常出色，和牛接近入口即溶，吃出陣陣油脂香味豚肉大阪燒-好厚身，椰菜比粉漿還要多，每一啖都是椰菜和豚肉，非常足料雜果賓治與別不同，味道好像彩虹糖個隻味，而且不會太甜

邊個話食日本菜一定要食魚生壽司？最近去左旺角食【日本野】，主打石燒牛小排、丼飯、串燒、特色小食等，當然魚生壽司都有啦。位置非常闊落，因爲基本上每一臺都食石燒牛小排，所以地方一定要大少少！石燒霜降牛小排 + 定食：因爲我地唔想食吉列牛小排，所以就單點左石燒霜降牛小排、加$28追加定食，不過就少左杯飲品！牛小排軟嫩、簡單調味都好足夠。自己邊燒邊食，又玩得又食物、得！不過味噌湯鹹左D。鰻魚炒飯定食配沙律：飯炒得夠乾身、調味適中，唔會太鹹、分量都好多，但鰻魚有D腥！追加小食-厚燒鰻魚玉子：非常熱辣辣，甜味厚燒玉子入面加左大量芝士同鰻魚，呢個就唔係太覺得腥。上面加左魚子同木魚，口感唔錯！柚子鷄翼：上面加左黑椒調味，搭配甜甜柚子蜜，好match，不過略嫌炸得過火左D！水信玄餅：其實本身水信玄餅無咩味，係主要搭配黑糖同黃豆粉帶出佢既味！水信玄餅好軟好透明~不過覺得抽風系統麻麻，餐廳裏面持續有D燶味同油烟味，之後全身都會有油烟味。

日本菜又食日本菜～因爲李嘉誠先生關係，黎食飯都有discount! 同姓果然3分親！Menu 有Set /散叫，掙扎了很久到底吃壽喜燒/串燒/壽司 還是魚生飯！最後跟友人都選了魚生飯～自選丼飯自選四款配料$124，某些指定食材要另加錢，價錢已包沙律或麵豉湯及餐飲。點了玉子、帆立貝、海膽 及 溫泉蛋。帆立貝鮮嫩新鮮，味道爽甜。海膽雖然份量不是太多，但味道也不錯，帶有小小回甘味。我們還點了油甘魚、穴子、帆立貝及海膽丼飯。油甘魚顏色白裡透紅，口感較為柔軟細密，入口充滿魚油香氣。穴子size較鰻魚細，味道相似，但比鰻魚香軟，而且油份比較少，健康一點。另外，還追加了厚燒鰻魚玉子 ，玉子火喉剛好，不會過熟。軟綿綿玉子內裏夾著鰻魚，口感豐富！野菜份量ok，有翠玉瓜、冬菇、矮瓜、椰菜等蔬菜，配日式醬汁一起炒，味道微甜，蔬菜新鮮。

喺facebook見到呢間日本嘢嘅廣告新開冇耐 我哋又真係鍾意食日本嘢今晚就約埋朋友上嚟食呢度食物種類都幾多小食更加係好多款式 我哋今晚就揀咗一個壽喜燒烏冬再加咗幾樣小食。壽喜燒烏冬 壽喜燒入邊嘅配料同埋牛肉份量頗多, 牛肉大大塊, 而且望落都好靚仔, 仲有好多嘅椰菜 豆腐, 湯底濃郁又香甜, 加埋一隻日本生雞蛋, 一路滾住嚟食真係超正呀芝士餃子 嚟到先知原來有咁多隻! 好彩我哋都叫我唔多野。餃子鋪滿滿滿嘅芝士醬汁, 一夾起嘅時候原來有拉絲㗎! 有啲似食韓國芝士雞嘅感覺厚燒鰻魚玉子 厚厚嘅玉子, 夾雜住鰻魚碎粒, 再鋪上鰻魚醬汁, 又香又甜, 推介!見好多人都叫佢嘅刺身丼飯, 其實我都好想食不過食唔曬咁多嘢, 下次會一於嚟試下佢嘅刺身飯仲有就係呢度嘅service都唔錯, 其中有一位叔叔店員非常之殷勤, 幫我哋收嘢同上菜都主動又快手, 而且好好禮貌

呢晚同家人食飯，揀咗呢間價格實惠嘅日本餐廳。.石燒霜降牛小排 $148過去一年光顧過五間石燒牛專門店，都唔及呢間出色。牛肉脂肪紋理好靚，食落軟腍多汁，烤至全熟都保持到口感。.雜錦壽司拼盤 $208食材新鮮，尤其係海膽，放咗半餐都唔會散開。.海鮮大阪燒 $98穩陣之選，但冇諗過有超多章魚，好足料。同埋啲鰹魚碎俾得好慷慨！.和牛壽喜燒 $188牛肉同蔬菜好多，個湯底好甜，餸烏冬一流。.燒茄子 $18呢個價錢嚟講好抵，三個人share食都好夠。.厚鰻魚玉子 加配價$38香滑，但份量比較少。.和風柚子雞翼 加配價$58 粉漿係日式炸雞果種，食落好香脆。雞翼醃得幾好，好入味。.梳乎厘班戟配雪糕 $108全餐最期待。賣相唔算好出色，但食落口感夠滑，夠有空氣感，味道亦唔會太甜，一人一件好滿足。店員都好貼心收晒其他嘢，仲主動幫我地分碟仔同匙羹。

今日去左旺角行街，就去左呢間銀城廣場樓上嘅日本野。lunch大約12點去都唔洗等位，我就叫左一個三文魚蟹籽丼，跟餐仲有沙律面豉湯。飯嘅分量相當足夠，魚生亦好大件同新鮮，蟹籽我就用黎撈飯，好特別。而我朋友就叫左個角切魚生丼飯，魚生全部都切開曬做一粒粒，每一啖都可以食到唔同嘅魚生，好正。另外我地仲叫左個石燒牛小排，佢有一塊熱石可以自己調較生熟度，小心唔好燒到過熟，影響牛嘅口感。牛排相當肥美，每一啖咬落去都食到裡面嘅牛香味，而且口感相當軟身，值得一試。另外我亦叫左個三文魚刺身，每一塊都係好厚切，好肥美，一定要試一試。

今日放工無咩做，約埋女朋友去食好西。先去旺角行左一陣街，就再搵野食。見到銀城廣場樓下好多人派傳單，就直接上去電梯大堂睇下有咩餐廳。見到一間餐廳個名好特別，叫做日本野，吾駛問，一定係食日本野😂😂😂佢地設計到坐位好寬敞，空間感不錯👍🏻，重有一間小型客房，好有日本Feel😀我地叫左一個和牛壽喜燒，幾件壽司同埋蟹子沙律，兩個人，岩岩好👍🏻先上菜既係蟹子沙律，蟹子新鮮，加埋沙律醬，好開胃既前菜😍壽司都係好新鮮，推介大家食呢個海胆壽司，好抵食，壽司表面放滿海胆，入口啖啖鮮甜，海胆味充滿著口腔，非常好味👍🏻👍🏻見到咁多海胆，真係流晒口水😂😂最後上既係壽喜燒牛肉鍋，配有白飯一碗。飯加入熱辣辣既湯，再配上剛剛熟既牛肉，一流呀，停吾到口，係咁食😂😂😂最後配多杯檸檬梳打同女朋友Share, 餐飯甜蜜又美味，環境又寧靜，係談心飯聚既好地方👍🏻👍🏻👍🏻如果大家行開旺角，又想食日本野，記得去呢間日本野試下😂😂😂😂

香港人有幾鍾意食日本野，等我證明俾你睇啦😆😆 同唔食刺生嘅朋友去食日本野，叫一盆 #極上七品刺身 俾自己嘆是常識吧！#極上七品刺身有齊晒我鍾意食嘅七種刺生，三文魚、油甘魚、牡丹蝦、活赤貝、帆立貝、海膽、八爪魚！ 當中帆立貝以檸檬拌碟較出眾，帶出帆立貝嘅鮮甜味，而油甘魚好大嚿，食左兩嚿已經有啲飽肚😌#石燒吉列霜降牛小扒定呢個set有麵豉湯、沙律、溏心蛋，吉列牛外脆內軟，放上石板燒幾分鐘就食得，再沾一些燒肉汁提升肉味層次，正👍🏻#炭燒茄子一根茄子去了皮再燒，軟綿綿很多汁，可以沾些醬汁增加味道豐富感。#厚燒鰻魚玉子厚厚嘅玉子中間裹著鰻魚，面頭鋪了些蟹子，夾一口玉子點一點松露，造就出別有一番風味的厚燒玉子。#蟹子壽司朋友玩野，唔食生野但零零捨捨點左蟹子壽司🍣😂😂😂#薄荷特調很喜歡薄荷嘅我當然要叫薄荷特調，千層塔味亦很重，喜愛這配搭👍🏻 另一杯是 #雜果賓治 🤔#焦糖燉蛋極力推薦👍🏻👍🏻👍🏻 厚厚嘅蕉糖，要很大力敲才敲碎，燉蛋密度好高，有點似幕絲，食落很滿足😋#梳乎厘班戟配雪糕即叫即焗，很鬆軟嘅梳乎厘 ，入口即融👄 搽茶雪糕略嫌雪得太硬，咬不開，但綠茶味十分濃🍵餐廳以日式和風設計，坐位大唔逼夾，

生日嗰日同朋友嚟食飯。 點了壽司飯加錢要了兩件赤貝。最後只上了一件赤貝，請店員補上另外一件。他們說已沒有貨，只是廚房忘記將那件赤貝切開兩片。跟朋友商量之後，決定將已落單但未到之食物取消。這時店家用筷子夾走已上枱的赤貝，並丟棄於廚房。 這樣做法實在太令人失望及驚訝。這麼小器的店家以後也不會光顧。

今日同朋友去到位於旺角新開嘅呢間日本野度食日本嘢隔離嘅西餐廳勁多人 但係呢間日本嘢就無人問津就等我嚟試下你啦 因為新開張做緊木桶遊戲 玩中就有禮物嚟食日本嘢點可以唔食刺身 極上七品刺身 有三文魚 油甘魚 巨型八爪魚 帶子 海膽 巨型甜蝦 赤貝 全部都超級新鮮 尤其是巨型八爪魚十分有咬口 海膽鮮甜甘香 甜蝦真係好有甜味柚子雞翼 雞翼上炸粉再拎去炸 外皮脆卜卜入面勁juicy 面頭再淋上甜蜜蜜嘅柚子蜜 酸酸甜甜好開胃 而且一啲都唔吝嗇超級多醬蒲燒鰻魚玉子卷 厚厚嘅蛋味香濃玉子 包住厚切蒲燒鰻魚 鰻魚彈牙新鮮 配搭好夾 最驚喜嘅係有一大篤黑松露沙律醬 好豪呀！照燒燒雞扒飯 雞扒同照燒汁分開上鍾意龍尾灘美完全可以自己控制雞扒嫩滑而且多汁 用嚟送飯一流照燒醬好惹味撈飯都唔錯而且跟餐已經有沙律同埋糖心蛋 超級豐富